ڕۆژی شەممە ٨ی بانەمەڕ(٢٧ی ئاوریلی ٢٠٢٤)، ژمارەیەک لە ئەندامانی حیزب لە یۆتۆبۆریی ولاتی سوید، بەشدارییان لە خۆپێشاندانێکی چالاکانی سیاسی کورد و ئێرانیدا کرد.

ئەو خۆپێشاندانە بە دژی سەپاندنی سزای ناڕەوای لەسێدارەدان بەسەر ڕاپەڕی بەنێوبانگ و خەڵکیی ئێران تووماج ساڵحیدا ڕێکخرابوو.

لە ڕۆژانی ڕابردوودا، تووماج ساڵحی بەندکراوی سیاسی و لە دەسبەسەرکراوانی بزووتنەوەی ژینا،  لەلایەن داداگای ئینقلابی ئێسفەهانەوە بە لەسێدارەدان سزا درا و ئەمە کاردانەوەی زۆری بەدوای خۆیدا هێنا.