• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٢ی نوامبری ٢٠١٧ی زایینی - ٠١ی سەرماوەزی ١٣٩٦ی هەتاوی  

به‌یاننامه‌ی هاوبه‌شی حیزبی دێمۆکرات و کۆمه‌ڵه‌ی شۆڕشگێڕی زه‌حمه‌تکێشانی کوردستانی ئێران

زایینی: ٢٨-٠٦-٢٠١٢ - هەتاوی: ١٣٩١/٠٤/٠٨ - ١٧:٥٣ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
به‌یاننامه‌ی هاوبه‌شی حیزبی دێمۆکرات و کۆمه‌ڵه‌ی شۆڕشگێڕی زه‌حمه‌تکێشانی کوردستانی ئێران
کوردستان میدیا: حیزبی دێمۆکراتی کوردستانی ئێران و کۆمه‌ڵه‌ی شۆڕشگێڕی زه‌حمه‌تکێشانی کوردستانی ئێران، به‌بۆنه‌ی رۆژی پاڵپشتی محه‌ممه‌د سه‌دیق که‌بوودوه‌ند، به‌یاننامه‌یه‌کی هاوبه‌شیان بڵاو کرده‌وه.


دەقی بەیاننامەکە بەم چەشنەیه:


هاونیشتمانه‌ به‌ڕێزه‌کان!
کۆمه‌ڵانی خه‌ڵکی کوردستان!
کۆڕ ‌و کۆمه‌ڵه‌ به‌شه‌ر دۆسته‌کان!


زیاتر له‌ پێنج ساڵه‌ که‌ چالاکی بواری مافی مرۆڤی کوردستان به‌ڕێز محه‌ممه‌د سه‌دیق که‌بوودوه‌ند به‌ تاوانی داکۆکی کردن له‌ ماف ‌و ئازادی ‌و بایه‌خه‌ مرۆییه‌کان له‌لایه‌ن رێژیمی کۆماری ئیسلامیی ئێرانه‌وه‌ له‌ به‌ندیخانه‌دا راگیراوه‌ ‌و ته‌نانه‌ت له‌ هه‌لومه‌رجی دژواری جه‌سته‌یی ‌و ده‌روونیشدا له‌گه‌ڵ داوای موره‌خه‌سی ناوبراو موافقه‌ت نه‌کراوه‌ ‌و رێگای پێنه‌دراوه‌ چاوی به‌ کوڕی نه‌خۆشی بکه‌وێ‌. هه‌ر به‌و هۆیه‌شه‌وه‌ ماوه‌یه‌که‌ مانی له‌ خواردن گرتووه‌ ‌و به‌مجۆره‌ دوور نییه‌ به‌هۆی بێ بایه‌خ بوونی گیانی ئینسانه‌کان له‌لایه‌ن کاربه‌ده‌ستانی رێژیم، ئه‌م چالاکه‌ی مافی مرۆڤ له‌گه‌ڵ مه‌ترسی زیاتر ‌و قه‌ره‌بوونه‌کراوه‌ به‌ره‌وڕوو بێ‌.


ئێمه‌ وه‌ک کۆمه‌ڵه‌ی شۆڕشگێڕی زه‌حمه‌تکیشانی کوردستانی ئێران ‌و حیزبی دێمۆکراتی کوردستانی ئێران وێڕای مه‌حکووم کردنی ره‌فتاری دژی مرۆڤانه‌ی کۆماری ئیسلامیی ئێران ده‌رحه‌ق به‌ زیندانیانی سیاسی ‌و چالاکانی مافی مرۆڤ له‌ ئێران، له‌ هه‌موو لایه‌نگرانی مافی مرۆڤ، پارێزه‌رانی که‌رامه‌تی ئینسانه‌کان، کۆڕ ‌و کۆمه‌ڵه‌ نێونه‌ته‌وه‌ییه‌کان ‌و داکۆکیکارانی مافی مرۆڤ داوا ده‌که‌ین بۆ رزگار کردنی گیانی له‌ مه‌ترسی که‌وتووی محه‌ممه‌د سه‌دیق که‌بوودوه‌ند ‌و ئازاد کردنی ناوبراو هه‌وڵ بده‌ن. به‌م بونه‌وه‌ هه‌موو رێگایه‌کی گونجاو بگرنه‌ به‌ر بۆ گوشار خستنه‌ سه‌ر کۆماری ئیسلامیی ئێران بۆ ئه‌وه‌ی واز له‌ بێ‌حورمه‌تی کردن به‌ که‌رامه‌تی ئینسانه‌کان ‌و ئه‌شکه‌نجه‌ ‌و ئازار ‌و له‌ مه‌ترسی خستنی گیانی زیندانیانی سیاسی بێنێت‌.

به‌ هیوای هه‌وڵی به‌رده‌وام له‌و پێناوه‌دا


حیزبی دێمۆکراتی کوردستانی ئێران
کۆمه‌ڵه‌ی شۆڕشگێڕی زه‌حمه‌تکێشانی کوردستانی ئێران
٠٨/٠٤/١٣٩١ی هەتاوی
٢٨/٠٦/٢٠١٢ی زایینی
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٣ لەم ژمارەیەدا:

ــ بوومەلەرزەی سیاسی
ــ لە خەبات دژ بە ئەپارتایدەوە بۆ ڕاسان
ــ ئەمن چی بكەم، خۆتان دروستی بكەنەوە
ــ دانیشتن لەگەڵ ئۆپۆزیسیۆنی ئێرانی و چەند سەرنجێک