Navenda Nûçeyan ya PDK Îranê da zanîn ku roja pêncşem, 08.05.2008’an, şandeke Komeleya Şoreşger a Zehmetkêşên Kurdistana Îranê, seredana binkeya Deftera Siyasî a PDK Îranê kir ku ji aliyê birêz Mistefa Hicrî, Sekreterê Giştî yê PDK Îranê ve hate pêşwazîkirin.

Di hevdîtina han de her du aliyan li ser zirûfa herêm, Îran û Kurdistanê bîr û ra bihev re guhartin. Wan her wiha li ser pirsên pêwendîdar bi opozîsyona Îranê û Kurdistanê û Kongireya Neteweyên Îrana Federal axivîn û li ser nêzkîtirkirina zêdetir a hêzên azadîxwaz û aştîxwaz yên Îranê û Kurdistanê tekez kirin.

 Hêjayî gotinê ye ku şanda mêvan ku pêkhatibû ji Ebdula Muhtedî, Sekreterê vê partiyê, Behmen Eliyar û Necme  Gulperwer, endamên Deftera Siyasî, Mecîd Paşayî, Enwer Mihemedî û Selah Şerîfî, endamên Komîteya Navendî û Elî Cewahirî, endamê Cîgir yê Komîteya Navendî, ji aliyê Mistefa Hicrî, Sekreterê Giştî yê PDK Îranê, Têmûr Mistefayî, endamê Deftera Siyasî, Kawe Behramî, endamê Komîteya Navendî, Omer Xulamelî, endamê Cîgir yê Komîteya Navendî û Şaho Ferazmend, endamê Ravêjkar yê Komîteya Navendî ve hatin pêşwazîkirin.