Kovara naskirî li ser ziman a “Le Français Dans Le Monde” ya Fransî ku di vî welatî de weşana xwe dike, lîsteyek li ser zimanên cîhanê ên herî bi bandor û dewlemend weşand û Kurdî jî weke ziman di nava vê lîsteyê de cî girt. Li gor lêkolîna kovarê ku di hejmara wê ya 335’an de hate weşandin, Kurdî ligel hemû asteng û qedexekirinan

jî, di nava hezaran zimanan de di rêza 31’an de cî digire.

pîvan û krîterên bingehîn ên kovarê ev in:

Hejmara mirovên ku wî zimanê bikar tînin, rêzdariya wî ya li înternetê, hejmara welatên ku lê zimanê fermî ye, hejmara wergerên ku hatine kirin, Fîlm, muzîk û pirtûkên ku bi vî zimanî hatine çêkirin û weşandin û pirtûkên rêzimanî û xebatên li ser ziman.

Di lîsteya kovarê de hatiye diyarkirin ku Îngilîzî zimanê herî bi bandor ê cîhanê ye.

Di lîsteya kovarê de 10 zimanên herî bi bandor ên cîhanê ev in: 1) Îngilîzî 2)Fransizî 3) Îspanyolî 4) Almanî 5)Japonî 6) Flamanî 7)Erebî 8) Swêdî 9) Îtalyanî 10) Danîmarkî

Balkêş e her çiqas zimanê Kurdî di bin zexta zimanê Turkî û Farisî de ye jî, di lîsteyê de Tirkî di rêza 25’an de û Farisî jî piştî Kurdî di lîsteyê de cih girtiye.