کوردستان میدیا

ماڵپەڕی ناوەندیی حیزبی دێموکراتی کوردستانی ئێران

له‌پێناوی‌كام به‌رژه‌وه‌ندی‌دا؟

17:04 - 23 جۆزەردان 2714

برووسكه‌سنه‌یی‌

ماوه‌یه‌ك ده‌بێ‌به‌تایبه‌ت، دوای‌چۆلكردنی‌عێراق له‌لایه‌ن ئامریكا ‌و ده‌ست رۆیشتووتر بوونی‌سپای‌پاسدارانی‌رێژیمی‌ئیسلامی‌ئێران له‌عێراقدا ، هێرش‌ و زه‌ربه ‌لێدان له‌حیزبه‌كانی‌كوردستانی‌رۆژهه‌ڵات تا دێ‌زیاتر ده‌كا.

هه‌رچی‌زیاتر سپای‌پاسدارانی رێژیمی‌تاران ده‌ست له‌كار‌وباری‌عێراق ‌و هه‌رێمی‌كوردستان وه‌رده‌دا زیاتر دێته‌نێو كێشه‌‌ و مڵملانێ كانه‌وه‌، تیر‌وتانه‌تێگرتن ‌و زه‌ربه‌لێدان‌ و بردنه‌ژێر پرسیاری حیزبه‌كانی كوردستانی ئێران له‌لایه‌ن كه‌سانێك به‌ناوی‌سیاسی‌یان رۆژنامه‌وان ‌و... زۆر به‌رزتر ده‌بێته‌وه‌‌ و به‌راشكاوانه‌تر رۆڵی‌پێشه‌نگی‌بۆ لێدان له‌حیزبه‌كانی‌كوردستانی‌رۆژهه‌ڵات ده‌گێڕن.

ئه‌وه‌ی‌كه‌جێگای‌سه‌رسووڕمانه‌، ئه‌وه‌نیه‌كه‌بۆچی‌سپای‌پاسداران ‌و هێزی‌قودس‌ و قاسم سولێمانی ‌‌و جه‌عفه‌ری‌سه‌حراروودی‌بكوژی‌رێبه‌رانی‌كورد، به‌دژی‌حیزبه‌كانی‌رۆژهه‌ڵات پیلان ده‌گێڕن ‌و خه‌ڵكانێك هان ده‌ده‌ن؟ به‌ڵكوو جێگای‌سه‌رسووڕمان ئه‌وه‌یه‌كه‌كه‌سانێك كه‌خۆیان به‌ناو سیاسی‌یان رۆژنامه‌وان ده‌ناسێنن، ده‌كه‌ونه‌ئه‌و داوه‌وه ‌‌و له‌بیریان ده‌چێ‌كه‌هه‌ر هیچ نه‌بێ‌خه‌ڵك ‌و حیزبه‌كانی‌كوردستانی‌رۆژهه‌ڵات رۆژێك له‌رۆژان دۆست‌ و هاوپه‌یمانی‌به‌شێكی‌به‌رچاوی‌حیزبه‌كانی‌باشوور بوون‌ و له‌ئه‌ركی‌برایه‌تی ‌‌و پشتیوانی‌لێكردندا قه‌ت درێغیان نه‌كردوه ‌‌و قه‌ت خه‌می‌وانیان له‌خۆیان دوور نه‌خستوه‌ته‌وه‌، نه‌ته‌نیا ئه‌وه‌به‌ڵكوو هه‌رگیز به‌جۆرێك نه‌دواون كه‌به‌رژه‌وه‌ندی‌كورد له‌هه‌ر پارچه‌یه‌كی‌كوردستان به‌رنه‌ژێر پرسیار.

په‌ڕه‌گرتنی‌هێرش به‌دژی‌حیزبه‌كانی‌رۆژهه‌ڵات له‌م ماوه‌یه‌دا له‌چه‌ندین تریبوون ‌و میدیای‌جیاوازه‌وه‌خۆی‌ده‌رخست‌و به‌سیمای‌جیاواز ‌و به‌لێدوانی‌جیاوازه‌وه‌بانگی‌هێرش بۆ سه‌ر ئه‌و حیزبانه‌یان داوه‌، به‌ڵام هیچ كام له‌و میدیا ‌و كه‌سانه‌ئاماده‌نه‌بوون ته‌نانه‌ت ده‌نگێكی‌لاوازی‌ناڕه‌زایه‌تی‌به‌رامبه‌ر به‌كۆنسولخانه‌ی‌كۆماری‌ئیسلامی‌له‌سلێمانی‌ده‌رببڕن كه‌سووكایه‌تی‌به‌هه‌موو كورد له‌هه‌موو شوێنێك كرد بوو‌و هه‌ڕه‌شه‌ی له‌كوردانی باشووریش كرد بوو، یا له‌ئاست ئه‌و هێرشەی‌ سوپای‌پاسداران بۆ سه‌ر كوردستان ‌و ئیعدامی‌ئه‌و هه‌موو تێكۆشه‌ره‌ی‌رۆژهه‌ڵات مته‌قیان لێوه‌نایه‌تۆ بڵێی ئه‌وانه‌ی له‌م دواییه‌دا دژ به‌حیزبه‌كانی رۆژهه‌ڵات قسه‌یان كردوه‌له‌ترسی ئه‌و هه‌ڕه‌شه‌یه‌ی كونسولگه‌ریی كۆماری ئیسلامی ئه‌و جۆره‌لێدوانه‌یان دابێ؟ یا له‌بیری‌ده‌ستخۆشانه‌ی‌كۆماری‌ئیسلامی‌دا بن ‌و ئیمتیازی‌پێ‌وه‌ربگرن.

هه‌ر له‌و چوارچێوه‌‌ و له‌دواین نموونه‌دا، له‌رۆژنامه‌ی چاوه‌دێر، ژماره‌ی ٤٧٠، رۆژی دووشه‌ممه‌ رێكه‌وتی ٢/٦/٢٠١٤ی زایینی له‌لاپه‌ڕه‌ی ٨ له‌ستوونی گه‌رمه‌باسدا، كه‌سێك به‌ناوی ئه‌حمه‌دعه‌بدوڵڵا هێرشێكی زۆر ناڕه‌وا ‌و ناكوردانه‌ی كردوه‌ته‌سه‌ر حیزبه‌كانی كوردستانی رۆژهه‌ڵات ‌و وه‌ك بڵێی ئه‌و حیزبانه‌چاو له‌ده‌ستی‌ به‌ر ده‌رگای كه‌سانی‌وه‌ك ئاغای ئه‌حمه‌دعه‌بدوڵڵا بن ‌و ئه‌ویش بۆ خۆش خزمه‌تی‌به‌دۆژمنانی‌كورد ده‌ستیان به‌سینگه‌وه‌ بنێ ‌‌و قورسایی‌بوونیان له‌كوردستانی‌ئازاد له‌سه‌ر خۆیان لابه‌رن!!

ئه‌حمه‌د عه‌بدوڵڵا نووسه‌ری ئه‌و ستوونه‌كه‌ره‌نگه‌رۆژێك له‌رۆژان شاره‌زاییه‌كی له‌سه‌ر خه‌بات ‌و قوربانی دان ‌و تێكۆشان نه‌بووبێ ‌و هیچ له‌رابردووی نه‌ته‌وه‌كه‌ی‌ و خه‌باتی كورد له‌كوردستانی رۆژهه‌ڵات نه‌زانێ، ته‌نیا ئه‌و ئه‌ركه‌ی جێبه‌جێ كردوه‌كه‌سووكایه‌تی به‌حیزبه‌كانی رۆژهه‌ڵات بكا ‌و چه‌ند خاڵێكی كردوه‌ته‌بیانوو بۆ پێداهه‌ڵپڕژان به‌خه‌باتی به‌شێك له‌كوردستان.

ـ جه‌نابی ئه‌حمه‌د عه‌بدوڵڵا، ده‌ڵێ كه‌ئه‌و حیزبانه‌به‌هۆی سه‌رقاڵ نه‌بوون به‌چالاكیی سیاسی‌یه‌وه‌ژماره‌یان زۆر زیاتر ده‌بێ ‌و جیابوونه‌وه‌یان تێ ده‌كه‌وێ. پرسی جیابوونه‌وه‌ ‌و لێكترازانی حیزبه‌كان به‌داخه‌وه‌پرسێكی گشتگیر‌ و یه‌كه‌م جاریش له‌كوردستانی رۆژهه‌ڵات سه‌ری‌هه‌ڵ نه‌داوه‌، ئێستایشی‌له‌گه‌ڵ دا بێ هه‌ر به‌رده‌وامه ‌‌و حیزبه‌كانی باشوور ‌و باكوور‌و رۆژئاواش پێوه ده‌ناڵێنن، به‌ڵام باشتر وایه‌كاك ئه‌حمه‌عه‌بدوڵڵا داوا بكا كه‌هیچ لایه‌نێك پشتیوانی‌له‌جیابوونه‌وه‌كانی نێو حیزبه‌كانی رۆژهه‌ڵات نه‌كه‌ن، ئه‌و كات هه‌ندێك له‌كێشه‌كان كه‌متر ده‌بنه‌وه‌.

ـ جه‌نابی ئه‌حمه‌د عه‌بدوڵڵا ده‌ڵێ له‌دوای راپه‌ڕینه‌وه‌به‌فه‌رمی‌له‌ناوچه‌سنووریه‌كان كشانه‌وه‌‌و له‌و كاته‌شه‌وه‌له‌حیزبی ئۆپوزیسیون ناچن، پرسیار ئه‌وه‌یه‌ئه‌و مه‌سه‌له‌یه‌ته‌نیا بۆ هێزه‌كانی‌رۆژهه‌ڵاتی‌درووسته‌یا هه‌ر حیزب‌ و لایه‌نێك له‌بڕگه‌یه‌ك له‌زه‌ماندا تووشی‌وه‌ها حاڵه‌تێك بوو بێ‌له‌ئوپۆزیسیون ده‌شۆریته‌وه‌؟! له‌حاڵێكدا ئه‌وه‌فڕی به‌سه‌ر راستیه‌وه‌نییه‌.

پێشنیارێك بۆ كاك ئه‌حمه‌د عه‌بدوڵڵا ئه‌وه‌یه‌كه‌ وه‌دوای‌سه‌رچاوه‌ی‌ئه‌و مه‌سه‌له‌یه‌بكه‌وێ‌كه‌بۆ چی‌حیزبه‌كانی رۆژهه‌ڵات له‌ناوچه‌سنووریه‌كان كشانه‌وه ‌‌و چه‌ند جار به‌چ شێوازێك زه‌خت كرا سه‌ر حیزبه‌كانی‌رۆژهه‌ڵات‌ و داواتان لێكردن كه‌ئه‌زموونه‌كه‌مان ساوایه‌با كۆماری‌ئیسلامی‌ لێمان تێك نه‌دا؟!

ـ كاك ئه‌حمه‌د عه‌بدوڵڵا ده‌ڵێ‌كه‌له‌و كاته‌وه‌حیزبه‌كانی‌رۆژهه‌ڵات به‌درێژایی‌ئه‌وه‌نده‌ساڵ به‌كه‌یفی‌خۆیان گوزه‌راندوویانه‌! باشتر وانیه‌كه‌كاك ئه‌حمه‌د عه‌بدوڵڵا هه‌ندێك له‌مێژوو بخوێنێته‌وه ‌‌و بزانی‌له‌م ٢٠ ساڵه‌ی‌دوایدا، كه‌به‌قەولی‌ئه‌و حیزبه‌كانی‌رۆژهه‌ڵات به‌كه‌یفی‌خۆیان گوزراندوویانه‌! چه‌ند كه‌س له‌كادر‌ و پێشمه‌رگه‌كانیان له‌باوه‌شی‌باشووردا به‌ده‌ستی‌تیروریستانی‌كۆماری‌ئیسلامی‌‌و هاوكاره‌كانیان تیرۆر كراون؟ ‌و نرخی‌خوێنیان له‌كۆماری‌ئیسلامی‌وه‌رگیراوه‌ئه‌گه‌ر گوزه‌ران ئه‌وه‌یه‌داوا ده‌كه‌ین به‌نیسبه‌ت كه‌سانی‌وه‌ك به‌ڕێزیشیان بێ‌.

ـ كاك ئه‌حمه‌د عه‌بدوڵڵا ده‌ڵێ‌كه‌هه‌ر كات حه‌زیان لێ‌بوو هێرش ده‌كه‌نه‌سه‌ر كۆنسولخانه ‌‌و ماڵه‌دراوسێیان لێ‌تووڕه‌ده‌كه‌ن! خوا دراوسێی‌چاك له‌كه‌س نه‌ستێنێ‌! باشه‌له‌فینلاند ‌و كانادا‌ و ئوسترالیا‌ و چوار گۆشه‌ی‌دنیا، خه‌ڵكی‌بیانی‌كه‌كوردیان نه‌دیوه ‌‌و زمان ‌و ئایین ‌و نه‌ژادیان جیاوازه‌، له‌سێداره‌دانی‌لاوانی‌كوردیان به‌ده‌ستی‌كۆماری‌ئیسلامی‌مه‌حكووم كرد، ئه‌ی‌كاك ئه‌حمه‌د عه‌بدوڵڵا ‌و كه‌سانی‌وه‌ك ئه‌و بۆ هیچ وشه‌یه‌ك تان بۆ مه‌حكوومكردنی‌ئیعدامی‌لاوانی‌كورد به‌ده‌ستی‌ماڵه‌درواسێ‌ده‌رنه‌بڕی‌، به‌ڵام خه‌می‌كونسولگه‌ری‌ده‌خۆن، تۆ بڵێی‌ئه‌وه‌له‌دڵێكی‌پاك‌و هه‌ڵوێستێكی‌ كوردپه‌روه‌رانه‌وه‌هاتبێ‌.

له‌كۆتایی‌دا رووی قسه‌له‌و جۆره‌چالاك ‌و سیاسی ‌‌و رۆژنامه‌وانانه‌یه‌؟! كه‌به‌خۆشیه‌وه‌زۆریش نین ئه‌وه‌یه‌كه‌كوردستانی‌رۆژهه‌ڵات چاوه‌ڕوانی‌پشتیوانی‌ ‌و پاڵپشتی‌كه‌سانی‌وه‌ك ئێوه‌نیه ‌‌و له‌دژوارترین قۆناغه‌كانی‌مێژوو‌و خه‌باتدا هه‌م خۆراگر بووه ‌‌و هه‌م پاڵپشتی‌شۆڕشی‌باشوور بووه‌، به‌ڵام كوردستانی‌رۆژهه‌ڵات چاوه‌ڕوانی‌ئه‌وه‌ی‌له‌خه‌باتكاره‌سیاسییه‌كانی‌راسته‌قینه‌له‌باشوور هه‌یه ‌كه‌ئه‌وان شاره‌زای‌مێژوو‌و خه‌بات ‌و پرسه‌نه‌ته‌وه‌یی‌یه‌كان هه‌ن، ده‌ره‌تان به‌و جۆره‌ده‌نگانه‌نه‌ده‌ن، چوونكه‌هه‌موو لایه‌ك به‌په‌ڕه‌گرتنی‌ده‌نگی‌له‌و بابه‌ته‌زه‌ره‌رمه‌ند ده‌بین.

ناوەڕۆکی ئەم بابەتە را و تێبینیی نووسەرە و ماڵپەڕی کوردستان میدیا لێی بەرپرسیار نییە