کوردستان میدیا: چارەنووسی سامان نەسیم و ٥ زیندانی سیاسیی کوردی دیکەی زیندانی ناوەندیی ئورمیە دوای راگواستنیان بۆ ژووری تاکەکەسی لە بارودۆخێکی ناروون دایە.
بەپێی راپۆرتی ماڵپەڕی کوردستان میدیا، سامان نەسیم زیندانیی سیاسیی کوردی مەحکووم بە ئیعدام دوانیوەڕۆی رۆژی چوارشەممە رێکەوتی ٢٩ی رێبەندانی ١٣٩٣ی هەتاوی، وێڕای ٥ زیندانیی سیاسیی کوردی مەحکووم بە ئیعدام بە ناوەکانی یوونس ئاقایات، حەبیبووڵڵا ئەفشاری، عەلی ئەفشاری، سیروان نژاوی و ئیبراهیم شاپوری لەلایەن بەرپرسانی زیندانەوە بۆ ژووری تاکەکەسیی زیندانی ئورمیە راگواستراون.
راگواستنی ئەو زیندانییە سیاسییە کوردەی مەحکووم بە ئیعدام لە حاڵێکدایە کە سامان نەسیم لە بەرەبەری بەڕێوەچوونی حووکمەکەی دایە و بە وتەی عەزیز موژدەیی، پارێزەی ناوبراو قەرار بووە کە رۆژی پێنجشەممە رێکەوتی ٣٠ی رێبەندانی ١٣٩٣ی هەتاوی حوکمی ئیعدامەکەی بەڕێوە بچێت و سپای پاسداران و بەرپرسانی زیندانی ئورمیە لەسەر بەڕێوەچوونی حووکمی ئیعدامی سامان نەسیم لە کاتی دیاریکراودا پێداگرییان دەکرد.
بەپێی ئەو راپۆرتە و بەپێی ماڵپەڕی کوردستان میدیا، بنەماڵەی سامان نەسیم شەوی رابردوویان لەبەرانبەر زیندانی ناوەندیی ئورمیە تێپەڕ کردووە و داوایان کردووە کە لە دۆخی کوڕەکەیان ئاگادر ببنەوە بەڵام بەرپرسانی زیندانی لە پێدانی زانیاری لە چارەنووسی سامان نەسیم خۆیان بواردووە و بە بنەماڵەی ناوبراویان راگەیاندووە کە بۆ ئاگادار بوونەوە کە دۆخی کوڕەکەیان سەردانی دادگا بکەن.
بەپێی ئەو راپۆرتە رۆژی پێنجشەممە رێکەوتی ٣٠ی رێبەندانی ١٣٩٣ی هەتاوی، دوای نەبوونی زانیاری کە دۆخی سامان نەسیم لە زیندانی ئورمیە بنەماڵەی ناوبراو سەردانی بەشی بەڕێوەچوونی حووکمەکانی دادگایان کردووە و داوایان کردووە لە چارەنووسی کوڕەکەیان ئاگاداریان بکەنەوە.
رۆژی رابردوو بە پشتیوانیی هەمەلایەنە لە سامان نەسیم، لە یەک رۆژ پێش بەڕێوەچوونی حوکمی ئیعدامەکەی، یەکیەتی ئوروپا، کۆمیسێری مافی مرۆڤی ئاڵمان، هەواڵنێرانی رێکخراوی نەتەوەیەکگرتووەکان بۆ دۆخی مافی مرۆڤ لە ئێران و ئیعدامە بان یاساییەکان، دەوڵەتی نورویژ و رێکخراوی داکۆکیکار لە مافی مرۆڤی کوردستان بە دەرکردنی بەیاننامەیەک داوایان لە رێژیمی ئیسلامیی ئێران کرد لە ئیعدامی سامان نەسیم خۆ ببوێرێت.
بەپێی ئەو راپۆرتە لە بەرەبەری بەڕێوەچوونی حوکمی ئیعدامی سامان نەسیم یەکیەتیی ئورووپا بە بڵاوکردنەوەی پەیامێک رایگەیاند: ئێمە داوا لە بەرپرسانی ئێرانی دەکەین کە پابەند بە یاسا نێودەوڵەتییەکانی مافی مرۆڤ بێت و بەپێی ئەو یاسایانە کە ئیعدامی مێرمنداڵان بە پێشلکاری لانیکەمی ستانداردە نێودەوڵەتییەکان ناو دەبات نجووڵێتەوە و حوکمی ئیعدامی سامان نەسیم و هیچ تاکێکی مێرمنداڵ و تاوانبار بەڕێوە نەبات.
لەو پەیوەندییەدا کۆمیسێری مافی مرۆڤی دەوڵەتی ئاڵمان بە بڵاوکردنەوەی بیاننامەیەک سەرەڕای ئەوەیکە داوای لە رێژیمی ئێران کردووە کە حوکمی ئیعدامی سامان نەسیم رابگرێت، رایگەیاندووە کە هەر دوو کۆنڤانسیۆنی رێکخراوی نەتەوە یەکگرتووەکان لە بواری مافی منداڵان و رێکەوتنە نێودەوڵەتییەکانی مافی مەدەنی و سیاسی کە دەوڵەتی ئێرانیش قەبووڵی کردووە حوکمی ئیعدامی کەسانی ژێر تەمەنی یاسایی لەو وڵاتە رابگرێت.
رۆژی رابردوو سەبارەت بە ئەگەری کە سێدارەدانی سامان نەسیم دوای راگواستنی بۆ ژووری تاکەکەسیی ئورمیە سلیل شتی، سەرۆکی رێکخراوی لێبوردنی نێونەتەوەیی جارێکی دیکە لەسەر پێویستی پشتیوانی لە سامان نەسیم و راگرتنی حوکمی ئیعدامی سامان نەسیم جەختی کردەوە.
هەروەها بەپێی ئەو داواکارییانە کە لە رێکخراوی نەتەوە یەکگرتووەکان کرابوو ئەحمەد شەهد و کریستۆف هینز هەواڵنێرانی رێکخراوی نەتەوە یەکگرتووەکان بۆ دۆخی مافی مرۆڤ لە ئێراندا و ئیعدامی بان یاسایی، لە بەیاننامەیەکی هاوبەشدا داوایان لە رێژیمی ئێران کردبوو کە ئیعدامی سامان نەسیم، زیندانیی سیاسیی کورد رابگرێت.
لەو پەیوەندییەدا دوابەداوای ناڕەزایەتییەکانی ناوەندەکانی مافی مرۆڤ لە ئەگەری بەڕێوەچوونی ئیعدامی سامان نەسیم، وێگر سترومەن، سکرتێری گشتیی وەزارەتی دەرەوەی نورویژ کە بۆ دانوستانەکان چووبووە تاران نیگەرانیی دەوڵەتی نورویژی سەبارەت بە ژمارەی باڵای ئیعدامەکان لە ئێراندا دەربڕی و داوای کرد حوکمی ئیعدامی سامان نەسیم رابگرێت.
لە ماوەی چەند رۆژی رابردوودا رێکخراوی نەتەوە یەکگرتووەکان، کەمپەینی نێونەتەوەیی مافی مرۆڤ لە ئێران، فێدراسیۆنی نێودەوڵەتی کۆمەڵگاکانی مافی مرۆڤ، کۆمەڵگای داکۆکیکار ل ەمافی مرۆڤ لە ئێران (LDDHI)، کانوونی داکۆکیکارانی مافی مرۆڤ (DHRC) و چەندین رێکخراو و ناوەندی داکۆکیکاری مافی مرۆڤ و هەروەها چەندین چالاکی سیاسی، مەدەنی و مافی مرۆڤی کورد و ئێرانی، نیسبەت بە بەڕێوەچوونی حوکمی ئیعدامی سامان نەسیم ناڕەزایەتیان دەربڕیوە و داوایان کرد کە ئەو حوکمە بەڕێوە نەچێت.
داواکاریی هەمە لایەنەی چالاکانی مافی مرۆڤ و رێکخراو و ناوەندەکانی داکۆکیکاری مافی مرۆڤی نێودەوڵەتی و هەواڵنێرانی بێ‌سنوور و هەروەها یەکیەتیی ئورووپا، دەوڵەتی نورویژ و کۆمیسێری مافی مرۆڤی ئاڵمان و سەرۆکی رێکخراوی لێبوردنی نێودەوڵەتی و ویژدانی ئاگای کۆمەڵگای جیهانی بۆ راگرتنی حوکمی ئیعدامی سامان نەسیم لە حاڵێکدایە کە ژمارەیەک بەکار هێنەری تۆڕە کۆمەڵایەتییەکان و بەتایبەت لە پۆستەکانی کانالی بی.بی.سی لە فەیسبووکدا (B.B.C in Facebook) هەڵوێستی رەگەزپەرەستانەیان گرتبوو و داوایان کردبوو کە ئەو لاوە کوردە لە سێدارە بدرێت.
بەکارهێنەرانی رەگەز پەرەستی قەومی فارس (راسیست) لە نووسراوەکانی خۆیاندا سەرەرای هێرش بۆ سەر رێکخراوی لێبوردنی نێودەوڵەتی داوایان کردبوو کەسامان نەسیم بە هۆی ئەندامەتی لە یەکێک حیزبە ئۆپۆزیسیۆنەکانی رێژیمی ئیسلامیی ئێران ئیعدام بکرێت.
ماڵپەڕی کوردستان میدیا، لە راپۆرتێکدا بەم جۆرە رادەگەێنێت کە دوای راگواستنی سامان نەسیم بۆ ژووری تاکەکەسی زیندانی ئورمیە لە چارەنووسی سامان نەسیم و ٥ زیندانی سیاسیی کوردی دیکە هیچ زانیاریەک لەبەر دەستدا نییە و لە ئەگەری هەر چەشنە زانیارییەک لە چارەنووسی و دۆخی ئەو زیندانییە سیاسییە کوردانەی مەحکووم بە ئێعدام رای گشتی ئاگادار دەکاتەوە.
ئاویەر. ت
بەپێی راپۆرتی ماڵپەڕی کوردستان میدیا، سامان نەسیم زیندانیی سیاسیی کوردی مەحکووم بە ئیعدام دوانیوەڕۆی رۆژی چوارشەممە رێکەوتی ٢٩ی رێبەندانی ١٣٩٣ی هەتاوی، وێڕای ٥ زیندانیی سیاسیی کوردی مەحکووم بە ئیعدام بە ناوەکانی یوونس ئاقایات، حەبیبووڵڵا ئەفشاری، عەلی ئەفشاری، سیروان نژاوی و ئیبراهیم شاپوری لەلایەن بەرپرسانی زیندانەوە بۆ ژووری تاکەکەسیی زیندانی ئورمیە راگواستراون.
راگواستنی ئەو زیندانییە سیاسییە کوردەی مەحکووم بە ئیعدام لە حاڵێکدایە کە سامان نەسیم لە بەرەبەری بەڕێوەچوونی حووکمەکەی دایە و بە وتەی عەزیز موژدەیی، پارێزەی ناوبراو قەرار بووە کە رۆژی پێنجشەممە رێکەوتی ٣٠ی رێبەندانی ١٣٩٣ی هەتاوی حوکمی ئیعدامەکەی بەڕێوە بچێت و سپای پاسداران و بەرپرسانی زیندانی ئورمیە لەسەر بەڕێوەچوونی حووکمی ئیعدامی سامان نەسیم لە کاتی دیاریکراودا پێداگرییان دەکرد.
بەپێی ئەو راپۆرتە و بەپێی ماڵپەڕی کوردستان میدیا، بنەماڵەی سامان نەسیم شەوی رابردوویان لەبەرانبەر زیندانی ناوەندیی ئورمیە تێپەڕ کردووە و داوایان کردووە کە لە دۆخی کوڕەکەیان ئاگادر ببنەوە بەڵام بەرپرسانی زیندانی لە پێدانی زانیاری لە چارەنووسی سامان نەسیم خۆیان بواردووە و بە بنەماڵەی ناوبراویان راگەیاندووە کە بۆ ئاگادار بوونەوە کە دۆخی کوڕەکەیان سەردانی دادگا بکەن.
بەپێی ئەو راپۆرتە رۆژی پێنجشەممە رێکەوتی ٣٠ی رێبەندانی ١٣٩٣ی هەتاوی، دوای نەبوونی زانیاری کە دۆخی سامان نەسیم لە زیندانی ئورمیە بنەماڵەی ناوبراو سەردانی بەشی بەڕێوەچوونی حووکمەکانی دادگایان کردووە و داوایان کردووە لە چارەنووسی کوڕەکەیان ئاگاداریان بکەنەوە.
رۆژی رابردوو بە پشتیوانیی هەمەلایەنە لە سامان نەسیم، لە یەک رۆژ پێش بەڕێوەچوونی حوکمی ئیعدامەکەی، یەکیەتی ئوروپا، کۆمیسێری مافی مرۆڤی ئاڵمان، هەواڵنێرانی رێکخراوی نەتەوەیەکگرتووەکان بۆ دۆخی مافی مرۆڤ لە ئێران و ئیعدامە بان یاساییەکان، دەوڵەتی نورویژ و رێکخراوی داکۆکیکار لە مافی مرۆڤی کوردستان بە دەرکردنی بەیاننامەیەک داوایان لە رێژیمی ئیسلامیی ئێران کرد لە ئیعدامی سامان نەسیم خۆ ببوێرێت.
بەپێی ئەو راپۆرتە لە بەرەبەری بەڕێوەچوونی حوکمی ئیعدامی سامان نەسیم یەکیەتیی ئورووپا بە بڵاوکردنەوەی پەیامێک رایگەیاند: ئێمە داوا لە بەرپرسانی ئێرانی دەکەین کە پابەند بە یاسا نێودەوڵەتییەکانی مافی مرۆڤ بێت و بەپێی ئەو یاسایانە کە ئیعدامی مێرمنداڵان بە پێشلکاری لانیکەمی ستانداردە نێودەوڵەتییەکان ناو دەبات نجووڵێتەوە و حوکمی ئیعدامی سامان نەسیم و هیچ تاکێکی مێرمنداڵ و تاوانبار بەڕێوە نەبات.
لەو پەیوەندییەدا کۆمیسێری مافی مرۆڤی دەوڵەتی ئاڵمان بە بڵاوکردنەوەی بیاننامەیەک سەرەڕای ئەوەیکە داوای لە رێژیمی ئێران کردووە کە حوکمی ئیعدامی سامان نەسیم رابگرێت، رایگەیاندووە کە هەر دوو کۆنڤانسیۆنی رێکخراوی نەتەوە یەکگرتووەکان لە بواری مافی منداڵان و رێکەوتنە نێودەوڵەتییەکانی مافی مەدەنی و سیاسی کە دەوڵەتی ئێرانیش قەبووڵی کردووە حوکمی ئیعدامی کەسانی ژێر تەمەنی یاسایی لەو وڵاتە رابگرێت.
رۆژی رابردوو سەبارەت بە ئەگەری کە سێدارەدانی سامان نەسیم دوای راگواستنی بۆ ژووری تاکەکەسیی ئورمیە سلیل شتی، سەرۆکی رێکخراوی لێبوردنی نێونەتەوەیی جارێکی دیکە لەسەر پێویستی پشتیوانی لە سامان نەسیم و راگرتنی حوکمی ئیعدامی سامان نەسیم جەختی کردەوە.
هەروەها بەپێی ئەو داواکارییانە کە لە رێکخراوی نەتەوە یەکگرتووەکان کرابوو ئەحمەد شەهد و کریستۆف هینز هەواڵنێرانی رێکخراوی نەتەوە یەکگرتووەکان بۆ دۆخی مافی مرۆڤ لە ئێراندا و ئیعدامی بان یاسایی، لە بەیاننامەیەکی هاوبەشدا داوایان لە رێژیمی ئێران کردبوو کە ئیعدامی سامان نەسیم، زیندانیی سیاسیی کورد رابگرێت.
لەو پەیوەندییەدا دوابەداوای ناڕەزایەتییەکانی ناوەندەکانی مافی مرۆڤ لە ئەگەری بەڕێوەچوونی ئیعدامی سامان نەسیم، وێگر سترومەن، سکرتێری گشتیی وەزارەتی دەرەوەی نورویژ کە بۆ دانوستانەکان چووبووە تاران نیگەرانیی دەوڵەتی نورویژی سەبارەت بە ژمارەی باڵای ئیعدامەکان لە ئێراندا دەربڕی و داوای کرد حوکمی ئیعدامی سامان نەسیم رابگرێت.
لە ماوەی چەند رۆژی رابردوودا رێکخراوی نەتەوە یەکگرتووەکان، کەمپەینی نێونەتەوەیی مافی مرۆڤ لە ئێران، فێدراسیۆنی نێودەوڵەتی کۆمەڵگاکانی مافی مرۆڤ، کۆمەڵگای داکۆکیکار ل ەمافی مرۆڤ لە ئێران (LDDHI)، کانوونی داکۆکیکارانی مافی مرۆڤ (DHRC) و چەندین رێکخراو و ناوەندی داکۆکیکاری مافی مرۆڤ و هەروەها چەندین چالاکی سیاسی، مەدەنی و مافی مرۆڤی کورد و ئێرانی، نیسبەت بە بەڕێوەچوونی حوکمی ئیعدامی سامان نەسیم ناڕەزایەتیان دەربڕیوە و داوایان کرد کە ئەو حوکمە بەڕێوە نەچێت.
داواکاریی هەمە لایەنەی چالاکانی مافی مرۆڤ و رێکخراو و ناوەندەکانی داکۆکیکاری مافی مرۆڤی نێودەوڵەتی و هەواڵنێرانی بێ‌سنوور و هەروەها یەکیەتیی ئورووپا، دەوڵەتی نورویژ و کۆمیسێری مافی مرۆڤی ئاڵمان و سەرۆکی رێکخراوی لێبوردنی نێودەوڵەتی و ویژدانی ئاگای کۆمەڵگای جیهانی بۆ راگرتنی حوکمی ئیعدامی سامان نەسیم لە حاڵێکدایە کە ژمارەیەک بەکار هێنەری تۆڕە کۆمەڵایەتییەکان و بەتایبەت لە پۆستەکانی کانالی بی.بی.سی لە فەیسبووکدا (B.B.C in Facebook) هەڵوێستی رەگەزپەرەستانەیان گرتبوو و داوایان کردبوو کە ئەو لاوە کوردە لە سێدارە بدرێت.
بەکارهێنەرانی رەگەز پەرەستی قەومی فارس (راسیست) لە نووسراوەکانی خۆیاندا سەرەرای هێرش بۆ سەر رێکخراوی لێبوردنی نێودەوڵەتی داوایان کردبوو کەسامان نەسیم بە هۆی ئەندامەتی لە یەکێک حیزبە ئۆپۆزیسیۆنەکانی رێژیمی ئیسلامیی ئێران ئیعدام بکرێت.
ماڵپەڕی کوردستان میدیا، لە راپۆرتێکدا بەم جۆرە رادەگەێنێت کە دوای راگواستنی سامان نەسیم بۆ ژووری تاکەکەسی زیندانی ئورمیە لە چارەنووسی سامان نەسیم و ٥ زیندانی سیاسیی کوردی دیکە هیچ زانیاریەک لەبەر دەستدا نییە و لە ئەگەری هەر چەشنە زانیارییەک لە چارەنووسی و دۆخی ئەو زیندانییە سیاسییە کوردانەی مەحکووم بە ئێعدام رای گشتی ئاگادار دەکاتەوە.
ئاویەر. ت
