Malpera “Dw-wold”ê, di raporekê de ragihand: “Du dadgehên rejîma Komara Îslamî a Îranê li bajarê Sine biryara pêşîgirtin ji şopandina bikujên Îbrahîm şehîd Lutfulahî der kir.

 Nêzîkê 4 meh û nîvan berî niha, Îbrahîm Lutfulahî, xwendekarê Zanîngeha Peyam Nûr a Sine û alîgirê PDK Îranê, ji aliyê hêzên tepeserker yên rejîma Îslamî a Îranê hate girtin û piştî çend rojan karbidestên ewlekarî yên rejîma Îslamî malbata navhatî agahdar dikin

ku kurê wan xwe kuştiye! Piştre hêzên ewlekarî yên rejîma Îslamî termê Îbrahîm Lutfulafî bê agahdariya malbata wî, di goristana bi navê Biheşta mihemedî a Sine de veşartin.

 Malbata Îbrahîm Lutfulahî, bona xuyakirina nerazîbûna xwe derheq kuştina bi guman ya kurê xwe li dadgehê doz vekirin û bi rêya parêzerên xwe doz dişopandin. Niha serbarê hewlên malbat û parêzerên Lutfulahî, Dozgeriya Giştî û Dadgeha Şoreşa Îslamî a Sine, biryara pêşîgirtin ji bikujên şehîd Îbrahîm Lutfulanî der kiriye.

 Salih Nîkbext, parêzerê malbata Şehîd Îbarhîm Lutfulahî, di hevpeyvîna xwe a tevî malpera“Dw-wold”ê re got: “ Lpirsînerê taya 3 a Serdozgeriya Giştî û Dadgeha Şoreşa Îslamî a Sine sedema dana biryara han divegerînin ser vê çendê ku bijîşkê yasayî gotiye Îbrahîm Lutfulafî, ji rêya xwekujiyê ve canê xwe ji dest daye û lewra tu kes di kuştina navhatî de tawanbar nine!