• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٨ی ژانویەی ٢٠١٨ی زایینی - ٢٨ی بەفرانباری ١٣٩٦ی هەتاوی  

کــــورد و داعـش (مەلا برایم مەجیدپوور)

زایینی: ٠٦-٠٩-٢٠١٤ - هەتاوی: ١٣٩٣/٠٦/١٥ - ١٣:١٦ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
کــــورد و داعـش (مەلا  برایم  مەجیدپوور)
ماوەیەکە مەسەلەی داعش و هەڵسوکەوتەکانی، کە دوورن لە هەموو یاساو رێسایەکی ئەخلاقیی باوی ئەم جـیهانە، بـۆتـە بابەتـی ڕۆژ و شەوچەلـەی هـەمـوو کـۆڕو کـۆمـەڵ و بنەماڵەکانی ئەم کوردستانە.

9318.jpg
مەلا برایم مەجیدپوور

وانیشان دەدرێ کە ئەوە شتێکی تازەیە و مەترسیەکی نویێ سەر کوردستانە. بەپێویستی دەزانم لە روانگەی خۆمەوە ئەو بابەتە هەڵسنگێنم و کورت لێکی دەمەوە. ئەگەر ئاوڕێک لە ڕابردووی ڕووداوەکانی کە لە ماوەی تەمەنمدا دیتومن بدەمەوە و چۆنم دیون ئاوایان بگێڕمەوە، دەڵێم: پڕۆسەو بەرنامەی داعش بۆ کوشتوبڕ و قەڵاچۆی گەلی کوردو داگیرکردنی کوردستان لە کۆنەوە هەبووەو تەنیا بە پێی هەلومەرج و بارودۆخەکان ناوەکەیان گۆڕاوە. باشم لەبیرە لـەسەردەمی پاشایەتیدا لـە رۆژهـەڵاتی کـوردستان لـە پادگانی جەڵدیان قەسابخانەیەک و ئەشکەنجەگایەک بە سەرۆکایەتی جەلادی ناودار ((تیمسار ئووەیسی)) دانرابوو کە بە سەدان کوردی بێتاوان کە تەنیا کورد بوون، بە خراپترین شێوە ئەشکەنجە دەکران و لەسێدارە دەدران و لە چاڵە رەشەکانی رێژیمدا بێسەروشوێن دەکران.

لە سەردەمی کۆماری ئیسلامیدا دەیان قاڕنێ و قەڵاتان و ئیندرقاش و سەوزی و قەرەگۆلەکان و هیتر و سەرئەنجام حوکمی جیهادی ڕەش بە دژی کوردان ئەنجام دران . لەقاڕنێ جیا لەکوشتنی ژن و منداڵ و پیرە پیاو بەتەورو قەمە، مەلای قورعان بەدستیش گۆشاو گۆش سەری بڕا!! لە باشوری کوردستان جیا لە هەموو کوشت و بڕەکان، ئەنفالەکان و بۆمبی شیمیایی هەڵەبجەما ن بەچاوی خۆمان دیتمان، زۆربەی گوندو شارۆچکەو شارەکانی کوردستان دەگەڵ زەوی یەکسان کران . لە باکوری کوردستان جیا لە گرتن و کوشتن وەک تورکی کێوی حیساب دەکران. لە ڕۆژئاوای کوردستان جیا لە گرتن و ئەشکەنجەو کوشـتو بڕ وەک هاووڵاتی سوریەش وەر نەدەگیران و پێناسەیان پێنەدەدان . بەکورتی ئەوەی ئێستا بەناوی داعشەوە دەگەڵمان دەکرێ زۆر لەمێژە دەگەڵیان کردووین و ئەوەتا ئەمڕۆ باناوی داعش سەری هەڵـداوە. مـن دەپـرسم ئەوەی داگیر کـەرانی کوردستان دەگەڵیان کردووین و دەیکەن چی لەوەی داعش کەمتر بوە؟؟ داگیر کەرانی کوردستان و سەر کوتکەرانی گەلی کورد دەگەڵ داعش یەک ئامانج و ستڕاتێژیان هەبووەو هەیە کە داگیر کردنی کوردستان و قەڵاچۆی گەلەکەمانە .

ئەوەی جێگەی داخە ! هێندێک نەزانانەو هێندێک بەزانیاریەوە لە لایەک دەیانەویێ شەڕەکە بکەنە شەڕی کوردو ئیسلام و لەلایەکیتر دەیانەویێ لە ژێر ناوی ئایین و مەزهەبی جیاوازو جۆراو جۆر کورد لەناو خۆیدا تووشی دوبەرەکی و ناکۆکی و سەرئەنجام شەڕو ئاڵۆزی بکەن، کە ئەوە مەترسیەکی گەورەو ڕاستەو خۆ بمانەوێ و نەمانەوێ باقازانجی دوژمنانە. من دەزانم لە هیچ ئایەتێکی قورئانیدا نەهاتووە ئەو سەرزەویەی کوردستانە بەمڵکایەتی ئیی فارس و عەڕەب و تورکانە !! ئیمەش بە پێچەوانەی ئەو ئایەتە رەفتارمان کردبێ و بەکافرمان لەقەڵەم بدەن و حوکمی جیهادو شیمیابارانمان بۆ دەر بکەن !! بە دڵنیایەوە بە فەرمانی خوا ئێمەی کوردیش نەتەوەیەکین دەسکردی خواوەندین وەک ئەو هەموو نەتەوانەی ئەم جیهانە، ئەوەی لە خواوە وەک سەرزەوی پێمان دراوە کوردستانە، خۆشەویستی و پاراستنی ئەو کوردستانەش بۆ ئێمە وەک پێغەمبەر (ص) دەڵێ : خۆشەویستیی نیشتمان نیشانەی ئیمانە.

دەگەڵ ڕێزم بـۆ هەمـوو ئیدەو ئایینە کان، باوەڕم وایە هەتا لە ژێر کار تێکەری ئەو ئایین و ئیدانە نەیەینە دەرو ئامانجی سەرەکیمان کە ڕزگاری کوردستان و کوردە، نەبێتە خاڵی یەکەم و سەرەکیمان و مەسەلەی نەتەوایەتی و نیشتمانپەروەری نەمانکاتە یەک هێز بـۆ بـەرەنگاری دوژمنان، گومانـم نـیـە داعـش و وێـنەی ئەومان زۆر دەبن. زۆر جێگەی داخە کە هەوڵ دەدرێ بـۆ هەڵگیرساندنی شەڕی سوننی و شیعە، سەلەفی و خەلەفی، جیهادی و حیزبڵڵاهی و... دەگەڵ ئەویش ناوچە گەرایی زاراوە کردن بەزمان خەریکین نیشتمان و نەتەوەکەمان دەکەینە قوربانی ئایین و ئیدەو مەزەبەکان. جێگەی داختر لەوەش ئەوەیە، کە ئەو دەنگانە لە ڕاگەیەندراوەکانی پێشڕەوەکانمان دەبیسترێن ئەوە هەرچی پیرۆزیش بن، نابێ لە نیشتمان و ئازادی گەلەکەمان پیرۆزتر بن. سەرقاڵ بوونمان بەو مەسەلانەوە ئەگەر ئامانجی ئەسڵیشمان لە بیر نەباتەوە زۆرمان لەو دوور دەکاتەوە.

زۆر بەراشکاوی دەمەوێ بڵێم : ئێمەی کورد نە شەڕی دژی ئیسلام دەکەین و نە بۆ پەرەپێدانی ئەویش هەوڵ دەدەین. ئێمە لەو گەلانە نین کە ناوی ئیسلامیان لە خۆیان ناوەو کەچی هەر شەڕی موسوڵمانان دەکەن.

ئێمە گەلێکین نیشتمانەکەمان داگیر کراوە ، زمان و فەرهەنگ و کولتوورو کەلەپورمان لێی دزراوەو لە خۆمان قەدەغە کراوە. ئەگەر بەدەگمەن لە ژێر دەسڵاتێکی داگیر کەردا شتێک بەزمانی کوردی نووسرابێ و گوترابیێ لەژێر کارتێکەریی زمانی زاڵدابووەو لە بەرژەوەندی داگیرکەردا کاری پێکراوە. بە پێوەری هەموو یاساو رێسای مرۆڤایەتی و ئیدەو ئایینەکانی ئەم جیهانە داوای مافی رەواو ڕزگاری زێدو ئازادی گەلەکەمان ئەرکی شەرعی و قانونیمانە. بە راشکاوی دەڵێم: هەر هێزو هۆزو تاقم و دەستەو وڵات و نەتەوەو دەسەڵات و حاکمێک چ بە ناوی ئیسلام یان هەر ناوێکیتر، کۆماری ئیسلامی بێی یان داعش و قاعیدە و..... ئەگەر بیهەوێی زێدەکـمـان داگـیـر بکـات، گەلەکەمان و دانیشتوانی وڵاتەکەمان قەتڵو بـڕ بکات، بەرەنگاری دەبینەوەو قـوربانی دەدەین هەتا لە وڵاتەکەمان پاکیان دەکەینەوە. مێژوو شایەدمانە کورد هەرگیز شەڕی بـۆ دین و ئایین نەکردوەو نایکا. ئوسولەن شەڕانگێز نین و بەردەوام بەرگریمان لە خۆمان و نیشتمانەکەمان کردوە، خۆ بەرگری کردنیش مافێکی رەوامانە. بەرگری لە زێدو نیشتمان نەک دژی دین نییە بەڵکوو وەک چۆن بۆ ئەوانەی بڕوای ئایینیان هەیە واجبێکی شەرعییە، ئەرکێکی نەتەوەیی و ئینسانی و ئەخلاقیی خۆمانە. بە باوەڕی من بۆ بەرەنگاری ئەو هەموو پیلانگێریانە گەلی کورد بە هەموو ئیدەو ئایینە جیاوازەکانیانەوە لە ژێر چەتری نیشتمان و نەتەوەدا دەبێی کۆببنەوەو ، دین بکەنە باوەڕێکی شەخسیی نەتەوەو هاوکاتیش نیشتمان پەرستی بکەنە ئامانجێکی گشتی، هەتا بتوانن وەک گەلێکی ئازادو سەربەخۆ بۆ پێشکەوتنی گەلو ئاوەدانیی نیشتمان تێبکۆشن ئەوکاتەیە کەدەتوانین هەرکەسە ئایینی خۆمان هەبێ و خواش فەرموویە ( لکم دینکم ولی دین .) واتە دینی خۆمان بۆ خۆمان و دینی خۆتان بۆ خۆتان. پێغەمبەریش (ص) دوای ئەوەی کۆچی بەزۆریان پێکرد هەتا مەککەی ڕزگار نەکرد خوا پێی نەکوت دینەکەت تەواو کردوە!. ئێمە ی کوردیش هەتا ئەو رۆژە کوردستان بەتەواوی لە دەست داگیر کەران دەر دێنینەوە، نە دین و نە دنیامان تەواو نییە و بە ئیزنی خـواو هیمەت و پشتیوانی گەل، نیشتمان ڕزگار دەکەین لە خوێن مژان. من پێموایە هەرچی بەگژ یەکترمان دابکا چ دین بێ و چ ئیدەی سیاسی دەبێ وازی لێبێنین . هەر ئیدەو ئایینێک مافی مرۆڤایەتی و نەتەوایەتیمان لێحەرام بکات.


دەبێ قبووڵ نەکرێ چونکە دین دەبێ مرۆڤایەتی تەکمیل بکات نەک پێشێل.! مافان بپارێزێی نەک زایەیان بکات، تۆوی برایەتی بچێنێ نەک برایان پێک وەر بکا.

جێی خۆشحاڵیە کە ئێستا بەشێک لە کوردستانەکەمان ئازادەو دەسەڵاتی خۆ بەڕێوە بردنیان هەیە و بڕێکیش زیاتر، زۆر ژیرانە گەشەی کردوەو پێشکەوتووە ، بۆتە جێگەیەک کە دنیای پێشکەوتوو پێیوایە لە ڕۆژهەڵاتی ناوەڕاستدا دەکرێ ببێتە نموونەی ئازادی و دێمۆکراسی. لەو لایەشەوە داگیرکەرانی کوردستان بەردەوام بە ئاشکراو بەنهێنی بەزۆری لە قاڵبی دۆستایەتی ڕوکێشدا کەندو کۆسپی دەخەنە سەر رێگەو ئاژاوەو نائارامی بـۆ دەخوڵقێنن. دەیانـەوێ هـەر چـۆنێک بێ پـێش بـەو پێشکەوتنەی هەرێم بگرن، بۆیە ئەرکی گەلی کوردستانە بەتایبەتی حیزب و سازمانە کوردیەکانی هەر چوار بەشەکان بەبێ چاوەڕوانی وەک ئەرکێکی نەتەوەیی و نیشتمانی وشیارانە بەرەنگاری هـەر چەشنە پیلانێک بـبـنـەوە کە بـیـهـەوێ کـورد لەیەکتر دڕدۆنگ و نامۆ بکا. با کوردستان مڵکی هەمو کوردان و دانیشتوانی بێ نەک بەشێک و حیزب و تاقمێک. با خوێنی کورد لێک حەرام بکرێ و ئەوەی بۆ هـەمـوان حەڵاڵ بێ با خوێنی داگیرکەران بێ. وەک لەپێشەوەش باسم کرد: ئەو داگیرکەرە موسوڵمان یان غەیرە موسوڵمان بێ!
کۆتا قسەم ئەوەیە : با نـەوەی نـوێ باش بـزانن باپیرانیان بەدرێژایی مێژوو لە دژوارترین کات و سات و هەلومەرجدا بە کەمترین ئیماکانات بەرەنگاری دوژمنان بوون و کۆڵیان نەداوە، بە لەخۆبردوویی و قوربانیدانێکی زۆرو بەنرخ هەتا ئێرەیان هێناوە، ئەو ئەرکە قورس و گرانە دەکەوێتە سەر شانی ئێوە ، کە دەبێ بێباک لە دوژمـنان، بێترس لە هەڕەشەو زۆری نەیاران و دوژمنانی داخ لە دڵ هەروا قورس و قایـم لـەسەر مافی رەواتان سوور بـن و فـریوی درۆو دەلەسەو زمـان چـەوریـ و دوڕوویی دۆستانی رواڵـەتـی مـەخـۆن، یەکگرتـوو بـن و دڵـنیابـن بەیەکگرتویی سەرکەوتنی یەکجاری مسۆگەرە.

ناوەڕۆکی ئەم بابەتە را و تێبینیی نووسەرە و ماڵپەڕی کوردستان میدیا لێی بەرپرسیار نییە
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٦ لەم ژمارەیەدا:

ــ دەنگی راسانی گەلان نابیستن
ــ خەباتی ڕۆژهەڵات بەردەوامە
ــ خۆپێشاندانەکانی ئێران و پرسی کورد
ــ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
  • شەپۆلەکانی شار شەپۆلەکانی شار
    شەپۆلەکانی شار پڕە لە هەست و سۆزی نیشتمانپەروەری و نەخشێنەری ئەو جووڵە و راچەنینانەیە کە لە نێو کۆمەڵی کوردەواریدا بە نهێنی و دوور لە چاوی داگیرکەر، بەردەوام لە گەشە و هەڵچووندان.
  • تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە
    دەقی وتووێژی کاک تەیموور مستەفایی، ئەندامی دەفتەری سیاسیی حیزبی دێموکراتی کوردستانی ئێران و بەرپرسی کۆمیسیۆنی تەشکیلاتی حیزب لەسەر خۆپێشاندانە سەرانسەرییەکانی ئێران و بڵاوکردنەوەی ڕاگەیەندراوی ئەم کۆمیسیۆنە لەم پێوەندییەدا، لەگەڵ تەلەفزیۆنی تیشک.
  • کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
    خوێنەرانی بەڕێزی "کوردستان"، سەبارەت بە دوایین بارودۆخی ئێران و کوردستان و هەروەها نەخش و دەوری کورد و حیزبی دێموکرات لە هاوکێشەکاندا، ماڵپەڕی "کوردستان میدیا" وتووێژێکی لەگەڵ بەڕێز "کاوە ئاهەنگەری" چاودێری سیاسی و ئەندامی حیزبی دێموکرات ئەنجام داوە کە لێرەدا دەخرێتە بەر دیدی ئێوەی خۆشەویست.
  • ئێمە و وێژمانەکانی داگیرکراوی و هەڵاوێردراوی ئێمە و وێژمانەکانی داگیرکراوی و هەڵاوێردراوی
    ئەم گوتارە ئەگەرچی لای گرووپ، ڕێکخراو و حیزبی سیاسیشەوە هەڵگیراوە، بەڵام بەوپێیەی کە ئەم دامەزراوەگەلە لە عەرزی واقیعدا کار دەکەن و پێویستیان بە دانوستان و دانیشتن و وەرگرتنی پووانی جیاواز هەیە، ئەم ڕێکارەیان هەتا ئیستە تا رادەیەک پاساو هەڵگرە؛ وەکوو تر لە ئاستی یەکانگیریی نەتەوایەتی و دینامیزمی کۆمەڵایەتییەوە هەندێک خەساریشی هەبووە کە لێرە ناگونجێ بەسەریاندا بێینەوە.
  • کۆمەڵگەی ئازاد لە سێبەری دێموکراسیدا کۆمەڵگەی ئازاد لە سێبەری دێموکراسیدا
    "ژان ژاک ڕۆسۆ"یش لە وتارێکیدا بە ناوی "ڕێککەوتنی کۆمەڵایەتی" دەقەکەی بەم ڕستەوە دەست پێ دەکات: "مرۆڤ سەرەڕای ئەوەیکە بە سەربەستی لە دایک دەبێت، بەڵام لە هەموو شوێنێکی ئەم دنیادا بندەست و دیلە".
  • خۆپێشاندانەکانی ئێران و پرسی کورد خۆپێشاندانەکانی ئێران و پرسی کورد
    لەو قۆناغەدا کە هێزەکانی رێژیم باوەڕیان بە خۆیان نەماوە و ترسی رووخان هێزی سەرکووتکەری بێ هیوا کردووە، راسانی شارەکانی کوردستان دەتوانێ زۆرترین دەسکەوت و کاریگەریی هەبێ. ئەوە دەرفەتێکە کە گەلی کورد دەتوانێ بۆ پێشخستن و نزیک بوونەوە لە ئامانجەکانی، کەڵکی شیاوی لێ وەربگرێ؛ بە تایبەتی کە لە قۆناغی نوێی خەباتدا، هۆشیاری نەتەوەیی و بەرینایی خەبات لە جاران بەرزتر و بەربڵاوترە.
  • پیلانەکانی بەسیج لە نێو زانکۆکانی کوردستاندا پیلانەکانی بەسیج لە نێو زانکۆکانی کوردستاندا
    لەم نێوانەدا، بەسیج، وەکوو ئامرازی سیخوڕیی حکومەت بەکار براون. بەسیج لە هەموو فەرمانگەیەکی حکومەتی و ناحکومەتی و لە واتایەکی بەربڵاوتر: لە هەموو شوێنێکدا وەکوو ڤایرۆسێک بڵاوبووەتەوە. قوتابخانەکان و زانکۆکانیش لە فیلترینی ئەم شوێنانەن. بەسیجی کوردیش، یان خۆماڵیتر بڵێم: جاشە کوردەکان، وەک باقی بەسیجییەکانی ئێران، ئەرکی تایبەتیان پێ ڕادەسپێردرێت کە بەرچاوترینیان، فرۆشتنی نیشتمان و هاوزمانەکانیانە.
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    زلهێزەکان هاتن و بێ لەبەرچاوگرتنی مافی گەلان، نەخشەی ناوچەکەیان گۆڕی؛ لە ئاکامی ئەم داڕشتنە نوێیە یەکلایەنە و نادادپەروەرانەشدا، هەندێک لە نەتەوەکان لە مافی دامەزرانی دەوڵەتی خۆیان بێبەش کران کە بەرچاوترینیان نەتەوەی کورد بوو. کورد بوو بە یەکەم قوربانی ڕەوتی نوێی نادادپەروەرانەی مێژوو، تەنیا لەبەر ئەوەیکە دروست بوونی دەوڵەتێکی کوردی لەگەڵ بەرژەوەندی ئەم زلهێزانە یەکی نەدەگرتەوە.
  • دەنگی راسانی گەلان نابیستن دەنگی راسانی گەلان نابیستن
    لە رۆژی ٧ی بەفرانباری ١٣٩٦ی هەتاوی و لە دوایین رۆژەکانی ساڵی ٢٠١٧ی زانییندا، بزاڤی مافخوازیی نەتەوەکان و خەڵکانی ئێران دوای چەندین و چەند کۆبوونەوەی ناڕەزایی دەربڕین، وەکوو ڕووبارێکی بەلرفە، بەنداوی کۆت و بەندی هەمەڕەنگی ڕێژیمی رووخاند و لافاوێکی سەرتاسەریی لە ئێراندا وەڕی خست.
  • لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی
    زلهێزەکانی جیهان، بە تایبەت ڕوسیە و ئامریکا دەیانهەوێ پارسەنگێکی هێز لە ڕۆژهەڵاتی ناوین پێکبهێنن کە سەقامگیر بێ و تێیدا بەرژەوەندی و نفوزی خۆیان پارێزراو بێ. رۆڵی ئامریکا و روسیە چارەنووسساز دەبێ بۆ بارودۆخی داهاتووی ناوچەکە، ئەگەر یەک یان هەردوو لەم وڵاتانە گەرەنتی سەقامگیری و پارسەنگی هێز بدەن بە هاوپەیمان و دۆستەکانی خۆیان لە ناوچەکە ئەو کات ئیمکانی هەیە شێوەیەک لە سەقامگیری دروست بێ.
  • ئاو، کۆڵەکەی ستراتیژی داهاتووی کوردستان ئاو، کۆڵەکەی ستراتیژی داهاتووی کوردستان
    بنەمای گەشەی ئێران لە ڕووی جوغرافییەوە، لەسەر دوو پاژی ناوەندی _فارس و قەراغی _نافارس داندراوە، چون دەوڵەتی مۆدێڕن پێی وابوو تەنیا رێگەی مانەوەی، خوڵقاندنی یەک نەتەوەیە و لە پێناو ئەو ئامانجەش جوغرافیای پاشکەوتوو و پێشکەوتووی خوڵقاند.
  • کرماشان له پەنای بێپەناییدا کرماشان له پەنای بێپەناییدا
    ئەم دۆخە نالەبارە لەپاش زیاتر لە یەک مانگ، هاوکاتە لەگەڵ دەسپێکی سەرما و سۆڵە و بارینی بەفر؛ لەمبارەوە "ئەکبەر سەنجابی" فەرمانداری سەرپێڵی زەهاو باسی لە دۆخی نەشیاوی ژیانی هاووڵاتییان لە نێو خێوەتەکاندا کردووە و وتوویەتی: بەرپرسان دەبێ درک بە بارودۆخی لێقەوماوان بکەن؛ خەڵک بە دژوارییەوە لە ژێر خێوەتی ١٠ میتریدا دەژین!
  • دوکتور قاسملوو، بزاڤی راسیۆنالیزمی سیاسەت لە کوردستاندا دوکتور قاسملوو، بزاڤی راسیۆنالیزمی سیاسەت لە کوردستاندا
    ئەو تایبەتمەندییەی هزری سیاسی کە لە بۆڵەبۆڵ و تەنانەت خواستی سیاسیش جیای دەکاتەوە ئەوەیە کە سیستمێکی واتادارمان پێ دەبەخشێت کە کێشەی کورد لە پێوەندی لەگەڵ کێشەکانی دنیای مودێڕن و لە چوارچێوەی چەمک و دەستەواژەکانی تایبەت بەو دنیایە دووبارە پێناسە دەکاتەوە.
  • داهاتوی ڕەشی ئێران لە دەلاقەی بوودجەی ساڵی داهاتوودا داهاتوی ڕەشی ئێران لە دەلاقەی بوودجەی ساڵی داهاتوودا
    ئەگەر ئەرکی سپای قودس بە دەرکەوتنەکانی قاسم سلێمانی لە ناوچەدا هەژمار بکەین ڕوون و ئاشکرایە کە لە هەر کوێ شەڕ و نائارامی هەبێت، ناوبراویش لەوێیە؛ واتە سامانی وڵاتێکی وەک ئێران و کوردستان بۆ شەڕئەنگێزی و تیرۆر کەڵکی لێوەردەگیرێت و ئەوەش بەئاشکرا و بەیاسا دەیکەن.