• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٠ی ژانویەی ٢٠١٨ی زایینی - ٣٠ی بەفرانباری ١٣٩٦ی هەتاوی  

راگەیەندراوی دەفتەری سیاسیی حیزبی دێموکرات بەبۆنەی ٢٥ ساڵەی تیرۆری دوکتور قاسملوو

زایینی: ١١-٠٧-٢٠١٤ - هەتاوی: ١٣٩٣/٠٤/٢٠ - ١٢:٢١ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
راگەیەندراوی دەفتەری سیاسیی حیزبی دێموکرات بەبۆنەی ٢٥ ساڵەی تیرۆری دوکتور قاسملوو
کوردستان میدیا: دەفتەری سیاسیی حیزبی دێموکراتی کوردستانی ئیران راگەیەنراوێکی بەبۆنەی ٢٥مین ساڵڕۆژی شەهیدبوونی دوکتور قاسملوو و هاوڕێیانی روو لە کۆمەڵانی خەڵکی کوردستان بڵاو کردەوە.

دەقی ئەو راگەیەنراوە بەم چەشنەیە:

هاونیشتمانە بەڕێزەکان!

٢٢ی پووشپەڕی ئەمساڵ ٢٥ ساڵ بەسەر تیرۆری رێبەری ناوداری کورد و سیمای دێموکراتێکی راستەقینە و سکرتێری پێشووتری حیزبی دێموکراتی کوردستانی ئێران دوکتور قاسملوو، تێپەڕ دەبێ.

دوکتور عەبدولڕەحمان قاسملوو رۆژی ٢٢ی پووشپەڕی ساڵی ١٣٦٨ی هەتاوی بەرانبەر بە ١٣ی ژووئیەی ١٩٨٩ی زایینی لە شاری ڤییەن پایتەختی وڵاتی ئوتریش و لە حاڵی دانیشتن لەگەڵ نێردراوانی کۆماری ئیسلامیی ئێران کە بە رواڵەت بۆ باس لەسەر چارەسەریی پرسی کورد لە ئێران گەیشتبوونە ڤییەن، لەلایەن ئەو دیپلۆمات تیرۆریستانەوە هاوڕێ‌لەگەڵ کاک عەبدوڵڵا قادری ئازەر نوێنەری حیزب لە دەرەوەی وڵات و دوکتور فازل رەسووڵ کوردی باشوور شەهید کرا.

بە شەهیدکرانی دوکتور قاسملوو دێموکراسیخوازان، دێموکراتێکی راستەقینە و تێکۆشەرێکی شێلگیری رێگای ئازادییان لە دەست دا و ئازادیخوازانی ئێران سیاسەتمەدار و کەسایەتییەکی بلیمەتیان لێی ئەستێندرا و نەتەوەی کورد لە بوونی رێبەرێکی هەڵکەوتوو‌و ئەمڕۆیی و خاوەن بیر و هزری پێشکەوتنخوازانە و حیزبی دێموکراتی کوردستانی ئێرانیش لە سەرکردەیەکی شارەزا و رێبەرێکی کەم وێنە بێ‌بەشکران و بەمجۆرە بزووتنەوەی کورد لە کوردستانی ئێران زامێکی گەورەی هەڵگرت و بزووتنەوەی دێموکراسیخوازی لە ئێران زەبرێکی قورسی وێ‌کەوت.

دوکتور قاسملوو‌و بەو بیر و باوەڕ و هزر و تێکۆشانەی کە هەیبوو هەر لە سەرەتای بەلاڕێدا بردنی شۆڕشی گەلانی ئێران لەلایەن ئاخووندەکانەوە و دامەرزاندنی کۆماری ئیسلامیی ئێران ئامانجی تیر و تیغی تیرۆریزمی ئەو رێژیمە بوو. دوکتور قاسملوو و حیزبەکەی، حیزبی دێموکراتی کوردستانی ئێران و رۆڵەکانی نەتەوەی کورد خۆیان لە بەشداری لەو ریفراندۆمە نادێموکراتیکە بوارد کە رێگای بۆ هاتنە سەرکاری کۆماری ئیسلامی خۆش دەکرد و دوکتور قاسملوو دڵنیا بوو کە بە هاتنە سەرکاری رێژیمێکی ئیدئۆلۆژێکی دواکەوتوانە هیچ یەک لە ئامانجە دێموکراتیکەکانی نەتەوەکانی ئێران نەک نایەنە دی، بەڵکوو رێگای هەوڵدان بۆ دابین بوونیان دژوارتر دەکا. هەڵوێستێک کە ئێستا کورد زیاتر دەتوانێ‌شانازیی پێوە بکا. هەروەها لەگەڵ ئەوەی دوکتور قاسملوو بۆ نوێنەرایەتی مەجلیسی خێبرگان لە پارێزگای ورمێ‌هەڵبژێردرا بوو بە هەڕەشەی خومەینی رێگای بەشداریی لەو مەجلیسەی لێ‌بەربەست کرا و هەر ئەو کات بۆچوونی رێبەرانی رێژیم بەتایبەت شەخسی خومەینی بەرانبەر بە دوکتور قاسملوو دەرکەوت، جیا لەوانە:

ــ دوکتور قاسملوو شێلگیرانە بۆ دابینبوونی دێموکراسی تێ دەکۆشا، شتێک کە لەگەڵ فەلەسەفەی ویلایەتی فەقیهـ یەکیان نەدەگرتەوە. دوکتور قاسملوو باوەڕی بە یەکسانی و مافی بەرابەری ژن و پیاو لە کۆمەڵ و خێزاندا هەبوو کە بیرێکی لەو بابەتە لەگەڵ بۆچوونی دواکەوتووانە و دژ بە مافەکانی ژن لە کۆماری ئیسلامیی ئێراندا ناتەبایی هەبووە و هەیە.

ــ دوکتور قاسملوو بووژێنەرەوە و رێبەری حیزبێکی پێشکەوتوو و مافخوازی کورد وەک حیزبی دێموکراتی کوردستانی ئێران بوو کە دژی کۆنەپەرەستی و ستەم خەباتی دەکرد و لە نێو کۆمەڵگای کوردیدا خاوەن پێگە و نفووزی تایبەتی بوو کە ئەوەش بۆ کۆماری ئیسلامی بەو بیرە تەسک و تاریکەیەوە جێگای وێهەڵکردن و قبوول کردن نەبوو.

ــ دوکتور قاسملوو لایەنگری لێبڕاوی مافی مرۆڤ بوو ‌و رێزی بۆ مرۆڤ و مافەکانی دادەنا، مرۆڤێک کە بە لای کۆماری ئیسلامییەوە نە نرخی هەیە و نە ماف و بێجگە لە گوێڕایەڵی ئەرک و مافێکی دیکەی نییە.

ــ دوکتور قاسملوو سیاسەتمەدارێکی بە ئەخلاق، دیپلۆماتێکی بە بڕشت، زمانزانێکی کارامە و خەباتگێڕێکی شوێندانەر بوو، باوەڕی بە مافی نەتەوەکانی ئێرانی هەر وەک نەتەوەی کورد هەبوو لە رەوتی خەباتدا لە ئامڕازی نەشیاو بۆ ئامانجی پیرۆز کەڵکی وەرنەدەگرت، دژی تیرۆر و تەقاندنەوە، مرۆڤڕفێنی و کردەوەی لەو بابەتە بوو، هەوڵی لێکنزیککردنەوەی دێموکراتەکانی دژبەری کۆماری ئیسلامیی دەدا.

ئەو تایبەتمەندییانە ئەگەر بە واقیعی رازێنەرەوەی و ناسێنەرەوەی سیمای دوکتور قاسملوو بوون، لە روانگەی کۆماری ئیسلامییەوە دوکتور قاسملوویان کرد بووە بەربەستێکی پۆڵایین لەسەر رێگای وەدیهێنانی هەموو ئامانج و بەرنامە سەرەڕۆیانە و نادێموکراتیک و دژە مرۆیی‌یەکانی ئەم رێژیمە، بۆیە قاسملوو ئامانجی تیغی تیرۆریزمی ئەو رێژیمە بوو. هەر چەند رێژیم هەمیشە پیلانی بۆ لە ناوبردنی دوکتور قاسملوو و حیزبەکەی هەبوو، بەڵام پیلانی رێژیم بۆ دوکتور قاسملوو لە کوردستان و لە نێو خەڵکی خۆی و پێشمەرگەدا هەرگیز سەرکەوتوو نەبوو، بەڵام بەداخەوە لە دەرەوە و بە بیانووی وتووێژ لە ئوتریش دەرفەتیان لێ‌هێنا و پیلانی تیرۆریان لە سەری بەڕێوە برد.

هەر کات باس لە تیرۆری دوکتور قاسملوو دەکرێ‌هەڵوێستی نەشیاو و دوور لە پرنسیپەکانی وڵاتێکی دێموکراتێکی وەک ئوتریش خۆی دەرخاتەوە. کە دەوڵەتی ئەو کاتی ئەو وڵاتە پێشی بە کاری دادگا و راگەیشتنی بە پەروەندەی ئەو تیرۆرە گرت و لە پێناو بەرژەوەندیی کاتی و ماددی و مولاحەزاتی سیاسیدا خوێنی ناسراوترین رێبەری دێموکراتی قوربانی کرد، ئەوەش لە کاتێک دایە کە بەڵگەکانی تیرۆری ڤییەن زۆر روونتر ‌و ئاشکراتر لەوانن کە دەزگای قەزایی ئاڵمان لە تیرۆری میکۆنۆس لە دەستیدا بوون.

دوکتور قاسملوو یەکەم قوربانیی تیرۆریزمی کۆماری ئیسلامی و کۆتایی ئەو تیرۆرانە نەبوو، چونکە دواتریش ژماریەکی بەرچاو لە کەسایەتییەکانی ئێران و کورد تیرۆر کران، بەڵام دەکرێ‌بڵێین دەوڵەتی ئەو کاتی ئوتریش لە درێژە پێدانی کردەوە تیرۆریستییەکانی کۆماری ئیسلامیدا بە شێوەی ناڕاستە‌وخۆ دەوری هەبوو. لەبەر ئەوەی ئەگەر دەزگای قەزایی ئوتریش ئەو سەربەخۆیی و بوێرێ‌دەزگای قەزایی ئاڵمانی هەبوایە رەنگە بینەری ئەو تیرۆرانەی کە دوای تیرۆری دوکتور قاسملوو ئەنجام دران و یەک لەوان تیرۆری دوکتور سادق شەرەفکەندی بوو، نەبوایەین.

لە ٢٥ ساڵەی تیرۆری دوکتور قاسملوودا پرسیار ئەوەیە ئایا کۆماری ئیسلامیی ئێران لە تیرۆری دوکتور قاسملوو و دوکتور سادق شەرەفکەندی و باقی تێکۆشەرانی حیزبی دێموکراتی کوردستانی ئێران بە مەبەستی ئەسڵی خۆی یانی نەهێشتنی بزووتنەوە‌و خەباتی کورد لە کوردستانی ئێران لە پێناو دابینبوونی دێموکراسی و مافی نەتەوایەتی و شۆردنەوەی بیر و هزری پێشکەوتوانەی قاسملوودا سەرکەتوو بوو؟ وەڵام بێ‌گومان ''نا''یە، چونکە دوکتور قاسملوو بە ئەزموونی خۆی ‌و تاقیکاریی بزووتنەوەکانی دیکە رێبەری تاکەکەسی لە حیزبەکەیدا نەفی و رێبەرایەتیی جەمعی جێگیر کرد بوو، مودیریەتێکی سەردەمییانەی بۆ ئیدارەی حیزب و سەربەخۆیی سیاسی لە حیزبەکەیدا جێگر کردبوو کە بە لە دەستدانی رێبەرێک هەرچەند شوێندانەر، خاوەنی رێبەرایەتیی خۆی بێ‌ و بیر و هزر و باوەڕەکانی دوکتور قاسملووی نەمریش زیاتر لە هەر کاتێکی دیکە حەقانییەت و رەوایی خۆیان سەلماندووە و رۆژ بە رۆژ زیاتر پەرە دەستێن و حیزبەکەی دوکتور قاسملوو لە پاراستنی ئەم رێگا و رێبازەدا شێلگیر و هەر بەم رێگەیەدا هەنگاو دەنێ‌، نیشانی داوە زامی وەک لەدەستدانی رێبەرانی هەڵدەگرێ، بەڵام بە چۆکدا نایە.

کۆمەڵانی خەڵکی کوردستان سەرەڕای سەرکوت و فشار، گرتن و زیندانی کردن ‌و تەنانەت ئیعدامی ئازادیخوازانی کورد هەروا هەڵگری بیری دوکتوور قاسملوون و خۆشەویستیی قاسملوو زیاتر ‌و نفووزی حیزبەکەی لە جێگای خۆیەتی ‌و لە راستیدا دوکتور قاسملوو لە بیر و باوەڕدا زیندووە. بەڵام رێژیمی کۆماری ئیسلامیی ئێران لە ماوەی ئەو ٢٥ ساڵەدا زیاتر نێوەڕۆکی کۆنەپەرەستانە و بیری دواکەوتوانەی بۆ بیروڕای گشتی ‌و خەڵکی ئێران دەرکەوتووە، هەرکات ‌و لە هەر شوێنێک باس لە ئاژاوەگێڕی، دەخاڵەت لە کاروباری وڵاتان بە تایبەت لە ناوچەدا، تیرۆر و پشتگری لە تیرۆریزم، ماف پێشلکاری و چوونە سەری رێژەی ئیعدام دێتە گۆڕ ئاماژە بەو رێژیمە دەکەن.

هەروەها ئەوەش بە تەواوی دەرکەوتووە کە ئاڵوگۆڕ لە مۆرەکانی دەسەڵاتدارەتی رێژیمدا نەیتوانیوە ‌و ناتوانێ ئاڵوگۆڕێک بە قازانجی خەڵکی ئێران ‌و مافەکانیان پێک بێنێ چونکە ئەوەی لە سیاسەت ‌و کردەوەی ئەو رێژیمەدا بەدی دەکرێ لە بیر و باوەڕە دواکەوتووەکانی رێژیمە‌وە سەرچاوە دەگرێ و ئاڵوگۆڕ هەڵناگرێ. بۆیە ئەوانەش کە هەر جارە و بە بیانوویەک ویستوویانە سیمایەکی ریفۆرم هەڵگر بەو رێژیمە و مۆرەکانی ببەخشن ئێستا زۆربەیان هاتوونەتە سەر ئەو باوەڕە کە ئەو رێژیمە ئاڵوگۆڕ هەڵگر نییە. ئایا حەسەن رۆحانی دەرگایەکی بۆ خەڵک و مافەکانیان بە کلیلە تەبلیغاتیەکەی کردەوە یان بە پێچەوانە کلیلەکەی دەرگای نەرمی نواندن و داشکان بۆ دەرەوە ئەویش لەژێر فشاری گەمارۆ ئابوورییەکاندا کردەوە و ها‌وکات رێژەی گرتن و ئیعدام و فشار بۆسەر خەڵکی لە نێوخۆدا بردە سەر. روانگەی دەرەوە لەسەر رێژیم هەرچی بێ لە بەرژەوەندییەکانی ئەوانەوە سەرچاوە دەگرێ و لێبڕاوی لە خەبات دژی ئەو رێژیمەش لە نێوخۆی وڵاتدا لە بەرژەوەدیی نەتەوەکانی ئێران و دێموکراسیخوازانی ئێرانی دایە.

لە هەلومەرجی ئێستادا ئەوەی پێوەندی بە نەتەوەی کوردەوە هەیە بە خۆشییەوە بە پێچەوانەی حەزی کۆماری ئیسلامی دۆزەکەی لە بڕەودایە ‌و لە بەشێک لە پارچەکانی کوردستان لە حاشاکردن لە بوونی کورد و مافەکانی، بەرەو باس لە شێوەی دابینبوونی مافەکانی لە هەر پارچەیەک لە کوردستان هەنگاوی ناوە و مەسەلەی کورد لە رادەی جیهانیدا زەقتر و جیددیتر هاتوتە گۆڕێ. لەو هەلومەجەدا پێویستە پاڵپشتی کردن و یەکگرتن و یەکڕیزی کورد ئەو رەوتە بەرەو خێرایی زیاتر بەرێ.

پێویستە کورد لە کوردستانی ئێرانیشدا بەرەو یەکگرتووی پێویست بۆ خەبات دژی رێژیمی کۆماری ئیسلامی هەنگا‌و بنێن و خۆی ئامادە بکا تا بە کردەوە ئەوە وەدی بێنن کە دوکتور قاسملوو هەم لە پێوەندی لەگەڵ هەر چوارپارچەی کوردستان و لە پێوەندی لەگەڵ کورد لە کوردستانی رۆژهەڵات ‌و ئازادی ئێران ئاواتی بو‌و ‌و هەوڵی بۆ دەدا. ئەو ئەرکە ئەگەر هەموو کاتێک پێویست بووە لە هەڵومەرجی ئێستادا کە ناوچە رۆژهەڵاتی نێوەڕاست ئاڵۆز و پڕ کێشەیە و بۆتە گۆڕەپانی ململانێی سیاسی، ئابووری ‌و کۆماری ئیسلامیش بە جیددی بە پشتیوانیکردنی لە دەسەڵاتە نادێموکراتیکەکان و دەستێوەردان لە عێراق و پەرەپێدانی شەڕی مەزهەبی لە ناوچە بە تایبەت لە عێراق و لوبنان و سووریە و ... هەوڵی ئاڵۆزترکردن و ناسەقامگرتوویی زیاتر دەدا، پتر پێویستە.

حیزبی دێموکراتی کوردستانی ئێران، حیزبی قازی، قاسملوو و شەرەفکەندی لە ٢٥ ساڵەی تیرۆری دوکتور قاسملووی نەمردا پێ‌لەسەر درێژەدانی رێبازی ئەو رێبەرە مەزنە دادەگرێتەوە و تا وەدیهێنانی ئاوات و بیر و بۆچوونەکانی لێبڕاوانە لە خەبات و تێکۆشاندا دەبێ‌، بە تایبەت کە ئێستا لە رادەی نێونەتەوەییدا ناسراوترە و لە هەر هەڵومەرجێکدا خەڵکی ئێران ‌و رۆڵەکانی نەتەوەی کورد و تەنانەت دونیای دەرەوەش حیسابی تایبەتیی بۆ کورد دەکەن و حیزبی دێموکراتیش بەو تایبەتمەندییانەی کە هەیەتی بۆی هەیە چاوەڕوانی پشتیوانی سیاسی و مەعنەویی هەموو ئازادیخواز و دێموکرات و لایەنگرانی مافی مرۆڤ بێ.

ــ لە ٢٥ ساڵەی تیرۆری دوکتور قاسملووی رێبەردا یادی ئەو رێبەرە بەرز رادەگرین و رێبازی هەروا چرای رێگای خەباتمان دەبێ.
ــ زیندوویی و پەرەسەندوویی بۆ باوەڕە پێشکەوتنخوازانەکانی دوکتور قاسملوو
ــ سەرکەوتن بۆ حیزبی دێموکراتی کوردستانی ئێران، حیزبی قازی، قاسملوو و شەرەفکەندی

حیزبی دێموکراتی کوردستانی ئێران
دەفتەری سیاسی
٢٠ی پووشپەڕی ١٣٩٣ی هەتاوی
١١ی ژووئیەی ٢٠١٤ی زایینی
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٦ لەم ژمارەیەدا:

ــ دەنگی راسانی گەلان نابیستن
ــ خەباتی ڕۆژهەڵات بەردەوامە
ــ خۆپێشاندانەکانی ئێران و پرسی کورد
ــ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
  • شەپۆلەکانی شار شەپۆلەکانی شار
    شەپۆلەکانی شار پڕە لە هەست و سۆزی نیشتمانپەروەری و نەخشێنەری ئەو جووڵە و راچەنینانەیە کە لە نێو کۆمەڵی کوردەواریدا بە نهێنی و دوور لە چاوی داگیرکەر، بەردەوام لە گەشە و هەڵچووندان.
  • تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە
    دەقی وتووێژی کاک تەیموور مستەفایی، ئەندامی دەفتەری سیاسیی حیزبی دێموکراتی کوردستانی ئێران و بەرپرسی کۆمیسیۆنی تەشکیلاتی حیزب لەسەر خۆپێشاندانە سەرانسەرییەکانی ئێران و بڵاوکردنەوەی ڕاگەیەندراوی ئەم کۆمیسیۆنە لەم پێوەندییەدا، لەگەڵ تەلەفزیۆنی تیشک.
  • کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
    خوێنەرانی بەڕێزی "کوردستان"، سەبارەت بە دوایین بارودۆخی ئێران و کوردستان و هەروەها نەخش و دەوری کورد و حیزبی دێموکرات لە هاوکێشەکاندا، ماڵپەڕی "کوردستان میدیا" وتووێژێکی لەگەڵ بەڕێز "کاوە ئاهەنگەری" چاودێری سیاسی و ئەندامی حیزبی دێموکرات ئەنجام داوە کە لێرەدا دەخرێتە بەر دیدی ئێوەی خۆشەویست.
  • ئێمە و وێژمانەکانی داگیرکراوی و هەڵاوێردراوی ئێمە و وێژمانەکانی داگیرکراوی و هەڵاوێردراوی
    ئەم گوتارە ئەگەرچی لای گرووپ، ڕێکخراو و حیزبی سیاسیشەوە هەڵگیراوە، بەڵام بەوپێیەی کە ئەم دامەزراوەگەلە لە عەرزی واقیعدا کار دەکەن و پێویستیان بە دانوستان و دانیشتن و وەرگرتنی پووانی جیاواز هەیە، ئەم ڕێکارەیان هەتا ئیستە تا رادەیەک پاساو هەڵگرە؛ وەکوو تر لە ئاستی یەکانگیریی نەتەوایەتی و دینامیزمی کۆمەڵایەتییەوە هەندێک خەساریشی هەبووە کە لێرە ناگونجێ بەسەریاندا بێینەوە.
  • کۆمەڵگەی ئازاد لە سێبەری دێموکراسیدا کۆمەڵگەی ئازاد لە سێبەری دێموکراسیدا
    "ژان ژاک ڕۆسۆ"یش لە وتارێکیدا بە ناوی "ڕێککەوتنی کۆمەڵایەتی" دەقەکەی بەم ڕستەوە دەست پێ دەکات: "مرۆڤ سەرەڕای ئەوەیکە بە سەربەستی لە دایک دەبێت، بەڵام لە هەموو شوێنێکی ئەم دنیادا بندەست و دیلە".
  • خۆپێشاندانەکانی ئێران و پرسی کورد خۆپێشاندانەکانی ئێران و پرسی کورد
    لەو قۆناغەدا کە هێزەکانی رێژیم باوەڕیان بە خۆیان نەماوە و ترسی رووخان هێزی سەرکووتکەری بێ هیوا کردووە، راسانی شارەکانی کوردستان دەتوانێ زۆرترین دەسکەوت و کاریگەریی هەبێ. ئەوە دەرفەتێکە کە گەلی کورد دەتوانێ بۆ پێشخستن و نزیک بوونەوە لە ئامانجەکانی، کەڵکی شیاوی لێ وەربگرێ؛ بە تایبەتی کە لە قۆناغی نوێی خەباتدا، هۆشیاری نەتەوەیی و بەرینایی خەبات لە جاران بەرزتر و بەربڵاوترە.
  • پیلانەکانی بەسیج لە نێو زانکۆکانی کوردستاندا پیلانەکانی بەسیج لە نێو زانکۆکانی کوردستاندا
    لەم نێوانەدا، بەسیج، وەکوو ئامرازی سیخوڕیی حکومەت بەکار براون. بەسیج لە هەموو فەرمانگەیەکی حکومەتی و ناحکومەتی و لە واتایەکی بەربڵاوتر: لە هەموو شوێنێکدا وەکوو ڤایرۆسێک بڵاوبووەتەوە. قوتابخانەکان و زانکۆکانیش لە فیلترینی ئەم شوێنانەن. بەسیجی کوردیش، یان خۆماڵیتر بڵێم: جاشە کوردەکان، وەک باقی بەسیجییەکانی ئێران، ئەرکی تایبەتیان پێ ڕادەسپێردرێت کە بەرچاوترینیان، فرۆشتنی نیشتمان و هاوزمانەکانیانە.
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    زلهێزەکان هاتن و بێ لەبەرچاوگرتنی مافی گەلان، نەخشەی ناوچەکەیان گۆڕی؛ لە ئاکامی ئەم داڕشتنە نوێیە یەکلایەنە و نادادپەروەرانەشدا، هەندێک لە نەتەوەکان لە مافی دامەزرانی دەوڵەتی خۆیان بێبەش کران کە بەرچاوترینیان نەتەوەی کورد بوو. کورد بوو بە یەکەم قوربانی ڕەوتی نوێی نادادپەروەرانەی مێژوو، تەنیا لەبەر ئەوەیکە دروست بوونی دەوڵەتێکی کوردی لەگەڵ بەرژەوەندی ئەم زلهێزانە یەکی نەدەگرتەوە.
  • دەنگی راسانی گەلان نابیستن دەنگی راسانی گەلان نابیستن
    لە رۆژی ٧ی بەفرانباری ١٣٩٦ی هەتاوی و لە دوایین رۆژەکانی ساڵی ٢٠١٧ی زانییندا، بزاڤی مافخوازیی نەتەوەکان و خەڵکانی ئێران دوای چەندین و چەند کۆبوونەوەی ناڕەزایی دەربڕین، وەکوو ڕووبارێکی بەلرفە، بەنداوی کۆت و بەندی هەمەڕەنگی ڕێژیمی رووخاند و لافاوێکی سەرتاسەریی لە ئێراندا وەڕی خست.
  • لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی
    زلهێزەکانی جیهان، بە تایبەت ڕوسیە و ئامریکا دەیانهەوێ پارسەنگێکی هێز لە ڕۆژهەڵاتی ناوین پێکبهێنن کە سەقامگیر بێ و تێیدا بەرژەوەندی و نفوزی خۆیان پارێزراو بێ. رۆڵی ئامریکا و روسیە چارەنووسساز دەبێ بۆ بارودۆخی داهاتووی ناوچەکە، ئەگەر یەک یان هەردوو لەم وڵاتانە گەرەنتی سەقامگیری و پارسەنگی هێز بدەن بە هاوپەیمان و دۆستەکانی خۆیان لە ناوچەکە ئەو کات ئیمکانی هەیە شێوەیەک لە سەقامگیری دروست بێ.
  • ئاو، کۆڵەکەی ستراتیژی داهاتووی کوردستان ئاو، کۆڵەکەی ستراتیژی داهاتووی کوردستان
    بنەمای گەشەی ئێران لە ڕووی جوغرافییەوە، لەسەر دوو پاژی ناوەندی _فارس و قەراغی _نافارس داندراوە، چون دەوڵەتی مۆدێڕن پێی وابوو تەنیا رێگەی مانەوەی، خوڵقاندنی یەک نەتەوەیە و لە پێناو ئەو ئامانجەش جوغرافیای پاشکەوتوو و پێشکەوتووی خوڵقاند.
  • کرماشان له پەنای بێپەناییدا کرماشان له پەنای بێپەناییدا
    ئەم دۆخە نالەبارە لەپاش زیاتر لە یەک مانگ، هاوکاتە لەگەڵ دەسپێکی سەرما و سۆڵە و بارینی بەفر؛ لەمبارەوە "ئەکبەر سەنجابی" فەرمانداری سەرپێڵی زەهاو باسی لە دۆخی نەشیاوی ژیانی هاووڵاتییان لە نێو خێوەتەکاندا کردووە و وتوویەتی: بەرپرسان دەبێ درک بە بارودۆخی لێقەوماوان بکەن؛ خەڵک بە دژوارییەوە لە ژێر خێوەتی ١٠ میتریدا دەژین!
  • دوکتور قاسملوو، بزاڤی راسیۆنالیزمی سیاسەت لە کوردستاندا دوکتور قاسملوو، بزاڤی راسیۆنالیزمی سیاسەت لە کوردستاندا
    ئەو تایبەتمەندییەی هزری سیاسی کە لە بۆڵەبۆڵ و تەنانەت خواستی سیاسیش جیای دەکاتەوە ئەوەیە کە سیستمێکی واتادارمان پێ دەبەخشێت کە کێشەی کورد لە پێوەندی لەگەڵ کێشەکانی دنیای مودێڕن و لە چوارچێوەی چەمک و دەستەواژەکانی تایبەت بەو دنیایە دووبارە پێناسە دەکاتەوە.
  • داهاتوی ڕەشی ئێران لە دەلاقەی بوودجەی ساڵی داهاتوودا داهاتوی ڕەشی ئێران لە دەلاقەی بوودجەی ساڵی داهاتوودا
    ئەگەر ئەرکی سپای قودس بە دەرکەوتنەکانی قاسم سلێمانی لە ناوچەدا هەژمار بکەین ڕوون و ئاشکرایە کە لە هەر کوێ شەڕ و نائارامی هەبێت، ناوبراویش لەوێیە؛ واتە سامانی وڵاتێکی وەک ئێران و کوردستان بۆ شەڕئەنگێزی و تیرۆر کەڵکی لێوەردەگیرێت و ئەوەش بەئاشکرا و بەیاسا دەیکەن.