Rêxistina Nûçegihanên Bêsînor daxwaz ji karbidestên rejîma Komara Îslamî a Îranê kir ku tepeserkirina wêblognivîsên femînîst û parêzerên mafê jinana rabigire. Bi gotina Nûçegihanên Bêsînor, ji destpêka sala nû a zayînî ve heya niha piraniya çalakên mafê jinan bi cezayê zîndan û

derbeyên qemçiyan hatine mehkûmkirin. Bo mînak Perwîn Erdelan, yek  ji birêveberên  malpera guhartin di rêya wekheviyê bi 2 sal cezayê zîndana hilawîstî hatiye mehkûmkirin.

 Di beşeke din  a daxuyaniya han de hatiye: Rejîma Îranê malperên pêwendîdar bi jinan û çalakên vê warê bi terzeke rêk û pêk dide daxistin û di vê derbarê de îşare bi daxistina malpera “shirzanan”, heftînameya werzişî a jinan, malpera navendên jinên Îranê, guhartin di pêxema wekheviyê, dibistana femînîstî hatiye kirin.

 Li Îranê di sala borî de heta niha bi dehan wêblognivîs hatine girtin, her wiha Îranê di warê azadiya çapemeniyan de li cîhanê di nava 169 welatan de di pileya 166’ê de ye.