Kirîza ku zêdetirî hefteyekê ye rastî dewleta Lubnanê hatiye, hindî ku diçe xurttir dibe. Di vê derheqê de, Serok Komarê Amerîkayê Buş beriya ku gera 5 rojî a xwe ji bo Rojhilata Navîn dest pê bike gef ji dewletên Îran û Sûriyê xwar ku dest ji destwerdan di nava kar û barên hundirê Lubnanê berdin. Wî got Civata navneteweyî nahêle ku rejîmên Îran û Sûriyê

Lubnanê bixin bin destê xwe û siyasetên xwe li wir peya bikin.

Buş di hevpeyvînekê de bi beşa Erebî ya BBC’yê re anî ziman ku rejîma Îslamî a Îranê binêşa pirsgirêkên Rojhilata Navîn e û got ev rejîme astengeke mezin li ser rêya aştî û tenahiya herêmê ye. Herwiha Wezîrê Karê Derve yê Erebistana Seûdî Îran li ser kiryarên wê yên maytêkirinê li Lubnanê û piştgirî ji Hizbulahê hişyar kir û ev kiryara Komara Îslamî bi xurtî şermezar kir.

Kirîza vê dawiyê ya Lubnanê demekê dest pê kir ku dewleta vî welatî sêşemiya heftiya borî kanala telefona Hizbulahê rawestand û Wefîq Şekîr, endamê Girûpa Emel û berpirsiyarê balafirgeha Beyrûtê pejirand. Lewra Hesen Nesrula dewleta Lubnanê ev kiryara dewletê wekî îlana şer da zanîn. Di rastî de ev helwesta Hizbulahê tenê hêcetek bû.