2009-11-10

Kurdistanmedia: Roja 7ê Çiriya Paşîn a 2009’an, heyeteke PDKÎ bi serperestiya Heseh Şerefî cihgirê sekreterê Giştî yê partiyê serdana binkeya Partiya Demokrata Kurd li Sûriyê (El Partî) kir û ji aliyê şandiyên partiyên Kurd li Sûriyê pêkhatî ji: Mistefa Îbrahîm nûnerê Partiya Demokrata Kurd li Sûriyê (El Partî), Mehmûd Mihemed (Ebo Sabir) nûnerê Partiya Yekîtiya Demokrata Kurd li Sûriyê (Yekîtî), Dr. Mehmûd Erebo nûnerê Partiya Azadiya Kurd li Sûriyê bi germî hat pêşwazîkirin.
Heyeta her çar partiyan di axavtinên xwe de behsa rewşa Kurd bi giştî kirin û herwiha behsa aliyên têkildar yên pirsa Kurd û pêşveçûna bizava rizgarîxwaza gelê Kurd ku bi hêzên siyasî û xebatkar ên her yek ji perçeyên Kurdistanê bi dest hatiye, bi nîşana jordeçûna hesta hişyariya gelê Kurd hat hesibandin û zanebûn û têgihîştina civatên xelkê Kudistanê zaminê serkevtinê hat zanîn û yekdengî û yekhelwêstiya Kurdan ji bo pirsên çarenivîssaz yek ji fakterên din ên bi bandor hat hesibandin.
Hêjayî gotinê ye ku her sê partiyên siyasî yên Kurd li Sûriyê helwêstên siyasî û neteweyî yên PDKÎ wek hertim bi giring zanîn û pêdagirî li ser dostîniya navbera xwe digel PDKÎ de kirin.