• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٢ی نوامبری ٢٠١٧ی زایینی - ٠١ی سەرماوەزی ١٣٩٦ی هەتاوی  

مانگرتن لە خواردنی زیندانیانی سیاسیی زیندانی کاروون پانزدەیەمەن رۆژی خۆی تێپەڕ دەکات

زایینی: ٠٤-٠١-٢٠١٥ - هەتاوی: ١٣٩٣/١٠/١٤ - ١١:٣١ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
مانگرتن لە خواردنی زیندانیانی سیاسیی زیندانی کاروون پانزدەیەمەن رۆژی خۆی تێپەڕ دەکات
کوردستان میدیا: مانگرتن لە خواردنی زیندانیانی سیاسیی زیندانی کاروونی ئەهواز بێ ئاوڕدانەوەی بەرپرسان بە داواکارییەکانی زیندانیانی مانگرتوو، هەروا درێژەی هەیە.

بەپێی راپۆرتی ماڵپەڕی کوردستان میدیا، رۆژی یەکشەممە رێکەوتی ١٤ی بەفرانباری ١٣٩٣ی هەتاوی، مانگرتن لە خواردنی زیندانیانی سیاسی لە زیندانی کارون ئەهواز، دووهەمین حەفتەی خۆی تێپەڕ کرد و چووە ناو پانزدەیەمین رۆژی خۆی.

بەپێی راپۆرتە بڵاو کراوەکان، بەرپرسانی زیندانی کارون و بەرپرسانی ئەهواز هەتا ئێستا هیچ وڵامێکی روونیان بە زیندانیانی سیاسیی زیندانی کارون نەداوەتەوە.

نوێترین راپۆرتەکان باس لە بارودۆخی نالەباری جەستەیی یەکێک لەو زیندانییانە دەکات.

بەپێی ئەم راپۆرتە، جابر سەخراوی، زیندانییەکی سیاسی مانگرتوو، بە هۆی ئەشکنجە هەر دوو پای فەلەج بووە و چاویشی خەریکە لە دەست بدات.

دەوترێت، کە بەرپرسانی زیندانی کاروون، سەرەڕای بارودۆخی نالەباری جەستەیی سەخراوی، لە چوون بۆ نەخۆشخانە و چارەسەریی رێگرییان کردووە.

رێکەوتی ٣٠ی سەرماوەزی ١٣٩٣ی هەتاوی، ٥٩ کەس لە زیندانیانی سیاسیی زیندانی کاروون لە ئەهواز، بە هۆی بارودۆخی نالەباری ناوەوەی زیندان مانیان لە خواردن گرتووە.

باشتر بوونی دۆخی زیندان، پێڕاگەیشتن بە دۆخی زیندانیانی نەخۆش، باش بوونی هەڵسووکەوتی پێرسۆنێل و کارمەندانی زیندانی لەگەڵ زیندانیان، باشتر بوونی پێداویستییەکانی پەیوەندی لەگەڵ بنەماڵەکان وەک تەلەفۆن و چاوپێکەوتن و دابین بوونی بەستێنی خوێندن و درێژە‌دان بە خوێندن لە داواکارییەکانی زیندانیانی سیاسیی زیندانی کاروونە.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٣ لەم ژمارەیەدا:

ــ بوومەلەرزەی سیاسی
ــ لە خەبات دژ بە ئەپارتایدەوە بۆ ڕاسان
ــ ئەمن چی بكەم، خۆتان دروستی بكەنەوە
ــ دانیشتن لەگەڵ ئۆپۆزیسیۆنی ئێرانی و چەند سەرنجێک