• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٤ی فێڤریەی ٢٠١٨ی زایینی - ٠٥ی رەشەمەی ١٣٩٦ی هەتاوی  

کۆنسێرتی شەهرام نازری و کاردانەوە چاوەڕوان نەکراوەکانی میدیاکانی رێژیم/ وتووێژ

زایینی: ٠٢-٠٦-٢٠١٤ - هەتاوی: ١٣٩٣/٠٣/١٢ - ١١:٤٤ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
کۆنسێرتی شەهرام نازری و کاردانەوە چاوەڕوان نەکراوەکانی میدیاکانی رێژیم/ وتووێژ
کوردستان میدیا: پاش بەڕێوەچوونی کۆنسیرتی مۆسیقای کوردی لەلایەن مامۆستا شەهرام نازرییەوە، میدیا ناوخۆیی و دەرەکییەکانی ئێران پەرچەکرداری چاوەڕوان نەکراویان پیشان دا و ئەمەش لە تۆڕە کۆمەڵایەتییەکان بەشێوەیەکی بەرین دەنگی دایەوە.

لە کۆنسێرتی شەهرام نازری کە چەند رۆژ پێش ئێستا بەڕێوەچوو، سێ کۆپلە گۆرانیی فۆلکلۆری کوردی خوێندرا.

سەرەتا دەپەرژێینە سەر سەردێڕی گەلێک هەواڵ کەلە سایتە فارسییەکاندا بڵاو بوونەوتە و بۆ رەرچاوکردنی بنەما باوە میدیایییەکان، ئەوەی کە بڵاو کراوە وەکوو خۆی لێرە ئاماژەی پێ دەکەین.

مۆسیقای ئێران: "شەهرام نازری گۆرانییەکی دژە نەتەوەیی خوێند''.

رجا نیووز: ''ئەو گۆرانییە قەوم گەرایانە و دژە پارسییەی شارام نازری بووە هۆی دروست بوونی کەشێکی تایبەت لە کونسێرتەکەدا''.

پارسینە: ''من مناڵ کوردم فارسی نازانم، بەڵام بە زمانی کوردی گیانی بە فیدای تۆ کە فارسی. بە پێشچەانەوە ئەم شیعرە دژبەری قەومەکانە و دەڵێ گیانی من فیدای تۆ کە فارسی''.

کوردستان میدیا بۆ شیکردنەوەی زیاتری ئەم سەردێڕانە دیمانەیەکی لەگەڵ شەریف فەلاح نووسەر و وەرگێڕی کورد پێکهێناوە.

8602.jpg
شەریف فەلاح نووسەر و وەرگێڕی کورد


دەقی وتووێژەکە بەم چەشنەیە:

کوردستان میدیا: تووڕەیی ماڵپەڕە حکوومەتییەکانی رێژیم لە گۆرانیی شارام نازری بۆ چی دەگەڕێننەوە، ئایا ئەم کۆپلە گۆرانییەی شارام هیچ مەترسییەک دەخاتە سەر نەتەوەی فارس؟

شەریف فەلاح: یەکەم ئەوەی کە حکوومەتی کۆماری ئیسلامی لە بنەڕەتتدا هیچ چەشنە باوەڕێکی بە هیچ پێکهاتەیەکی نەتەوەیی و ئیتنیکی تر لە ئێران بێجگە لە نەتەوەی باڵادەست کە نەتەوەی فارس بێت، نییە، هەتا باوەڕی بە زمان، کولتوور و فۆلکلۆر و فەرهەنگیان وەک نەتەوەیەکی سەبەخۆ بێت. زۆر جار ئەو زمان و زاروەانەش بەناوی "گویش"ی ناوچەیی ناودێر دەکات و ئاواز و گۆرانییە میللی و رەسەنەکانی نەتەوەکانیش بەناوی "ئاواز و گۆرانییە ناوچەیییەکان"دەناسێنێ. ئەوەی کە بۆچی لەم گۆرانییە فۆلکلۆرەی "شارام نازری" تووڕە بووە، زۆر روون و ئاشکرایە، کۆماری ئیسلامی هەموو هونەرمەند و داهێنەر و کەسیایەتییەکی هونەری تەنیا لەپێناو بەرژەوەندی و ئایدۆلۆژییە سواوەکانی ئەودا بێت و بۆ ئەوان تواناکانی خۆی بخاتە گەڕ، لەلایەکی دیکەشەوە شارام نازری تەمەنێکە بە زمانی نەتەوەی بالادەست گۆرانی دەچڕێت، ئێستا لە سەردەم و قۆناغێکی هەستیاردا و لە کاتێکدا کە پرسی نەتەوەیی و زمان و زاڵبوونی کولتووری کورد و ئاگایی و وشیاریی نەتەوەیی لە کرماشان خەریکە هەڵدەکشێ و باڵا دەکات، حکوومەت بەمە بێزارە. ئەو لەوە دەترسێ کە ئەم ئاگایییە نەتەوەیییە گەشە بکات و پیلان و بەرنامەکانی بۆ گۆڕینی دیمۆگرافیای سیاسی و فەرهەنگیی کرماشان و دەوروبەری لێی ببنە بڵقی سەر ئاو. ئەو لە هێما پێگەی کۆمەڵایەتی و فەرهەنگیی نوخبە و ئیلیتە فەرهەنگییەکان دەترسێ، چونکە هەڵوێستی کەسێکی وەک شارام نازری کاریگەریی لەسەر بیروڕای خەڵک هەیە، ئەمەیە حکوومەتی تووڕە و دەهری کردووە، دەنا ئەم گۆرانییە لەمێژە لسەر زاری خەڵکە و میلۆدییەکی کۆنی فۆلکلۆرە.

کوردستان میدیا: کورد فارسی نازانێ، ئەمە چیی تێدایە کەوا فارسەکان تووڕە دەکا؟ یان بڵێین پرسێک بە ناوی کورد بوون مەترسیی بۆ سەر فارس هەیە؟

شەریف فەلاح: نا کورد، فارسی دەزانێ و زۆر باشیش دەزانێ، زۆرن ئەو نووسەر و ئەدیب و مامۆستا کوردانە لە فارسەکان باشتر فارسی دەزانن، بۆ ئەمەش بەڵگە زۆرە، چونکە فەرهەنگ و زمانی فارسی هەڵگری پاشخانێک و ژیارێکی کۆن و لەمێژینەیە و تەنیا خاوەنی ئەم حکوومەتە نییە، بەڵکوو مەسەلەکە لەمە دایە، ئەم نا گوتنەی کورد، بۆ ئەوەی من زمانی کوردی نازانم، حکوومەتی وەزاڵە هێناوە و دیواری کۆشک و تەلارە رزیوەکەیان دێنێتە لەرزین، چونکە ئەم نایە نایە کە هەڵوێستی سیاسی و دیرۆکی تێدایە. بەڵێ پرسێک بەناوی کوردبوون لە رێگەی زمان و کولتوورەوە خەریکە فۆرم دەگرێ، بەتایبەتی لە ناوچەیەکی وەکوو کرماشان و ئیلام کە رێژیم خەونی گڵاو و رەنگاڵەیی بۆ بینیوە. گەشەکردنی پرسی کوردبوون لەمێژە لە ئارا دایە، نا مەترسیی بۆ "فارس بوون" نییە، بەڵکوو ئەگەر ئەم کوردبوونە لە رێگەی زمان و دیرۆک و کولتوورەوە بێت، تەنانەت گەورەترین پاڵپشت و کۆڵەکە دەبێت بۆ زمانی فارسی و پێشگیرییە لە ناوچوونی. ئەم مەترەسییەی کە رێژیم هەستی پێکردووە، مەترسییەکە کە ئەم هەستە بۆتە شعوور، بۆتە ئاگایی و خەریکە رێچکەی خۆی دەبینێتەوە و بۆتە مەترسی بۆ سەر دەسەڵاتی کۆماری ئیسلامی کە زیاتر لە ٣٥ ساڵە حاشای لە بوونی نەتەوەی کورد کردووە.

کوردستان میدیا: هەندێ لە میدیا فارسەکانی سەربە رێژیمی ئێران گۆرانییەکەی شەهرام نازرییان بە شەرمهێنەر وەسف کردبوو. گۆرانیی ''من کرماشانیم فارسی نیەزانم'' چ شتێکی تێدایە کە نەتەوەی فارس بە شەرمی دەزانێ؟

شەریف فەلاح: کۆماری ئیسلامی و دارودەستە تۆقیوەکەی کەلە داتاشینی دەستەواژە بێ ناوەرۆک و بێ بنەماکان بۆ شکاندنی کەسایەتی و پێگەی نوخبەی نەتەوەکانی ئێران شارەزان، دەنا ئەم گۆرانییە هەست و کوڵ و کۆیەکی پڕ لە جوانیناسانەیە و رۆڵەیەکەی ئەم نیشتمانە کە بە زمانەکەی خۆی کە زمانی دایکیەتی دەرێبڕیوە. وشەی شەرمهێنەر نەشیاوە و دەبێ بۆ بەکارهێنەرانی ئەو وشەیە بەکار بهێنرێت، کە ئەگەر کەسێک بە زمانێکی جیا لە زمان و فەرهەنگی ئەوان گۆرانی چڕێ و رازی دڵی دەربڕی، بە قەولی ئەوان "دژە میللی"یە و لە هێڵ و رێبازی وەهماویی ئەوان لای داوە. "من کرماشانیم فارسی نییەزانم" رستەیەکی زۆر سادەیە من پێم وایە زۆرێک لە فارسە خوێندەوارەکانیش لێی تێدەگەن، واگنر ده‌ڵێ "ئاواز و گۆرانی ده‌ربڕینی هه‌ست و سۆز و ئیشتیاقه‌" یانی من خەڵک کرماشانم و فارسی نازانم، خۆ فارسی نەزانین کوفر نییە، ئاخۆ ئەگەر فارسێکی تارانی، شیرازی یان ئیسفەهانی "من مناڵ شیرازم کوردی نییەزانم" لە روانگەی تاران نشینەکانەوە ئەمیش ئەبێتە دژە میللی؟ ئاخۆ بۆ ئەو شەرمهێنەر نییە، ئەم خولیایەی دڵی خۆی بڵێت؟ ده‌سه‌ڵاتی زۆره‌مل و پاوانخواز ده‌یهه‌وێ من و تۆ و ئه‌وان و تێکڕای به‌رمابه‌ره‌که‌ی وه‌ک ئه‌و بیر بکه‌نه‌وه‌و به‌زمانی ئه‌و وه‌سفی بکه‌ن. ئه‌و له‌وه‌زراوی تۆقیوه‌نه‌ته‌وه‌کانی ئێران خه‌ریکن ده‌گه‌نه‌ئاستێکی وشیاریی نه‌ته‌وه‌یی و خه‌ریکن نایه‌ک به‌سه‌رله‌به‌ری رێژیم ده‌ڵێن، مه‌سه‌له‌که‌زۆر له‌وه‌قووڵتره‌که‌بێین ته‌نیا له‌وتنی ئه‌م شیعره‌لیریکی و کۆنه‌فۆلکلۆرییه‌دا کورتی بکه‌ینه‌وه‌. ئه‌م پرسه‌له‌وێدا بۆ ئه‌و جێگای شه‌رمه‌که‌بیروڕای گشتی و دونیا ده‌زانێت کێشه‌ی نه‌ته‌وه‌کان له‌ئێران خه‌ریکه‌ده‌بێته‌پرسی رۆژه‌ڤ. مه‌به‌سته‌که‌روون و ئاشکرایه‌کۆماری ئیسلامی ده‌یهه‌وێ پێگه‌و هه‌یمه‌نه‌ی نه‌ته‌وه‌کانی ئێران بشکێنێ، ده‌نا شیعر و گۆرانی بڕ و بیانوویه‌وه‌ک ئه‌م شیعره‌ی شێخ به‌هایی که‌ده‌ڵێ " مقصود من از کعبه و بتخانه تویی تو/ مقصود تویی، کعبه و بتخانه بهانه.

کوردستان میدیا: کاردانەوەی توندی چالاکانی کورد لە کوردستانی ئێران و پاڵپشتییان لەو هونەرمەندە نەتەوەیییە، دەتوانێ چ مانایەک بگەیەنێ، یان چ پەیامێکی بۆ کۆماری ئیسلامی پێیە؟

شەریف فەلاح: کاردانەوە و پاڵپشتیی چالاکانی فەرهەنگی لە کوردستانی ئێران لەم هەڵویستەی شارام نازری، هەڵگری پەیامێکی روونە کە ئەم پەیامە زیاتر لە نیو سەدەیە خوێن و قوربانیی بۆ دراوە، هەتا گەیشتوەتە ئەم قۆناغە، هەرچەند پاڵشتییەکە لەوانەیە زیاتر لە فەزای مەجازیدا بێت و نەگوازرێتەوە بۆ ناو جەرگەی کۆمەڵ، بەڵام ئەمەش خۆی لەخۆیدا کۆماری ئیسلامیی داچڵەکاندووە، ئەوە نییە، بە تەوس و توانج، بە وشەی بێ ریزی و سووکایەتی بەو هونەرمەندە دەیانهەوێ قینی دڵی خۆیان هەڵڕێژن بە نەتەوەی کورد؟ ئەم پەیامە لەلایەک شڵەژانێکی دەروونیی کۆماری ئیسلامییە و لەلایەکی دیکەشەوە وریا و بە ئاگاهێنانەوەی ئەوانەی هەتا ئێستا روویان لە دەسەڵات و پێشتیان لە نەتەوە و کۆمەڵگەی خۆیان بووە، کە دەبێ بێنەوە ناو جەرگەی خەبات، دەبێ بزانن کورد دەڵێ "بەرد لەجێی خۆی سەنگینە''.

کوردستان میدیا: بەرپرسانی رێژیم و ژمارەیەک لە فارسە فاشیستەکان لە گوتنی ئەو کۆپلە گۆرانییە فۆلکلۆرەی شارام نازری حەپەساون. ئایا قەڵای رێژیمی ئاخووندی ئەوەندە لەرزۆک بووە کە بەو رستە گۆرانییە دەهەژێت، یان پێشوازیی بەربڵاوی بەشدارانی کۆنسێرتەکە ئەو مەترسییەی خستووەتە دڵی دەسەڵاتدارانی تارانەوە؟

شەریف فەلاح: هەردووکیان راستە، لەلایەک کۆشک و قەلای زۆرداریی رێژیم بناغەکەی نەشێلراوە و قوڕچڵپاوی مێشکی کۆمەڵێک بیرتەسکی سەدە نێوەڕاستییە و بە چووکەترین تەکان و ورووژان دێتە لەرزین و دادەتەپێ. لەلایەکی دیکەشەوە پێشوازیی بەرین و بەرفراوانی خەڵکی تینووی فەرهەنگ و زمانی رەسەن و دایکیی خۆیان و خەڵکی هەڵوەدای شنەبای ئازادی هێندەی دیکە رێژیمی دەهری کردووە، بۆیە وەک ماری بریندا وایە و لە فکری تۆڵە و رژاندنی ژاری خۆی دایە. بینیمان ژاری خۆی لە رێگای راگەیەنە زمان پیسەکانییەوە دەڕێژی، بەڵام ئەم کاردانەوەیە هێندەی دیکە هەم هونەرمەندی بە هەڵوێست، هەم خەڵکی هەڵوەدا و خولیای ئازادی بۆ دەستەبەری خەون و ئامانجە رەواکانیان سوورتر و شێلگیرتر دەکات. دەبێ لەوە خاترجەم بین دەیەی ٩٠ی هەتاوی لە رۆژهەڵاتی کوردستان دەیەی وشیاریی نەتەوەیی و بەتایبەت فەرهەنگی و زمانییە لە دوو پارێزگای کرماشان و ئیلام و ئێستاش ئەم بزاوتە رۆژ لە دوای رۆژ خەریکە فۆرم و ئاراستەی خۆی دەدۆزێتەوە.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.