• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی فێڤریەی ٢٠١٨ی زایینی - ٣٠ی رێبەندانی ١٣٩٦ی هەتاوی  

حیزبی دێموکرات: ئامانجی رێژیمی ئێران لە رێککەوتنی ژنێڤ کڕینی کاتە

زایینی: ٢٨-١١-٢٠١٣ - هەتاوی: ١٣٩٢/٠٩/٠٧ - ٠٩:١١ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
حیزبی دێموکرات: ئامانجی رێژیمی ئێران لە رێککەوتنی ژنێڤ کڕینی کاتە
کوردستان میدیا: دەفتەری سیاسی حزبی دێموکراتی کوردستانی ئێران سەبارەت بە رێککەوتنی ناوکی لە ژنێڤ بەیاننامەیەکی بڵاو کردەوە.


دەقی ئەو راگەیەنراوە بەم چەشنەیە:


دوای زیاتر لە ١٠ ساڵ، گێرە و کێشە و گوێنەدان بە رێککەوتننامە نێونەتەوەیی‌یەکان، رێژیمی کۆماری ئیسلامی لەژێر گوشاری سیاسی و ئابووری گەمارۆ ‌و سزا ئابوورییەکاندا، بە ناچاری چۆکی دادا و ملی بۆ گوشاری نێونەتەوەیی راکێشاو‌ و لە ٢٤ی نۆڤامبری ٢٠١٣دا، رێککەوتننامەیەکی لەگەڵ گرووپی ناسراو بە ١ + ٥ واژۆ کرد. لەو رێکەوتنەدا، هەرچەند بە شێوەی کاتی هەندێک ئیمتیازی ئابووری چکۆلەی وەرگرت، بەڵام لە بەرامبەردا، دەستی لە بەشێکی بەرچاو لە پرۆژە ناوکییەکەی هەڵگرت و وەک لایەنی دۆڕاو ‌و تەسلیم بوو، لەو رێککەوتننامەدا دەرکەوت.


زیاتر لە ٢٠ ساڵە کە رێژیمی کۆماری ئیسلامی بە نهێنی و بە ئاشکرا پرۆژە ناوکییەکەی پەرە پێ‌دەدا ‌و لە هەوڵی گەیشتن بە چەکی ناوکیدا بووە، بەپێی هەندێک لێکۆڵینەوە، زیاتر لە ١٧٠ میلیارد دۆلار لە سامانی وڵاتی لە پێناوی ئەو پرۆژەدا خەرج کردووە ‌و ئەمە ئەو بەشە لە هەزینەکان ناگرێتەوە کە لەبەر گەمارۆ ‌و سزا ئابوورییەکان تووشی وڵات بوون. بە پێی لێدوانی سەرۆکی دەزگای بەرژەوەندیی رێژیم لە ماوەی ٨ ساڵی رابردوودا زیاتر لە ٨٠٠ (هەشت سەد) میلیارد دۆلار زیانی ئابووری بە وڵاتی ئێران گەیشتووە کە سەرجەمی ئەو زیانە و پارەی خەرجکراو بۆ پرۆژەکان و زیانی چەند ساڵ رابردووشی دەبێتە شتێک زیاتر لە ١٠٠٠ (یەک هەزار) میلیار دۆلار کەلە پێناوی سەرەڕۆیی و ملهۆڕیی ناوکیی رێژیمی کۆماری ئیسلامیدا زیان بە ئابووری و ژیانی نەتەوەکانی ئێران گەیاندووە، دوای ئەو هەموو زیانە‌و دوای بێ‌ئێعتبار بوونی سیمای خەڵکی ئێران و بە تیرۆریست ناسرانی رێژیم لە رای گشتیی جیهانیدا، رێژیمی کۆماری ئیسلامی چۆکی داداوە و ئەو هەموو هەزینەیە لە خۆڕا بەسەر ئەم وڵاتەدا سەپاندووە.


دوای چەندین بڕیارنامە و چەندین بڕیاری سزادان و گەمارۆ بە دژی رێژیمی کۆماری ئیسلامی لەلایەن رۆژئاوا، سەرانی ئەم رێژیمە باسیان لە بێ‌کەڵک و بێ‌کاریگەربوونی ئەو بڕیار و گەمارۆیانە دەکرد و تەنانەت رێبەری رێژیم باسی لەوە دەکرد کە لەژێر ئەو گەمارۆیانە گەشەی زیاتر دەکەن و حەماسەی ئابووری دەخولقێنن و لە شەرایەتی بەدر و خەیبەر دان، بەڵام دەوڵەتی تازەی رێژیم دانی بەوە دانا کە خەزێنەی دەوڵەت بەتاڵە و تەنانەت پارەی ئەوەیان نییە کە مانگانەی کارمەندانیان بدەن و هیچ پارەیەکیان بۆ دابینکردنی یارانەی مانگانە نییە.


لە وەها دۆخێکدا کەلە ژێر گوشاری توندی ئابووری و گەمارۆکاندا بوون و پارەیان بۆ درێژەدان بە پیلانە تیرۆریستی و پرۆژە ناوکییەکەیان نەبوو، لەبەر مانەوەی خۆیان نەک لە بەر وەزعی نالەباری خەڵک، ملیان بۆ گوشاری جیهانی راکێشا.


ئەم رێککەوتننامەیە کە لە ٢٤ی نۆڤامبر لە ژنێڤ لە نێوان نوێنەری رێژیم و گرووپی١+٥ واژۆ کرا، رێککەوتننامەیەکی کاتییە بۆ ماوەی ٦ مانگ کە دەبێ‌لەو ماوەیەدا رێژیمی کۆماری ئیسلامی ئەو خاڵانەی کە واژۆی لەسەر کردوون و بەڵێنیی داون، جێبەجێیان بکا، دەنا گەمارۆی توندتر و گوشاری زیاتری لەسەر دادەنرێ‌. هەرچەند هیچ ئیعتمادێک بەم رێژیمە نییە و چەندین جار سەلماندوویە کە رێککەوتن و بەڵێننامەی نێونەتەوەیی واژۆ دەکا و دوایە هەموویانی پێشێل کردووە ‌و لەبەر ئەو نادڵنییایی‌یە بووە کە لەو رێککەوتننامەیەشدا هاتووە کە هەر جۆرە پێشێل کردنی بەڵێنەکان سزاکان توندتر دەکاتەوە.


ئەگەر رێژیمی کۆماری ئیسلامی پابەند بێ‌بە بەڵێنەکانی، رەنگە قازانجی بۆ خەڵکی ئێران ئەوە بێ‌کە چیدیکە پارە و سامانی وڵات لە پێناو ملهۆڕی و پرۆژەی چەکی ناوکیدا خەرج نەکا، بەڵام ئەوە ئەو دڵنیایی‌یە نادا کە ئەو سامانە لە پێناوی خۆشگوزەرانیی خەڵکدا سەرف بکرێ‌، بەڵکوو وەک لە رابردووشدا رێژیم نیشانی داوە، خەرجکردنی سامانی وڵاتی لە پێناوی پەرەدان بە تیرۆریزم و چەکدار کردنی حیزبوڵڵای لوبنان و رێژیمی بەشار ئەسەد و گرووپ و شوێنی دیکە لە ئەولەویەتدا دەبێ و ئەگەر شتێکی لێ بمێنێتەوە بۆ چەکدارکردن و تەیارکردنی هێزە نیزامی و ئەمنیەتییەکان خەرجی دەکا و بەشی خەڵکی ئێران هەر هەژاری و سەرکوتە.


ئەوەی جیهان و وڵاتانی ئازاد و رێکخراوەکانی لایەنگری مافی مرۆڤ و ئازادی نابێ لە بیری بکەن، ئەوەیە کە گرفت و کێشەی کۆماری ئیسلامی بۆ جیهان و ناوچە‌ و وڵاتی ئێران، تەنیا کێشەی چەکی ناوکی و پرۆژە ناوکییەکانی نییە، بەڵکوو لە پێش هەموو شتێکدا، رێژیمی کۆماری ئیسلامی رێژیمێکی سەرەڕۆ‌ و دیکتاتۆرکە لە سەدەی ٢١دا، بە شێوازی سەدە ناوەڕاستییەکان حکوومەت دەکا و خەڵک بەتایبەت نەتەوەکانی ئێران دەچەوسێنەتەوە ‌و ستەمی سیاسی‌ و ئابووری‌ و نەتەوەیی‌یان بە دژ بەڕێوە دەبا.


گرفت و کیشەیەکی دیکەی کۆماری ئیسلامی بۆ جیهان ‌و ناوچەکە، پرسی پەرەدان و پشتیوانی کردن لە تیرۆریزم‌ و ئاژاوەگێڕی‌ و توندڕەوی لە جیهان‌ و دەستێوەردان لە وڵاتانی ناوچە‌ و قووڵترکردنەوەی کێشەکانە، هەروەک لە سووریە‌ و لە عێراق ‌و لە بەحرین ‌و زۆر شوێنی دیکەی دنیادا، بە راشکاوانە لایەنگری‌ و پاڵپشتی ئاژاوە‌ و توندڕەوی دەکا.


هەرچەند وەک رابردوو نیشانی داوە رێژیمی کۆماری ئیسلامی لە بەرانبەر قەراردادە نێونەتەوەیییەکانی خۆی بە بەرپرس نازانی‌ و لەوانەیە لە ئیمزاکردنی قەراردادی ژنڤیش بۆ وەدەست هێنانی کات‌ و راگرتنی کاتیی گەمارۆکان کەڵک وەربگرێ، بەوحاڵەشەوە:


حیزبی دێموکراتی کوردستانی ئێران


ــ خۆشحاڵە کە لە ئەگەری بەڕێوەچوونی ئەو قەراردادە رەنگە بەشێکی بەرچاو لەسەروەت‌ و سامانی وڵات کە پێویستە خەرجی باشترکردنی ژیانی خەڵک‌ ‌و ئاوەدان کردنەوەی وڵات بکرێ، چی دیکە لەخۆڕا خەرجی پەرەپێدانی پرۆژەی ناوکی ئێران نەکرێ، بێجگە لەوانە ئاکامی سووک کردنی هێندێک لە گەمارۆکان لەلایەن رۆژئاواوە شوێندانەر بێ لەسەر بووژانەوەی ئابووریی خەڵک و ئەو کەموکۆرییانەی کە ئەمڕۆ خەڵکی ئێرانی وەزاڵە هێناوە.


ــ داوا لە کۆمەڵگای نێونەتەوەیی دەکا کەلە ئەگەری درێژەی ئەم رێککەوتننامەیە دوای ٦ مانگ، کۆماری ئیسلامی بەرعۆدە بگرێ بۆ رەچاوکردنی مافی مرۆڤ، دابینکردنی ئازادییە سیاسییەکان، ئازادکردنی زیندانییە سیاسییەکان و راگرتنی لە سێدارەدانیان و هەروەها پەسندکردنی مافە سیاسییەکانی نەتەوەکانی ئێران و یەک لەوان نەتەوەی کورد.


ــ بە چۆکدا هاتنی رێژیم لە بەرانبەر کۆمەڵگای نێونەتەوەیی ئەو راستییەی سەلماند کە ئەو رێژیمە سەرەڕای هەموو خۆهەڵکێشان و هەڕەشەکانی چەندە داما‌و ‌و بێدەسەڵاتە، کە بە بێ هیچ هێرشێکی نیزامی، ئیدیعای شکستناپەزیرییەکەی پووچەڵ بووە، گومانی تێدا نییە کەلە بەرانبەر هێزی یەکگرتووی خەڵکیش هەروا لاواز و لە راستیدا شیرەبەفرینەیە، بۆیە جیگای هیوادارییە کە خەڵکی ئێرانیش کە لاوازی و ترسنۆکی ئەو رێژیمەیان بە چاوی خۆیان دیت لێبڕاوانەتر لە پێشوو لە پێناو مافە پێشیلکراوکانیان یەکگرتوانە بەگژی رێژیمدا بچنەوە و بۆ هەمیشە خۆیان لە چنگی کۆماری ئیسلامی رزگار بکەن.

حیزبی دێموکراتی کوردستانی ئێران
دەفتەری سیاسی
٦/٩/١٣٩٢ی هەتاوی
٢٧/١١/٢٠١٣ی زایینی
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٨ لەم ژمارەیەدا:

ــ خەباتی ڕۆژهەڵات بەردەوامە
ــ ڕاسان و پێشمەرگە
ــ ژن و سیاسـەت
ــ گوڵوەنی، هێمای خۆڕاگریی نەتەوەیەکه
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.
  • ئەرکەواز لە کوێیە و ئەرکەوازی کێن؟ ئەرکەواز لە کوێیە و ئەرکەوازی کێن؟
    ئەرکەواز لە باکوور و باکووری ڕۆژهەڵات و ڕۆژهەڵاتەوە پاڵی داوەتە داوێنی (پشتکێو)ەوە و لە باشوور و باشووری ڕۆژهەڵاتیشەوە دەبەسترێتەوە بە شاخی (بیورەواز) و لە باشوووری ڕۆژئاواشەوە پاڵی داوەتە شاخی (کەڵەک) کە بەرجەوەندی شار چەشنی دۆڵێکی بەرینی سەرسەوز بە بەرزی و نەوییەوە دەردەکەون و بینا و گەڕەک و کۆڵانەکانی لە نێوان دیمەنی سەرسەوز و داوێنی کێو و کەنار جۆگە و ئەو چەند کێوەدا بە جوانییەکی سەرنجڕاکێشەوە دەردەکەون.