• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٤ی فێڤریەی ٢٠١٨ی زایینی - ٠٥ی رەشەمەی ١٣٩٦ی هەتاوی  

پەیامی پیرۆزبایی حیزبی دێموکرات و K.C.K لە یەکتر بەبۆنەی جێژنی قوربانەوە

زایینی: ٠٩-١٠-٢٠١٤ - هەتاوی: ١٣٩٣/٠٧/١٧ - ١١:١٣ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
پەیامی پیرۆزبایی حیزبی دێموکرات و K.C.K لە یەکتر بەبۆنەی جێژنی قوربانەوە
کوردستان میدیا: حیزبی دێموکراتی کوردستانی ئێران و کۆما جڤاکێن کوردستان بە بۆنەی جێژنی قوربانەوە، پەیامی پیرۆزباییان پێشکەش بە یەکتر کرد.

دەقی پەیامی پیرۆزبایی کۆما جڤاکێن کوردستان لە حیزبی دێموکراتی کوردستانی ئێران بەم چەشنەیە:


بەڕێز مەکتەبی سیاسیی حیزبی دێموکراتی کوردستانی ئێران

بە بۆنەی هاتنی جێژنی قوربانی پیرۆز بە ناوی خۆمان و سەرجەم ئەندامانی کۆنسەی بەڕێوەبەرایەتی پیرۆزبایی لە ئێوەی بەڕێز و سەرجەم ئەندامان و لایەنگرانی حیزبە تێکۆشەرەکەتان دەکەین.

ئەمساڵ لە کاتێکدا جێژنی قوربان پیرۆز دەکەین کە دوژمانانی کورد بە زیهنییەتی نکۆڵی، قڕکردن و سڕینەوەی گەلەکەمان لە سەراسەری کوردستان جارێکیتر هێرشێکی هەمە لایەنیەکان دەست پێکردوە. ئەم زیهنییەتە کەلە دژی ئازادی، یەکسانی و دیموکراسی و ئاشتییە لە سەر ناوی ئیسلام و خوێندنەوەیەکی تایبەت لە ئایین و ئیسلام لە کەسایەتیی گەلی کورددا هێرش دەکاتە سەر هەموو مرۆڤایەتی و نرخە ئایینی و مێژوویی و کەلتوورییەکانی. ئەو زیهنییەتەی کە گەلی کوردی لە هەڵەبجەدا کیمیاباران کرد، لە ئەنفال‌دا بە زیندوویی ژێر خاکی کرد، لە قامشلۆ، دێرسیم و ئاگری و زیلان کۆمەڵکوژیی کرد و لە مەهاباد لە سێدارەی دا، ئێستایش لە شنگال و کۆبانێ لەسەر کارە و مەترسیی خستۆتە سەر کوردستان.

بەڕێزان

لەم قۆناغە هەستیارە مێژووییەدا کە ستاتیکۆ هەڵدەوەشێتەوە و نەخشەی رۆژهەڵاتی ناوین و سیاسەتیی جیهانی سەرلەنوێ دادەرێژرێتەوە، چارەنووس و دوارۆژی گەلەکەمان و گەلانی رۆژهەڵاتی ناوین لە بەردەم مەترسیی زۆر مەزن‌دایە. گەلی کورد هەروەکوو چۆن لە رابردوودا لە دژی تێرۆریزمی دەوڵەتە داگیرکەرەکانی کوردستان خەباتی کردوە ئێستایش لە سەر ناوی هەموو مرۆڤایەتی لە بەری پێشی شەڕ لە دژی تێرۆریزمی هەرێمی و نێودەوڵەتی دایە. سەرکەوتن لەم شەڕ و بەرخۆدانە خزمەتی هەموو مرۆڤایەتی دەکات. لە بەر ئەمەش یەکیەتیی نەتەوەیی، یەک هەڵویستی، خۆڕاگریی هەمەلایەنانەی هاوبەش هەم چارەنووسی گەلەکەمان بەرەو ئازادی و ئاشتی و دێموکراسی دەگۆڕێت و هەم گەلانی ناوچەکە و مرۆڤایەتیش لە مەترسی فاشیزم و دەمارگیری ئایینی رزگار دەکات هەر بۆیە کاتی ئەوە هاتووە کە هەموو هێز و لایەنی کوردی لە سەرانسەری کوردستان شانبەشانی یەکتری لە هەموو بەرەکاندا لە بەرزترین ئاستدا تێکۆشان بکەن لە خەبات و تێکۆشانی گەلی کورددا حیزبی دێموکراتی کوردستانی ئێران خاوەن ئەزموونێکی گرینگە و چاوەڕوانی ئێمە ئەوەیە کە لەم بارودۆخە هەستیارەدا بە پشت‌بەستن بە ئەزموون و پێگەی سیاسی و جەماوەری رۆڵی مێژووی بگێڕن.

لە کۆتاییدا دووبارە جێژنی قوربانتان لێ پیرۆز دەکەین و لە خەبات و تێكۆشاندا سەرکەوتنتان بە ئاوات دەخوازین هیوادارین ئەم جێژنە ببێتە مایەی ئاشتی و ئازادی و ئارامی و هەر وەها پتەوکردنی بنەماکانی یەکیەتیی نەتەوەیی.
لەگەڵ سڵاو و رێزی شۆڕشگێڕی

هاوسەرۆکایەتی کۆنسەی بەڕێوەبەری کۆما جڤاکێن کوردستان(K.C.K)
٠٣/١٠/٢٠١٤ی زایینی


11126.jpg
پەیامی پیرۆزبایی کۆما جڤاکێن کوردستان بۆ حیزبی دێموکراتی کوردستانی ئێران


دەقی پەیامی پیرۆزبایی حیزبی دێموکراتی کوردستانی ئێران لە کۆما جڤاکێن کوردستان بەم چەشنەیە:

بەڕێز/ هاوسەرۆکایەتی کۆنسەی بەڕێوەبەری کۆما جڤاکێن کوردستان(K.C.K)
سوپاس بۆ نامەی پیرۆزبایی‌یەکەتان بە بۆنەی جێژنی قوربانی پیرۆز

ئێمەش بەم بۆنەوە پیرۆزبایی خۆمان پێشکەش بە بەڕێزتان، هەموو تێکۆشەرانی حیزبەکەتان و هەموو گەلی کورد دەکەین، بەتایبەت ئەو تێکۆشەرانەی کەلە رۆژانی جێژندا لە بەرەکانی شەڕ دژی تیرۆریستان لە شەڕدان و بەرگری لە خاکی کوردستان دەکەن.

هەر وەک هەموومان بەڕوونی دەبینین کوردستان و نەتەوەی کورد بەگشتی سەرەڕای بەدەستهێنانی دەسکەوتی سیاسی بەرچاو، بە قۆناغێکی زۆر هەستیار و پڕ مەترسیدا تێدەپەڕێ، بۆیە پێویست دەکا زیاتر لە هەموو کاتێك وشیار بێ و تووشی هەڵسەنگاندن و لێکدانەوەی هەڵەی ئەوتۆ نەبێ کە بۆی قەرەبوو نەکرێتەوە.

لەو پێوەندییەدا بێگومان یەکڕێزی و هاودەنگی نەتەوەکەمان لە هەموو بەشەکاندا یارمەتیدەرێکی باش دەبێ لە دەربازکردنی ئەم قۆناغە بە سەرکەوتوویی و شانازییەکەی بۆ هەموو لایەک دەگەڕێتەوە، بۆ گەیشتن بە یەکڕێزیش قبووڵ کردنی یەکتر و کاری هاوبەش دەوری سەرکی دەبینێ.

حێزبی دێموکراتی کوردستانی ئێران لە پێوەندییەدا تێکۆشاوە ئەرکی سەرشانی خۆی وەک ئەرکێکی نەتەوەیی بەپێی توانا جێبەجێ بکات.

جارێکی دیکە پیرۆزبایی جێژنتان لێ دەکەین و سەرکەوتنتان لە شەڕ دژی تیرۆریستان و داگیرکەرانی کوردستان بۆ بە ئاوات دەخوازین.
هەر بژین بە سەربەرزی و سەرکەوتوویی

حیزبی دێموکراتی کوردستانی ئێران
دەفتەری سیاسی
رێکەوتی ٠٦/١٠/٢٠١٤ی زایینی
١٤/٠٧/١٣٩٣ی هەتاوی


11095.jpg
پەیامی پیرۆزبایی حیزبی دێموکراتی کوردستانی ئێران بۆ کۆما جڤاکێن کوردستان
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.