کوردستان میدیا

چوارشەممه 31ی گەلاوێژ 2718
ماڵپەڕی ناوەندیی حیزبی دێموکراتی کوردستانی ئێران

دایكی شەهیدێكی ڕێگای ڕزگاریی كوردستان لە مەهاباد كۆچی دوایی كرد

21:46 - 15 بەفرانبار 2715

کوردستان میدیا: سەیزادە عیسمەت عەباسی دایکی شەهید عومەر عەباسی لە شاری مەهاباد ماڵئاوایی لە ژیان کرد.

بەپێی هەواڵی گەیشتوو بە ماڵپەڕی کوردستان میدیا، ڕۆژی شەممە ڕێکەوتی ١٢ی بەفرانباری ١٣٩٤ی هەتاوی، دایە سەیزادە عیسمەت عەباسی، دایکی شەهید عومەر عەباسی لە تەمەنی ٨١ ساڵیدا لە شاری مەهاباد کۆچی دوایی کرد.

تەرمی دایە عیسمەت لە نێو ئاپۆرای خەڵکی ناوچەکە ئەسپەردە کرا.

شەهید عومەر عەباسی بە هۆی پیلانێکی تیرۆریستیی ڕێژیمی ئیسلامیی ئێران لە بەربنەـه‏ی پیرانشار ساڵی ١٣٧٠ی هەتاوی شەهید کرا.

شەهید عەباسی پێشمەرگەی هێزی شەهید پێشەوا بوو و لەو هێزەدا ئەرکی پێشمەرگایەتیی بەڕێوە دەبرد.

حیزبی دێموکراتی کوردستانی ئێران پرسه و سەرەخۆشی له بنەماڵه و خزم و کەس و کاری دایه عیسمەت دەکات و خۆی به شەریکی خەمیان دەزانێت.