کوردستان میدیا: تێکۆشەرانی دێموکرات لە شار و گوندەکانی کوردستانی ڕۆژهەڵات، بە بەڕێوەبردنی چالاکیی تەبلیغیی ڕێز لەو ڕۆژە مێژووییە دەگرن.
بەپێی هەواڵی گەیشتوو بە ماڵپەڕی کوردستان میدیا، ئەندامان و لایەنگرانی حیزبی دێموکراتی کوردستانی ئێران، بە بۆنەی ساڵڕۆژی دامەزرانی حیزبی دێموکرات، تراکت و پۆستێری تایبەت بەو ڕۆژەیان بڵاو کردەوە.
تێکۆشەرانی دێموکرات لە شاری سنەی قارەمان، بە بۆنەی ٢٥ی گەلاوێژ، لە شوێنەکانی وەک بەهاران، زانکۆی پەیامی نوور، شەقامی ئەسڵێ بەهاران و هەروەها گەڕەکەکانی "ئاغە زەمان، پیر محەممەد، کانی کووزەڵە، شەقامی سیرووس، شەقامی نمەکی و شارەکی نایسەری سنه دروشمیان نووسیوە.
