کوردستان میدیا

ماڵپەڕی ناوەندیی حیزبی دێموکراتی کوردستانی ئێران

چالاکیی تەبلیغیی ئەندامان و لایەنگرانی حیزبی دێموکرات لە شاری سەقز

14:58 - 19 رەزبەر 2714

کوردستان میدیا: روونکردنەوەی حیزبی دێموکرات سەبارەت بە ئیدعای وەزیری ئیتلاعاتی رێژیمی ئێران و بەیاننامەی ئەو حیزبە سەبارەت بە کۆبانێ و پێویستیی پشتیوانی خەڵکی کوردستانی ئێران لە خەڵکی کۆبانێ لەشاری سەقز بڵاو کرانەوە.

بە پێی راپۆرتی ماڵپەڕی کوردستان میدیا، رۆژی‌ چوارشەممە رێکەوتی ١٦ی‌ره‌زبه‌ری‌١٣٩٣، دوا به‌ دوای‌ بڵاوكردنه‌وه‌ی‌ دوو به‌یاننامه ‌‌و روونكردنه‌وه‌ی‌ هاوبه‌شی‌ حیزبی‌ دێموكراتی‌ كوردستانی‌ ئێران ‌و كۆمه‌ڵه‌ی‌ شۆڕشگێڕی‌ زه‌حمه‌تكێشانی‌ كوردستانی‌ ئێران سه‌باره‌ت به‌ رووداوه‌كانی‌ كۆبانێ ‌‌و ئیدعاکانی وه‌زیری‌ ئیتلاعاتی رێژیمی ئێران لە پێوەندیی دانیشتن لەگەڵ حیزبی دێموکرات و کۆمەڵە، ئه‌ندامان‌ و لایه‌نگرانی‌ نهێنیی‌ حیزبی‌ دێموكرات چالاکیی تەبلیغییان بەڕێوەبرد.

ئەندامان و لایەنگرانی حیزبی دێموکراتی کوردستانی ئێران به‌چاپ و بڵاوکردنەوەی‌ به‌یاننامه‌‌ و روونكردنه‌وه‌ هاوبەش لە شاری سەقز، چالاکیی بەرینی تەبلیغییان بەڕێوەبرد.

حاجی‌ئاوا، شاره‌كی‌جه‌هاد، ٣٢ میتری‌، ده‌ورووبه‌ری‌ نه‌خۆشخانه‌ی‌ تأمین ئیجتماعی‌، شەقامی رووده‌كی‌، شەقامی حافز، شاره‌كی‌گوڵان، ئوستاد شیرازی‌، نه‌شمیلان‌ و شافیعی‌، لەو شوێنانەی شاری سەقز کە تێیاندا بەیاننامە و روونکردنەوەکەی حیزبی دێموکرات بڵاو کرایەوە.