Hesen Şerefî

Wergêran/ Hemîd Muxtarî 

Yek ji sebebên herî sereke ên man û berdewambûna her partî û rêxistineke siyasî li doma xebata xwe de, serxwebûna siyasî û biryardana wê partî û saziyê û cihgirbûn û parastina wê pirensîpê ye. Eva jî nahê vê wateyê ku ew partî û saziya xwe di çarçoveyeke teng de ragire û deriyan li ser xwe girê bide û xwe ji her terze pêwendîgirtinek û pêkanîna dostîniyê dûr bigre û bi terzekê xwe rê bixe ku ne tevî tu kesê/î rêk bihê û ne tu kesek bikare tevî wê rêk were. Ji ber ku wê demê serxwebûna siyasî wateya xwe ji dest dide û tu kes û aliyek tune ye ku ev partî yan sazî serxwebûna siyasî û biryardanê a xwe li hember de biparêze. Belkî parastina serxwebûna siyasî û biryardanê wê demê wateya xwe ya rastîn dide û bandorê li ser xurtbûna tekoşîn û jordeçûna pirrestîj û baweriya wê partî yan saziyê  didanê ku bikare di qada siyasî û pêkanîna têkiliyan de û xurtkirina pêwendiyên xwe de warê hewce bona ber bi pêşvebirina tekoşîn û gihîştina bi armancên xwe pêk bîne û cehd û tekoşînan bike, bê ewê ku bona gehîştina bi armanca han û di pêvajoya têkiliyên xwe de rê bide ku kesek an aliyek bandorê li ser siyaseta serxwebûna biryardanê danê.

 Di pêvajoya dîroka wan çend salên borî de, gellek partî û rêxistinên cur bi cur hebûne ku heyamekê jî bandora xwe hebûne, lê bi sebebê vê ku stûxwarê welat û desthilatê bûne, yan jî ketin bo bin bandora partî û rêxstineke din bi ser xwe de qebûl kirine, hêdî hêdî hatine mehkirin, yan jî jinav çûne û bêhitbar mane. Yên wiha jî hebûn ku li her zirûfekê û li jêr her zext û givaşekê de li ser siyaseta xwe û serxwebûna xwe ya siyasî û biryardana xwe de micid û pêdagir bûne, lewma hem ketine nava dilê xelkê xwe de û ji aliyê gellek partî û saziyên din û ji aliyê zaf welat û saziyên navneteweyî bûne xwediyê pirristîj û baweriyeke berçav û herwiha gişt alî li ser têkiliyên xwe tevî partî û saziyên han û li ser soz û biryarên wan hesabê dikin.

PDK Îranê, ji wê dema ku Dr. Qasimloyê nemir rêberiya wê girte stûyê xwe û têkiliyên vê partiyê li ser bingeha serxwebûna siyasî û biryardanê de xurt  kir û esla serxwebûn û serxwebûna siyasî û biryardanê di partiyê de bi tevahî û bi xurtî cihgir kir û kire eseleke neguher, bû partiyek ku hem hemû Kurd rûmet û şanaziyê pê bike û hem di asta navneteweyî de girîngiyeke taybetî pê were dan û kariye bandora xwe li ser pêvajoya bûyerên Îranê bi giştî û nemaze Kurdistanê çê bike. Ew siyaseta serxwebûn û serxwebûna siyasî û biryardana PDK Îranê, wiha kiri ye ku qazanc û berjewendiyên xelkê Îranê qet ji aliyê vê partiyê nehê jibîrkirin yan kêmreng nebe û weke hindek partî û aliyên din nebe goriyê siyaseta welat û desthilat û partî û saziyên din yan berjewendiyên wan di Îran û Kurdistana Îranê de.

Serxwebûna siyasî û biryardana PDK Îranê, îzin da vê partiyê ku di tu rewş û hewayekê de neçe bin bandor û rikêfa derewîn a siyasî û dirûşm û stiratêjiyan û helwest û biryardana xwe, tenê û tenê bi şîrove û berhevdana xwe diyarî bike, lewra heke  mirov lênihêrîneke kurt li ser helwest û biryarên vê partiyê hebe, jêre eyan dibe ku ev siyaseta serxwebûn û biryardanê çi xweşnavî û hitbarek ji bo vê partiyê bi diyarî aniye.

Dema ku rejîma Paşayetiyê di Îranê de hiloşiya û bizava gelên Îranê serket, di demekê de ku rê ji bo girtina desthilatê ji aliyê rejîma Îslamî di Îranê de dihate xweşkirin, hejmarek ji partî û saziyên siyasî piştevanî ji girtina desthilatê ji aliyê rejîma Îslamî ya Îranê dikirin û bona wê armancê di refrandoma diyarîkirina vê rejîmê de beşdarî kirin û dengê erênî dane Komara Îslamî ya Îranê. PDK Îranê berevajî rewşa heyî ya wê demê, di refrandomê de beşdarî nekir, ji ber ku: yekem; ji aliyekê refrandoma han bi nedemokratîk dizanî, çimku rê nedida xincî hilbijartina di nava rejîma berê û rejîma Komara Îslamî, hilbijartineke din hebe. Lewra eşkere bû xelkê ku rejîma berê dinasî û Komara Îslamî jî neceribandibûn, encama dengdanê bi serkevtina rejîma Komara Îslamî bi dawî dihat. Ya duyem eva bû ku dizanî di rejîmeke îdeolojîk ya siyasî de demokrasî û mafê neteweyî yê gelê Kurd misoger nabe.

Beşdarî nekirina han jî ku ji siyaseta rast û serxwebûna siyasî ya PDK Îranê çavkanî digirt, di keş û hewaya wê demê de bû sebebê xistina givaşeke zaf li ser vê Partiyê û gellek buxtan lê hatne kirin, lê îro rojê rastiyên heyî bi wê terzê ku bo PDK Îranê eşkere bibûn, bo gelên din yên Îranê jî eşkere bûye û helwesta rast û serxwebûna PDK Îranê weke şanaziyekê bo vê partiyê dizanin û rêz û hurmetê jêre digirin.

Yan dema ku di destpêka serkevtina şoreşa gelên Îranê ku êrîş li ser balyozxaneya welatê Amerîkayê li Tehranê de hate kirin û weke şoreşa duyem hate binavkirin, PDK Îranê rast di nava rewş û zirûfa wî çaxî de, tenê ji ber vê çendê ku karê han berevajiyê urf û azînên dîplomtîk û dûr ji têkiliyên welatan dizanî, mehkûm kir ku di encamê de barana buxtanan li ser de barî, lê niha ew helwesta PDK Îranê bi rêz û hurmet ve tê mêzekirin û heta ew kesên ku birêveberên wî karî bûn, niha ji  kiryara xwe poşman in û şaşbûna biryara xwe a wê demê dipejirînin.

Diyare siyaseta serxwebûn û serxwebûna siyasî û biryardanê jî, hewcehî bi netirsî û dilêriya şoreşvanî heye ku heke PDK Îranê ne xwediyê wan taybetmendiyan ba, nedikarî bi rehetî, berevajî zirûfa wê demê helwestê bigire û biryarê bide ku li dema biryardan û helwestgirtina PDK Îranê li ser Îranê de hatibû sepandin.

Şik di vê çendê tune ye ku pirr caran parastina serxwebûna siyasî bo PDK Îranê hem di Îranê û li deverê de, jêre gellek giran xilas bûye, lê partiya han qet rê neda ye ku serxwebûna siyasî û biryardanê, wê bikeve bin pirsiyarê û her wê yekê PDK Îranê kiriye xwediyê ew bawerî û xweşteviya ku îroj di nava xelkê Kurdistanê, Îranê, deverê û kom û komeleyên navneteweyî de heye.

Parastina serxwebûna siyasî û biryardanê ji bo PDK Îranê weke pirensîpeke here girîng û sebeba man û xweştevîbûna vê partiyê li dirêjahiya xebata wê bûye û baweriya qahîm a birêveber û endamên partiyê bi vê pirensîpê, garantî û zaminê parastin û heta cihgirtirkirina vê partiyê ye.

Eşkere ye ku PDK Îranê di zirûfekê de heya wê qasê li ser parastina serxwebûna siyasî û biryardana xwe micid bûye ku pêwendiyên herî xurt û berfireh tevî cîhana derve hebû ye û her pêka pirensîpa serxwebûna siyasî a xwe tevî wê çendê ku rêz û hurmetê ji bo gişt aliyan ku bi wan re têkilî heye, ne cehd kiriye ku serxwebûna aliyên hember bixe bin pirsiyarê û ne rê daye tu kes û aliyekê ku heta bîra binpêkirina ev esla girîng û ev pirensîpa girîng a PDK Îranê bikin.

Lewra esla serxwebûna siyasî û biryardanê bûye pirensîpeke wiha ku PDK Îranê pê tê naskirin û weke taybetmendiyeke herî berçav ya vê partiyê tê mêzekirin. Loma em dikarin bibêjin ku hemû ew pirestîj û herwiha bawerî û xweştevîbûn û di rastî de mana PDK Îranê, girêdayî ye bi parastina herdemî ya vê pirensîpê. Parastina wan taybetmendiyên han jî sebeba xurtbûn û bawerî û xweştevîbûna PDK Îranê di nava xelkê de ye.