• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٧ی ژانویەی ٢٠١٨ی زایینی - ٢٧ی بەفرانباری ١٣٩٦ی هەتاوی  

جێژنی قوربان (مەلا برایم مەجیدپوور)

زایینی: ٠٢-١٠-٢٠١٤ - هەتاوی: ١٣٩٣/٠٧/١٠ - ١٦:١٣ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
جێژنی قوربان (مەلا برایم مەجیدپوور)
بەناوی خوای دڵاواو دلۆڤان
جێژنی قوربانە سەرم قوربانە بۆ تۆ نیشتمان
تۆم نەبێ من چیم و نازانم چیە مـانای ژیـان؟

جێژنی قوربان یەکێکە لە بۆنە پیرۆزەکانی ئایینی ئیسلام و هەمو ساڵێ لە
کاتی خۆیدا بەڕێزەوە یادی دەکرێتەوە. یەکێکە لەو رووداوە مێژوییانەی کە
بایخێکی زۆری پێدراوە. ناکرێ باسی ئەو جێژنە بکەی و ئاوڕێک لە لەخۆ بردوویی و فیداکاری ئیبڕاهیم نەدەیەوە.

بۆیە کورتەیەک لەو بارەدا دەنوسم و خەبات و قوربانی دانی گەلی کوردیشی پێ دەشبهێنم. ئیبڕاهیم سڵاوی خوای لێبێ یەکێک لەو پەیامبەرانەیە کە جێگە و پێگەیەکی گەلێک بەرز و مەزنی لە مێژوی ئیسلامدا بۆ خۆی گرتۆتەوە. پەیڕەوانی ئایینی ئیسلام خۆیان بە درێژەدەری رێبازی ئەو دەزانن .

ناوی هەمیشە بە بەرزی و ڕێزەوە لە رێگای بیروباوڕ و ئامانجیدا سەختترین جەزرەبە و جزیای کێشاوە، لە ناو ئاگری مەنجەنیق خراوە، لەرێگای باوەڕیدا ئامادە بوە تاقانە جگەرگۆشەکەی بەدەستی خۆی سەرببڕێ.

ژیانی ئەو پێک هاتوە لە زنجیرەیەک لە خۆ بردویی و قوربانیدان. بە پاداشی ئەو قوربانیدانە لەقەبی باوکی پێغەمبەرانی پێدراوە. لە هەموکتێبە ئاسمانیەکاندا وەک سەرقافڵە و پێشەنگی پەیامبەران ناوی هێندراوە.

لە سوڕەی (حەج :٧٨ )دا خوا بەپەیامبەر دەلێی: ئەوە هەر ئایینی ئیبڕاهیمی باوکتانە. لە سوڕەی(ئەنعام : ٨٤ تا٨٦ ) وەک باوکی پەیامبەران باسی لێکراوە. یەکێک لە تایبەتمەندیە بەرزەکانی ئەوە بوە کە بەهەموو هێزیەوە بەدژی خورافات و دارو بەرد پەرستی ڕاوەستاوە. لەسەردەمی ئەودا کە مانگ و رۆژ و ئەستێرەیان دەپەرست، ئەو بڕوای بەخوایەکی تاکی تەنیا هەبوو. بۆ سەلماندنی رەوابونی خۆی و بەتاڵی ئەوان لە بەڵگەی مەنتیقی و ئەقڵ پەسندو زیندو کەڵکی وەر دەگرت، تەنانەت بۆ خۆشی لە سەرەتاوە پێی وابو ئەو خوایەی لێی دەگەڕێی ، رۆژە، بەڵام هەر کە ئاوا بوو تێگەیشت ئەوە بۆ خوا نابێ چونکە نەمانی بەسەردا دێ ، بۆی دەرکەوت ئەو خوایەی دەبێ بیپەرستێ ئەو هێزە بەهێزە نادیارەیە کە ئەو زەوی و ئاسمان و مانگ و ڕۆژ و ئەستێرانەی چێکردوە و هەڵیان دەسوڕێنێ و لە کات و ساتی خۆیدا دەکاریان دێنێ.

خوا لەسوڕەی (ئەنعام: ٧٩) دا باس لەو بابەتە دەکا و لە زمان ئیبراهیمەوە دەفەرموێ: وا من بە دڵێکی پاکەوە رووم کردە تۆ، ئەوکەسەی کە زەوێ و ئاسمانەکانی داهێناوە، لەوانە نیم و نابم کە شەریک بۆ تۆ پەیدا دەکەن.

ئەگەر بمانەوێ باس لە ئیبڕاهیم و فیداکاریەکانی بکەین بێگومان لە توانای ئەو وتارەدا نیە ، بۆیە پوختەی باسەکە وەک ئاکامێک دەخەمە بەر چاوی خوێنەران و هەڵسەنگاندنو هەڵێنجانی بۆ دەکەم، خەبات و قوربانیدانی گەلی کوردیش بەو رەوتەی بابە گەورەمان ئیبڕاهیم دەشبهێنم، پـێـم وایە دەبێ مامۆستایانی ئایینی کورد بەو شباندن و پێک هەڵسەنگاندنانە وڵامی دوژمنانی گەل بدەنەوە کە بەردەوام بەناوی بەرگری لە دین و لە ژێر چەتری دیندا قەڵاچۆی کوردیان کردوەو گەیاندویانەتە ئەو جێگایە کە بە کافریان لە قەڵەم دا و نۆ حووکمی جیهادیان بەسەردا دەرکردون.

بە باوەڕی من دەبێ لە بەسەرهات و هەڵسوکەوتی ئیبڕاهیم فێربین کە دڵێکی گەورەو روون و بە هێزمان هەبێ و بزانین گەیشتن بە ئامانجی قوربانی گەورەیی دەوێ. ئیبڕاهیم وەک نورێکی رووناکی دەرە بۆ هەموو سەردەمەکانی ژیانی ئینسان نمونەیەکی پاک و بەرزە لە ناو هەموو پێغەمبەراندا، رێ نیشاندەرە بۆ سەرجەم مرۆڤەکان. ئەگەر بمانەوێ تاریفێک بۆ ناوبراو بکەین لەوە باشتر نادۆزینەوە کەبڵێین: خاوەنی دڵێکی گەورە و بەهێز و پڕ لە خۆشەویستی و هەست و سۆزی مرۆڤایەتی نمونەی بەرزی غیرەت و ئازایەتی بوو. دور لە بوغز و غەرەزو، ڕق و قینی دوژمنایەتی، رێنوێن بوو بۆ کاروانی مرۆڤایەتی بەرەو دنیایەکی پڕ لە سەر بەرزی و قیامەتێکی پڕ لە خۆشگوزەرانی، نمونە بوو بۆ فیداکاری و لەخۆبردویی. دڵێکی ئەوەندە پاک و بێگەردە و لە هەمانکاتدا مەزن و لێواولێو لە غیرەت و ئازایەتی و سەریح بوو کە باوکیشی بانگ دەهێشت بۆ خوا پەرستی و پێی دەیکوت: چۆن ئەوەی خۆت دروستی دەکەی دەیپەرستی؟! ژیانی ئیبڕاهیم ئاخندراوە بە ئازایەتی و قوربانیدان لە رێگای بیروباوەڕ و ئامانج . لە بەرانبەر ئەو خەڵکە دار و بەرد پەرستانە رادەوەستا، لە هیچ هەڕەشە و گوڕەشەیەک نەدەترسا، باکی لەوە نەبو پێیان دەکوت: ئەگەر دەست هەڵنەگری بەردبارانت دەکەین. بەکورتی ئەو دوو ڕێگەی لە بەرچاو دەگرت. یەکەم: وەدەست هێنانی ئاوات. دوهەم: مەرگ لەو ڕێیەدا.

یەکیتر لە تایبەتمەندیەکانی ئیبڕاهیم سور بوونی بوو لە سەر بیروباوەڕەکەی ، ئامادەش بوو ئازیزترین و خۆشەویستترین کەسی لە پێناودا بکاتە قوربانی. ئامادەبوو بەفەرمانی خواکەی کوڕەکەی بەدەستی خۆی سەر ببڕێ و قوربانی بکا. لێرەدا تاقیکاریەکی گەلێک سەخت و دژوارو، گرینگترین رووداو لە مێژووی قوربانیدان بوو.

ئەگەر بە وردی سەرنجی لایەنە جۆراوجۆرەکانی بدەین دەبینین کە ئیبڕاهیم پاش زەمانێکی دورودرێژ منداڵی نەبوو، خوا کوڕێکی پێبەخشی ، ئەو کورە بەروبۆی ئاواتی ژیانیەتی، میراتگر و راگری نەتەوە و باوانیەتی. خوا بۆ تاقیکردنەوەی رادەی ئیمانی، فەرمانی قوربانی کردنی کوڕەکەی پێ دا. ئیبڕاهیم کە بەتەواوی تەسلیمی بڕیار و ئیرادەی خوایە، بێ دڵەخورپە قبوڵی دەکا. بە دڵێکی پڕ لەخۆشەویستی باوکانە مەسەلەکەی لەگەڵ ئیسماعیل باس دەکا، لەوڵامدا دەڵێی: بابەگیان ئەوەی خوا ئەمری پێکردوی ئەنجامی بەدەن، ئەگەر خواش بیهەوێ، منیش بە خۆڕاگریەوە قبووڵی دەکەم. کاتێک مەسەلەکە لەگەڵ دایکی هاجەرە دێتە گۆڕێ و باس دەکرێ، وڵامی ئەوە دەبێ: بڕۆ ئەمری خوا لەسۆز و عاتیفەی دایک و باوک گەورەترە.

بەڕاستی زمان و قەڵەم لە کوتن و نوسینی رادەی بەهێزی ئەو ئیمانە و ئەو پرسیار و وڵامانە داماون. ئەو باوەڕانە چەندە پتەو و تۆکمەن کە هیچ شتێک کاریان تێناکا دایک و باوک کوڕ دەکەنە قوربانی لە ڕێی بڕوا و ڕێبازدا. کوڕ ئامادەی سەر بڕینە بۆ بە جێهێنانی فەرمانی خوا کە بەهۆی باوک بەڕێوە دەچێ! ئەوە بەرزترین پلەی ئیمانە، گرینگترین و بێ وێنەترین رووداوی مێژووی ئینسانە . خۆبەختکەرانی کوردستانیش نمونەیەکن لەو قوربانیدانە. ئیمانی راستەقینە ئەوەیە کە تێکەڵاوی خوێن و جەستەی مرۆڤ بێ، هیچ شتێک نەتوانێی کز و لاوازی بکا.

ئێمەی کورد گەلێکین لە تۆرەمەی ئیبڕاهیم و تەنانەت هەندێک زانای تەفسیرزان رایان وایە ئیبڕاهیم کورد بووە، کەوابوو دەبێتە باپیرە گەورەمان، زێدێکمان هەیە ناوی کوردستانە، وەک قورئان باس دەکا دوای تۆفانەکەی نوح گەمیەکە لە سەر کێوەکەی کوردستان بەناوی (جودی ) لەنگەری گرتوە و مرۆڤایەتی لەوێڕا بۆژاوەتەوە و پەرەی پێدراوە. نـاوی زێدەکەشمان دوژمـنانی دڵڕەشیش بـۆیان نەگۆڕاوە و هەروەک کوردستان ماوە، بەڵام پاشتەرکی، ئێران ، عێراق، تورکیە و سوریەیان پێوە هەڵواسیوە. لەگەڵ هەمووی ئەوانەش گەلی کورد زۆرینەی بڕوای ئایینی هەیە و لە نێوانیدا زۆربەی موسوڵمانە، بۆیە دەمەوێ خەباتی رزگاریخوازانە و خۆڕاگری و نەبەزی و قوربانیدانی ئەو گەلە بە بەسەرهات و راسپاردەکەی ئیبراهیم بشبهێنم. بە دڵنیاییەوە بڵێم: راستە گەلی کورد راستەوخۆ بەناوی دین و پەرە پێدانی ئایین نەچووتە گۆڕەپانی ئەو خەباتە، بەڵام لە روانگەی ئەوانەی لە ئەسڵ و ناوەڕۆکی ئایینی ئیسلام تێگەیشتون و بێ غەرەز و مەرەز لێی دەروانن و لێکی دەدەنەوە، دەزانن دەقا و دەق خەباتە بۆ بەڕێوەبردنی ئەرکێکی گەلێک گرینگ کە ئیسلام دەیخاتە سەر شانی موسوڵمانان. واباشە بزانین کە باشترین شت کەلە قورئاندا زۆرترین باسی لێکراوە، بەرەنگار بوونەوەی زوڵم و زۆرداری بە ئەرکێکی بایخداری ئایینی دانراوە. خۆ کەس نیە نەزانێ گەلی کورد نیشتمان و هەموو مافە نەتەوەیی و ئینسانییەکانی بە زۆر داگیر و زەوت کراوە. بەرەنگار بوونەوەی ئەو داگیر کەرانە مافێکی خواییە بە کوردی داوە، لەقورئانیشدا لە زیاتر لە (١٠٠ ) ئایەتدا ناوی زاڵم و زوڵم بە خراپ هێندراوە، کەوا بۆ خەباتی رزگاریخواز و قوربانیدانی ئێمەی کورد لە ناو بازنەی دژە زوڵمی قورئاندا جێی کراوەتەوە و کەس مافی ئەوەی نیە بەرگری لە زێد و گەل و بەرەنگاری زاڵمان و مافخۆرانمان لە ژێر هیچ ناوێک و بە هیچ بیانوێک لێی قەدەغە و حەرام بکا و رێڕەوانی ئیبڕاهیم و ئیسماعیل بە کافر و بێ دین لە قەڵەم بدا. من لە هەموو زانایانی ئایینی و غەیرە ئایینی دەپرسم لە کام ئایەتی قورئانیدا جگە لە قسەی رێبەران و دەسەڵاتدارانی بەناو موسوڵمانی داگیر کەری کوردستان نوسراوە و کوتراوە کورد مافی ئەوەی نییە زێد و گیانی خۆی هەبێ؟ بووی نیە زمان و فەرهەنگ و کەلەپوری خۆی بپارێزی! یان باشتر بڵێم: بووی نییە چارەنوسی خۆی، خۆی دیاری بکا؟ لە کۆتا قسەمدا دەڵێم: "گەلی کورد نابێ فریویی پڕۆپاگەندەی ژاراوی دوژمنە جۆراوجۆرەکانی لە ژێر ناوی ئیسلام یان هەر ئیدە و ئایینێکی تر بخوا"، لەوە دڵنیا بێ ئەو ڕۆڵانەی لە ڕێگای ڕزگاری گەل و نیشتماندا گیانیان بەخت کردوە و جەور و جەفایان کێشاوە، هەموویان ئیسماعیلی کوردن و دایک و بابەکانیش کە بەسەخاوەتەوە ڕۆڵەکانیان پێشکەشی بارەگای گەل و نیشتمان کردووە هاوڕێیانی هاجەرە و ئیبڕاهیمن. لەوەش بەولاترەوە دەڵێم: هەر وڵاتێک و دەسەڵاتێک و هێز و تاقمێک چ موسوڵمان و غەیرە موسوڵمان، لە ژێر هەر ناوێک هێرش بکەنە سەر ماف و وڵاتمان و داگیر و پێشێلی بکەن مافی ئایینی و ویژدانی و ئینسانی خۆمانە بەهەموو توانا مانەوە و بەهەموو شکڵ و شێوەیەک بەرەنگاریان ببینەوە و مافی زەوتکراومان وەگرینەوەو بەتوندی بەرپەرچیان بدەینەوە. بەڕاشکاوی دەڵێم: "کورد لە درێژایی مێژوودا هەر گیز هێرشی نەکردووەتە سەر ماڵ و مڵکی کەسو، هەموو جینایەتکاری و وەحشی گەری دوژمانیش نەیهێناوەتە سەر ئەو بارە کە پێشێلکەری مافی گەلانیتر بێ! بەردەوام شەڕێان پێفرۆشتوەو دڵڕەشانە پڕوپاگەندەی نـاڕەوا و درۆیـان بـەدژی کـردوە ، هەموو کات لە حاڵی بەگری لە خۆکردندا بوە، دەرگای وتووێژی سوڵح و ئاشتیشی لە سەر گازەرای پشتی کراوەتەوەو لەو ڕێگایەشداگەورەترین و بەنرخترین قوربانیداوە''.

لێرەدا بۆ ئەوانەی باوەڕی ئایینیان هەیە بەو ئایەتەی سورەی (مومتەحینە : ٦ ) کە دەفەرموێی: بێگومان ئەوانە نمونەی باشن بۆ ئێوە و ئەوانەی بڕوایان بە رۆژی سەڵا هەیە، هەر کەسیش خۆی لێ ببوێرێ خوا هیچ پەکی پێناکەوێ. خوا شیاوی پەسند دانە. دڵنیام بـوونی ئـەو نـمونە باشانە و مێژوو بەسەرهاتەکانی رابردوو گەورەترین بایخیان بۆ ئێستا و داهاتوشمان هەیە دەبا کەڵکیان لێوەر گرین، بێگومان قازانجمانە. داگیر کەرانی کوردستان زاڵمن، خواش نفرینی لە زاڵم کردوە.

لە کۆتاییدا بەبۆنەی ئەو یادو بەسەرهاتە مەزنە پیرۆزبایی لە هەموو گەلی کورد بە گشتی و رۆژهەڵاتی کوردستان بەتایبەت و بنەماڵەی شەهیدان و زیندوە مردوەکانیچاڵە ڕەشەکانی دوژمن و ئەویندارانی ئازادی گەل و نیشتمان دەکەم و ئاواتە خوازم قوربانیەکانمان فەرامۆش نەکەین .

ناوەڕۆکی ئەم بابەتە را و تێبینیی نووسەرە و ماڵپەڕی کوردستان میدیا لێی بەرپرسیار نییە
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٦ لەم ژمارەیەدا:

ــ دەنگی راسانی گەلان نابیستن
ــ خەباتی ڕۆژهەڵات بەردەوامە
ــ خۆپێشاندانەکانی ئێران و پرسی کورد
ــ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
  • شەپۆلەکانی شار شەپۆلەکانی شار
    شەپۆلەکانی شار پڕە لە هەست و سۆزی نیشتمانپەروەری و نەخشێنەری ئەو جووڵە و راچەنینانەیە کە لە نێو کۆمەڵی کوردەواریدا بە نهێنی و دوور لە چاوی داگیرکەر، بەردەوام لە گەشە و هەڵچووندان.
  • تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە
    دەقی وتووێژی کاک تەیموور مستەفایی، ئەندامی دەفتەری سیاسیی حیزبی دێموکراتی کوردستانی ئێران و بەرپرسی کۆمیسیۆنی تەشکیلاتی حیزب لەسەر خۆپێشاندانە سەرانسەرییەکانی ئێران و بڵاوکردنەوەی ڕاگەیەندراوی ئەم کۆمیسیۆنە لەم پێوەندییەدا، لەگەڵ تەلەفزیۆنی تیشک.
  • کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
    خوێنەرانی بەڕێزی "کوردستان"، سەبارەت بە دوایین بارودۆخی ئێران و کوردستان و هەروەها نەخش و دەوری کورد و حیزبی دێموکرات لە هاوکێشەکاندا، ماڵپەڕی "کوردستان میدیا" وتووێژێکی لەگەڵ بەڕێز "کاوە ئاهەنگەری" چاودێری سیاسی و ئەندامی حیزبی دێموکرات ئەنجام داوە کە لێرەدا دەخرێتە بەر دیدی ئێوەی خۆشەویست.
  • ئێمە و وێژمانەکانی داگیرکراوی و هەڵاوێردراوی ئێمە و وێژمانەکانی داگیرکراوی و هەڵاوێردراوی
    ئەم گوتارە ئەگەرچی لای گرووپ، ڕێکخراو و حیزبی سیاسیشەوە هەڵگیراوە، بەڵام بەوپێیەی کە ئەم دامەزراوەگەلە لە عەرزی واقیعدا کار دەکەن و پێویستیان بە دانوستان و دانیشتن و وەرگرتنی پووانی جیاواز هەیە، ئەم ڕێکارەیان هەتا ئیستە تا رادەیەک پاساو هەڵگرە؛ وەکوو تر لە ئاستی یەکانگیریی نەتەوایەتی و دینامیزمی کۆمەڵایەتییەوە هەندێک خەساریشی هەبووە کە لێرە ناگونجێ بەسەریاندا بێینەوە.
  • کۆمەڵگەی ئازاد لە سێبەری دێموکراسیدا کۆمەڵگەی ئازاد لە سێبەری دێموکراسیدا
    "ژان ژاک ڕۆسۆ"یش لە وتارێکیدا بە ناوی "ڕێککەوتنی کۆمەڵایەتی" دەقەکەی بەم ڕستەوە دەست پێ دەکات: "مرۆڤ سەرەڕای ئەوەیکە بە سەربەستی لە دایک دەبێت، بەڵام لە هەموو شوێنێکی ئەم دنیادا بندەست و دیلە".
  • خۆپێشاندانەکانی ئێران و پرسی کورد خۆپێشاندانەکانی ئێران و پرسی کورد
    لەو قۆناغەدا کە هێزەکانی رێژیم باوەڕیان بە خۆیان نەماوە و ترسی رووخان هێزی سەرکووتکەری بێ هیوا کردووە، راسانی شارەکانی کوردستان دەتوانێ زۆرترین دەسکەوت و کاریگەریی هەبێ. ئەوە دەرفەتێکە کە گەلی کورد دەتوانێ بۆ پێشخستن و نزیک بوونەوە لە ئامانجەکانی، کەڵکی شیاوی لێ وەربگرێ؛ بە تایبەتی کە لە قۆناغی نوێی خەباتدا، هۆشیاری نەتەوەیی و بەرینایی خەبات لە جاران بەرزتر و بەربڵاوترە.
  • پیلانەکانی بەسیج لە نێو زانکۆکانی کوردستاندا پیلانەکانی بەسیج لە نێو زانکۆکانی کوردستاندا
    لەم نێوانەدا، بەسیج، وەکوو ئامرازی سیخوڕیی حکومەت بەکار براون. بەسیج لە هەموو فەرمانگەیەکی حکومەتی و ناحکومەتی و لە واتایەکی بەربڵاوتر: لە هەموو شوێنێکدا وەکوو ڤایرۆسێک بڵاوبووەتەوە. قوتابخانەکان و زانکۆکانیش لە فیلترینی ئەم شوێنانەن. بەسیجی کوردیش، یان خۆماڵیتر بڵێم: جاشە کوردەکان، وەک باقی بەسیجییەکانی ئێران، ئەرکی تایبەتیان پێ ڕادەسپێردرێت کە بەرچاوترینیان، فرۆشتنی نیشتمان و هاوزمانەکانیانە.
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    زلهێزەکان هاتن و بێ لەبەرچاوگرتنی مافی گەلان، نەخشەی ناوچەکەیان گۆڕی؛ لە ئاکامی ئەم داڕشتنە نوێیە یەکلایەنە و نادادپەروەرانەشدا، هەندێک لە نەتەوەکان لە مافی دامەزرانی دەوڵەتی خۆیان بێبەش کران کە بەرچاوترینیان نەتەوەی کورد بوو. کورد بوو بە یەکەم قوربانی ڕەوتی نوێی نادادپەروەرانەی مێژوو، تەنیا لەبەر ئەوەیکە دروست بوونی دەوڵەتێکی کوردی لەگەڵ بەرژەوەندی ئەم زلهێزانە یەکی نەدەگرتەوە.
  • دەنگی راسانی گەلان نابیستن دەنگی راسانی گەلان نابیستن
    لە رۆژی ٧ی بەفرانباری ١٣٩٦ی هەتاوی و لە دوایین رۆژەکانی ساڵی ٢٠١٧ی زانییندا، بزاڤی مافخوازیی نەتەوەکان و خەڵکانی ئێران دوای چەندین و چەند کۆبوونەوەی ناڕەزایی دەربڕین، وەکوو ڕووبارێکی بەلرفە، بەنداوی کۆت و بەندی هەمەڕەنگی ڕێژیمی رووخاند و لافاوێکی سەرتاسەریی لە ئێراندا وەڕی خست.
  • لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی
    زلهێزەکانی جیهان، بە تایبەت ڕوسیە و ئامریکا دەیانهەوێ پارسەنگێکی هێز لە ڕۆژهەڵاتی ناوین پێکبهێنن کە سەقامگیر بێ و تێیدا بەرژەوەندی و نفوزی خۆیان پارێزراو بێ. رۆڵی ئامریکا و روسیە چارەنووسساز دەبێ بۆ بارودۆخی داهاتووی ناوچەکە، ئەگەر یەک یان هەردوو لەم وڵاتانە گەرەنتی سەقامگیری و پارسەنگی هێز بدەن بە هاوپەیمان و دۆستەکانی خۆیان لە ناوچەکە ئەو کات ئیمکانی هەیە شێوەیەک لە سەقامگیری دروست بێ.
  • ئاو، کۆڵەکەی ستراتیژی داهاتووی کوردستان ئاو، کۆڵەکەی ستراتیژی داهاتووی کوردستان
    بنەمای گەشەی ئێران لە ڕووی جوغرافییەوە، لەسەر دوو پاژی ناوەندی _فارس و قەراغی _نافارس داندراوە، چون دەوڵەتی مۆدێڕن پێی وابوو تەنیا رێگەی مانەوەی، خوڵقاندنی یەک نەتەوەیە و لە پێناو ئەو ئامانجەش جوغرافیای پاشکەوتوو و پێشکەوتووی خوڵقاند.
  • کرماشان له پەنای بێپەناییدا کرماشان له پەنای بێپەناییدا
    ئەم دۆخە نالەبارە لەپاش زیاتر لە یەک مانگ، هاوکاتە لەگەڵ دەسپێکی سەرما و سۆڵە و بارینی بەفر؛ لەمبارەوە "ئەکبەر سەنجابی" فەرمانداری سەرپێڵی زەهاو باسی لە دۆخی نەشیاوی ژیانی هاووڵاتییان لە نێو خێوەتەکاندا کردووە و وتوویەتی: بەرپرسان دەبێ درک بە بارودۆخی لێقەوماوان بکەن؛ خەڵک بە دژوارییەوە لە ژێر خێوەتی ١٠ میتریدا دەژین!
  • دوکتور قاسملوو، بزاڤی راسیۆنالیزمی سیاسەت لە کوردستاندا دوکتور قاسملوو، بزاڤی راسیۆنالیزمی سیاسەت لە کوردستاندا
    ئەو تایبەتمەندییەی هزری سیاسی کە لە بۆڵەبۆڵ و تەنانەت خواستی سیاسیش جیای دەکاتەوە ئەوەیە کە سیستمێکی واتادارمان پێ دەبەخشێت کە کێشەی کورد لە پێوەندی لەگەڵ کێشەکانی دنیای مودێڕن و لە چوارچێوەی چەمک و دەستەواژەکانی تایبەت بەو دنیایە دووبارە پێناسە دەکاتەوە.
  • داهاتوی ڕەشی ئێران لە دەلاقەی بوودجەی ساڵی داهاتوودا داهاتوی ڕەشی ئێران لە دەلاقەی بوودجەی ساڵی داهاتوودا
    ئەگەر ئەرکی سپای قودس بە دەرکەوتنەکانی قاسم سلێمانی لە ناوچەدا هەژمار بکەین ڕوون و ئاشکرایە کە لە هەر کوێ شەڕ و نائارامی هەبێت، ناوبراویش لەوێیە؛ واتە سامانی وڵاتێکی وەک ئێران و کوردستان بۆ شەڕئەنگێزی و تیرۆر کەڵکی لێوەردەگیرێت و ئەوەش بەئاشکرا و بەیاسا دەیکەن.