کوردستان میدیا: یەکیەتیی زانایانی ئایینیی کوردستانی ئێران بەبۆنەی ٢٦ی سەرماوەز، رۆژی پیشمەرگەی کوردستان، پەیامێکی بڵاو کردەوە.

دەقی ئەو پەیامە بەم چەشنەیە:

به‌بۆنه‌ی ٢٦ی سه‌رماوه‌رز رۆژی پێشمه‌رگه‌ی کوردستان، یه‌کیەتیی زانایانی ئایینی کوردستانی ئێران پیرۆزبایی خۆی ئاراسته‌ی هه‌موو پێشمه‌رگه‌خۆراگر و قاره‌مانه‌کانی کوردستان به‌تایبه‌ت پێشمه‌رگه‌ سه‌ربه‌رزه‌کانی حیزبی دێموکراتی کوردستانی ئێران ده‌کات و له‌ خوداوه‌ندی مه‌زن داواکارین سه‌رکه‌وتوو بن.

هه‌روه‌ها ئاواته‌خوازین به‌یه‌کڕیزی و یه‌کیەتی ناوماڵی پارته‌سیاسییه‌کانی کورد له‌ رۆژهه‌ڵاتی کوردستان، ئاواتی له‌مێژینه‌ی نه‌ته‌وه‌که‌مان له‌م به‌شه‌ی خاکی پاکی کوردستان که‌ئازادی ومافی نه‌ته‌وایه‌تییه‌
به‌دی بێت.

هه‌ر بژین رۆله‌ به‌ ئه‌مه‌گه‌کانی نه‌ته‌وه‌که‌مان

یه‌کیەتیی زانایانی ئایینی کوردستانی ئێران
٢٥ی سه‌رماوه‌رزی ١٣٩٣ی هه‌تاوی