کوردستان میدیا

ماڵپەڕی ناوەندیی حیزبی دێموکراتی کوردستانی ئێران

ژماره‌ی کوژراوانی سووریه‌ له ١٦٥٠٠ که‌س تێپه‌ڕیوه

22:21 - 12 پووشپەڕ 2712

کوردستان میدیا: ژماره‌ی قوربانیانی توندوتیژییه‌کانی سووریه‌ له‌ سه‌ره‌تای شۆڕشه‌وه‌ هه‌تا ئێستا له‌ ١٦٥٠٠ که‌س تێپه‌ڕیوه.


به‌گوێره‌ی راپۆرتی هه‌واڵده‌ریی دویچه‌وێله‌ و به‌ پشت به‌ستن به‌ رێکخراوی چاودێریی مافی مرۆڤی سووریه‌، له‌ سه‌ره‌تای نائارامییه‌کانی سووریه‌وه هه‌تا ئێستا ١٦٥٠٠ که‌س کوژراون.
له‌م ژماره‌یه‌دا، ١١٤٨٦ هاووڵاتیی مه‌ده‌نی و ٤١٥١ که‌س له‌ هێزه‌کانی رێژیمی سووریه‌ و ٨٧٠ که‌س له‌ سه‌ربازه‌ جیابووه‌کانی ئه‌رتشی سووریه‌ کوژراون.
رێکخراوی چاودێریی مافی مرۆڤی سووریه‌ رایگه‌یاندووه‌، رۆژی دووشه‌ممه‌ رێکه‌وتی ١٢ی پووشپه‌ڕی ١٣٩١ی هه‌تاوی، ٥ هاووڵاتیی مه‌ده‌نی به‌ هۆی هێرشی هیزه‌کانی به‌شار ئه‌سه‌د کوژراون.