کوردستان میدیا: نوێنەرایەتی دەرەوەی وڵاتی حیزبی دێموکرات لە بارەی سێمیناری ئاشتی نەتەوەیی بۆ رژهەڵاتی کوردستان کە لە وڵاتی سوید بەڕێوەچوو، روونکردنەوەیەک بڵاو دەکاتەوە.

دەقی ئەم روونکردنەوەیە بەم چەشنەیە:

لە رۆژانی شەممە و یەکشەممە، ١٦ و ١٧ مانگی ژانوویەی ساڵی ٢٠١٥ی زایینیدا (٢٧ و ٢٨ بەفرانباری ساڵی ١٣٩٣ی هەتاوی) سێمینارێک لە ژێر ناوی ئاشتەوایی لە شارێکی وڵاتی سوێد بەڕێوەچوو.

بە پێویست دەزانین کە لە رێگای ئەم ڕوونکردنەوەوە هەموو لایەک ئاگادار بکەینەوە کە هیچ شاندێک یان نوێنەرێکی فەرمیی حیزبی دێموکراتی کوردستانی ئێران لەو سێمینارە‌دا بەشداری نەکردوە.
دەفتەری نوێنەرایەتی دەرەوەی وڵات
حیزبی دێموکراتی کوردستانی ئێران
٢٠ی ژانوویە‌ی ٢٠١٥ بەرانبەر بە ٣٠ی بەفرانباری ساڵی ١٣٩٣ی هەتاوی