• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی ژانویەی ٢٠١٨ی زایینی - ٢٩ی بەفرانباری ١٣٩٦ی هەتاوی  

مستەفا هیجری: بۆ یەکگرتنەوە لەسەر خاڵە سیاسییەکانی کۆنگرەی ١٣ وەک بنەمای دانیشتنەکان رێک کەوتووین

زایینی: ٠٢-٠٢-٢٠١٥ - هەتاوی: ١٣٩٣/١١/١٣ - ١١:١٤ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
مستەفا هیجری: بۆ یەکگرتنەوە لەسەر خاڵە سیاسییەکانی کۆنگرەی ١٣ وەک بنەمای دانیشتنەکان رێک کەوتووین
کوردستان میدیا: ئاژانسی ئانادۆڵۆ، لە سەرەتای مانگی رێبەندانی ساڵی ١٣٩٣ی هەتاویدا، وتووێژێکی لەگەڵ مستەفا هیجری، سکرتێری گشتیی حیزبی دێموکرات پێک هێناوە و تیایدا باس لە یەکگرتنەوەی حیزبی دێموکرات و هەروەها بارودۆخی ناوچەکە کراوە.

دەقی ئەم وتووێژە بەم چەشنەیە:

سكرتێری گشتیی حیزبی دیموكراتی كوردستانی ئێران، مستەفا هیجری لە هەڤپەیڤینێكدا لەگەڵ ئاژانسی ئانادۆڵو لەبارەی پرسی یەكگرتنەوەی حیزبی دیموكراتی كوردستانی ئێران دەڵێت :
" دەمانەوێت بە وردی بچینە كارەكەوە و نامانەوێت دوای یەكگرتنەوە جیابوونەوەی دیكە دروست ببێتەوە".

مستەفا هیجری لەو بارەیەوە بۆ ئاژانسی ئانادۆڵو گوتی:
 "ئەوەی لەبارەی یەكگرتنەوەوە باسی لێوەدەكرێت شتێكی تازە نییە، درێژەی ئەو هەوڵ و تێكۆشانانەیە كە نزیكەی دوو ساڵە دەستمان پێكردووە، دوای ئەوەی لە دوایین كۆنگرەماندا یەكێك لە راسپاردەكان بریتی بوو لە هەوڵدان بۆ یەكگرتنەوە، ئیدی هەوڵەكانمان چڕتر كردەوە و لێژنەیەكمان پێكهێنا و لەگەڵ هاوڕێیان چەند جارێك دانیشتووین تا ئاستی سكرتێری هەردوولا". 

دواتر ئاماژەی بەوەدا کە:
 "رەنگە ئەم هەفتەیە دانیشتنێكی دیكە لە نێوان هەردوو دەفتەری سیاسی بە ئامادەبوونی هەر دوو سكرتێر بەڕێوەبچێت بۆ ئەوەی چوارچێوەی كارەكە و وردەكارییەكانی بەگشتی باس بكەین و دواتر لێژنەكانمان درێژەی پێبدەن".

سكرتێری گشتیی حیزبی دیموكراتی كوردستانی ئێران لە درێژەی قسەكانیدا لەبارەی ئەو پرسەوە دەڵێت هەردوو لایەن رێك كەوتوون كە خاڵە سیاسییەكانی پەسەندكراوی دوایین كۆنگرەی حزبەكەیان پێش ئەو جیابوونەوەیە بكەنە بنەما لە وتووێژەكانیان و لەو پێناوەشدا لەسەر ناوی حیزب و ئارمەكەیان و چەند شتێكی دیكەش رێك كەوتوون.

لەگەڵ ئەوانەشدا بۆ دیاریكردنی كات بۆ یەكگرتنەوەكە، مستەفا هیجری دەڵێت:
"پێشبینی كردنی كات زەحمەتە".

ئەو هێمای بۆ ئەوەش كرد كە ئێران بەو یەكگرتنەوەیەی ئەوان قەڵسە و پێیان خۆش نابێت، لەوبارەیەوە دەشڵێت:
 "ئەسڵەن خودی جیابوونەوەكە ئەگەر راستەوخۆش نەبێت بە ناڕاستەوخۆ دەستی ئێرانی تێدابوو، كۆماری ئیسلامیی ئێران نەك بۆ حیزبی دیموكرات كە حزبێكی سەرەكییە لە رۆژهەڵات، یەكگرتوویی كوردی لە هەموو بەشەكاندا پێ ناخۆشە و هەموو كار و تێكۆشانی لە هەموو بەشەكان بۆ جودایی و بەگژ یەكدا كردنی كوردە".

سكرتێری گشتیی حیزبی دیموكراتی كوردستانی ئێران مستەفا هیجری كە حزبەكەی یەكێكە لە كۆنترین حیزبەكانی كوردی بەرهەڵستكاری كۆماری ئیسلامی ئێران لەو هەڤپەیڤینەییدا لەگەڵ ئاژانسی ئانادۆڵو باس لە بوونی هەواڵگریی ئێران لە هەرێمی كوردستان دەكات و دەڵێت ئەوان زانیاریی تەواوییان لەبەردەستە كە ئێران مۆڵگەی سیخوڕیی زۆری لە هەرێم هەیە و دەڵێت:
" ئێران لە رێگەی هەردوو كونسولخانەكەی لە هەولێر و سلێمانی و زۆر شوێنی دیكەی نهێنیی بوونی هەواڵگریی هەیە، بوونی كۆماری ئیسلامی لە هەموو شوێنێك بۆ هەواڵ وەرگرتن نییە، بەڵكو بۆ تێكدانە، چوونكە ئێران لە رێگەی باڵیۆزخانەكانییەوە دەیەوێت بزانێت چۆن دەتوانێت جیاوازیی بخاتە نێو حزبەكان و یاری بكات بۆ بەرژەوەندیی خۆی".

لەبارەی شەڕی "داعش"ـیشەوە دەڵێت پێش شەش مانگ لەمەوبەر نزیكەی پێنج هەزار لە ئەندامانی سوپای قودس پەڕیونەتەوە بۆ كوردستانی عێراق، ئەوە جگە لە ژمارەیەكی زۆر لە ئەفسەران و پسپۆڕان كە كار بۆ مەشقپێكردنی سوپای عێراق دەكەن، دەشڵێت بەشی زۆری ئەوانە بە ناوی پاراستنی مەزارگەكانی شیعەكان لە كەربەلا و نەجەف و سامەڕا هاتوون، بە رای ئەو ئەو هێزانە لە ناوچە جێ ناكۆكیەكانی جەلەولا و سەعدییە و چەند ناوچەیەكی دیكەش جێگیر كراون.

مستەفا هیجری لە درێژەی قسەكانیدا بۆ ئاژانسی ئانادۆڵو لە بارەی هێرشەكانی داعش بۆ سەر هەرێمی كوردستان و بە دیاریكراوی بۆ سەر مەخموور و گوێڕ و نزیكبوونەوەیان لە هەولێر بۆ یەكەم جار پێش چەند مانگێك لەمەوبەر دەڵێت ئێران داعشی لە هەولێر نزیك كردەوە بۆ تەمبێ كردنی كورد كە ماوەیەك بوو باسی سەربەخۆییان دەكرد، دەشڵێت:
"هاتنی داعش بۆ هەولێر و نزیكبوونەوەیان لە مەخمور و گوێر لەلایەن ئێرانەوە بەرنامەرێژیی بۆ كرابوو، ئێران ویستی ئەوان بێنە ئێرە و كورد تەمبێ بكات، چونكە لەو ماوەیە و پێشتریش كورد زۆر باسی ریفراندۆم و سەربەخۆییان دەكرد و كۆماری ئیسلامی ئەوەی زۆر پێ ناخۆش بوو ویستی كورد سزا بدات". 
باس لەوەش دەكات پاش پێكانی ئەو ئامانجەی ئێران و سەرۆكایەتی هەرێم  و حكومەتی هەرێمیش وایان بڵاوكردەوە كە ئێران یەكەم وڵات بوو یارمەتیی هەرێمی دا لە شەڕی دژ بە داعش.
 
مستەفا هیجری بۆ ئەو قسانەی كە دەیانكات زوو زوو دەیگوت بەپێی زانیارییەكانییان، ئەو گوتیشی: 
"زانیارییەكانمان باس لەوە دەكەن ئێران مەشق بە پەنابەری ئەفغانی دەكات و دواتر دەیناننێرێتە نێو ریزەكانی داعش".

سكرتێری گشتیی حیزبی دیموكراتی كوردستانی ئێران مستەفا هیجری لە درێژەی هەڤپەیڤینەكەیدا لەگەڵ ئاژانسی ئانادۆڵو لەبارەی هۆكاری كشانەوەی هێزەكانییان لە شەڕی دژ بە داعش پاش بەشداربوونێكی كورت دەڵێت: 

"ئێمە وەكوو حیزبی دیموكرات ئێستا هیچ هێزێكمان لەشەڕی دژ بە داعش لە باشووری كوردستان بەشدار نییە، لەبەر ئەوەی ئێمە لەسەرەتای هێرشەكانی داعش بۆ سەر گوێڕ و مەخمور و نزیكبوونەوەیان لە هەولێر ئامادەیی خۆمان بۆ ناردنی هێز بۆ شەڕەكە دەربڕی و بەرپرسانی هەرێم داوایان لێكردین و بەدەمیانەوە چووین، بەڵام دوای ماوەیەكی كورت داوای كشانەوەیان لێكردین و كشاینەوە".

لەمەڕ هۆكاری ئەو كشانەوەیەش مستەفا هیجری دەڵێت:
"ئێران پێی خۆش نییە هێزەكانی حزبە كوردییەكان  دەربكەون و رەنگە ئەو كشانەوەیەش هەر لەسەر داوای ئێران بووبێت".

مستەفا هیجری دەستپێكردنەوەی خەباتی چەكداری لە دژی كۆماری ئیسلامی ئێران لە ئێستادا بە گونجاو نازانێت و هەلومەرجی سیاسی و ناوچەیی بە لەبار بۆ ئەو كردیەیە نابینێت و دەڵێت: 

 "دوای روخانی رژێمی پاشایەتی و خۆ راگەیاندنی بە ئاشكرای حزبی دیموكرات خەباتی چەكداریمان وەكوو شێوەیەكی خەبات لە دژی كۆماری ئیسلامی ئێران زانی نەك وەكوو ئامانج و یەكلاكەرەوە، بۆیە خەباتی چەكداریی خوێناویمان لە گەڵدا بردە پێشەوە، ئێستاش ئەگەر بوار هەبێت دیسان دەكرێت خەباتی چەكداری وەكو یەكێك لە شێوەكان كەڵك لێ وەربگرین، ئەگەر هەلومەرجە سیاسی و ناوچەیی رێگە بدات رەنگە وەكوو شێوەیەك لە شێوەیەكان كەڵكی لێ وەربگرین، بەڵام ئێستا ئەو هەلومەرجە بۆ ئێمە لەبار نییە، ناتوانیین لێرە دابنیشین و بچین لە ئێران خەباتی چەكداری بكەین".

هیجری لەبارەی پرسی كۆنگرەی نەتەوەییشەوە بۆ ئاژانسی ئانادۆڵو دەڵێت بەرژەوەندیی حزبایەتی هۆكاری دواخستنییەتی، لەو رووەوە گوتی:
" لەكاتێكدا هێزی كورد هەمووی پارچە پارچەیە و هەمووی لە بیری پێكهێنانی بەرژەوەندی و قازانجی خۆیەتی نەك بەرژەوەندیی نەتەوەیی، ئەوا كۆنگرەی نەتەوەی نابەسترێت، كۆنگرەی نەتەوەی دەبێت لەسەر بنەمای قازانج و بەرژەوەندیی نەتەوەیی پێكبێت، ئێستا بۆ بەرژوەندیی حزبی و گرووپ و دەستەیە، تا ئەو كاتەی ئەو رەوتە بەردەوام بێت پێكهێنانی كۆنگرەی نەتەوەیی سەرناگرێت، ئەگەر سەریش بگرێت لە بەرژەوەندیی یەك دوو لایەن دەبێت، پێشتریش هەر بەو هۆیەوە كۆنگرەكە سەری نەگرت، بۆیە گەشبین نیم لەبەستنی لەبەر بەرژوەندیی حزبی".

هیجری، پارتی و پەكەكە بەتایبەت ئەمەی دوای بەوە تۆمەتبار دەكات كە دەیانەوێت هیژموونیی خۆیان بەسەر كۆنگرەی نەتەوەییەوە دەربكەوێت، دەشڵێت:
"هەر لایەنێك بیەوێت كۆنگرەی نەتەوەیی بۆ بەرژوەندیی خۆی بخاتە ژێر هەژموونی خۆی ئەوا سەرناگرێت".

لە كۆتایی قسەكانیدا سكرتێری حیزبی دیموكراتی كوردستانی ئێران مستەفا هیجری سەركەوتنی كۆبانیی لە دژی داعش بە گرنگ هەڵسەنگاند و گوتی بە سەركەوتنی خۆیانی دەزانن و هیوای ئەوەشی خواست ئەو سەركەوتنە سەرەتایەك بێت بۆ شكست پێهێنانی داعش لە هەموو خاكی كوردستان.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٦ لەم ژمارەیەدا:

ــ دەنگی راسانی گەلان نابیستن
ــ خەباتی ڕۆژهەڵات بەردەوامە
ــ خۆپێشاندانەکانی ئێران و پرسی کورد
ــ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
  • شەپۆلەکانی شار شەپۆلەکانی شار
    شەپۆلەکانی شار پڕە لە هەست و سۆزی نیشتمانپەروەری و نەخشێنەری ئەو جووڵە و راچەنینانەیە کە لە نێو کۆمەڵی کوردەواریدا بە نهێنی و دوور لە چاوی داگیرکەر، بەردەوام لە گەشە و هەڵچووندان.
  • تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە
    دەقی وتووێژی کاک تەیموور مستەفایی، ئەندامی دەفتەری سیاسیی حیزبی دێموکراتی کوردستانی ئێران و بەرپرسی کۆمیسیۆنی تەشکیلاتی حیزب لەسەر خۆپێشاندانە سەرانسەرییەکانی ئێران و بڵاوکردنەوەی ڕاگەیەندراوی ئەم کۆمیسیۆنە لەم پێوەندییەدا، لەگەڵ تەلەفزیۆنی تیشک.
  • کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
    خوێنەرانی بەڕێزی "کوردستان"، سەبارەت بە دوایین بارودۆخی ئێران و کوردستان و هەروەها نەخش و دەوری کورد و حیزبی دێموکرات لە هاوکێشەکاندا، ماڵپەڕی "کوردستان میدیا" وتووێژێکی لەگەڵ بەڕێز "کاوە ئاهەنگەری" چاودێری سیاسی و ئەندامی حیزبی دێموکرات ئەنجام داوە کە لێرەدا دەخرێتە بەر دیدی ئێوەی خۆشەویست.
  • ئێمە و وێژمانەکانی داگیرکراوی و هەڵاوێردراوی ئێمە و وێژمانەکانی داگیرکراوی و هەڵاوێردراوی
    ئەم گوتارە ئەگەرچی لای گرووپ، ڕێکخراو و حیزبی سیاسیشەوە هەڵگیراوە، بەڵام بەوپێیەی کە ئەم دامەزراوەگەلە لە عەرزی واقیعدا کار دەکەن و پێویستیان بە دانوستان و دانیشتن و وەرگرتنی پووانی جیاواز هەیە، ئەم ڕێکارەیان هەتا ئیستە تا رادەیەک پاساو هەڵگرە؛ وەکوو تر لە ئاستی یەکانگیریی نەتەوایەتی و دینامیزمی کۆمەڵایەتییەوە هەندێک خەساریشی هەبووە کە لێرە ناگونجێ بەسەریاندا بێینەوە.
  • کۆمەڵگەی ئازاد لە سێبەری دێموکراسیدا کۆمەڵگەی ئازاد لە سێبەری دێموکراسیدا
    "ژان ژاک ڕۆسۆ"یش لە وتارێکیدا بە ناوی "ڕێککەوتنی کۆمەڵایەتی" دەقەکەی بەم ڕستەوە دەست پێ دەکات: "مرۆڤ سەرەڕای ئەوەیکە بە سەربەستی لە دایک دەبێت، بەڵام لە هەموو شوێنێکی ئەم دنیادا بندەست و دیلە".
  • خۆپێشاندانەکانی ئێران و پرسی کورد خۆپێشاندانەکانی ئێران و پرسی کورد
    لەو قۆناغەدا کە هێزەکانی رێژیم باوەڕیان بە خۆیان نەماوە و ترسی رووخان هێزی سەرکووتکەری بێ هیوا کردووە، راسانی شارەکانی کوردستان دەتوانێ زۆرترین دەسکەوت و کاریگەریی هەبێ. ئەوە دەرفەتێکە کە گەلی کورد دەتوانێ بۆ پێشخستن و نزیک بوونەوە لە ئامانجەکانی، کەڵکی شیاوی لێ وەربگرێ؛ بە تایبەتی کە لە قۆناغی نوێی خەباتدا، هۆشیاری نەتەوەیی و بەرینایی خەبات لە جاران بەرزتر و بەربڵاوترە.
  • پیلانەکانی بەسیج لە نێو زانکۆکانی کوردستاندا پیلانەکانی بەسیج لە نێو زانکۆکانی کوردستاندا
    لەم نێوانەدا، بەسیج، وەکوو ئامرازی سیخوڕیی حکومەت بەکار براون. بەسیج لە هەموو فەرمانگەیەکی حکومەتی و ناحکومەتی و لە واتایەکی بەربڵاوتر: لە هەموو شوێنێکدا وەکوو ڤایرۆسێک بڵاوبووەتەوە. قوتابخانەکان و زانکۆکانیش لە فیلترینی ئەم شوێنانەن. بەسیجی کوردیش، یان خۆماڵیتر بڵێم: جاشە کوردەکان، وەک باقی بەسیجییەکانی ئێران، ئەرکی تایبەتیان پێ ڕادەسپێردرێت کە بەرچاوترینیان، فرۆشتنی نیشتمان و هاوزمانەکانیانە.
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    زلهێزەکان هاتن و بێ لەبەرچاوگرتنی مافی گەلان، نەخشەی ناوچەکەیان گۆڕی؛ لە ئاکامی ئەم داڕشتنە نوێیە یەکلایەنە و نادادپەروەرانەشدا، هەندێک لە نەتەوەکان لە مافی دامەزرانی دەوڵەتی خۆیان بێبەش کران کە بەرچاوترینیان نەتەوەی کورد بوو. کورد بوو بە یەکەم قوربانی ڕەوتی نوێی نادادپەروەرانەی مێژوو، تەنیا لەبەر ئەوەیکە دروست بوونی دەوڵەتێکی کوردی لەگەڵ بەرژەوەندی ئەم زلهێزانە یەکی نەدەگرتەوە.
  • دەنگی راسانی گەلان نابیستن دەنگی راسانی گەلان نابیستن
    لە رۆژی ٧ی بەفرانباری ١٣٩٦ی هەتاوی و لە دوایین رۆژەکانی ساڵی ٢٠١٧ی زانییندا، بزاڤی مافخوازیی نەتەوەکان و خەڵکانی ئێران دوای چەندین و چەند کۆبوونەوەی ناڕەزایی دەربڕین، وەکوو ڕووبارێکی بەلرفە، بەنداوی کۆت و بەندی هەمەڕەنگی ڕێژیمی رووخاند و لافاوێکی سەرتاسەریی لە ئێراندا وەڕی خست.
  • لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی
    زلهێزەکانی جیهان، بە تایبەت ڕوسیە و ئامریکا دەیانهەوێ پارسەنگێکی هێز لە ڕۆژهەڵاتی ناوین پێکبهێنن کە سەقامگیر بێ و تێیدا بەرژەوەندی و نفوزی خۆیان پارێزراو بێ. رۆڵی ئامریکا و روسیە چارەنووسساز دەبێ بۆ بارودۆخی داهاتووی ناوچەکە، ئەگەر یەک یان هەردوو لەم وڵاتانە گەرەنتی سەقامگیری و پارسەنگی هێز بدەن بە هاوپەیمان و دۆستەکانی خۆیان لە ناوچەکە ئەو کات ئیمکانی هەیە شێوەیەک لە سەقامگیری دروست بێ.
  • ئاو، کۆڵەکەی ستراتیژی داهاتووی کوردستان ئاو، کۆڵەکەی ستراتیژی داهاتووی کوردستان
    بنەمای گەشەی ئێران لە ڕووی جوغرافییەوە، لەسەر دوو پاژی ناوەندی _فارس و قەراغی _نافارس داندراوە، چون دەوڵەتی مۆدێڕن پێی وابوو تەنیا رێگەی مانەوەی، خوڵقاندنی یەک نەتەوەیە و لە پێناو ئەو ئامانجەش جوغرافیای پاشکەوتوو و پێشکەوتووی خوڵقاند.
  • کرماشان له پەنای بێپەناییدا کرماشان له پەنای بێپەناییدا
    ئەم دۆخە نالەبارە لەپاش زیاتر لە یەک مانگ، هاوکاتە لەگەڵ دەسپێکی سەرما و سۆڵە و بارینی بەفر؛ لەمبارەوە "ئەکبەر سەنجابی" فەرمانداری سەرپێڵی زەهاو باسی لە دۆخی نەشیاوی ژیانی هاووڵاتییان لە نێو خێوەتەکاندا کردووە و وتوویەتی: بەرپرسان دەبێ درک بە بارودۆخی لێقەوماوان بکەن؛ خەڵک بە دژوارییەوە لە ژێر خێوەتی ١٠ میتریدا دەژین!
  • دوکتور قاسملوو، بزاڤی راسیۆنالیزمی سیاسەت لە کوردستاندا دوکتور قاسملوو، بزاڤی راسیۆنالیزمی سیاسەت لە کوردستاندا
    ئەو تایبەتمەندییەی هزری سیاسی کە لە بۆڵەبۆڵ و تەنانەت خواستی سیاسیش جیای دەکاتەوە ئەوەیە کە سیستمێکی واتادارمان پێ دەبەخشێت کە کێشەی کورد لە پێوەندی لەگەڵ کێشەکانی دنیای مودێڕن و لە چوارچێوەی چەمک و دەستەواژەکانی تایبەت بەو دنیایە دووبارە پێناسە دەکاتەوە.
  • داهاتوی ڕەشی ئێران لە دەلاقەی بوودجەی ساڵی داهاتوودا داهاتوی ڕەشی ئێران لە دەلاقەی بوودجەی ساڵی داهاتوودا
    ئەگەر ئەرکی سپای قودس بە دەرکەوتنەکانی قاسم سلێمانی لە ناوچەدا هەژمار بکەین ڕوون و ئاشکرایە کە لە هەر کوێ شەڕ و نائارامی هەبێت، ناوبراویش لەوێیە؛ واتە سامانی وڵاتێکی وەک ئێران و کوردستان بۆ شەڕئەنگێزی و تیرۆر کەڵکی لێوەردەگیرێت و ئەوەش بەئاشکرا و بەیاسا دەیکەن.