• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢١ی ژانویەی ٢٠١٨ی زایینی - ٠١ی رێبەندانی ١٣٩٦ی هەتاوی  

د. قاسملوو، رێبه‌رێکی دێموکرات و سیمای به‌رزی مرۆڤایه‌تی (حوسێن نازدار)

زایینی: ١٠-٠٧-٢٠١٤ - هەتاوی: ١٣٩٣/٠٤/١٩ - ١١:٥٤ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
د. قاسملوو، رێبه‌رێکی دێموکرات و سیمای به‌رزی مرۆڤایه‌تی (حوسێن نازدار)
حوسێن نازدار

٢٢ی پووشپەری ١٣٩٣هەتاوی ٢٥ساڵ بەسەر شەهیدبوونی دوکتور قاسملووی زانا و مەزندا تێدەپەرێ، بەم بۆنەوە و لەم رۆژەدا حیزبی دێموکراتی کوردستانی ئێران و گەلی کورد و دۆستان و لایەنگرانی کورد و دوکتورقاسملوو، لە زۆر شوێنی جیهاندا، بە شێوەی جۆراوجۆر رێز لە یاد و بیرەوەریی ناودارترین کەسایەتیی سیاسی و گەورە پیاوی مێژووی کورد، دوکتور قاسملووی نەمر دەگرن.

لە ٢٢ی پووشپەڕی ساڵی ١٣٦٨ی هەتاوی (بەرانبەر بە ١٣ی ژووئیەی ساڵی ١٩٨٩ی زایینی)دا، تیرۆریستە دڵڕەشەکانی رێژیمی ولایەتی فەقیهـ، کەبە رواڵەت بۆ باس و دیالۆگ لەسەر مەسەلەی کورد لە ئێرانەوە ناردرابوونە ڤییەن (پایتەختی ئوتریش ). دوکتورقاسملوو سکرتێری گشتیی حیزبی دێموکراتی کوردستانی ئێرانیان دەگەڵ کاک "عەبدوڵڵا قادری ئازەر" ئەندامی کۆمیتەی ناوەندی و نوێنەری حیزب لە دەرەوەی وڵات و''دوکتور فازڵ رەسووڵ'' ماموستای کوردی زانستگەی ڤییەن، تیرور کرد.
رێبەرانی کۆماری ئیسلامیی ئێران، دەیانزانی کە د. قاسملوو هەروەک لە خەبات بۆ دادپەروەریی سیاسی و نەتەوایەتی و کۆمەڵایەتیدا شێلگیرە، زۆر زیاتر لەوەش باوەڕی بە وتووێژ و چارەسەری ئاشتیخوازانەی مەسەلەی کورد هەیە و هەر بۆیە کاتێک لە رێگای نیزامییەوە زەفەریان پێ نەبرد ، فێڵبازانە و دەغەڵکارانە لە دەروازەی ئاشتیخوازانەوە بۆی هاتنە مەیدان و بە ناوی وتووێژی ئاشتیخوازانە لەسەر مافی گەلی کورد لە کوردستانی ئێران، لە ڤییەن دەگەڵی دانیشتن و تێروریان کرد.

راستییەکی حاشا هەڵنەگرە کە شەهیدبوونی د. قاسملوو زەبرێکی کاریگەر و خەسار و کۆستێکی مەزن و شوێندانەر بوو کە بە تایبەتی لە حیزبی دێموکراتی کوردستانی ئێران کەوت. تەنانەت دەتوانین بڵێین ئەو کۆستە گەورەیە، کۆستی هەموو نەتەوەی کورد بە گشتی و بزوتنەوەی مافخوازانەی گەلانی ئێران و بزوتنەوەی خەبات بۆ ئاشتی و ئازادی و دێموکراسی لە ئاستی جیهانیدا بوو.

ئەو کۆستە گەورەیە لەلایەک بوو بە مایەی خەم و پەژارەی خەڵکی کوردستان و دۆستانی گەلی کورد و لەلایەکی دیکەوە رق و قینی شۆڕشگێڕانەی رۆڵەکانی گەلی کوردی بەرانبەر بە رێژێمی ئاخووندی زیاتر لە پێشوو بزواند و لەسەر درێژەدانی خەبات و رێبازی رێبەرە مەزنەکەیان شێلگیرتری کردن و لە ئاستی جیهانیشدا، سیما و نێوەڕۆکی تێرویستی کۆماری ئیسلامیی ئێرانی باشتر دەرخست.

دوکتور قاسملوو، بە شاهیدی و ئیعترافی زۆر کەسایەتیی ناوداری کورد و ئێرانی و جیهانی کەلە نزیکەوە ناسیویانە، گەورەترین و بە ئیعتبارترین کەسایەتیی سیاسی و مێژووی کورد بوو، تەنانەت لە رۆژهەڵانی ناوەڕاستیشدا کەسایەتیەکی کەم وێنە بوو، بزووتنەوەی رزگاریخوازیی کوردستان بۆ بەشێکی بەر چاو لە دەسکەوتە سیاسییەکانی خۆی قەرزداری زانایی و زیرەکیی سیاسیی ئەو رێبەرە مەزنەیە، بە داخەوە ئیستاشی لەگەڵ بێ‌ گەلی کورد رێبەرێکی دیکەی هاوتای قاسملووی نەبووەتەوە.

دوکتور قاسملوو، خوێندکارێکی زیرەک و بە بەرنامە، مامۆستایەکی کەم وێنە، بیرمەند و رووناکبیرێکی بیرکراوە و تێژبیر و وریا و ژیر بوو.

دوکتور قاسملوو، رێبەرێکی مودێرن و سیمایەکی دێموکرات، مرۆڤێکی شۆڕشگێڕ، سیاسەتوانێکی واقیعبین و نموونە، دیپلۆماتێکی هەڵکەوتو وسەفیرێکی گەورەی نەتەوەی چەوساوەی کورد بوو.

دوکتور قاسملوو، مودیرێکی داهێنەر و چالاک و پڕکار و ماندوویی نەناس، رێکخەرێکی بە توانا و ئەمانەتدار، پێشمەرگەیەکی بە نەزم و دیسیپلین، تێکوشەرێکی خاکی و خەڵکی و بەهەست و قسە خوش و راستگۆ، کوردێکی مافخواز و نیشتمانپەروەر بوو.

دوکتور قاسملوو، لە ئاستی کوردستان و ئێران و جیهاندا، بە راستی خەباتگێڕی شێلگیر و لەخۆبوردوو و ماندوویی نەناسی رێگای ئاشتی و ئازادی و دێموکراسی و مافی مرۆڤ و مافی نەتەوایەتی بوو.

د. قاسملوو، بە زیرەکی و توانایی و ئەزموونی کەم وێنەی خۆی رۆنێسانسێکی لە حیزبی دێموکراتی کوردستانی ئێراندا وەڕێ‌ خست، پێڕەو و پرۆگرامی حیزبی لەسەر بناغە و بنچینەی دێموکراسی و بەرژەوەندیی گەلی کورد و سەربەخۆی سیاسیی بڕیاردان داڕشتەوە و کردی بە رێبازی سیاسیی حیزب، سوسیالیستی دێموکراتیی لە ناو حیزبدا چەسپاند و کردی بە ئامانجی دوا رۆژی حیزبی دێموکرات.

شەهید دوکتور قاسملوو، باوەڕێکی قووڵی بە دێموکراسی هەبوو، پێی وابوو دێموکراسی شتێک نییە تەنیا تایبەت بە هێندێک کەس و چەند وڵات بێ، بەڵکوو دەسکەوتێکی مروڤایەتییە و هەرکەسێک و هەر وڵاتێک مافی هەیە کە هەیبێ‌ و کەڵکی لێ‌ وەرگرێ‌، ئەو نەک هەر بۆ دۆستان تەنانەت بۆ دوژمنەکانیشی دێموکراسی دەپاراست و دەیفەرموو: "خەبات بۆ دێموکراسی نابێ‌ بچێتە ژێر سێبەری خەبات بۆ مافی نەتەوایەتی و چینایەتی''.

د. قاسملوو، باوڕەی قووڵی بە ''ئازادی و دادپەروەری" هەبوو، پێی وابوو مرۆڤ هەروەک بۆ درێژەدان بە ژیان پێویستیی بە "ئاو و هەوا'' هەیە، هەر بەو چەشنەش بۆ پەرەگرتن و گەشەکردن و درەوشانەوی کومەڵگای مرۆڤایەتی، پێویستیی بە "ئازادی و دادپەروەری" هەیە.

شەهید دوکتور قاسملوو، باوەڕی قووڵی بە "دۆستایەتی و پێوەندی و هاوکاری''ی نێوان مرۆڤەکان هەبوو، پێی وابوو بۆ بەردەوام بوونی ژیانی کۆمەڵگای مرۆڤایەتی، بە پاراستنی "بەرژەووندی و سەربەخۆیی و حورمەتی" بەرانبەر، پێویستە ئەو پێوەندی و هاوکارییە هەمیشە گەشە بکا و پەرە بستێنێ.

لە بەر هەمووی ئەو تایبەتمەندییە بەرزانەی کە د. قاسملووی نەمر هەیبوون، شەمشەمە کوێرەکانی حکوومه‌تی ئیسلامیی ئێران، دوژمنانی ئاشتی و ئازادی و مافی مرۆڤ، بە پیلانی ئاشتی و بەغەدر و خەیانەت دەست بەکار بوون و مامۆستای دێموکراسی و پێغەمبەری ئاشتییان شەهید کرد.

ئەوان بە هەڵە چوون، پێیان وابوو بە تیرۆری د. قاسملوو، رێباز و ئامانج و حیزب و گەلی قاسملووشیان تیرۆر کردووە، بەڵام ئێستا پاش تێپەربوونی ٢٥ ساڵ بەسەر شەهیدبوونی د. قاسملوودا، زۆر ئاڵوگۆری هەمە لایەنە و گرینگ و چارەنووسساز لە ئاستی جیهانی و ناوچەیی و ناوخوییدا پێک هاتوون کە تەنانەت لەسەر حیزبی دێموکرات و گەلی کوردیش شوێن و کاریگەریی بەرچاویان هەیه، رێژیمی کۆماری ئیسلامیی ئێرانیش زیاتر لە هەموو کاتێک کەوتووەتە بەر گەمارۆی جۆرواجۆری نێودەوڵەتی و جیهانی و حیزبی دێموکرات و بیر و رێباز و ئامانجی قاسملووش بەردەوام لە بەره‌و پێش چوون و گەشە کردن و درەوشانەودان و رێبواران و قوتابییانی قوتابخانەی قاسملووش، ئاڵای پڕ لە شانازیی ئەویان بە شەکاوەیی راگرتووە و بۆ گەیشتن بە ماف و ئامانجە بەرزەکانی گەلی کورد، دڵسۆزانە و سەربەرزانە و شێلگیرانە و بێ‌وچان خەبات دەکەن و بەرەو ئاسۆی روون هەنگاو دەنێن.

ناوەڕۆکی ئەم بابەتە را و تێبینیی نووسەرە و ماڵپەڕی کوردستان میدیا لێی بەرپرسیار نییە
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٧ لەم ژمارەیەدا:

ــ خەباتی ڕۆژهەڵات بەردەوامە
ــ ڕاسان و گۆڕان
ــ ڕاسان و ڕۆڵی ژنان لەم دیسکۆرسەدا
ــ ئازادی، سەربەخۆیی و میریی و گەورەیی
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.
  • ئەرکەواز لە کوێیە و ئەرکەوازی کێن؟ ئەرکەواز لە کوێیە و ئەرکەوازی کێن؟
    ئەرکەواز لە باکوور و باکووری ڕۆژهەڵات و ڕۆژهەڵاتەوە پاڵی داوەتە داوێنی (پشتکێو)ەوە و لە باشوور و باشووری ڕۆژهەڵاتیشەوە دەبەسترێتەوە بە شاخی (بیورەواز) و لە باشوووری ڕۆژئاواشەوە پاڵی داوەتە شاخی (کەڵەک) کە بەرجەوەندی شار چەشنی دۆڵێکی بەرینی سەرسەوز بە بەرزی و نەوییەوە دەردەکەون و بینا و گەڕەک و کۆڵانەکانی لە نێوان دیمەنی سەرسەوز و داوێنی کێو و کەنار جۆگە و ئەو چەند کێوەدا بە جوانییەکی سەرنجڕاکێشەوە دەردەکەون.
  • سیستمی پەروەردە و بارهێنان لە ئێراندا بەرەو کوێ؟ سیستمی پەروەردە و بارهێنان لە ئێراندا بەرەو کوێ؟
    هیچ گیانلەبەرێک نییە کە بتوانێت بێبەش و دوورخراوە لە "پەروەردە و ڕاهێنان" بژیت و پێویستی بەو مەسەلەیە نەبێت، تەنانەت ئەگەر گیانلەبەرێک بە تەنیا لە هەر شوێنێک بژیت، بە تەنیا خۆی پەروەردە دەکات و "چۆنیەتی" ڕێڕەوی ژیانی خۆی دیاری دەکات بۆ ئەوەیکە بتوانێت لە بەردەم ئاستەنگ، کێشە و گرفتەکانی ژیاندا سەرکەوێ و ئەمنییەتی هەمەلایەنەی ژیانی دابین بکات.
  • ڕاسان و ڕۆڵی ژنان لەم دیسکۆرسە‌دا ڕاسان و ڕۆڵی ژنان لەم دیسکۆرسە‌دا
    ڕاسان لە واتای وشەییدا بە مانای هەڕەشە بۆ لێدان و هەستانەوە و ڕاسبوونەوە بەرامبەر بە هێرشبەرێک بۆ تۆقاندن و دابەزاندنی ورەی دێت.
  • \ "ئازادی، سەربەخۆیی و میریی و گەورەیی"
    ئەگەر تەنیا ئەو دوو ڕستەیەی ئەو رۆژنامەیە و سیاسەتی گشتی بەڕێوەبەرانی رۆژنامەکە و بە روونی سیاسەتی دەسەڵاتدارانی شۆڕشی سمکۆ سەیر بکەین و بیدەینە بەر سەرنج، بە روونی بۆمان دەردەکەوێت، کە خەڵکی کوردستان زۆر پێش ئەوەی ئەرتەشی سوور بۆ مەبەستی بەرگریکردن لە ئەگەری هێرشی ئاڵمان لە خاکی ئێرانەوە، رووبکاتە ئێران خۆی وەک نەتەوەیەک داناوە و باوەڕی بە بەرژەوەندی باڵای نەتەوەکەی هەبووە.
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    به‌ دوای رووخانی كۆماری كوردستان و له‌ سێداره‌درانی پێشه‌وا قازی مه‌حه‌ممه‌د له ١٠ی خاکەلێوەی ١٣٢٦ی هەتاوی‌(٣٠ی مارسی ١٩٤٧) خه‌باتی حیزبی دێموكرات كه‌وته‌ قۆناغێكی ئه‌سته‌مه‌وه‌، به‌ڵام حیزبی دێموكرات وه‌ك حیزبێكی ڕێنوێن، درێژه‌پێده‌ر و وه‌دیهێنه‌ره‌وه‌ی ئامانجه‌ به‌رزه‌كانی كۆماری كوردستان، ئه‌ركی رێكخستنی بزاڤی میللی- دێموكراتیكی كۆمه‌ڵانی خه‌ڵكی كوردستانی درێژه‌ پێدا.
  • ڕاسان و گۆڕان ڕاسان و گۆڕان
    حیزبی دێموکراتی کوردستانی ئێرانیش وەک هەر حیزبێکی دیکە، لە قۆناخی نوێدا پێویستی بە هزری نوێ و هێزی نوێ و رۆئیای دووبارە پێناسەکراو و سیستمی کاری نوێ هەیە.
  • شەپۆلەکانی شار شەپۆلەکانی شار
    شەپۆلەکانی شار پڕە لە هەست و سۆزی نیشتمانپەروەری و نەخشێنەری ئەو جووڵە و راچەنینانەیە کە لە نێو کۆمەڵی کوردەواریدا بە نهێنی و دوور لە چاوی داگیرکەر، بەردەوام لە گەشە و هەڵچووندان.
  • تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە
    دەقی وتووێژی کاک تەیموور مستەفایی، ئەندامی دەفتەری سیاسیی حیزبی دێموکراتی کوردستانی ئێران و بەرپرسی کۆمیسیۆنی تەشکیلاتی حیزب لەسەر خۆپێشاندانە سەرانسەرییەکانی ئێران و بڵاوکردنەوەی ڕاگەیەندراوی ئەم کۆمیسیۆنە لەم پێوەندییەدا، لەگەڵ تەلەفزیۆنی تیشک.
  • کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
    خوێنەرانی بەڕێزی "کوردستان"، سەبارەت بە دوایین بارودۆخی ئێران و کوردستان و هەروەها نەخش و دەوری کورد و حیزبی دێموکرات لە هاوکێشەکاندا، ماڵپەڕی "کوردستان میدیا" وتووێژێکی لەگەڵ بەڕێز "کاوە ئاهەنگەری" چاودێری سیاسی و ئەندامی حیزبی دێموکرات ئەنجام داوە کە لێرەدا دەخرێتە بەر دیدی ئێوەی خۆشەویست.
  • ئێمە و وێژمانەکانی داگیرکراوی و هەڵاوێردراوی ئێمە و وێژمانەکانی داگیرکراوی و هەڵاوێردراوی
    ئەم گوتارە ئەگەرچی لای گرووپ، ڕێکخراو و حیزبی سیاسیشەوە هەڵگیراوە، بەڵام بەوپێیەی کە ئەم دامەزراوەگەلە لە عەرزی واقیعدا کار دەکەن و پێویستیان بە دانوستان و دانیشتن و وەرگرتنی پووانی جیاواز هەیە، ئەم ڕێکارەیان هەتا ئیستە تا رادەیەک پاساو هەڵگرە؛ وەکوو تر لە ئاستی یەکانگیریی نەتەوایەتی و دینامیزمی کۆمەڵایەتییەوە هەندێک خەساریشی هەبووە کە لێرە ناگونجێ بەسەریاندا بێینەوە.
  • کۆمەڵگەی ئازاد لە سێبەری دێموکراسیدا کۆمەڵگەی ئازاد لە سێبەری دێموکراسیدا
    "ژان ژاک ڕۆسۆ"یش لە وتارێکیدا بە ناوی "ڕێککەوتنی کۆمەڵایەتی" دەقەکەی بەم ڕستەوە دەست پێ دەکات: "مرۆڤ سەرەڕای ئەوەیکە بە سەربەستی لە دایک دەبێت، بەڵام لە هەموو شوێنێکی ئەم دنیادا بندەست و دیلە".