کوردستان میدیا

ماڵپەڕی ناوەندیی حیزبی دێموکراتی کوردستانی ئێران

له‌ رێپێوانێکی کوردان له‌ باکوور، لاوێک کوژرا و1ی دیکه‌ش بریندار بوون

16:06 - 18 جۆزەردان 2712

کوردستان میدیا: له‌ گه‌وه‌ڕی باکووری کوردستان، پۆلیسی تورکیه‌ هێرشیان کردۆته‌ سه‌ر رێپێوانی خه‌ڵک و لاوێکی کوردیان کوشت و یه‌کێکی دیکه‌شیان بریندار کرد.
به‌گوێره‌ی راپۆه‌رتی ماڵپه‌ڕی ئاڤێستا کورد، رێکه‌وتی ١٧ی جۆزه‌ردانی ١٣٩١ی هه‌تاوی، له‌ کاتی رێپێوانی خه‌ڵک له‌ رێوڕه‌سمی ناشتنی ئه‌ندامێکی پارتی کرێکارانی کوردستان، پۆلیس هێرشیان کرده‌ سه‌ر خه‌ڵک و به گوشاری ئاو، بۆمبی گازی و گوللـه، هه‌وڵی بڵاو پێکردنی خه‌ڵکیان دا له‌ ئه‌نجامدا لاوێکی کورد به‌ناوی ئۆزگور تاشار گیانی له‌ ده‌ست دا.
هه‌ر له‌و هێرشانه‌دا لاوێکی دیکه‌ به‌ ناوی وه‌یسی یلدرمه‌ به‌ هۆی ته‌قه‌ی هێزه‌کانی تورکیه‌ بریندار بوو و ئێستاش له‌ نه‌خۆشخانه‌ی ده‌وڵه‌تیی جۆله‌مێرگ دایه.
پۆلیسی تورکیه‌ رێپێوان و کۆبوونه‌وه‌ی کوردان به‌ توندترین شێوه‌ سه‌رکوت ده‌کات و له ده‌سرێژی راسته‌خۆ به مه‌به‌ستی کوشتن خۆی ناپارێزێت.

راگەیەنەکانی حیزبی دێمۆکراتی کوردستانی ئێران