• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢١ی نوامبری ٢٠١٧ی زایینی - ٣٠ی خەزەڵوەری ١٣٩٦ی هەتاوی  

كۆبانی قەڵای بەرخۆدانی كورد لە بەرامبەر تیرۆریزم ( عەبدۆڵا وەیسی)

زایینی: ٠٩-١٠-٢٠١٤ - هەتاوی: ١٣٩٣/٠٧/١٧ - ١٧:٢٠ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
كۆبانی قەڵای بەرخۆدانی كورد لە بەرامبەر تیرۆریزم ( عەبدۆڵا وەیسی)
كۆبانی قەڵای لەگیران نەھاتووی ئازادی لە ھەمبەر بیرۆكەیەكی تیرۆریستیە كە ھەوڵ دەدا لە رێگای چەواشە كردنی ئایینی پیرۆزی ئیسلام بە ئامانجی سیاسی خۆی، كە دەسەڵاتە بگات. لەو سۆنگەیەوە تیرۆستانی ئەلقاعیدە و ھەڵگرانی بیرۆكەی تاڵبان لە ئەفغانستان بۆ جارێكی دیكە دەیانھەوێت كارەساتی مرۆڤی لە ناوچەدا دروست بكەن و بەداخەوە دیسان لانكەی شارستانیەت و مرۆڤایەتی، واتە كوردستانی پیرۆز بۆتە ئامانجی ھەڵگرانی ئەو بیرۆكەیە كە سەركەوتنی خۆیان لە ناوبردنی نەتەوەكانی دیكە و بە تایبەتی نەتەوەی كورد دەبینن.

11073.jpg

عەبدۆڵا وەیسی


ئەوی كە گرووپێكی تیرۆریستی وەك دەوڵەتی ئیسلامی، ناسراو بە داعش ھەوڵ دەدات كە ببێت بە ھێزێكی ناوچەیی و لەو پێناوەدا بە ناوی ئایینی پیرۆزی ئیسلام جینایەت دەكا و سەری خەڵك دەبرن و ژن و منداڵی كوردەكان لە بازارەكانی ناوچەكانی خۆیاندا بە دیلی دەفرۆشن لەگەڵ ھیچ ئەخلاق و یاسایەكی مرۆڤی و جیھانی دا نییە و ئەو كارە وەك كارەساتێكی سەدەی ئێستا لە قەڵەم دەدرێت.



بەڵام ئەوەی كە جێگای تێڕامان و سەرەنجە، ئەوەیە كە بۆچی داعش كوردستان و نەتەوەی كوردی كردووەتە ئامانج و ئارمانجی داعش لە شەڕ لەگەڵ كوردەكان چیە و بۆچی تەنیا كوردەكان لەو پێناوەدا قۆربانی دەدەن ! گۆمانی لەو راستیەدا نییە كە داعش و ھەڵگرانی بیرۆكەی داعش تەنیا بە مەبەستی سیاسی خۆیان لە ئایین كەڵك وەردەگرن. چۆنكە زۆربەی نەتەوەی كورد پەیرەوی ئایینی ئیسلامن و بۆ دەبێت كە داعش كەسانێكی مۆسڵمان بكاتە ئامانج ؟

بێ گۆمان ھەر وەك چۆن سەدامی دیكتاتۆر بە ناوی سۆرەتی پیرۆزی "ئەنفال"، كوردەكانی لە قەڵاچوو دا و ھەر وەك خۆمەینی كە بە دانی فەتوا بە دژی كوردەكان ماڵ و نامووسی كوردی بە حەڵال زانی، پیلانی داعش و داعشیەكان دەكرێت لە لایەن وڵاتانی داگیر كەری كوردستان ساز كرا بێت و كەرەستەیەك بێ بۆ دژایەتی كردنی كورد لەو قۆناغە مێژوویی و ھەستیارە دا.

دەستكەوتەكانی نەتەوەی كورد لەو قۆناغەدا و ھەروەھا پشتیوانی جیھانی لە دۆزی رەوای گەلی كورد و درۆستبوونی دوو ھەرێمی كوردی لە باشوور و رۆژئاوا و ھەروەھا پرۆسەی ئاشتی نێوان پكاكا و دەوڵەتی تورك و لە كۆتایی دا بانگەشەی ھەرێمی كوردستان و مەسعوود بارزانی بۆ سەربەخۆی كوردستان، ھەموو لە خۆیدا ئەو راستیە نیشان دەدن كە كوردەكان لەلایەن جیھانەوە ناسراون و زۆر وڵات پشتیوانی لە مافی دیاری كردنی چارەنووسی كوردەكان دەكەن.

ئەو رەوشە ئاڵۆزە و ھەروەھا لە كاتێكدا كە مادەی 140ی یاسایی بنەڕەتی عێراق بە شێوەیەك جێبەجێ كرا كە كەس فیكری لەو دۆسیە ئاڵۆزە نەدەكرد، لە ناكاوە داعش كە تا ئەو كات رایگەیاندبوو كە ئامانجیان شەڕ لەگەڵ دەوڵەتی شیعەی عێراق و نووری مالكیە، لە گەرانەوەیەكی 180 پلەی دا روویان لە ھەرێمی كوردستان كرد و ناوچەی شنگال‌یان داگیر كرد و ھەژمارێكی زۆر لە خەڵكی بێ گۆناھی كوردی ئێزدییان كوشت و ژن و كچەكانیان بەدیل گرت.

كە پاشان بە بەرخۆدانێكی بێ وێنەی كوردەكانی ھەر چوار بەشی كوردستان و ھێرشی ئامریكا و ھاوپەیمانانی بۆ سەر مۆڵگەكانی داعش، تا رادەیەكی باش پاشەكشەیان بەو ھێزە كرد.

پاش ئەو رووداوانە و بە ھانا ھاتنی خەڵكی كوردستان لەلایەن كۆمەڵگای نێودەوڵەتی و ھێرشی ھێزەكانی پێشمەرگە بۆ سەر تیرۆریستان، ئەو جار داعش كە لە ژێر پشتیوانی ھێندێك وڵاتی ناوچەدا ئەو كارانە دەكات، ھێرشی بردە سەر رۆژئاوایی كوردستان و شاری كۆبانێ وەك ناوەندی ئەو ھێرشانەی داعش بە تۆندی كەوتە بەر ھێرش و پەلامار و لە راستیدا كۆبانێ وەك ناوەندی بەرخۆدان لە ھەبەر گرووپێكی رادیكاڵی ئیسلامی سیاسی دا راوەستاوە و ئەو راوەستانە تەنیا بە خوێنی سەدان رۆڵەی كوردی ھەر چوار بەشی كوردستان و تەنانەت كوردەكانی خۆراسان و رۆسیە بووە. بەرخۆدانێك كە تا ئێستا جیھانی تووشی سەر سوورمان كردووە كە چۆن خەڵكانێكی ئاسایی بە دەستی خاڵی كە سیلاحی ھەرە پێشكەوتوویان، كڵاشینكۆف و ئارپیچی یە توانیانە لە بەرامبەر ئەو گرووپە درندەیەدا راوەستن و بەرخۆدان بكەن.


لە شاری كۆبانێ ئەوە پیاوەكان نین كە بەەرخۆدان دەكەن، بەڵكو ھەموو چین و تۆێژەكانی ئەو شارە لە ژن و منداڵ و بەساڵاچوو و جەوان ھەموویان بە ھەر شێوەیەك كە بۆیان دەكرێت راوەستاون و مردنی شەرافەتمەندانە لە سەر زێدی باب و باپیرانیان بە ھەڵاتن و ژیانی دیلی ناگۆرنەوە و داستانی ژیانێكی تازە بۆ مرۆڤایەتی سەر لە نوێ دەنووسنەوە.

شاری كۆبانێ ئەمرۆ زیاتر لە ھەر كاتێك پێویستی بە پشتیوانی ئێمەی كورد لە سەراسەری جیھان ھەیە و دەبێت ئەو قەڵایە لە گیران نەھاتووی ئازادی بە ھەر نرخێكی گران بێ، بپارێزین و بێ گۆمان بێجگە لە كورد، ھیچ كەسێكی دیكە ناتوانێت دۆستی متمانەی ئێمە بێت. ھەر بۆیە دەبێت ئێمەی كورد بێجگە لە پشتیوانی، ھەوڵ بدەین یەكگرتووی ناو ماڵی كورد بە گشتی رۆژئاوایی وڵات بە تایبەتی رێك بخرێن و پێش بە كارەساتێكی دیكەی مێژوویی بگرین.

لەو پێناوەدا حیزبی دێموكراتی كوردستانی ئێران، وەك یەكەم و قەدیمی ترین حیزبی كوردی بەشی ھەرە گەورەی بەر دەكەوێت و رێبەرایەتی ئەو حیزبە دەبێت ھەوڵێكی زۆر بۆ یەكخستنی ناو ماڵی كورد بە گشتی و كوردەكانی رۆژئاوا بدەن. بێ گۆمان ئەوە وەك لاپەڕەیەكی زێرین لە مێژووی خەباتی نەتەوەی كورد دا دەمێنێتەوە.

ناوەڕۆکی ئەم بابەتە را و تێبینیی نووسەرە و ماڵپەڕی کوردستان میدیا لێی بەرپرسیار نییە
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٢ لەم ژمارەیەدا:

ــ شکستی کەرکووک کۆتایی ڕێگا نییە!
ــ ڕەوایی چەک و ڕەوایی خەڵکی
ــ ئیمپراتوریی نافەرمی ئێرانی
ــ دەسەڵات و کۆمەڵگا