• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی فێڤریەی ٢٠١٨ی زایینی - ٣٠ی رێبەندانی ١٣٩٦ی هەتاوی  

پەیامی پیرۆزبایی مستەفا هیجری بەبۆنەی جێژنی خاوەنکار جێژنی ئایینی یاری

زایینی: ١٨-١١-٢٠١٣ - هەتاوی: ١٣٩٢/٠٨/٢٧ - ١٧:٤٩ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
پەیامی پیرۆزبایی مستەفا هیجری بەبۆنەی جێژنی خاوەنکار جێژنی ئایینی یاری
کوردستان میدیا: هیجری لەو پەیامەدا پاڵپشتی و پشتیوانیی حیزبی دێموکراتی کوردستانی ئێرانی بۆ گەیشتن بە مافە بەرهەق و رواکانی پەیڕەوانی کوردی لایەنگری ئایینی یاری پێداگریی کردووەتەوە.


خوشک و برا خۆشەویستەکانی پەیڕەوی ئایینی یاری!
سڵاوی گەرمی بەرخۆدان!



بە بۆنەی جێژنی ئایینیی خاوەنکارەوە گەرمترین پیرۆزبایی خۆم و حیزبی دێموکراتی کوردستانی ئێرانتان پێشکەش دەکەم، ئاواتم ئەوەیە رێوڕەسمە پیرۆزەکەتان ئەمساڵ پڕ لە خۆشی و شادی و دوور لە زوڵم و زۆرداری رێژیمی دژی ئازادی تێپەڕ بێ.


هاوکات لەگەڵ پیرۆزبایی ئەم رێوڕەسمە ناکرێ بەرخۆدان و فیداکاریی خوشک و براکانی یاری لەم ساڵدا وەبیر نەهێنینەوە و رێزیان لێ نەگرین. ساڵی 1392 پەیڕەوانی ئایینی یاری زۆرتر و زەق‌تر لە ساڵانی رابردوو کەوتنە بەر هێرشی دڕندانە‌و ئیهانەکردنی بەکرێگیراوانی رێژیم، ئەو هێرش و ئیهانەکردنە گەیشتە رادەیەک کە حەسەن رەزەوی، نیکمەرد تاهیری و محەممەد قەنبەری بە نیشانەی دەربڕینی ناڕەزایەتی بەو هەموو ئیهانە و زەختەی کە دەرهەق بە پەیڕەوانی ئایینی یاری رەوا دەبینرێ ئاگریان لە جەستەی خۆیان بەردا و بە داخەوە گیانیان لە دەست دا.


بێجگە لەوانە کۆبوونەوە ناڕەزایەتییەکانی ئەو خوشک و برا کوردانەمان لە بەر دەرکی مجلیسی شۆرای ئیسلامی، کۆبوونەوەی یارسانییەکانی ئوستانەکانی کرماشان و ئیلام هاوکات لەگەڵ سەردانی هاشمی رەفسەنجانی لە کرماشان و تەنانەت چاوپێکەوتنی نوێنەری یارییەکان لەگەڵ سەرۆکی مەجلیسی شۆرای ئیسلامی ‌و قەول و قەرارێکی لەوێ پێیان درا بوو، توندوتێژی و سەرکوتی تێکۆشەرانی مافی یاری هەروا بەردەوامە. هەر ئێستا ژمارەیەک لەو تێکۆشەرانە لە زیندانەکانی کۆماری ئیسلامی دان. بە پێی زانیارییەکانی کە بە دەستی ئێمە گەیشتووە لە ناوچەکانی بیلەواری کرماشان، سەرپێڵی زەهاو لە دەوروبەری میاندواو ‌و باقی شوێنەکان، بنەماڵەکانی یارسانی لە ژێر هەڕەشەی جیددی دان بۆ ئەوەی دەست لە بیر‌ و باوەڕی خۆیان هەڵگرن. هەموو ئەو ستەم و سەرکوت کردنانەی پەیڕەوانی ئایینی یارسان تەنیا لە بەر ئەوەیە، لە بەرانبەر هەڕەشە و زەخت و زۆری کۆماری ئیسلامیدا سەردانانەوێنن و لەسەر داواکانیان کە بە رەسمی ناسینی ئایینەکەیان و لابردنی جیاوازییەکان لەسەریان بۆ ئەوەی چی دیکە بە تاوانی پێداگری لەسەر باوەڕمەندی بە ئایینەکەیان سەرکوت نەکرێن سوورن، بەڵام بەداخەوە رێژیمی کۆماری ئیسلامی لەسەر ئەزیەت و ئازاری یارسانییەکان هەروا بەردەوامە.

خوشک و برا بەڕێزەکانی ئایینی یارسان!

بە بۆنەی جەژنی خاوەنکارەوە جارێکی دیکە حیزبی دێموکراتی کوردستانی ئێران وەک هەمیشە پشتیوانی لە داخوازە رەوا ‌و دێموکراتیکەکانی ئێوە رادەگەیەنێ، لە خەم و ئازارەکانتاندا خۆی بە بەشدارتان دەزانێ و یادی قوربانییەکانی یارسانی بەتایبەت ئەو 3 بەڕێزەی کە لە چەند مانگی رابردوو بۆ دەربڕینی ناڕەزایەتی بە زوڵم و زۆری رێژیم ئاگریان لە جەستەی خۆیان بەردا و کۆتایی‌یان بە ژیانی خۆیان هێنا بەرز دەنرخێنێ و دووبارە سەرەخۆشیی خۆی پێشکەش بە ئەندامانی بنەماڵەکانیان و هەموو ئێوەی بەڕێز دەکا.


هەروەها رێز‌و قەدردانی خۆمان پێشکەش بە هەموو ئەو تێکۆشەر و ئازادیخۆازانەی یاری دەکەین کە لە زیندانەکانی کۆماری ئیسلامیدا لەژێر ئەشکەنجە و ئیهانەتەکانی بەکرێگیراوانی رێژیم سەر دانانەوێنن و سوورن لەسەر بیر‌وباوەڕی خۆیان.


هەر لەو بۆنەیەدا بە پێویستی دەزانین جارێکی دیکە ئەو راستییە وەبیر خەڵکی کوردستان بێنینەوە کە بە پێچەوانەی وەعدە و قەوڵ و قەرارەکان کە رووحانی لە سەردەمی تەبلیغاتی هەڵبژاردندا بە گەلانی ئێرانی دەدا و ژمارەیەک لە خەڵکیش زۆر ساویلکانە دڵیان بەو قەول و قەرارانە خۆش کرد بوو، تەنانەت هەتا ئیستاش بە مەبەستی بە لاڕێدابردنی بۆچوونی خەڵک بە تایبەت کوردەکان، تەبلیغاتی بۆ دەکەن. هەروەک حیزبی دێموکرات زۆر جار رایگەیاندووە رێژیمی کۆماری ئیسلامی ریفۆرم هەڵگر نییە و ماهیەتەکەی هەر ئەوەیە کە ئێستا لەبەر چاومانە و نموونەیەکە لە شێوەی رەفتاری لەگەڵ هاونیشتمانانی یارسانیمان ‌و باقی جیابیرانی ئێران.


بۆیە جارێکی دیکە ئەو سیاسەت‌و بەرنامەی حیزبی دێموکرات دووپات دەکەینەوە کە هەر چەشنە ئازادی و گەیشتن بە مافی نەتەوەکان یەک لەوان نەتەوەی کورد بە هەموو پێکهاتەکەیەوە، بەستراوەتەوە بە نەمانی کۆماری ئیسلامی. ئەو بۆچوونەی حیزبەکەمان لە ئەزموونی زیاتر لە 3 دەیە لە دەسەڵاتداریی ئەو رێژیمە و بنچینەی بیر‌ و باوەڕەکەیەوە سەرچاوە دەگرێ.


لە کۆتاییدا داوا دەکەین جارێکی دیکە پیرۆزباییمان بە بۆنەی جێژنی خاوەنکار و هاودەردیمان لەگەڵتان قەبووڵ بکەن.


سکرتێری گشتیی حیزبی دێموکراتی کوردستانی ئێران
مستەفا هیجری
٢٧ خەزەڵوەری ١٣٩٢ی هەتاوی
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٨ لەم ژمارەیەدا:

ــ خەباتی ڕۆژهەڵات بەردەوامە
ــ ڕاسان و پێشمەرگە
ــ ژن و سیاسـەت
ــ گوڵوەنی، هێمای خۆڕاگریی نەتەوەیەکه
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.
  • ئەرکەواز لە کوێیە و ئەرکەوازی کێن؟ ئەرکەواز لە کوێیە و ئەرکەوازی کێن؟
    ئەرکەواز لە باکوور و باکووری ڕۆژهەڵات و ڕۆژهەڵاتەوە پاڵی داوەتە داوێنی (پشتکێو)ەوە و لە باشوور و باشووری ڕۆژهەڵاتیشەوە دەبەسترێتەوە بە شاخی (بیورەواز) و لە باشوووری ڕۆژئاواشەوە پاڵی داوەتە شاخی (کەڵەک) کە بەرجەوەندی شار چەشنی دۆڵێکی بەرینی سەرسەوز بە بەرزی و نەوییەوە دەردەکەون و بینا و گەڕەک و کۆڵانەکانی لە نێوان دیمەنی سەرسەوز و داوێنی کێو و کەنار جۆگە و ئەو چەند کێوەدا بە جوانییەکی سەرنجڕاکێشەوە دەردەکەون.