" />

  • ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٠ی ئاوریلی ٢٠١٨ی زایینی - ٣١ی خاکەلێوەی ١٣٩٧ی هەتاوی  

هیجری: حیزبی دێموکرات بەردەوام لە هەوڵی پەروەردەکردنی لاوان بە شێوەیەکی سەردەمیانە بووە

زایینی: ١٦-١١-٢٠١٤ - هەتاوی: ١٣٩٣/٠٨/٢٥ - ١٢:١٧ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
هیجری: حیزبی دێموکرات بەردەوام لە هەوڵی پەروەردەکردنی لاوان بە شێوەیەکی سەردەمیانە بووە
کوردستان میدیا: پێنجەمین سمیناری تەشکیلاتیی یەکیەتیی لاوانی دێموکراتی کوردستانی ئێران له‌ژێر دروشمی "لاوان، نوێنگه‌ی خه‌بات و به‌رخۆدانن" بە بەشداریی مستەفا هیجری، سکرتێری گشتیی حیزبی دێموکرات بەڕێوەچوو.

بە پێی راپۆرتی ماڵپەڕی کوردستان میدیا، یه‌کیه‌تیی لاوانی دێموکراتی کوردستانی ئێران پاش کۆنگره‌ی شه‌شه‌می خۆی به‌شێوه‌یه‌کی سیستماتیک بۆ زیاتر ئاشنابوون به ‌کاری رێکخراوه‌یی و ئاگاداربوون له‌ سه‌رجه‌م باس و بابه‌ته‌کان و بڕیار و چالاکییه‌کانی یه‌کیه‌تیی لاوان، هه‌ر شه‌ش مانگ جارێک "سمینارێکی ته‌شکیلاتی" بۆ نوێنه‌رانی سه‌رجه‌م کۆمیته‌کان و ده‌سته‌ی به‌ڕێوه‌به‌ریی گشتی ئه‌و رێکخراوه‌یه ‌به‌ڕێوه‌ده‌بات.

رۆژی هه‌ینی رێکەوتی ٢٣ی خه‌زه‌ڵوه‌ری ١٣٩٣ی هەتاوی، سمیناری تەشکیلاتیی یەکیەتیی لاوانی دێموکراتی کوردستانی ئێران بە مەبەستی هەڵسەنگاندنی کار و چالاکی و رێکخستنەوەی سیستەمی تەشکیلاتی رێکخراوەیی، بە ئامادەبوونی مستەفا هیجری سکرتێری گشتیی حیزبی دێموکرات و کەریم پەرویزی ئەندامی دەفتەری سیاسی و به‌رپرسی ناوه‌ندیی رێکخراوه‌ مه‌ده‌نییه‌کانی دێموکراتی کوردستانی ئێران و فواد خاکی به‌یگی سکرتێری گشتیی یه‌کیه‌تیی لاوان، لە بنکەی بەڕێوەبەری یەکیەتیی لاوان بەڕیوەچوو.

له‌و سمیناره‌دا سیستمی کاری ته‌شکیلاتی رێکخراوەکە به ‌ته‌واوه‌تی ئاڵوگۆڕی به‌سه‌ردا هات و ئه‌ندامان له‌سه‌ر بنه‌مای فۆرمه ‌کارییه‌کان به‌تایبه‌ت فۆڕمی چالاکی‌، لێک جیا ده‌کرێنه‌وه‌ و له‌و پەیوه‌ندییه‌دا پڕۆژه‌ی کاری ته‌شکیلاتی رێکخراو، راگه‌یه‌ندرا.

له ‌دەستپێکی سمینارەکەدا چەند ساتێک راوەستان بۆ رێزگرتن لە گیانی پاکی سەرجەم شەهیدانی رێگای رزگاریی کوردستان راگه‌یه‌ندرا و دواتر لەلایەن "ئارەش محەممەدی"وە ئه‌ندامی کۆمسیۆنی ته‌شکیلاتی گشتیی یه‌کیه‌تیی لاوان، بەرنامەی کاری سمینارەکە بۆ ئامادەبوان شی کرایەوە.

به‌رنامه‌ی کاریی سمینارەکە ئه‌م ته‌وه‌رانه‌ی له‌خۆ گرتبوو:
- دواین ئاڵوگۆڕه‌کان و هه‌ڵویستی "حدکا" له‌و پەیوه‌ندییه‌دا
- راپۆرتی سه‌ردانی سکرتێری گشتی یەکیەتی لاوان بۆ ده‌ره‌وه‌ی وڵات
- راپۆرتی ته‌شکیلاتی له‌ کوردستان و ده‌ره‌وه‌ی وڵات
- راپۆرتی سه‌رجه‌م کۆمسیۆنه‌کانی یه‌کیه‌تیی لاوان
- شیکردنه‌وه ‌و باس کردن له‌سه‌ر پڕۆژه ‌کارییه ‌په‌سه‌ندکراوه‌کانی کۆنگره‌ی حەوتەم
- خستنه ‌به‌رباسی پرۆژه‌ی کاری و راپۆرتی چالاکییه‌کانی کۆمیته‌کان

کاتژمێر ٩ی سه‌ر له‌به‌یانی رۆژی هەینی رێکەوتی ٢٣ی خەزەڵوەری ١٣٩٣ی هەتاوی یه‌که‌م جه‌له‌سه‌ی کاری سمینار ده‌ستی پێکرد که باسێک بوو لە سەر سەرهەڵدانی گرووپی تیرۆرستی داعش و رۆڵی رێژیمی ئیسلامیی ئێران لەو بارەوە؛ کە لەو پەیوەندییەدا "مستەفا هیجری" سکرتێری گشتیی حیزبی دێموکراتی کوردستانی ئێران چەند باسێکی پێشکەش بە بەشداربوان کرد.

مستەفا هیجری لە باسەکەیدا، چۆنیەتی و هۆکاری سەرهەڵدانی داعش و رۆڵی رێژیمی ئیسلامی ئێران لە ئاراستەکردنی ئەو گرووپەی، شی کردەوە.

هیجری هەروەها لە درێژەدا رایگه‌یاند که ‌لاوان ده‌ورێکی کاریگه‌ریان له ‌به‌ره ‌و پێشچوونی ئه‌و بزووتنه‌وانه‌ی له‌ناوچه‌که‌ماندا له‌ئارادان هه‌بووه و هەیە‌؛ بۆیه ‌له‌و قۆناغه‌دا لاوانی کورد و به‌تایبه‌تی لاوانی دێموکرات به ‌لێکۆڵینه‌وه‌ و به‌دوا داچوونی زیاتر وردبینانه ‌له ‌ئالووگۆڕه‌کان بڕوانن و ته‌نیا رواڵه‌تی رووداوه‌کان له‌راگه‌یاندنه‌کاندا، نه‌بینن.

له‌به‌شێکی دیکه‌ی باسه‌که‌ی سکرتێری گشتیی حیزبی دێموکراتدا جەخت لەسەر ئەوە کرایەوە که ‌حیزبی دێموکرات هه‌رده‌م خوازیاره ‌به‌شێوه‌یه‌کی مۆدێڕن و سه‌رده‌میانه ‌لاوانی نێو ریزه‌کانی خۆی په‌روه‌رده ‌بکات و له‌راستای وه‌دیهێنانی مافه‌ نه‌ته‌وه‌ییه‌کانی گه‌لی کورد، ئاشنایان بکات.

پاشان، بەشداربوانی سمینار را و سەرنجەکانی خۆیان لەو پەیوەندییەدا خستە بەرباس و لەلایەن "مستەفا هیجری"ـەوە، وەڵامی بەشداران درایەوە.

لە بڕگەیەکی دیکەی سمینارەکەدا بەڕێز فواد خاکی‌بەیگی لە پەیوه‌ندی لەگەڵ ‌سه‌فه‌ری ئه‌م دوایانه‌ی خۆی بۆ ده‌ره‌وه‌ی وڵات باسێکیان پێشکه‌ش کرد.

پاشان بەڕێز جەلال رەوانگەرد باسێکی گشتی لەسەر تەشکیلاتی یەکیەتیی لاوان و راپۆرتی ته‌شکیلاتی هه‌ر سێ مێحوه‌ری ته‌شکیلاتی نهێنی و هه‌رێمی کوردستان و ده‌ره‌وه‌ی وڵات و رێنماییە تەشکیلاتییەکان پێشکەش بە ئامادەبوان کرد و پڕۆژه‌ی کاری ته‌شكیلاتی هەتا سمیناری داهاتووی یه‌کیه‌تیی لاوانی بۆ به‌شداران شی کرده‌وه‌.

لە بڕگەی دواتردا هەرکام لە نوێنەری کۆمیسیۆنەکانی راگه‌یاندن، په‌روه‌رده ‌و پەیوه‌ندییه‌کان، به‌ڕێزان: ''ئەژین شێخی، فەڵاح رەحیمی و چرۆ سۆهرابی'' راپۆرتی کاری و چالاکی شەش مانگی رابردووی ئه‌و ٣ کۆمیسیۆنه‌ و گەڵاڵەی کارییان بۆ شەش مانگی داهاتوو خستە بەر باس.

لە باسەکەی ئەژین شێخی، نوێنه‌ری کۆمیسیۆنی راگه‌یاندن ئاماژە بە بڕیاری هەیئەتی ئیجرایی کرا کە تێیدا هاتبوو ''هیچ ئەندامێکی یەکیەتیی لاوان بۆی نییە دیفاع یان رێکلام بۆ هیچ لایەنێک جگە لە حیزبی دێموکراتی کوردستانی ئیران و رێکخراوە دروون حیزبییەکان لە رێگەی هەموو جۆرەکانی راگەیاندنەوە بکات، و له‌ئه‌گه‌ری ئه‌و کاره‌دا سزا دەدرێت".

پاش باسی هه‌رکام له نوێنەری ‌کۆمسیۆنه‌کان، له‌ بڕگه‌ی سێهه‌می باسه‌کان "جه‌له‌سه‌ی دووهه‌م" که ‌ته‌رخانکرابوو بۆ شیکردنه‌وه‌ی بڕیار و په‌سه‌ندکراوه‌کانی کۆنگره‌ی حه‌وته‌می یه‌کیه‌تیی لاوان له‌لایه‌ن به‌ڕێز جه‌لال ره‌وانگه‌رد جێگری سکرتێری گشتیی یه‌کیه‌تیی لاوان، ئاوڕێکی له ‌ئاییننامه ‌کارییه‌کان له‌وانه ‌ئایینامه‌ی به‌ڕێوه‌به‌ری گشتی و کۆمسیۆنه‌کان و کۆمیته‌کانی یه‌کیه‌تیی لاوان و هه‌روه‌ها گه‌ڵاڵه‌ی کاریی یه‌کیه‌تیی لاوان بۆ ده‌ره‌وه‌ی وڵات، بۆ سه‌رجه‌م به‌شداران شیکرده‌وه‌.

پاش نیوه‌ڕۆی هه‌مان رۆژ و له‌جه‌له‌سه‌ی سێهه‌می کاری سمینارکەدا، به‌شی یه‌که‌می ‌ته‌رخانکرابوو بە دابه‌شکردنی خه‌ڵات به‌سه‌ر سه‌رکه‌وتووانی چالاکییه‌کانی لاوان که‌ به‌پێی ره‌واڵی کاری هه‌ر کام له‌سمیناره‌کان "سێ لاو" وه‌ک "لاوی سه‌رکه‌وتوو" ده‌ستنیشان ده‌کرێنکە بریتی بوون لە:
به‌ڕێزان: "دیاکۆ مه‌سعوودی، ئاویه‌ر شێخی و فه‌رهاد ئه‌مینی" وه‌ک لاوی سه‌رکه‌وتوو ده‌ستنیشان کران، هه‌روه‌ها به‌شێکی به‌رچاو له‌ئه‌ندامانی چالاکی کۆمیته‌کان ته‌شویق کران.

له‌درێژه‌ی ئه‌م بڕگه‌یه‌دا خه‌ڵات به‌سه‌ر سه‌رکه‌وتووانی خوله ‌په‌روه‌رده‌ییه‌کانی ماوه‌ی وه‌رزی رابردوو دابه‌شکرا.

هه‌روه‌ها رێزگیرا له‌هاوکاری و پشتیوانی به‌رده‌وامی ئۆرگانه ‌حیزبیه‌کان که ‌له ‌راستای باشتر به‌ڕێوه‌چوونی تێکۆشانه‌کانی یه‌کیه‌تیی لاواندا، رۆڵێکی به‌رچاویان گێڕاوه‌.

بڕگه‌ی دووهه‌می جه‌له‌سه‌ی سێهه‌م تەرخان کرابوو بە ‌راپۆرتی کاریی سه‌رجه‌م کۆمیته‌کانی یه‌کیه‌تیی لاوان، که‌هه‌رکام له‌نوێنەرانی کۆمیتەکان راپۆرتی کاریی شەش مانگی خۆیان پێشکەش کرد و بەرنامەی کارییان بۆ شەش مانگی داهاتوویان خستە بەرباس.

بر گەی کۆتایی سمینارکە باسی ئازاد بوو کە لەلایەن بەشداربوانەوە به ‌رەخنە و پێشنیار بۆ باشتر بەڕێوەچوونی کار و چالاکییه‌کانی رێکخراوە، سمیناره‌که ‌ده‌وڵه‌مه‌ند کرایه‌وه ‌و پرسیاری به‌شداربوان سه‌باره‌ت به‌کار و چالاکییه‌کان له‌لایه‌ن به‌ڕێزان "جه‌لال ره‌وانگه‌رد و فواد خاکی بەیگی"، سکرتێر و جێگری سکرتێری گشتیی یه‌کیه‌تیی لاوانه‌وه‌ وه‌ڵام درایەوە.

بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٢٢ لەم ژمارەیەدا:

ــ مانیفێستی ڕزگاری
ــ وتووێژی کوردستان لەگەڵ شەریف هەژاری
ــ سووکایەتی، ئامرازی تواندنەوە
ــ بێستوون، شوێنی خودای خوداکان
  • شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن
    گۆڕانکارییەکانی ناو کابینەی ترامپ و کاریگەرییان لە سەر سیاسەت و رووداوەکانی ناوچە، تەوەری گفتوگۆی ئەم ژمارەیەی رۆژنامەی کوردستانە لەگەڵ شەریف هەژاری، مامۆستای مێژوو لە زانکۆی سلێمانی، کە سەرنجتانی بۆ ڕادەکێشین:
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    لە دوو بابەتی پێشوودا، "شەڕی ئێران و ئیسرائیل"و بەشی یەکەمی "پاژنەی ئاشیلی ڕێژیمی ئێران"، هێڵی بەهێزی ڕێژیمی تاران (دەرەوەی سنوورەکان و کەڵک وەرگرتن لە ملیشیا و لایەنگرە شێعەکانی لە وڵاتانی ناوچە) و خاڵی لاوازی ئەو ڕێژیمە (خەڵکی ناڕازی و وەزاڵەهاتووی نێو شارەکانی ئێران) خرایە بەر باس و لێک درایەوە.
  • بێستوون، شوێنی خودای خوداکان بێستوون، شوێنی خودای خوداکان
    شاری بێستوون، یەکێک له شارەکانی کرماشانه که له باکووری رۆژهەڵاتی ئەو گەورەشاره جێگای خۆش کردووه و له سەر رێگای کرماشان - هەمەدان که سەردەمانێک پێتەختی ئیمپراتوری کوردان بوو، هەڵکەوتووه.
  • مانیفێستی ڕزگاری مانیفێستی ڕزگاری
    هەتا لاپەڕەکانی مێژووی کورد زیاتر هەڵدەدەینەوە، تابلۆی تراژێدیای کورد زیاتر دەردەکەوێت. لە پەنای ئەم تابلۆیە سەربوردەی قارەمانیەتی، فیداکاری، کاریگەری بلیمەت و ڕێبەرەکانمان لەسەر زیندوو مانەوەی کورد وەکوو نەتەوە زۆر ڕوونە. لە لایەک پرسیاری بۆچی تا ئێستا سەرنەکەوتووین دەبێتە خۆرەی مێشک، لە لایەک جێ داخە بۆچی ئەم ڕێبەرە زانا و لێهاتووانە بە ڕادەی پێویست لە لایەن تاکی کورد بەرجەستە نەکراون.
  • پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان
    ئەوان کۆتاییان بە کۆمار هێنا، بەڵام نەیانزانی ئامانجەکانی کۆمار و گیانفیدایی ڕێبەرەکانی، چ بەهایەکی مەزنن و چۆن بۆ نەوەکانی داهاتوو دەگوازرێنەوە، دوای حەفتاو یەک ساڵ لەو ڕووداوە، داستانی مەرگی سەربەرزانەی پێشەوا، هێشتا خاوەنی بەهێزترین وانەی خۆنەویستی، خەڵکویستی، ئازادیخوازی و سەرفرازییە و ئەوینێکی بەهێزیشە بۆ بە چۆکداهێنانی هەموو مەترسی و ناخۆشییەکان.
  • سووکایەتی، ئامرازی تواندنەوە سووکایەتی، ئامرازی تواندنەوە
    لە وڵاتێکدا کە چەند کەلتوور و نەتەوە و ئایینی جیاواز دەژین، حکوومەتی دەسەڵاتدار لەگەڵ هەڕەشە و دەرفەتی جۆربەجۆر بەرەوڕوویە؛ لەو جۆرە وڵاتانەدا، بەهۆی چەندنەتەوەیی و چەندکولتووری و پێکهاتەی ئاڵۆزی کۆمەڵگاوە، ژیانی کۆمەڵایەتی - سیاسی و هەروەها ئیدارەکردنی حکوومەت و دابەشکردنی دەسەڵات و سامان و ئیمتیازەکان لە نێو خەڵکدا ئەرکێکی ئاڵۆز و پڕمەترسییە، کە هەرجۆرە هەنگاو و کردارێک کە نیشان لە هەڵاواردن و بێبەشکردنی کەس و کەسانێک و پێکهاتەیەک بدا، دەبێتە هۆکارێک بۆ رووخانی ئێعتمادی خەڵک بەرامبەر بە دەسەڵاتدار و حکوومەت.
  • پانۆڕامای ساڵ پانۆڕامای ساڵ
    خوێنەرانی خۆشەویست، ڕۆژنامەی کوردستان وەک نەریتی ساڵانە لە دوایین ژمارەی ساڵدا پوختەیەک لە ڕووداو و هەواڵە گرینگە حیزبییەکانی ساڵ دەخاتە بەر دیدی ئێوەی ئازیز؛ لێرەدا بەشێک لەم هەواڵ و ڕووداوانە دەخەینە بەر چاوی ئێوەی هێژا:
  • هێمای بەرخۆدان هێمای بەرخۆدان
    پێناسەیەک لە جوانی سروشت، زیندوو بوونەوە، نوێکردنەوەی ژیان، گۆڕانێک لە دەم و چاو و تەنانەت دەروونی سروشت و هەموو زیندەوەرێک لە وەرزێکی نوێ بە ناوی نەورۆز و هاتنەوەی ڕەنگاوڕەنگی سروشت و کرانەوەی ئامێزی زەوی لەم ڕۆژەدا وەک هەموو ساڵێک دەبیندرێت.
  • نەورۆزی خاکێپووشەکان هەلێک بۆ یەکخستنی خەباتی کوردەواری نەورۆزی خاکێپووشەکان هەلێک بۆ یەکخستنی خەباتی کوردەواری
    جیا لەوە کە ڕێژیمە فاشیستەکانی حاکم بەسەر ڕۆژهەڵات و بەشەکانی دیکەی کوردستان، نوروز، کە جەژنێکی کوردییە، نەیانهێشتووە کە بە ناوی کورد لە جیهاندا بناسرێت و لە نێوخۆی کوردستان لە هەوڵدا بوونە کە بە هێرشی فەرهەنگی، ڕەنگ و بوونی کوردی لێ بستینن و هێماکانی خۆیان لەو ڕێوڕەسمەدا جێگیر بکەن.
  • پەیامی کردنەوەی کۆنگرەی ١٦ی حیزب لەلایەن بەڕێز مامۆستا حەسەن شیوەسەڵی پەیامی کردنەوەی کۆنگرەی ١٦ی حیزب لەلایەن بەڕێز مامۆستا حەسەن شیوەسەڵی
    سڵاو بۆ زیندانیانی سیاسی وە بە تایبەتی سڵاوێكی تایبەتی بۆ نێلسۆن ماندێلا بە ساڵدا چووەکانی نێو زیندانی ڕێژیم وە بەتایبەتی کاک محەممەدی نەزەری، وە سڵاوێکی تایبەتیتر بۆ نێلسۆن ماندێلای زنجیر پسێنی ڕۆژهەڵاتی کوردستان کاک سدیقی کەبوودوەند دەنێرینەوە.
  • کەرکووک، کرماشان، عەفرین، نەورۆز کەرکووک، کرماشان، عەفرین، نەورۆز
    لێرەدایە کە دەگەین بە رمزێکی گرنگی کوردستان و کورد کە ئەویش نەورۆزە؛ ئەو رووداوە تاڵ و کارەسات و هەروەها حەماسانەی کورد، زۆرجار لە مێژوودا نیشانی داوە کە لە نەورۆزدا بە زمانێکی نەتەوەیی و جەماوەری وەرگێڕدراوەتەوە سەر کردەوەیەکی هاوبەش و هێمای سەرهەڵدانەوە و رسکانەوەو راسانی نەتەوەیی بوووە. نەورۆز بنەمایەکی گرنگی بوونی نەتەوەییمانە چوونکە ناسنامەی بوونمان بەهێزتر دەکاتەوە، ئێمە نەتەوەیەکین کە لە نێو کارەساتەوە بە سەرهەڵدانەوە و راسانەوە خۆڵەمێشی سووتانەکانمان دەتەکێنین و حەماسە دەخوڵقێنین؛ کورد سەرفراز و کوردستان ئاوەدان و نەورۆزمان پیرۆز.
  • کاوه به‌هرامی: لە سەرجەم بڕگەکانی کاری کۆنگرە، راسان بەشێکی دانەبڕاو و سەرەکی باسەکان بوو کاوه به‌هرامی: لە سەرجەم بڕگەکانی کاری کۆنگرە، راسان بەشێکی دانەبڕاو و سەرەکی باسەکان بوو
    لوڕستان، کرماشان و ئیلام بەشێکی سەرەکی و دانەبڕوای کوردستان و کوردن، بەبڕوای من کاتێک ئێمەی کورد رزگارمان دەبێ کە ئیلام و کرماشان و لورستانیش داشدارمان بن، کۆنگرەی راسانی رۆژهەڵات لە زۆر رووەوە، تێکۆشان و بەرزکردنەوەی وشیاری نەتەوەیی لەم بەشە گرینگەی خاکی نیشتمانی تاوتوێ کرد و رێنوێنی پێویستی بۆ کار و چالاکی داهاتوومان گەڵاڵە کردووە، بە بڕوای من دەکرێ بۆ شوێندانەری زیاتری خەبات لەم ناوچانە لەڕووی راگەیاندن، رێکخستن، گرینگی پێدان بە کەسایەتییە شوێندارەکان و زۆر رێکار و رێگای گونجاوی دیکە، کە رەنگە ئێرە شوێنی باسکردنیان نەبێ کاری جیددی بکەی.
  • خۆپیشاندان لە نێو بەرداشی یارگیرییەکاندا خۆپیشاندان لە نێو بەرداشی یارگیرییەکاندا
    هەروەها لە ئەگەری بوونی ئالتێرناتیڤێکی تەکووز و خاوەن پێگەی وا ،باڵانسی هێز دەگۆڕدرێت و ئەگەری سەرهەڵدانی هێزێکی سانتراڵی تۆتالیتێر لە داهاتوودا وێڕای گشت ئەو پووانانەی بەدەستیانەوەیە کەم و کەمتر دەبێت.
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    کێشە و ناکۆکیی نێو باڵەکانی ڕێژیم، قەیران و داڕمانی ئابووریی ئێران، ناکارامەیی و داماوی بەرپرسان لە وڵامدانەوە بە داخوازییەکانی خەڵکی ناوخۆی ئێران و گوشارە جیهانییەکان بۆسەر ڕێژیم، بە مەبەستی کشانەوە و وازهێنان لە دەستێوەردان و ئاژاوەنانەوە لە وڵاتانی ناوچە هەر ڕۆژ زیاتر و زیاتر کاربەدەستان و بەڕێوەبەرانی ئەو ڕێژیمە تووشی قەیران دەکات.