کوردستان میدیا

ماڵپەڕی ناوەندیی حیزبی دێموکراتی کوردستانی ئێران

هاوسه‌رۆكه‌كانی HDP و نۆ پا‌رله‌مانتاری‌ ده‌ستگیركران

13:34 - 14 خەزەڵوەر 2716

کوردستان میدیا: پۆلیسی تورکیه هاوسه‌رۆكه‌كانی هه‌ده‌په‌ سه‌لاحه‌دین د‌میرتاش، فیگه‌ن یوكسه‌كداغ و ٩ کەس پا‌رله‌مانتارانی کوردی دەستبەسەر کرد.

بەپێی ڕاپۆرتە بڵاوکراوەکان بەرپرسانی دەوڵەتی تورکیه ٩ پارلمانتاری کوردی بە ناوەکانی سری سوره‌یا ئۆنده‌ر، ئیدریس بالۆكه‌ن، زیا پیر، نورسه‌ل ئایدۆغان، له‌یلا بیرلیک، سه‌لما ئیرماك، عه‌بدوڵڵا زه‌یدان و گولسه‌ر یلدرم ده‌ستگیر كرد.

هەروەها وەزارەتی ناوخۆی تورکیه لە بەیاننامەیەکدا ڕایگه‌یاند به‌پێی فه‌رمانی داواكارانی گشتی له‌ ئامه‌د، شرنه‌خ، جوله‌مێرگ، وان و چه‌ولیک ١١ پا‌رلمانتار ده‌ستگیركران و دوو پا‌رلمانتاری دیكه‌ش با ناوەکانی فه‌یسه‌ڵ ساریلدز و توغبا هه‌زه‌ر بڕیاری ده‌ستگیر كردنیان دهراوە.

سەلاحەدین دمیرتاش، هاووەرۆکی گشتیی هەدەپە لە کاتی گۆڕانکاریی لە دەستوور لە پرێس کۆنفڕانسسێکدا ڕایگەیاندبوو کە هیچ کام لە هاوڕێکانمان وەک خۆبەخش بۆ بانگهێشتی داداگا و داواکارانی گشتی ناڕۆن.

دمیرتاش لە درێژەی قسەکانیدا باسی لەوە کردبوو کە دەوڵەتی تورکیه بە زۆری دەیهەوێ لێپێچینەوەمان لێ بکات ئەوەش مەحاڵە و ئێمە بە پێی خۆمان ناڕۆینە دادگا.

داواكاری گشتی كۆماری تورکیه له‌ ئامه‌د له‌ به‌یاننامه‌یه‌كدا ڕایگه‌یاند پا‌رلمانتارانی هه‌ده‌په‌، دهمیرتاش، یوكسه‌كداغ، ئۆنده‌ر، پیر، یلدرم و تاشچیه‌ری به‌ تۆمه‌تی ئه‌ندامه‌تی له‌ ڕێكخراوی تێرۆریستیی چه‌كدار، ئه‌نجامدانی تاوان و پڕۆپاگه‌نده‌ بۆ تێرۆر ده‌ستگیر كراون.