• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٥ی فێڤریەی ٢٠١٨ی زایینی - ٠٦ی رەشەمەی ١٣٩٦ی هەتاوی  

پێشمەرگە ئیرادەی گەلێکە کە قەت ئامادە نەبووە تەسلیمی ژێردەستی بێت ( مەجید حەقی)

زایینی: ١٧-١٢-٢٠١٤ - هەتاوی: ١٣٩٣/٠٩/٢٦ - ٠٩:٤٠ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
پێشمەرگە ئیرادەی گەلێکە کە قەت ئامادە نەبووە تەسلیمی ژێردەستی بێت ( مەجید حەقی)
لە سەرەتای مانگی خەزەڵوەری ٢٧١٤ی کوردیدا هێزێکی پێشمەرگە لە رێگای باکووری کوردستانەوە بەرەو کۆبانی لە رۆژئاوای کوردستان بۆ پشتگیری و یارمەتی بە شەرڤانانی رۆژئاو لە بەرگری دژی گرووپی تێرۆریستانی داعش وەرێکەوتن.

11665.jpg
مەجید حەقی

پێشوازی بە میلیۆنی خەڵکی باکووری کوردستان لە رۆڵە پێشمەرگەکانیان هەموو مێتۆلۆژی و ئەفسانەکانی مێژووی مرۆڤایەتیان لە پەیوەندی لەگەڵ پێشوازی لە قارەمانانی گەلیان زیندوو کردەوە. راست لە رۆژی دامەزراندنی کۆماری تورکیا پێشمەرگە چوونە باکووری کوردستان و بە میلیۆنان خەڵکی کوردستان لەو بەشەی کوردستاندا هاتنە سەر جادە و شەقام و کۆڵانەکان بۆ پێشوازی لە پێشمەرگەکان ئەو رۆژەیان کردە کارنەڤاڵی شادی و خۆشی جۆش و خرۆشی کوردەواری. مرۆڤ بە دیتنی دیمەنی پێشـمەرگەکان و پێشوازی گەرم و بێ وێنەی خەڵک لە رۆڵەکانیان دەکەوتنە یادی سروودی "وا هاتن پێشمەرگێن مە".
 
لە مێژووی ٥٠٠ ساڵەی دوای دابەشبوونی کوردستان، گەلێک سەرهەڵدان و تەڤگەری جۆراوجۆر سەریان هەڵداوە. لە هەموو سەرهەڵدانەکاندا رۆڵەکانی نەتەوەکەمان لە پێناو ئازادی و سەربەستیدا ئامادەی فیداکردنی گیانی خۆیان بوون. بەڵام تەنیا دوای دامەزراندنی حیزبی دێموکراتی کوردستان لە گەلاوێژی ١٣٢٤دا بوو کە هێزێک بۆ پاراستنی دەستکەوتەکانی خەڵکی کورد و پاراستنی هێمنایەتی نەتەوایەتی دامەزرا و ئەو کەسانەی کە لەو هێزانەدا رێکدەخران ناویان نرا "پێشمەرگە". لەو رۆژەوە هەتا ئێستا کە ٧٠ ساڵە پێشمەرگە یان ئەوەی لە باکووری کوردستان گەریلای پێی دەوترێ بووەتە باسکی بەهێزی گەل بۆ خەباتی رزگاری خوازانە، پاراستنی دەستکەوتی نەتەوایەتی و ئازادی کوردستان و کەڕامەتی مرۆڤی دانیشتوانی نیشتیمانی دابەشکراو.

پێشمەرگە و خەباتی پێشمەرگایەتی لە مێژووی کوردستاندا خاوەنی گرینگیەکی تایبەتە. خەباتی پێشمەرگەکان باندۆر و کاردانەوەیەکی قووڵی هەبووە لە سەر رێکخراوە سیاسییەکان، فەلسەفەی خەبات و خۆباوەڕی گەلی کورد بە هێزی خۆی.

ئەو هێزە چەکدارە کە لە پەیوەست‌بوونی خۆبەخشانەی رۆڵەکانی گەلی کورد و ئازادیخوازان پێکهاتووە بە فیداکردنی گیانی خۆیان کە گەورەترین سەرمایەی ژیانی مرۆڤە لە ماوەی ٧٠ ساڵی رابردوودا بوونەتە هۆی پێکهێنانی پەیوەندییەکانی خوێنی، عاتفی، هەستی و کولتووری لە نێوان هەموو بەشەکانی کۆمەڵگای کوردستان، فەلسەفەی پێشمەرگە لە رێزی هەر رێکخراو و حیزبی سیاسی بێت، خاوەنی یەک ئامانجی هاوبەشە: رزگاری کوردستان.
 
پێشمەرگایەتی تەنیا بریتی نیە لە چەک هەڵگرتن و بەشداری کردن لە خەباتی چەکداری؛ لە ماوەی ٧٠ ساڵی رابردوودا بە دەیان هەزار مرۆڤ بوونەتە پێشمەرگە، پەروەردەکراون و فێری شێوەی ژیانێکی نوێ بوونە لە سەر بناغەی فەلسەفەی خەباتکاری، ژیان دۆستی، ژینگەپارێزی، رێزگرتن لە مافی مرۆڤ و یاسامەندیەک کە پارێزەری کەڕامەتی مرۆڤە.

بەو شێوەیە پێشمەرگە تەنیا خەباتکارێک نیە کە گیانی خۆی فیدای گەلەکەی دەکات، بەڵکوو پێشمەرگایەتی شێوازێکی ژیانە. ئەمرۆ لە ناو گەلی کورددا پێشمەرگانە ژیان بەواتای ژیانێکی سادە، بێ غەل‌وغەش و راستگۆیانە، پاک و دۆستانە و هومانیستی و مرۆڤ پەروەرانەیە. 

پێشمەرگە و رەوتی خەباتی پێشمەرگایەتی بووەتە هۆی خوڵقاندنی زۆر دیاردە و پێڤاژووی نوێ لە ناو کۆمەڵگای کوردیدا. هەستی باوەڕبەخۆبوون لە ناو خەباتی خەڵکی کوردستان، شکاندنی سنوور و تابۆکانی دەست و پێگیری خێلەکی لە سەر بنەمای ئابووری عەشیرەیی سەدەکانی ناوەڕاست و خوڵقاندنی چاند و فەرهەنگێکی نوێ کە لەودا کچان و کوڕان پێکەوە لە پێناو کۆمەڵگایەکی ئازاد و یەکسان خەبات بکەن، لەو شۆرشانەن کە پێشمەرگە و خەباتی پێشمەرگایەتی لە کوردستانیان خوڵقاندووە.
پێشمەرگە عاشقی ئازادی و سەربەستی کوردستانە، بۆیە پێشمەرگە تۆوی ئەوین و خۆشەویستی وڵات و هەستی نیشتیمانپەروەری لە هەموو جێگایەکی کوردستان بە خوێنی خۆی چاندووە. کەم شوێنی کوردستان هەیە کە پێشمەرگەیەک تێیدا شەهید نەبووبێت. کەم گوند، تەپۆڵکە و بڵندایی کوردستان هەیە کە پێشمەرگەکان لە بەرامبەر داگیرکەرانی کوردستان خۆڕاگری و قارەمانەتیان نەنواندبێت.

هەر نەتەوەیەک بیهەوێ مێژووی کورد و کوردستان بزانێت دەبێ چیرۆکی قارەمانیەتی پێشمەرگەکان بخوێنێتەوە. پێشمەرگە لەو روانگەیەوە سەمبۆلی خۆڕاگری خەڵکی کوردستانە.

پێشمەرگە یەکەم هێزی چەکدرای رێکخراو بوو کە لە ژێر رێبەری و ئاڵای حیزبی دێموکراتی کوردستانی ئێراندا خەباتی خۆی لە پێناو ئامانجێکی سیاسی و بەپێی بەرنامە و پێرەوێکی سیاسی و ئامانجداردا دەستی کرد بە خەباتی پاراستنی نەتەوایەتی.

لە رێگای خەباتی پێشمەرگەکانەوە بزاڤی رزگاریخوازانەی نەتەوەی کورد لە دژی ئاسیمیلاسیۆن، تواندنەوە و لەناوبردن و وێرانکردنی کوردستان بەرگری لە بوونی خۆی کردووە. جل‌وبەرگی پێشمەرگەکان لە هەموو سەردەمەکانی خەبات و بەرگری چەکدرایدا نموونەی هێزێکی بە پرەنسیب، خاوەن‌باوەڕ و رێکخراو بووە.

ئەمەش هاندەرێک بووە بۆ گەلی کورد بۆ خۆ رێکخستن و بڕوا بە هێزی خۆ بوون. نەتەوەی کورد لە رۆژهەڵاتی کوردستان بە درێژایی مێژوو دامودەزگا سیاسی و ئیداریەکانیان بە بەشێک لە دەوڵەتی ناوەندی زانیوە و خۆیان لێی دوور خستووەتەوە.

چونکە رێکخراو و ئۆرگانەکانی دەوڵەتی بە مەبەستی ئاسیمیلاسیۆن و لەناوبردنی گەلی کورد دامەزرابوون. بەو پێیە دژایەتی کردن و پەیوەست نەبوون بە رێکخراوە دەوڵەتیەکان مێتۆدێک بووە لە خەباتی مەدەنی خەڵکی کورد لە رۆژهەڵاتی کوردستان. بە پێکهاتنی هێزی پێشمەرگە و بەرگری چەکدارانەی پێشمەرگەکان لە ژیر رێبەری حیزبی دێموکراتی کوردستانی ئێراندا، فەرهەنگی باەوەڕبەخۆبوون و خۆ رێکخستن لە ناو خەڵکی کوردستاندا پەرەسی سەندووە.

فەلسەفەی دامەزراندنی هێزی پێشمەرگە لە سەردەمی کۆماری کوردستاندا پاراستنی کیانی سیاسی خەڵکی کورد بوو. بنەمای خەباتی حیزبی دێموکرات بزاڤی مەدەنی و دێموکراتیکە بۆ دیاری کردنی مافی چارەنووسی گەلی کورد لە رۆژهەڵاتی کوردستان و لە پێناو باشتر کردنی رەوشی گەشەکردنی سیاسی و کۆمەڵایەتی ئەو بەشەی کوردستان.

گەلێک لە رێبەرانی بزاڤی نەتەوایەتی کورد خەباتی خۆیان بە پێشمەرگایەتی دەست پێکردووە. رێبەری کورد دوکتور قاسملوو پێشمەرگەی سەردەمی خەباتی نهێنی دوای رووخانی کۆماری کوردستان بووە،  دوکتور شەرەفکەندی و زۆربەی هەرەزۆری رێبەرانی ئەمرۆی حیزبی دێموکرات خەباتی خۆیان لە پێشمەرگایەتیەوە دەست پێکردووە.

بۆیە پێشمەرگایەتی قوتابخانەیەکە بۆ پەروەردەی رێبەرانی سیاسی و هەنگاوێکە بۆ پێکهێنانی بنەماکانی ژیانێکی شۆڕشگێڕانە و هومانیستی و مرۆڤپەروەرانەی دێموکرات.

گەلی کورد هەمیشە خوازیاری ئەوە بووە پرسی کورد لە رێگای سیاسی و ئاشتی‌خوازانە چارەسەر بکرێت، بۆیە رێبەرانی سیاسی نەتەوەی کورد لە قازی، قاسملوو و شەرەفکەندیەوە بگرە هەتا رێبەرانی ئەمرۆ بزاڤی نەتەوایەتی کورد لە رۆژهەڵاتی کوردستان لایەنگری خەباتی بێ توندوتیژی و خەباتی مەدەنی، خەباتی هەموو چین و توێژەکانی کۆمەڵگای کوردستانن بۆ گەیشتن بە مافەکانی مرۆڤی خۆیان.

پێشمەرگە شۆڕشگێڕەکانی کوردستان بۆ پاراستنی بنەماکانی مرۆڤی خەڵکی کوردستان و رێگرتن لە تواندنەوە و لە ناوچوونی گەلی کورد دەستیان داوەتە چەکی بەرخودان و بە فیداکردنی گیانی خۆیان وڵات و نەتەوەی کورد دەپارێزن.

گەلێک هەڵبەستوان، شاعیر، نووسەر و گۆرانیبێژ پێشمەرگەیان کردووەتە سەمبولی ئاواز و هۆنراوە و نووسراوەکانی خۆیان. شوان پەروەر، ناسر رەزازی، گوڵستان پەروەر، نەجمەدین غوڵامی، عەدنان کەریم، مەرزیە رەزازی، عەیشەشان و دەیان هونەرمەندی دیکە سروودی پێشمەرگەیان کردۆتە وێردی سەر زمان.

پێشمەرگایەتی خوڵقێنەری ژیانی یەکسانە لە ناو کۆمەڵگادا. لە رۆژی دامەزراندنی هێزی پێشمەرگە هەتا ئەمرۆ کچان و ژنانی کوردستان چ وەک پشتیوانان و هاوکارانی پێشمەرگەکان و چ بە لە شان‌کردنی چەکی پیرۆزی پێشمەرگایەتی بۆ ئازادی کوردستان و کۆمەڵگایەکی یەکسان لە کوردستاندا خەباتیان کردووە و قارەمانەتیان نواندووە. ئەمرۆ کچانی پێشمەرگە و شەرڤانی کۆبانی بوونەتە سەمبولی خۆڕاگری مرۆڤی لە بەرامبەر دڕندەیی و تێرۆر و رەشپەرەستیدا.

فەلسەفەی دیاری کردنی رۆژی ٢٦ی سەرماوەز وەک رۆژی پێشمەرگە لەلایەن حیزبی دێموکراتی کوردستانی ئێرانەوە بەنەتەوەیی کردنی یەکێک لە نرخ و بەهاکانی هەرە گرینگ و دیاری نەتەوەی کورد واتە "پێشمەرگە" و هەستی خۆڕاگری و خەباتکاری فیداکارانە دژی ژێردەستی و لە پێناو ئازادییە. پێشمەرگە و پێشمەرگایەتی ئەمرۆ تەنیا نرخ و بایەخێکی رێکخراوی و سیاسی نین، بەڵکوو پێشمەرگایەتی بووتە بایەخێکی نەتەوایەتی، سەمبولی پاراستن، باوەڕبەخۆبوون، مرۆڤ دۆستی و ژینگەپارێزی  و فەلسەفەی رێزگرتن لە ژیان و ئازادی و بەها مرۆڤایەتیەکانە.

پێشمەرگە ئەو هێزەیە کە لە ماوەی ٧٠ ساڵی رابردوودا بە فیدا کردنی گیانی پاکی خۆی نرخێکی گرانی داوە لە پێناو ئازادی و سەربەستی کوردستاندا بۆ ئەوەی پێویست نەکات نەوەکانی داهاتوو گیانیان فیدا بکرێت و ئازادی و کەڕامەتی مرۆڤیان لە مەترسی بکەوێت، هەتاکو ئەو ئاڵایەی کە پێشمەرگەکان بە خوێنی خۆیان راگرتووە ببێتە سەمبولی هەستی سەربەستی و گەشەکردن و پێشوەچوونی کورد و کوردستان.

رۆژی پێشمەرگە لە هەموو پێشمەرگە و شەرڤان و گەریلاکانی کوردستان پیرۆز بێت.

ناوەڕۆکی ئەم بابەتە را و تێبینیی نووسەرە و ماڵپەڕی کوردستان میدیا لێی بەرپرسیار نییە
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.