• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی نوامبری ٢٠١٧ی زایینی - ٢٨ی خەزەڵوەری ١٣٩٦ی هەتاوی  

چالاکی ته‌بلیغیی ئه‌ندامانی حیزبی دێمۆکرات به‌بۆنه‌ی ٢٢ی پووشپه‌ڕ به‌رده‌وامه‌

زایینی: ٠٨-٠٧-٢٠١٢ - هەتاوی: ١٣٩١/٠٤/١٨ - ١٣:١٦ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
چالاکی ته‌بلیغیی ئه‌ندامانی حیزبی دێمۆکرات به‌بۆنه‌ی ٢٢ی پووشپه‌ڕ به‌رده‌وامه‌
کوردستان میدیا: به‌بۆنه‌ی ٢٣مین ساڵیادی تیرۆری شه‌هید دوکتور قاسملوو و هاوڕێیانی، له‌ ناوچه‌ جۆراوجۆره‌کانی کوردستان، چالاکی به‌رینی ته‌بلیغاتی به‌ڕێوه‌ چووه.


مه‌ریوان

١٧ی پووشپه‌ڕی ١٣٩١ی هه‌تاوی له‌ شاری مه‌ریوان به‌ بۆنه‌ی ٢٢ی پووشپه‌ڕ، ئاڵایه‌کی گه‌وره‌ی کوردستان له‌ چیای "شه‌ڕگه‌"ی پشت گوندی "نێ"ی ئه‌و شاره‌ هه‌ڵکراوه‌ و لاوانی ئه‌و گونده‌ به‌ بڵاو کردنه‌وه‌ی تراکت و پووستێری تایبه‌ت ئەمەگداریی خۆیان له‌گه‌ڵ رێبازی دوکتور قاسملوو دووپات کرده‌وه.


چالاکیی ئه‌ندامانی حیزب، رۆژی دواتر واته‌ رێکه‌وتی ١٨ی پووشپه‌ڕ له‌لایه‌ن هێزه‌کانی رێژیمی ئیسلامیی ئێرانه‌وه‌ کۆ کراونه‌ته‌وه.


پاوه

١٧ی پووشپه‌ڕی ١٣٩١ی هه‌تاوی ئه‌ندامان و لایه‌نگرانی حیزبی دێمۆکرات له‌ ناوچه‌ی "شمشێر"ی سه‌ربه‌ شاری پاوه، به‌ بڵاو کردنه‌وه‌ی سه‌دان تراکت و پووستێری پێوه‌ندیدار به‌ ٢٣مین ساڵـڕۆژی تیرۆری دوکتور قاسملوو و هاوڕێیانی په‌یامی ئه‌مه‌گناسیی خۆیان بۆ رێبه‌رانی شه‌هید و رێبوارانی ئه‌و رێگایه‌ دووپات کرده‌وه.


جاده‌ی سه‌ره‌کیی نێوان کرماشان ــ پاوه، کۆڵانه‌کانی ده‌وروبه‌ری قوتابخانه‌ی سه‌ره‌تایی، یانه‌ی وه‌رزشیی شمشێر، مزگه‌وتی جامیعه‌ و زۆربه‌ی کۆڵانه‌کانی شمشێر، ناو ئه‌و شوێنانه‌یه‌ که‌ چالاکی ته‌بلیغیی تێکۆشه‌رانی دێمۆکرات تێیدا به‌ڕێوه‌چووه.


نه‌غه‌ده‌
١٣ی پووشپه‌ڕی ١٣٩١ی هه‌تاوی، ئه‌ندامان و لایه‌نگرانی حیزبی دێمۆکراتی کوردستانی ئێران به‌ بڵاو کردنه‌وه‌ی تراکت و پووسته‌ری تایبه‌ت به‌ ٢٣مین ساڵـڕۆژی تیرۆری دوکتور عه‌بدولڕه‌حمان قاسملوو و هاوڕێیانی، له‌ نه‌غه‌ده‌ چالاکی به‌ربلاو ته‌بلیغییان به‌ڕێوه‌برد.


ئه‌و شوێنانه‌ که‌ چالاکی ته‌بلیغییان تێدا به‌ڕێوه‌چووه‌ بریتین له:


گونده‌کانی گه‌ڵوان، قارنێ، شاوه‌له‌، بایزاوێ، جاشێران، خنخنه‌، زه‌لیلان، ده‌ربه‌ند، ئاڕنێ، قه‌ڵاتان، گۆرناوی، وه‌زنێ، حه‌ڵبێ، عه‌لیاوێ، نه‌رزیوێ، کویکان، یونسلیان، دیلان چه‌رخ، ماسوێ، دایماو، مه‌حمه‌شه.

پیرانشار

١٥ی پووشپه‌ڕی ١٣٩١ی هه‌تاوی، له‌ گونده‌کانی خورینج، په‌سوێ، شیناوێ، سه‌رووکانێ و له‌ سێ‌ڕێیانی "گرده‌بن" و "جه‌ڵدیان"، به‌بۆنه‌ی ٢٣مین ساڵیادی تیرۆری شه‌هید دوکتور عه‌بدولڕه‌حمان قاسملوو، له‌لایه‌ن ئه‌ندامانی حیزبه‌وه‌ چالاکی ته‌بلیغی به‌ڕێوه‌چووه.


هه‌روه‌ها له‌ نێو شاری پیرانشار له‌ کووی خه‌یام، کووی ئۆمید، که‌مه‌ربه‌ندی، فه‌له‌که‌ی کشاوه‌رز، شه‌قامی سه‌رده‌شت، کۆلانی ئیداره‌ی به‌رق، شه‌قامی مه‌لا ره‌زا، ده‌وروبه‌ری نه‌خۆشخانه‌، بازاری سیگار و که‌مه‌ربه‌ندی کۆنه‌خان.


بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٢ لەم ژمارەیەدا:

ــ شکستی کەرکووک کۆتایی ڕێگا نییە!
ــ ڕەوایی چەک و ڕەوایی خەڵکی
ــ ئیمپراتوریی نافەرمی ئێرانی
ــ دەسەڵات و کۆمەڵگا