کوردستان میدیا: به‌پێی هه‌واڵی گه‌یشتوو به‌ ماڵپه‌ڕی کوردستان میدیا، کۆڕیادێک له‌ ده‌ڤه‌ری واشینگتۆن له‌لایه‌ن سێ رێکخراوی مه‌ده‌نیی کورد و ئه‌مریکایی، به‌ بۆنه‌ی ٢٣مین ساڵیادی تیرۆری دوکتور عه‌بدولڕه‌حمان قاسملوو و هاوڕێیانی به‌ڕێوه‌ ده‌چێت.


پرۆفسۆر ئیڤان ساسچا شیهان (Ivan Sacha Sheehan) له‌ به‌شی پێوه‌ندییه‌ دیپلۆماسییه‌کانی زانینگه‌ی بالتیمۆر، خاتوو کارۆل پروونهابێر (Carol Prunhuber) نووسه‌ری په‌رتووکی مه‌رگی قاسملووی کورد، ریان ماورۆ (Ryan Mauro) لێکۆڵه‌ری ئاسایشی نه‌ته‌وه‌یی له‌ فاکس نیووز، کاترین پۆرته‌ر (Kathryn porter) به‌رپرسی ئه‌نجومه‌نی رێبه‌ریی مافی مرۆڤ، له‌ وتاربێژه‌ سه‌ره‌کییه‌کانی ئه‌م کۆڕیاده‌ن.
ئه‌م کۆڕیاده‌ له‌لایه‌ن ناوه‌ندی کورد له‌ ئه‌مریکا، یه‌کیه‌تیی خوێندکارانی کورد بۆ مافی مرۆڤ و ئه‌نجومه‌نی رێبه‌ریی مافی مرۆڤ، به‌ڕێوه‌ ده‌چێت.
رێکه‌وت: ٢٣ی پووشپه‌ڕی ١٣٩١ی هه‌تاوی، ١٣ ژوولایی ٢٠١٢ی زایینی
کاتژمێر: ١٨:٠٠ هه‌تا ٢٠:٠٠
شوێن: The colonies condominium At McLean Provincial Dr, McLean, VA7681 22102