• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢١ی ژانویەی ٢٠١٨ی زایینی - ٠١ی رێبەندانی ١٣٩٦ی هەتاوی  

١٠ی خاکەلێوە خوێن رژا، کەلە پژا، رۆڵە کوژا، خوێنڕژان خۆشە کە ئابڕوو نەڕژا (مەلا برایم مەجید پوور)

زایینی: ٣١-٠٣-٢٠١٤ - هەتاوی: ١٣٩٣/٠١/١١ - ١٦:٣٠ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
١٠ی خاکەلێوە خوێن رژا، کەلە پژا، رۆڵە کوژا، خوێنڕژان خۆشە کە ئابڕوو نەڕژا (مەلا برایم مەجید پوور)
مەلا برایم مەجید پوور

یەکێک لە رۆژە هەرە رەشەکانی مێژووی سیاسیی کوردستان رۆژی ١٠ی خاکەلێوەی ساڵی ١٣٢٦ی هەتاوی بەرانبەر به ٣٠ی مارسی ١٩٤٧ی زایینی، پێشەوا قازی و حەمەحوسێن سەیفی قازی و ئەبولقاسم سەدری قازی لەو رۆژەدا لە سێدارە دران. ٦٧مین ساڵڕۆژی شەهیدانی چوار چرایە. یەکەمین سەرکۆماری مێژووی گەلی کورد دەبێتە قوربانیی گەل و نیشتمان کە دەبێ ئەو گەلە بەڕێزەوە یادی بکاتەوە. ئەو رۆژەیە کە شەهیدی نەمر دوکتور قاسملوو وەک رۆژی شەهیدان پێشنیاری کردووە. ئەوەش رێزگرتن و وەفایە بۆ شەهیدان.

لەم جیهانەدا هەموو گەل و نەتەوەکان رۆژانی جێژن و شایی و رۆژانی شین و گریانیشیان هەیە. بۆ ئێمەی کورد ١٠ی خاکەلێوە رۆژێکی گەلێک گرینگ و جێگای فەخر و شانازییە. لە هەمان کاتدا ناخۆشترین و تاڵترین رۆژی مێژووی ژیانمانە. مەزنترین و بایخدارترین و شیرنترینیان رۆژی (٢)ی رێبەندان و هەڵکردنی ئاڵای کوردستانە. تاڵترین و قورسترین و بەژانترینیشیان (١٠)ی خاکەلێوە رۆژی لە داردانی پێشەوامانە. جێێ شانازییە چونکە یەکەمین سەرکۆماری کوردستان لە بەرانبەر جوخەی ئێعدام رادەوەستێ و دەرسی نەترسی و سووربوون لەسەر داوای مافی رەوا فێری رۆڵەکانی گەلەکەی دەکا. پێیان دەڵێ رزگاری گەل و نیشتمان ئەوەندە دێنێ سەری لە پێناودا بدەی. بە دنیای نیشان دا گەلەکەی خاوەنی مافێکی ئەوەندە مەزن و پیرۆزە کەلە پێناویدا لە ‌هیچ چەشنە گیانبازی وخۆ بەخت کردنێک سڵ ناکا. رادەگەێەنێ مەرگ لە رێگای ئازادیی نیشتماندا ژیانێکی تاهەتاییە و هەتا کورد مێژووەکەی هەیە لە بیریان ناکا. ئەو گەلانەی سەرکەوتون و بە ئامانجەکانیان گەیشتوون ئەو رۆژانە دەکەنە جێژن و شایی و بە هەڵپەڕکێ و چەپڵە رێزان یادیان دەکەنەوە. ئێـمەی کورد رۆژی خۆش و ناخۆشمان هەن کە جیا لەمانای ئاسایی‌یان، مانا و ناوەڕۆکی تایبەتیی خۆیان هەیە. ئێمە هێشتا سەر نەکەوتوین و بە ئامانجە ئەسڵییەکەمان نەگەیشتوین، هەروا لە حاڵی شۆڕش و بەرەنگاری داگیرکەران داین. یادی ئەو رۆژە بۆ ئێمە پڕە لە ئەزموونی تێکۆشان و دەرسن بۆ خۆبەخت‌کردن و قوربانی دان، هاندەرمانن بۆ خۆ رێکخستن و سازماندان بۆ ئەوڕۆ و سبەینێ‌مان، بارهێنانە بۆ سەردان لە رێگای رزگاریی نیشتمان. پێشەوا پێمان دەڵێ پشت بە خۆتان ببەستن لە هیچ حاڵەتێکدا بڕوا بە داگیرکەران مەکەن. ئەوە نییە لە پای سێدارەدا دەفەرموێ: ''داوا لە گەلی کورد دەکەم خەباتی خۆیان لە پێناوی رزگاریی کوردستاندا یەک بخەن و باوەڕ بە دەوڵەتی خۆفرۆشی تاران مەکەن. بژی کوردستانو کورد''. ئەوەی دەبێ سرنجی بدرێتێ ئەوەیە پێشەوا دەفەرموێ: یەکگرن. ئەو بە روونی پێمان دەڵێ: کلیلی سەرکەوتنتان یەکبوونتانە. هەر وەها نافەرموێ حکوومەتی پەهلەوی، چونکە بڕوای وا بووە دەسەڵاتدارانی تاران کێ بن و چی بڵێن بڕوایان پێ مەکەن، چونکە دەگەڵ هەر شیرنییەکیان کوشندەترین ژەهریان تێکەڵاو کردووە ئەوەش ئەگەر لە بیرمان نەچووبێتەوە هەمومان دیتومانە کە چۆن لە وتووێژی ئاشتیدا رێبەریان تیرۆڕ کردین خۆ شا نەبوو، هەم کۆمار و هەم ئیسلامی بوو!! ١٠ی خاکەلێوە پێمان دەڵێ گەلەکەمان دوژمنی گەلێکن و دوستی راستە قینەی نییە. داگیرکەرانی کوردستان قەول و بەڵێنییان هەرگیز جێگای بڕوا نییە بڕواتان بە خۆتان بێ و هاوکار و یەکگرتوو بن. ببنە هێزێک بتوانن پارسەنگی رووداوەکان بەلای خۆتاندا بخەن سەرنجی دنیای دەرەوە بۆلای خۆتان رابکێشن. دڵنیا بن هێزی خۆتانە دەتوانێ پشتیوانی زلهێزان وەدەست بێنێ. خاکەلێوە دەسپێکی سەر لەنوێ ژیانەوەیە، خوێنی پێشەوا داری ئاواتی گەلی ژیاندەوە، ئاگرێکی سوتێنەری بۆ گیانی داگیرکەران داگیرساندووە. رێبەر و پێشەوای گەلمان ئاڵایەکی هەڵکردووە هەروا شەکاوەیە، داری ئازادیی چەقاندووە، لق و پۆی ئەو دارە نەک هەر لە کوردستان بەڵکوو لە دنیاشدا پەخش بووە. پێشەوا بەو خۆ کردنە قوربانی بۆتە ئەستێرەیەکی گەشی درەوشاوەی ئاسمانی کوردەواری و رێگای خەباتی رەوای رووناک کردووە. ئەو قوربانی و راپەڕێنە، ئەو گریان و پێکەنینە. بانگەوازی رزگارییە، داوای تێکۆشان بۆ هەرمانە. پێشەوا لە پای سێدارە پێمان دەڵێی: هاوڕێیانم ئەو پەیامەم بۆ گەل بەرن، من نەمردووم و گۆشت و ئێسکم دەگەڵ خاکەکەم تێکەڵاوە، هەموو بەهاران لە خاکەلێوەدا دەگەڵ هەموو گیا و گۆڵێک سەر هەڵدەدەمەوە، دەگەڵ رزگاری کوردستان بە یەکجاری هەڵدەستمەوە. رێبازێکم بۆ داڕشتوون گەلێک روون و بایەخدارە، لەهەر لایەکڕا بۆی بچێ ئاسۆی روونت لێ دیارە. وەرن با ئەو فەرمودەی پێشەوامان لە دڵماندا جێگە بکەین کە فەرمویە: ''من لە زۆوە خۆم بۆ ئەوە ئامادە کردووە و بە باوەشی ئاوەڵا پێشوازی لەو مردنە دەکەم کەلە رێگای ئازادی میللەتەکەمدا دەکوژرێم، ئەوە بەڵێنە کە بە نەتەوەکەم داوە، لەگەڵیان بژیم و بۆ ئەوانیش بمرم''. کە من ئەو رێبەرانەی ئەوەندە دڵسۆز و بە وەفا بن بۆ گەلەکەیان. هەستی بە مەرگ کردوە و گوێی پێ نەداوە و خۆشی بۆ ئامادە کردووە، ژیانی دەگەڵ گەلەکەی پێخۆش بووە بۆیە نەیتوانیوە بەجێیان بێڵێ و بۆ ئەوانیش مردووە، ئەوە نییە سەری لە پێناوی رزگاری ئەواندا داناوە. ئەمەگ داری بۆ ئەو فیداکارییە ، بۆ رێزگرتن لەو هەڵویست و بوێرییە، بۆ تێگەیشتن لەو هەمو دووربینییەی پێشەوا، با لەو رۆژە لەبیرنەکراوەی مێژووەکەماندا بەڵێن و پەیمان دەگەڵ شەهیدان و گەل نوێ کەینەوە، ئەرکی شەرعی خۆمان وەک کوردێکی نیشتمانپەروەر و وەفادار بە شەهیدان لەبیر نەکەین و بە قەدەر توانای خۆمان بەجێیان بێنین.

ناوەڕۆکی ئەم بابەتە را و تێبینیی نووسەرە و ماڵپەڕی کوردستان میدیا لێی بەرپرسیار نییە
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٧ لەم ژمارەیەدا:

ــ خەباتی ڕۆژهەڵات بەردەوامە
ــ ڕاسان و گۆڕان
ــ ڕاسان و ڕۆڵی ژنان لەم دیسکۆرسەدا
ــ ئازادی، سەربەخۆیی و میریی و گەورەیی
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.
  • ئەرکەواز لە کوێیە و ئەرکەوازی کێن؟ ئەرکەواز لە کوێیە و ئەرکەوازی کێن؟
    ئەرکەواز لە باکوور و باکووری ڕۆژهەڵات و ڕۆژهەڵاتەوە پاڵی داوەتە داوێنی (پشتکێو)ەوە و لە باشوور و باشووری ڕۆژهەڵاتیشەوە دەبەسترێتەوە بە شاخی (بیورەواز) و لە باشوووری ڕۆژئاواشەوە پاڵی داوەتە شاخی (کەڵەک) کە بەرجەوەندی شار چەشنی دۆڵێکی بەرینی سەرسەوز بە بەرزی و نەوییەوە دەردەکەون و بینا و گەڕەک و کۆڵانەکانی لە نێوان دیمەنی سەرسەوز و داوێنی کێو و کەنار جۆگە و ئەو چەند کێوەدا بە جوانییەکی سەرنجڕاکێشەوە دەردەکەون.
  • سیستمی پەروەردە و بارهێنان لە ئێراندا بەرەو کوێ؟ سیستمی پەروەردە و بارهێنان لە ئێراندا بەرەو کوێ؟
    هیچ گیانلەبەرێک نییە کە بتوانێت بێبەش و دوورخراوە لە "پەروەردە و ڕاهێنان" بژیت و پێویستی بەو مەسەلەیە نەبێت، تەنانەت ئەگەر گیانلەبەرێک بە تەنیا لە هەر شوێنێک بژیت، بە تەنیا خۆی پەروەردە دەکات و "چۆنیەتی" ڕێڕەوی ژیانی خۆی دیاری دەکات بۆ ئەوەیکە بتوانێت لە بەردەم ئاستەنگ، کێشە و گرفتەکانی ژیاندا سەرکەوێ و ئەمنییەتی هەمەلایەنەی ژیانی دابین بکات.
  • ڕاسان و ڕۆڵی ژنان لەم دیسکۆرسە‌دا ڕاسان و ڕۆڵی ژنان لەم دیسکۆرسە‌دا
    ڕاسان لە واتای وشەییدا بە مانای هەڕەشە بۆ لێدان و هەستانەوە و ڕاسبوونەوە بەرامبەر بە هێرشبەرێک بۆ تۆقاندن و دابەزاندنی ورەی دێت.
  • \ "ئازادی، سەربەخۆیی و میریی و گەورەیی"
    ئەگەر تەنیا ئەو دوو ڕستەیەی ئەو رۆژنامەیە و سیاسەتی گشتی بەڕێوەبەرانی رۆژنامەکە و بە روونی سیاسەتی دەسەڵاتدارانی شۆڕشی سمکۆ سەیر بکەین و بیدەینە بەر سەرنج، بە روونی بۆمان دەردەکەوێت، کە خەڵکی کوردستان زۆر پێش ئەوەی ئەرتەشی سوور بۆ مەبەستی بەرگریکردن لە ئەگەری هێرشی ئاڵمان لە خاکی ئێرانەوە، رووبکاتە ئێران خۆی وەک نەتەوەیەک داناوە و باوەڕی بە بەرژەوەندی باڵای نەتەوەکەی هەبووە.
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    به‌ دوای رووخانی كۆماری كوردستان و له‌ سێداره‌درانی پێشه‌وا قازی مه‌حه‌ممه‌د له ١٠ی خاکەلێوەی ١٣٢٦ی هەتاوی‌(٣٠ی مارسی ١٩٤٧) خه‌باتی حیزبی دێموكرات كه‌وته‌ قۆناغێكی ئه‌سته‌مه‌وه‌، به‌ڵام حیزبی دێموكرات وه‌ك حیزبێكی ڕێنوێن، درێژه‌پێده‌ر و وه‌دیهێنه‌ره‌وه‌ی ئامانجه‌ به‌رزه‌كانی كۆماری كوردستان، ئه‌ركی رێكخستنی بزاڤی میللی- دێموكراتیكی كۆمه‌ڵانی خه‌ڵكی كوردستانی درێژه‌ پێدا.
  • ڕاسان و گۆڕان ڕاسان و گۆڕان
    حیزبی دێموکراتی کوردستانی ئێرانیش وەک هەر حیزبێکی دیکە، لە قۆناخی نوێدا پێویستی بە هزری نوێ و هێزی نوێ و رۆئیای دووبارە پێناسەکراو و سیستمی کاری نوێ هەیە.
  • شەپۆلەکانی شار شەپۆلەکانی شار
    شەپۆلەکانی شار پڕە لە هەست و سۆزی نیشتمانپەروەری و نەخشێنەری ئەو جووڵە و راچەنینانەیە کە لە نێو کۆمەڵی کوردەواریدا بە نهێنی و دوور لە چاوی داگیرکەر، بەردەوام لە گەشە و هەڵچووندان.
  • تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە
    دەقی وتووێژی کاک تەیموور مستەفایی، ئەندامی دەفتەری سیاسیی حیزبی دێموکراتی کوردستانی ئێران و بەرپرسی کۆمیسیۆنی تەشکیلاتی حیزب لەسەر خۆپێشاندانە سەرانسەرییەکانی ئێران و بڵاوکردنەوەی ڕاگەیەندراوی ئەم کۆمیسیۆنە لەم پێوەندییەدا، لەگەڵ تەلەفزیۆنی تیشک.
  • کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
    خوێنەرانی بەڕێزی "کوردستان"، سەبارەت بە دوایین بارودۆخی ئێران و کوردستان و هەروەها نەخش و دەوری کورد و حیزبی دێموکرات لە هاوکێشەکاندا، ماڵپەڕی "کوردستان میدیا" وتووێژێکی لەگەڵ بەڕێز "کاوە ئاهەنگەری" چاودێری سیاسی و ئەندامی حیزبی دێموکرات ئەنجام داوە کە لێرەدا دەخرێتە بەر دیدی ئێوەی خۆشەویست.
  • ئێمە و وێژمانەکانی داگیرکراوی و هەڵاوێردراوی ئێمە و وێژمانەکانی داگیرکراوی و هەڵاوێردراوی
    ئەم گوتارە ئەگەرچی لای گرووپ، ڕێکخراو و حیزبی سیاسیشەوە هەڵگیراوە، بەڵام بەوپێیەی کە ئەم دامەزراوەگەلە لە عەرزی واقیعدا کار دەکەن و پێویستیان بە دانوستان و دانیشتن و وەرگرتنی پووانی جیاواز هەیە، ئەم ڕێکارەیان هەتا ئیستە تا رادەیەک پاساو هەڵگرە؛ وەکوو تر لە ئاستی یەکانگیریی نەتەوایەتی و دینامیزمی کۆمەڵایەتییەوە هەندێک خەساریشی هەبووە کە لێرە ناگونجێ بەسەریاندا بێینەوە.
  • کۆمەڵگەی ئازاد لە سێبەری دێموکراسیدا کۆمەڵگەی ئازاد لە سێبەری دێموکراسیدا
    "ژان ژاک ڕۆسۆ"یش لە وتارێکیدا بە ناوی "ڕێککەوتنی کۆمەڵایەتی" دەقەکەی بەم ڕستەوە دەست پێ دەکات: "مرۆڤ سەرەڕای ئەوەیکە بە سەربەستی لە دایک دەبێت، بەڵام لە هەموو شوێنێکی ئەم دنیادا بندەست و دیلە".