• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٢ی ژانویەی ٢٠١٨ی زایینی - ٠٢ی رێبەندانی ١٣٩٦ی هەتاوی  

لە بیرەوەریی ساڵڕۆژی رۆژنامەنووسیی کوردیدا، سڵاو لە نووسەرانی دەروەست (رەحیم رەشیدی)

زایینی: ٢٤-٠٤-٢٠١٤ - هەتاوی: ١٣٩٣/٠٢/٠٤ - ١٠:٤١ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
لە بیرەوەریی ساڵڕۆژی رۆژنامەنووسیی کوردیدا، سڵاو لە نووسەرانی دەروەست (رەحیم رەشیدی)
رەحیم رەشیدی

ئاشکرایە لە رێکەوتی ٢ی بانەمەڕ، بەرانبەر بە ٢٢ی ئاوریلی ساڵی ١٨٩٨ی زایینی بەملاوە، پاش ئەوەی تێکۆشەر و سوارچاکی مەیدانی رۆژنامەنووسیی کورد، مێقداد مەدحەد بەدرخان، بەردی بناخەی یەکەمین رۆژنامەی کوردیی لە شاری قاهیرە، لە وڵاتی میسر دامەزراند، لەگەڵ ئەوەی بە رەنج و کوێرەوەری و ماندووبوونێکی زۆر، لەو پەڕی دەستنەڕۆیشتوویی ماڵی و کەم کەرەستەییدا، کارێکی ئاوا مەزنی دەست دایە و بە بڵاوکردنەوەی رۆژنامە‌ی "کوردستان"، وەکوو یەکەمین رۆژنامەی بڵاوکراوەی کوردی، مۆمێکی پڕ تیرێژی بۆ خەباتگێڕانی بواری قەڵەم و نووسین داگیرساند، بە چەشنێک‌لە هەموو سەردەمەکان‌دا، رووناکبیرانی بە پەرۆش بۆ ئەدەب‌، پەیڤ و وێژەی کوردی، دەتوانن بۆ بڕینی رێگا تاریک و تنووکەکان، کەڵکی شایان و شیاوی لێوەرگرن.

بە ئاوڕدانەوە لەو راستییه،‌‌دەستپێک و سەرهەڵدانی وەشان و بڵاوکردنەوەی ئەوەڵین رۆژنامەی کورد بە زمانی کوردی، نەک لەسەر ئاخی کوردستان، بەڵکوو لە تاراوگە و بە دوور لە نیشتمانی کورد واتە کوردستان هاتە ئاراوە، ئەم دیاردە‌لە هەناوی خۆیدا دەرخەر و دەربڕی ئەو راستییە حاشا هەڵنەگرەیه،‌بارودۆخی ژیان‌ و گوزەرانی کوردەکان بە هۆی سیاسەتی سەرکوت ‌و داپڵۆسینی نەتەوەی کورد، لەلایەن داگیرکەرانی کورد و کوردستانەوە مەودا و دەرفەتی ئەوەی بۆ ڕچەشکێنێکی وەکوو مێقداد بەدرخان نەهێشتۆتەوە تاکوو بکارێ‌لەسەر خاکی باو و بایرانی خۆی،‌بە هێز و وزەیەکی پتر و بە بەرچاوڕوونییەکی زۆرترەوه،‌شەتڵی یەکەمین رۆژنامەنووسیی کوردی بنێت.

بە خوێندنەوەی ئەم بارودۆخە تاقەت پڕوکێن ‌و ئەستەمەیه،‌‌لە حەوڵ ‌و تێکۆشانی مێقداد بەردخان بۆ چاپ ‌و بڵاوکردنەوەی رۆژنامەی "کوردستان"، تێدەگەین ‌و باشتر نرخی هەنگاوە مەزنەکەیمان بۆ ئاشکرا دەبێت.

لە لایەکی دیکەوه، دەستدانە کارێکی ئاوا، دەربڕی ئەو راستییەشه،‌ رۆڵەکانی‌نەتەوەی کورد، لە بەرانبەر سیاسەتی چەوسانەوە و توونا کردندا، چۆکیان دانەداوە، بەڵکوو بە رووکردنە کاری فەرهەنگی حەولیان داوە سیاسەتی سڕینەوەی کورد لە لایەن دوژمنانەوە، بکەنە بڵقی سەرئاو.

هەر بۆیە، حەولەکانی خەباتگێڕانی بەدرخان لەم بوارەدا، هیچ کەمتر لە تێکۆشانی ئەو رۆڵە خەباتگێرانە نەبووە کە لە چیا و دۆڵەکانی کوردستاندا، بە پشت بەستن بە خەڵک و یارمەتی وەرگرتن لەوان، مان‌ و مەوجوودیەتی کوردیان بە فیدا کردنی ژیان و گوزەرانی خۆیان پاراستووە و دیپارێزن.

ئەم هەستی دەروەستی و بەرپرسییە بوو، ساڵانێک پاش حەولە بەپێزەکانی بەدرخان، رۆڵەکانی خەڵکی کوردستان‌، وێڕای دامەزراندنی کۆماری کوردستان لە ساڵی ١٣٢٤ی هەتاوی، بەرانبەر بە ١٩٤٦ی زایینی، وێڕای دەستبەرکردنی سەروەری سیاسی، بە هەموو توانایانەوە بۆ پەرە پێدان بە زانست‌ و پێشکەوتنی فرە لایەنەی کۆمەڵگای کوردستان، بە ئامانجی چاندنی تۆوی هوشیاری نەتەوەیی و چاوکراوەیی خەڵک، پەرەیان بە بواری رۆشنبیری بە گشتیی ‌و رۆژنامە نووسی بە تایبەتیدا. بڵاوکرانەوەی ئەو هەموو گۆڤار و نامیلکە لە ماوەیەکی کورتی دەسەڵاتی کۆماردا کە کەمتر لە ١٢ مانگ تەمەنی هەبوو، ئاوێنەی باڵانوێنی ئەو راستییە.

گومانی تێدا نییە،‌ئەزموون‌و خزمەتە بەرچاوەکانی کۆماری کوردستان، که شانازی‌دامەزراندن ‌و پێکهێنانی وەکوو رووداوێکی مەزنی نەتەوەیی کورد، بۆ هەموو نیشتمان پەروەرانی کورد دەگەڕێتەوه. لەم بەستێنەدا حیزبی دێموکرات وەکوو دامەزرێنەری سەرەکیی کۆمار، دوو جار شانازی پێدەبڕێ.

باندۆری لاینە جۆربەجۆرەکانی کۆمار، لە راپەرین‌ ‌و رابوونەکانی پاش کۆماردا، کە رۆڵەکانی نەتەوەی کورد لێرە و لەوێ، پێکیان ‌هێناوە و دەیهێنن، بە باشی دیار و بەرچاون.

پەرەسەندنی بواری رۆژنامەنووسیی کوردی، پاش شۆڕشی ئەیلوول ‌و دەسکەوتەکانی کورد لەو قۆناغەدا لە باشوری کوردستان، بە باشی سەلمێنەری ئەو راستییەن.

حاشا لەوە ناکرێ،‌تاکوو راپەڕینی گەلانی ئێران‌، دواتر راپەڕینی مەزنی بەهاری ١٩٩١ی زایینی، لە باشووری کوردستان، ئەوە خەباتگێڕانی کورد و پێشمەرگە رۆژنامەنووسەکان بوون، بە هەموو شێوەیەکی گونجاو لە تاراوگە، لە چیا و دۆڵ ‌و لە دڵی ئەشکەوتەکان‌دا؛ هەوڵی پاراستنی زمان‌ و پەیڤی کوردییان داوە ‌و مێژووی رۆژنامەنووسیی کورد، سەرەڕای هەموو کەموکۆڕییەکان لەم پێوەندیەدا، ئەم حەولە شوێندانەرانە هەرگیز لەبیر ناباتەوە‌ و بە چاوی رێزەوە سەیری دەکات.

هەرچەند بەشێکی بەرچاو لە خەڵکی کوردستان خوێندەوار نەبوون‌، بەڵام نووسین ‌و نووسراوەی جۆراوجۆری رێکخراوە شۆڕشگێڕ و ئازادیخوازەکانی کورد، تەنانەت لە ژێر سێبەری سیاسەتی ترس و تۆقاندنی رێژیمە سەرەڕۆکان‌دا، ئەم دەست ‌و ئەو دەستی کردووە ‌و دەیکات.

لە خۆڕا نییە‌تاکوو ئێستاش گیرانی نووسراوەیەکی رێکخراوە دێموکرات ‌و شۆڕشگێڕەکان بە دەست خەڵکەوە، لەو وڵاتانەی رووی ئازادی بەخۆوە نەدیوە، باسی سەرە.

ئێستا لە هەلومەرجێک‌دا باسی ساڵڕۆژی رۆژنامەنووسیی کورد دەکەین، بە خۆشییەوە له باشووری‌کوردستان، بە هۆی بوونی دەسەڵاتی شەرعی‌، یاسایی ‌‌‌و خەڵکی حکوومەتی هەرێمی کورستان، کە دەستکەوتی خەباتی پڕ لە قوربانیدانی کوردەکانە، رۆژنامەنووسیی کوردی هەنگاوی بەرچاوی ناوە و پێشکەوتنی دیاری بەخۆوە بینیوە، بەڕادەیەک‌دەکرێ جێگای هیوا پێ بەستن بێ.

بەڵام لەگەڵ هەموو ئەمانەش، نابێ ئەو راستییە لەبەر چاو نەگرین،‌بە هۆی نەبوونی کیانی سەربەخۆی نەتەوەیی‌، تاکوو ئێستا بواری لەبار بۆ پێکهاتنی رۆژنامەنووسیی سەربەخۆ ‌و ئاکادمیک وەکوو ئەوەی لە وڵاتانی دێموکرات‌ و پێشکەوتوودا باوە و رۆژنامە بە دەسەڵاتی چوارم دەژمێردرێت، بەرچاو ناکەوێت ‌و تاکوو گەیشتن بەو قۆناغە، رۆژنامەنووسانی کورد، رێگایەکی دوور و ئاستەمیان لە پێشە.

لە هەلومەرجی ئێستادا، بە هۆی تۆڕی جیهانی ئینترنێت ‌و پەرە گرتنی هەرچی زۆرتری رایەڵەکانی پێوەندی ‌و سازبوونی ئامێرە پێشکەوتووەکانی چاپ ‌و بڵاوکردنەوە، بە هاتنە ئارای ئەو هەموو ماڵپەڕ و وێبلاگ ‌و بڵاڤۆکە جۆربەجۆرانە، دەبێ دڵخۆش بین بەوەی دەسەڵاتە دژبەرەکانی ئازادیی‌بەیان، بە بەڕەێوە بردنی سیاسەتی تیرۆر، گیران‌، بێ سەروشوێن کردنی رۆژنامەنووسانی دەروەست و بەرپرس، بە فیلتێر کردنی وێبلاگەکان‌ و ماڵپەڕەکانی ئینترنێت، حەولی ئەوە دەدەن خەڵک دەستیان بە زانیاری پێویست رانەگات، کەچی پەرە سەندنی رۆژبەرۆژی ئەم بوارانە و حەولەکانی خەڵک بۆ تێگەیشتنی دروست لە کێشەکان، دەتوانێ دوژمنان‌و دژبەرانی ئازادی‌ و دێموکراسی لە گەیشتن بەم ئاواتەیان‌دا، رەنچ بەخەسار بکات.

ئەگەر "جۆهان کالۆس" لە شاری ستارسبۆرگ، لەسەدەی هەڤدەدا‌، نزیک بە ٣٠٠ ساڵ پێش مێقداد مەدحەد بەدرخان، بەردی بناغەی رۆژنامەنووسیی جیهانی دامەزراند‌، دەبینین کوردەکان سەرەڕای نەبوونی دەسەڵاتی سەربەخۆی نەتەوەیی ‌و کەرەستە و دەرفەتی پێویست لەم بوارەدا، هەنگاوی باشیان هاویشتوە و دەهاوێژن.

لەگەڵ ئەوەی شانازی دەکەن بەوەی هەیانه،‌بەڵام رازی نیین ‌و بۆ پێشکەوتن ‌و ستاندارد کردنی رۆژنامەنووسیی کوردی، وەکوو دەسەڵاتی چوارەم لە کۆمەڵگدا، بەرپرسانە و لە چوارچێوەی بەرژەوەندیی نەتەوەیی‌دا، بە لە قاودانی پرۆژە دەستەمۆ ‌و سڕبووەکانی نەیارانی کورد لەم بە‌ستێنەدا، بە ئاشکرا کردنی قەڵەمە چاوچنۆکەکانی عەوداڵی پووڵ ‌و پارە، بە شێنەیی، بەڵام بەرچاو روونانە و شایی بەخۆ،‌بۆ پێشەوە هەنگاو دەهاوێژن.

لە بیرەوەریی ساڵڕۆژی رۆژنامەنووسیی کوردیدا، وێڕای بەرز نرخاندنی هەموو ئەو تێکۆشانانە‌ی‌لەم بوارەدا کاریان کردووە و قەڵەمەکەیان ‌‌و ماندووبوونیان لە خزمەتی پەرە پێدانی راستی ‌و ئازادی بەیان‌دا بووە، بۆ پێشکەوتن ‌و تێگەیشنی خەڵک لە راستییەکان هەنگاویان ناوە‌و دەینێن، پیرۆزبایان پێدەڵێن ‌و لەو رێگا پیرۆزەدا، هاوڕێ لەگەڵ ئەوەی خۆمان لە تەنیشت ئەوان‌دا دەبینینەوە؛ لە کانگای دڵمانەوە هیوای سەرکەوتن ‌و پێشکەوتنیان بۆ دەخوازین.

بەرز و بەڕێز بێ یاد و بیرەوەریی ساڵڕۆژی دامەزراندنی رۆژنامەنووسی کورد
سڵاو لە گیانی مێقداد مەدحەد بەدرخان، بناغەدانەری رۆژنامەنووسی کورد
سڵاو لە قەڵەمە دەروەست‌، ئازاو بوێرەکان
سڵاو لە هەموو ئەو گیانانەی لە پێناوی ئازادی‌دا، سەربەرزانە سەریان دانا

ناوەڕۆکی ئەم بابەتە را و تێبینیی نووسەرە و ماڵپەڕی کوردستان میدیا لێی بەرپرسیار نییە
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٧ لەم ژمارەیەدا:

ــ خەباتی ڕۆژهەڵات بەردەوامە
ــ ڕاسان و گۆڕان
ــ ڕاسان و ڕۆڵی ژنان لەم دیسکۆرسەدا
ــ ئازادی، سەربەخۆیی و میریی و گەورەیی
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.
  • ئەرکەواز لە کوێیە و ئەرکەوازی کێن؟ ئەرکەواز لە کوێیە و ئەرکەوازی کێن؟
    ئەرکەواز لە باکوور و باکووری ڕۆژهەڵات و ڕۆژهەڵاتەوە پاڵی داوەتە داوێنی (پشتکێو)ەوە و لە باشوور و باشووری ڕۆژهەڵاتیشەوە دەبەسترێتەوە بە شاخی (بیورەواز) و لە باشوووری ڕۆژئاواشەوە پاڵی داوەتە شاخی (کەڵەک) کە بەرجەوەندی شار چەشنی دۆڵێکی بەرینی سەرسەوز بە بەرزی و نەوییەوە دەردەکەون و بینا و گەڕەک و کۆڵانەکانی لە نێوان دیمەنی سەرسەوز و داوێنی کێو و کەنار جۆگە و ئەو چەند کێوەدا بە جوانییەکی سەرنجڕاکێشەوە دەردەکەون.
  • سیستمی پەروەردە و بارهێنان لە ئێراندا بەرەو کوێ؟ سیستمی پەروەردە و بارهێنان لە ئێراندا بەرەو کوێ؟
    هیچ گیانلەبەرێک نییە کە بتوانێت بێبەش و دوورخراوە لە "پەروەردە و ڕاهێنان" بژیت و پێویستی بەو مەسەلەیە نەبێت، تەنانەت ئەگەر گیانلەبەرێک بە تەنیا لە هەر شوێنێک بژیت، بە تەنیا خۆی پەروەردە دەکات و "چۆنیەتی" ڕێڕەوی ژیانی خۆی دیاری دەکات بۆ ئەوەیکە بتوانێت لە بەردەم ئاستەنگ، کێشە و گرفتەکانی ژیاندا سەرکەوێ و ئەمنییەتی هەمەلایەنەی ژیانی دابین بکات.
  • ڕاسان و ڕۆڵی ژنان لەم دیسکۆرسە‌دا ڕاسان و ڕۆڵی ژنان لەم دیسکۆرسە‌دا
    ڕاسان لە واتای وشەییدا بە مانای هەڕەشە بۆ لێدان و هەستانەوە و ڕاسبوونەوە بەرامبەر بە هێرشبەرێک بۆ تۆقاندن و دابەزاندنی ورەی دێت.
  • \ "ئازادی، سەربەخۆیی و میریی و گەورەیی"
    ئەگەر تەنیا ئەو دوو ڕستەیەی ئەو رۆژنامەیە و سیاسەتی گشتی بەڕێوەبەرانی رۆژنامەکە و بە روونی سیاسەتی دەسەڵاتدارانی شۆڕشی سمکۆ سەیر بکەین و بیدەینە بەر سەرنج، بە روونی بۆمان دەردەکەوێت، کە خەڵکی کوردستان زۆر پێش ئەوەی ئەرتەشی سوور بۆ مەبەستی بەرگریکردن لە ئەگەری هێرشی ئاڵمان لە خاکی ئێرانەوە، رووبکاتە ئێران خۆی وەک نەتەوەیەک داناوە و باوەڕی بە بەرژەوەندی باڵای نەتەوەکەی هەبووە.
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    به‌ دوای رووخانی كۆماری كوردستان و له‌ سێداره‌درانی پێشه‌وا قازی مه‌حه‌ممه‌د له ١٠ی خاکەلێوەی ١٣٢٦ی هەتاوی‌(٣٠ی مارسی ١٩٤٧) خه‌باتی حیزبی دێموكرات كه‌وته‌ قۆناغێكی ئه‌سته‌مه‌وه‌، به‌ڵام حیزبی دێموكرات وه‌ك حیزبێكی ڕێنوێن، درێژه‌پێده‌ر و وه‌دیهێنه‌ره‌وه‌ی ئامانجه‌ به‌رزه‌كانی كۆماری كوردستان، ئه‌ركی رێكخستنی بزاڤی میللی- دێموكراتیكی كۆمه‌ڵانی خه‌ڵكی كوردستانی درێژه‌ پێدا.
  • ڕاسان و گۆڕان ڕاسان و گۆڕان
    حیزبی دێموکراتی کوردستانی ئێرانیش وەک هەر حیزبێکی دیکە، لە قۆناخی نوێدا پێویستی بە هزری نوێ و هێزی نوێ و رۆئیای دووبارە پێناسەکراو و سیستمی کاری نوێ هەیە.
  • شەپۆلەکانی شار شەپۆلەکانی شار
    شەپۆلەکانی شار پڕە لە هەست و سۆزی نیشتمانپەروەری و نەخشێنەری ئەو جووڵە و راچەنینانەیە کە لە نێو کۆمەڵی کوردەواریدا بە نهێنی و دوور لە چاوی داگیرکەر، بەردەوام لە گەشە و هەڵچووندان.
  • تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە
    دەقی وتووێژی کاک تەیموور مستەفایی، ئەندامی دەفتەری سیاسیی حیزبی دێموکراتی کوردستانی ئێران و بەرپرسی کۆمیسیۆنی تەشکیلاتی حیزب لەسەر خۆپێشاندانە سەرانسەرییەکانی ئێران و بڵاوکردنەوەی ڕاگەیەندراوی ئەم کۆمیسیۆنە لەم پێوەندییەدا، لەگەڵ تەلەفزیۆنی تیشک.
  • کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
    خوێنەرانی بەڕێزی "کوردستان"، سەبارەت بە دوایین بارودۆخی ئێران و کوردستان و هەروەها نەخش و دەوری کورد و حیزبی دێموکرات لە هاوکێشەکاندا، ماڵپەڕی "کوردستان میدیا" وتووێژێکی لەگەڵ بەڕێز "کاوە ئاهەنگەری" چاودێری سیاسی و ئەندامی حیزبی دێموکرات ئەنجام داوە کە لێرەدا دەخرێتە بەر دیدی ئێوەی خۆشەویست.
  • ئێمە و وێژمانەکانی داگیرکراوی و هەڵاوێردراوی ئێمە و وێژمانەکانی داگیرکراوی و هەڵاوێردراوی
    ئەم گوتارە ئەگەرچی لای گرووپ، ڕێکخراو و حیزبی سیاسیشەوە هەڵگیراوە، بەڵام بەوپێیەی کە ئەم دامەزراوەگەلە لە عەرزی واقیعدا کار دەکەن و پێویستیان بە دانوستان و دانیشتن و وەرگرتنی پووانی جیاواز هەیە، ئەم ڕێکارەیان هەتا ئیستە تا رادەیەک پاساو هەڵگرە؛ وەکوو تر لە ئاستی یەکانگیریی نەتەوایەتی و دینامیزمی کۆمەڵایەتییەوە هەندێک خەساریشی هەبووە کە لێرە ناگونجێ بەسەریاندا بێینەوە.
  • کۆمەڵگەی ئازاد لە سێبەری دێموکراسیدا کۆمەڵگەی ئازاد لە سێبەری دێموکراسیدا
    "ژان ژاک ڕۆسۆ"یش لە وتارێکیدا بە ناوی "ڕێککەوتنی کۆمەڵایەتی" دەقەکەی بەم ڕستەوە دەست پێ دەکات: "مرۆڤ سەرەڕای ئەوەیکە بە سەربەستی لە دایک دەبێت، بەڵام لە هەموو شوێنێکی ئەم دنیادا بندەست و دیلە".