• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٨ی ئوکتۆبەری ٢٠١٧ی زایینی - ٢٦ی رەزبەری ١٣٩٦ی هەتاوی  

راگەیەندراوی دەفتەری سیاسیی حیزبی دێموكرات بە بۆنەی بەڕێوەچوونی نۆهەمین پلینۆمی كۆمیتەی ناوەندی

زایینی: ٢٤-٠٢-٢٠١٥ - هەتاوی: ١٣٩٣/١٢/٠٥ - ١٢:٥٦ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
راگەیەندراوی دەفتەری سیاسیی حیزبی دێموكرات بە بۆنەی بەڕێوەچوونی نۆهەمین پلینۆمی كۆمیتەی ناوەندی
کوردستان میدیا: دەفتەری سیاسیی حیزبی دێموکراتی کوردستانی ئێران بەبۆنەی بەڕێوەچوونی پلینۆمی نۆهەمی کۆمیتەی ناوەندییەوە، راگەیەندراوێکی بڵاو کردوە.

دەقی ئەم راگەیەندراوە بەم چەشنەیە:

نۆهەمین پلینۆمی كۆمیتەی ناوەندیی حیزبی دێموكراتی كوردستانی ئێران هەڵبژێردراوی كۆنگرەی پازدەهەمی حیزب کاتژمێر ٩ی بەیانی رۆژی شەممە رێکەوتی ٢ی رەشەمەی ساڵی ١٣٩٣ی هەتاوی بەرانبەر بە ٢١ی فێڤرییەی ٢٠١٥ی زایینی بە بەشداریی زۆربەی ئەندامانی ئەسڵی ‌و جێگری كۆمیتەی ناوەندی لە بنكەی دەفتەری سیاسیی حیزب پێكهات ‌و پاش ٣ رۆژ كاری بەردەوام، ئێوارەی رۆژی دووشەممە رێکەوتی ٤ی رەشەمە كۆتایی بە كارەكانی هێنا.

نۆهەمین پلینۆمی كۆمیتەی ناوەندی سەرەتا بە خۆلەكێك بێ‌دەنگی‌ و بە پێوەراوەستان بۆ رێزگرتن لە گیانی شەهیدان بە تایبەت شەهیدانی ئەم دوایانەی كوردستان دەستی پێكرد.

پاشان بە پێی دەستووری كاری دیاریكراو كە پێشتر بە ئاگاداری ئەندامانی رێبەرایەتی حیزب گەیشتبوو سكرتێری گشتیی حیزب بەڕێز مستەفا هیجری باسێكی سیاسی لەسەر بارودۆخی ئێستای ناوچەی رۆژهەڵاتی نێوەڕاست، ئێران ‌و كوردستان بەگشتی ‌و مەسەلەكانی پەیوەندیدار بە حیزبی دێموكراتی كوردستانی ئێران پێشكەشی پلینۆم كرد.

لە باسە سیاسییەكەیدا سكرتێری گشتی حیزب‌ و لە پەیوەندی لەگەڵ وەزعی وڵاتانی ناوچەدا پێكهاتن، سەرهەڵدان ‌و كردەوەكانی دەوڵەتی ئیسلامی "داعش"‌ و شوێندانەریی لەسەر دۆخی ناوچەكە سەرنجێكی تایبەتی پێدرا بوو.

لەو بەشەدا ئاماژە بە نفوزی عوامیلی كۆماری ئیسلامی ئێران، حكوومەتی بەغدا، بەشار ئەسەد، حیزبوڵڵای لوبنان ‌و هێندی لایەنی دیكە بە مەبەستی لاوازكردنی پێگەی سیاسیی سوننە ‌و كورد لە عێراق كرا بوو كە ئاكامەكەی بوو بە هۆی بەهێز بوونی داعش‌ و لەو رێگایەشەوە زەمینە خۆشكردن بۆ دەست تێوەردان‌ و نفوزی زیاتر ‌و ئاشكراتری كۆماری ئیسلامی ئێران لە عێراق. لە هەمانكاتدا بە تێوگلاندنی كورد لە شەڕی داعشدا هەزینەیەكی گیانی‌ و ماڵی زۆری بەسەر كورددا سەپاند، ئەوەش لە حاڵێكدا بوو كە پێشتر دەسەڵاتی ناوەندی لە عێراق بودجەی هەرێمی كوردستانی بڕی بوو كە ئەوەش بوو بە هۆی پێكهاتنی تەنگەژەی ئابووری لە هەرێمی كوردستان ‌و لە هەل‌ومەرجێكی ئەوتۆشدا شەڕی داعش لە ناوچە جیاجیاكانی عێراق زیاتر لە یەك میلیون ئاوارەی رەوانەی هەرێمی كوردستان كرد كە حەوانەوە‌ و پێڕاگەیشتن ‌و نیشتەجێ‌كردنیان قورسایەكی تایبەتی خستە ئەستۆی هەرێمی كوردستان.

هەر لەو پەیوەندییەدا ئاماژە بە سیاسەتی كۆماری ئیسلامی لە شەڕی داعشدا كرا بوو كە بە نیازن مەبەستی پاراستنی ناوچە شیعەنشینەكانی عێراق ‌و دەرەتان دان بە داعش بۆ دەست بەسەرداگرتنی چالە نەوتیەكان بە تایبەت لە ناوچە كوردستانییەكانی دەرەوەی هەرێمی كوردستان بۆ ئەوەی دواتر بە بیانووی گرتنەوەیان لەلایەن هێزی كۆماری ئیسلامی ئێران‌ و میلیشیا شیعەكانەوە لەو ناوچانە جێگیر بن ‌و لە دەسەڵاتی هەرێمی دەربێنن.

لە بڕگەیەكی دیكەی باسەكەی سكرتێری گشتی ‌و لە پەیوەندی لەگەڵ ئێراندا مەسەلەی وتووێژی ئەتۆمی كۆماری ئیسلامی ‌و وڵاتانی ١ + ٥دا هاتبوو كە لەوانەیە كۆماری ئیسلامی ئێران ناچار بە قبوولی مەرجەكانی رۆژئاوا بی بۆ ئەوەی گەمارۆكانی لەسەر لابچێ‌. هەل‌ومەرجێكی ئەوتۆ یارمەتیدەر دەبێ‌ بۆ ئەوە ئاڵوگۆڕێكی هەرچەند كەم لە ژیان ‌و گوزەرانی خەڵكی ئێراندا پێك بێ‌. بەڵام سەركوتی خەڵك ‌و ئازادیخوازان‌ و رەوتی ئیعدامەكان هەروا درێژەیان دەبێ ‌‌و دەرەتانی دەخاڵەت ‌و دەستێوەردانی كۆماری ئیسلامی لە وڵاتانی ناوچە‌ و یارمەتیدانی زیاتر بە گرووپە توندڕەو‌ و تیرۆریستەكانی بۆ دەرەخسێ‌.

لە باسە سیاسییەكەی سكرتێری گشتییدا وەزعی هەرێمی كوردستان گرنگییەكی تایبەتی پێدرا بوو. ئاماژە بەوە كرابوو كە حكوومەتی هەرێمی كوردستان لە حاڵی ئێستادا لەگەڵ كۆمەڵێك گیروگرفتی تایبەتی بەرەوڕوویە. چوونكە شەڕی داعش هێزێكی زۆری ئینسانی‌ و هەزینەیەكی قورسی ماڵی بەسەر هەرێمی كوردستاندا سەپاندووە، جیا لەوە كێشەی بەغدا لەگەڵ هەرێم بەچارەسەر نەكراوی ماوەتەوە، دووبەرەكی هێزە سیاسییەكانی بەشدار لە حكوومەتدا نەبڕاوەتەوە، نەبوونی فەرماندەیی یەكگرتوو بۆ هێزی پێشمەرگە ئەویش لە هەل‌ومەرجێ شەڕدا پێك نەهاتووە، خەراپی باری ئابووری چالاكیی كۆمپانیاكانی راگرتووە ‌و زۆربەی پرۆژەكان بە ناتەواوی ماونەوە، نیگەرانی سەرمایەگوزاری دەرەكی سەری هەڵداوە كە هەمووی ئەوانە گرفتی بەرچاون لەبەردەم حكوومەتی هەرێمی كوردستاندا.

بەڵام سەرەڕای ئەم وەزعە درووستبوونی هاوپەیمانی رۆژئاوا بۆ لێدان لە داعش‌ و پاراستنی هەرێمی كوردستان‌ و راهێنانی هێزی پێشمەرگە ‌و چەكداركردنیان بە كەرەسەی پێویست یارمەتیدەر بوون بۆ ئەوەیكە خۆڕاگری خەڵكی كوردستان ئیعتبارێكی بەرچاو بۆ كورد لە كۆڕ‌ و كۆمەڵە نێونەتەوەیییەكان درووست بكا. هەر لەو كاتەدا بەرگری ‌و خۆڕاگری ئازایانە ‌و گیانفیدایی هێزی پێشمەرگەی كوردستان بۆ بیروڕای گشتی جیهانی ‌و خەڵكی عێراق ‌و بە تایبەتی رۆڵەكانی نەتەوەی كورد بە شێوەیەكی بەرچاو سەرنج راكێش بوو، فشاری ئامریكا بۆ سەر عبادی سەرۆك وەزیرانی عێراق بۆ نەرمی نواندن بەرانبەر داخوازییەكانی كورد ئاكامی ئەو هەڵوێست‌ و خۆراگرییەی خەڵكی هەرێمی كوردستان بوو.

لەو پەیوەندییەدا پلینۆم رێز‌وپێزانینی خۆی پێشكەشی هێزی پێشمەرگەی كوردستان كرد‌ و لەگەڵ بنەماڵەی سەربەرزی شەهیدان هاوسۆزی ‌و هاوخەمی خۆی دەربڕی ‌و سەركەوتنی هێزی پێشمەرگەی بەسەر دوژمنانی كورد‌ و ئازادیدا بە ئاوات خواست.

لە بڕگەیەكی دیكەی باسە سیاسییەكەی سكرتێری گشتیدا ئاوڕ لە رەوتی ئاشتی لە نێوان حكوومەتی توركیە ‌و پەكەكە درا بۆوە ‌و ئاماژە بەوە كرا بوو كە هەرچەند ئەم رەوتە هەورازونشێوی جۆراوجۆری تێكەوتووە ‌و كەند‌وكۆسپی هاتووەتە سەر رێ بەم حاڵەش جێگای خۆشحاڵی بوو كە هیچ لایەك لەو رەوتەدا هیوابڕاو نەبوون. پلینۆم هیوای ئەوەی خواست كە ئەم رەوتە بەهەست بە بەرپرسایەتی زیاتر ‌و درێژەدان بە رەوتەكە ئەم مەسەلەیە بە ئەنجامی دڵخواز بگەیەنن كە هەم لە بەرژەوەندی كورد‌ و هەم وڵاتی توركیەدا دەبێ‌.

لە باسە سیاسییەكە ‌و لە پەیوەندی لەگەڵ كوردستانی رۆژئاوادا پلینۆم خۆشحاڵی خۆی لە رزگاربوونی كۆبانێ ‌‌و سەركەوتنی شەڕوانان ‌و هێزی پێشمەرگە دەربڕی ‌و هەڵوێستی توركیەی بە رێگەدان بە هێزی پێشمەرگەی هەرێمی كوردستان بە مەبەستی بەشداری لە شەڕی داعش لە كۆبانێ ‌‌و یارمەتی گەیاندنی بە شەڕوانان بە هەڵوێستێكی ئەرێنی سەیر كرد.

هەر لەو پەیوەندییەدا‌و لە كاتیكدا كە شكستهێنان بە داعش لە كۆبانێ‌ ‌و دەورووبەری شەپۆلێكی شادی‌ و شانازیكردن بەرانبەر بە شەڕوانان ‌و هێزی پێشمەرگەی تەنانەت لە رادەی ناوچەیی ‌و جیهانیدا لێكەوتەوە‌ و هەر بەم بۆنەشەوە پلینۆم رێزی تایبەتی خۆی بۆ شەڕوانان‌ و هێزی پێشمەرگە دووپات كردەوە ‌و لەگەڵ بنەماڵەی شەهیدانی ئەو خۆڕاگرییە هاوسۆزی‌ و هاوخەمی نیشاندا. لە هەمانكاتدا ئەو كەمایەسییەشی لەبەرچاو بوو كە ناهەماهەنگی‌ و یەك نەگرتوویی هێزە سیاسییەكانی كورد لە كوردستانی رۆژئاوا لە بەڕێوەبردنی هاوبەشی ناوچەكان هەروا لە جێگای خۆیەتی ‌و مەسەلەیەكە كە پێویستە گرینگی زیاتری پێ بدرێ‌.

لە باسە سیاسییەكەی سكرتێری گشتیدا وەزعی كوردستانی رۆژهەڵات گرینگی تایبەتی پێدرا بوو هەروەها ئاماژە بەوە كرا بوو كە لە ماوەی نێوان پلینۆمی پێشو‌و و ئەم پلینۆمەدا بێجگە لە خراپتربوونی وەزعی ژیان ‌و گوزەرانی خەڵك، ئەمنییەتیتر كردنی زیاتری كوردستان‌ و چوونە سەرێ‌رێژەی ئیعدامەكان ‌و پێكهێنانی كەش ‌و هەوایەكی پر زەبر‌وزەنگ‌ و لە دڵخۆرپە بۆ خەڵك، بە تایبەتی بۆ بنەماڵەی زیندانیانی سیاسی ئاڵوگۆڕی ئەرێنی بەرچاو ناكەوێ‌. بەڵام سەرەڕای ئەم وەزعە نیشانەكانی بەربەرەكانی خەڵك لە دەرفەتە جۆراوجۆرەكاندا دەبیندرێ‌كە مانگرتنی زیندانیانی سیاسیی كورد لە ئورمیە ‌‌و خۆپیشاندانەكانی خەڵكی كوردستان بۆ پشتیوانی لە شنگاڵ ‌و كۆبانێ‌ ‌و مانگرتنی مامۆستایانی قوتابخانەكان نموونەیەكن لەو چالاكیانە، پلینۆم بە چاوی رێزەوە روانیە ئەو چالاكییانە ‌و وێڕای مەحكومكردنی كۆماری ئیسلامی لە ئیعدامی رۆڵەكانی نەتەوەی كورد هاوسۆزی‌ و هاوخەمی خۆی لەگەڵ بنەماڵەی شەهیدانی ئەم دوایانە دەربڕی.

لە بڕگەیەكی دیكەی كاری پلینۆم ‌و لە پەیوەندی لەگەڵ راسپاردەی كۆمیتەی ناوەندی پەیوەندیدار بە مەسەلەی ماڵی حیزب ‌و گرتنەبەری رێكارێكی پێویست بۆ ئەم مەسەلەیە راگەیەندرا كە لەو بارەوە هەنگاوی ئەرێنی لە زۆر بارەوە هەلگیراوە. بۆیە پلینۆم سوپاسی هەموو ئەندامان، بنەماڵەكان ‌و ئورگانەكانی حیزب و هەموو ئەوانەی كرد كە یارمەتیدەر بوون، بە تایبەت كۆمیتەكانی حیزب لە دەرەوەی وڵات كە هەوڵ‌ و هەنگاوەكانیان ئەرێنی ‌و جێگای پێزانین بوو.

بڕگەیەكی دیكەی باسەكان بریتی بوو لە گوێگرتن ‌و باس كردنی رەوتی وتووێژەكان لەگەڵ هاوڕێیانی پێشوو لەو پێوەندییەدا پلینۆم پشتیوانی لە هەوڵی دەفتەری سیاسی بۆ درێژەدان بە وتووێژ لەگەڵ هاوڕێیانی پێشوو بە مەبەستی یەكگرتنەوە لە حیزبی دێموكراتی كوردستانی ئێراندا كرد ‌و دەفتەری سیاسی راسپاردەوە كە لە چوارچێوەی بڕیاراتی حیزبدا هەوڵی جیددیتر بدا.

دوایین بڕگەی كاری پلینۆم باس‌ و رادەربڕین لەسەر گەڵاڵەیەكی ساختاری حیزب بوو كە پلینۆمی پێشوو هەیئەتێكی بۆ ئامادەكردنی دەستنیشان كرد بوو. ئەو گەڵاڵەیەش پاش بەشداری چالاكانەی ئەندامانی پلینۆم لە باسكردن ‌و دەربڕینی راوبۆچوونەكانیان لەسەر ئەو گەڵاڵەیە بڕیار درا هەیئەتی دەستنیشانكراو جارێكی دیكە بە لەبەرچاوگرتنی راوبۆچوونەكانی پلینۆم بە گەڵاڵەكەدا بچێتەوە‌و پاش گونجاندنی پێشنیارەكان لە پلینۆمی داهاتوودا بخرێتەوە بەرچاوی پلینۆم.

نۆهەمین پلینۆمی كۆمیتەی ناوەندی هەڵبژێردراوی كۆنگرەی ١٥ی حیزب ئێوارەی رۆژی دووشەمە رێكەوتی ٤ی رەشەمە،٢٣ی فێڤرییەی ٢٠١٥ زایینی كۆتایی بە كارەكانی هێنا.

حیزبی دێموكراتی كوردستانی ئێران
دەفتەری سیاسی
٥ی رە‌شەمەی ساڵی ١٣٩٣ی هەتاوی
٢٤ی فێڤرییەی ساڵی ٢٠١٥ی زایینی


بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٠ لەم ژمارەیەدا:

ــ هەموو ڕێگاکان دەچنەوە کوردستان
ــ سەهۆڵبەردان لە ڕۆژهەڵاتی ناویندا
ــ دیپلۆماسیی درۆزنەی نێوخۆیی
ــ زیندانیی سیاسی بوونی نییە
  • ڕەساڵەتی تەنز له شێعری \ ڕەساڵەتی تەنز له شێعری "مەلا مارف کۆکەیی"دا
    کۆمەڵیک ڕووداوی ناخۆش و تاڵ وەک شەڕە جیهانییه‌کان، شەڕی ناوخۆی ئێران، سیڵاوی مەهاباد، کوشتاری خەڵکی ئه‌م شاره و قات و قڕی له ماوەی ژیانی مەلا مارفدا که له سەر هەژاری و نەداری خەڵک شوێندانەر بوو له شێعرکانی ڕەنگدانه‌وەی جیددیان هه‌یه، شاعیری نوکته باز له سەردەمی دیکتاتۆرییه‌تدا زۆر جار به زمانی ته‌نز لۆمه له‌م بارودۆخه دەگرێ.
  • کەریم پەرویزی: خەڵک بە هاتنیان بۆ سەرشەقام، ترسیان لە داپڵۆسینی ڕێژیم ڕەویوەتەوە و لە مەرحەلەیەکی دیکەدا، دەبێت ترسی خەڵک لە زیندان بشکێت و بڕۆنە بەر زیندانەکان و داوای ئازادکردنی گیراوەکان بکەن کەریم پەرویزی: خەڵک بە هاتنیان بۆ سەرشەقام، ترسیان لە داپڵۆسینی ڕێژیم ڕەویوەتەوە و لە مەرحەلەیەکی دیکەدا، دەبێت ترسی خەڵک لە زیندان بشکێت و بڕۆنە بەر زیندانەکان و داوای ئازادکردنی گیراوەکان بکەن
    خرۆشانی جەماوەریی ڕۆژهەڵات و پەیامەکانی لە دوای ئەنجامە ئەرێنییەکەی ڕێفراندۆمی سەربەخۆیی کوردستانی باشوور، مژاری چاوپێکەوتنێکی تەلەفزیۆنی تیشکە لەگەڵ کەریم پەرویزی، ئەندامی دەفتەری سیاسی حیزبی دێموکراتی کوردستانی ئێران کە سەرنجتانی بۆ خوێندنەوەی ڕادەکێشین.
  • بەرەو درووستکردنی حکوومەتێکی سەربەخۆ و دێموکرات لە باشوور بەرەو درووستکردنی حکوومەتێکی سەربەخۆ و دێموکرات لە باشوور
    چوار فاکتۆری سەرچاوە گرتنی ئەم سەربەخۆییە لە ئیرادەی گشتی، دادپەروەری وەک بناغەی ئەو حکوومەتە، دێموکراسی و هەبوونی هێزی پێشمەرگە بۆ دابین کردنی ئاسایش و ئاسوودەیی هاووڵاتیان لەو فاکتۆرانەن کە لە بەرژەوەندیی حکوومەتی سەربەخۆی باشووری کوردستان دا دەبن.
  • باشووری کوردستان و بنچینەی خەباتی گەلی کورد باشووری کوردستان و بنچینەی خەباتی گەلی کورد
    ئێمە دەبێ سەرەتا لە هەناوی کۆمەڵگەی خۆماندا حزوورمان هەبێت و ئاگاداری هەموو گرفت و خەسڵەتەکانۆ کۆمەڵگەی خۆمان بین و بتوانین جیاوازییە هەرێمی و ناوچەییەکان بناسین، هەتا بتوانین بەرنامە و پرۆژەکانمان لەسەر بنەمای واقیعی کۆمەڵگەکەمان بێت.
  • چیرۆکی منداڵانی بێ‌‌سەرپەرەست لە ئێران چیرۆکی منداڵانی بێ‌‌سەرپەرەست لە ئێران
    سەرئەنجام دوای پڕۆسەی قانوونی، ماری و مێردەکەی پێکەوە لە ئافریقاڕا کچێک و کۆڕێکیان وەک منداڵی خۆیان وەرگرت. ئێستا ئەوان ١٤ ساڵ و ١٢ ساڵ تەمەنیانە و وەک هەر منداڵێکی دیکە دەچنە قوتابخانە و ژیانێکی باشیان هەیە.
  • خۆكوژی كۆتاییەكی تراژێدیك خۆكوژی كۆتاییەكی تراژێدیك
    دیاردەگەلێك كە بەربەستن لە بەردەم بەرزەفڕی مرۆڤ و وەك نەخۆشییەك خەون و ئارەزووەكانی مرۆڤ تووشی بەلاڕێداچوویی دەكەن و لە ئاكامدا ئەوە ئەو دیاردانەن كە زۆرجار زاڵ دەبن بەسەر مرۆڤدا. خۆكوژی یەكێك لەو دیاردانەیە كە ئەمڕۆ بەربینگی مرۆڤی گرتووە و بووەتە دیاردە لە نێو هەموو كۆمەڵگا مرۆییەكانی جیهاندا.
  • ڕاسان پرۆژەیەکی سیاسی نوێ لە خەباتی ڕۆژهەڵاتدا ڕاسان پرۆژەیەکی سیاسی نوێ لە خەباتی ڕۆژهەڵاتدا
    زۆربەی بزاڤە ڕزگاریخوازەکانی دنیا لە حاڵەتێکدا سەریان هەڵداوە، کە دیکتاتۆرەکان ویستوویانە لە ڕێگای ئامرازەکانی هێز و دەسەڵاتەوە ڕێککەوتنێکی مڵکەجبوون لە نێوان خۆیان و کۆمەڵگادا ساز بکەن و کۆمەڵگا ملکەجی بەرژەوەندییەکانی خۆیان بکەن و ئەدەبیاتێک لە سەر کۆمەڵگا زاڵ بکەن کە لە ڕاستای دەسەڵاتی ئەواندا بێت و سەروەری ئەوانی تێدا گارانتی کرابێت.
  • دیپلۆماسیی درۆزنەی نێوخۆیی دیپلۆماسیی درۆزنەی نێوخۆیی
    کەوایە بەپێی وتەی بەرپرسانی ڕێژیم، خامنەیی ڕاستەوخۆ لە هەڵبژاردنی هەموو وەزیرەکانی رووحانیدا دەستی هەیە، ڕەنگە لێرەدا بگوترێ: "بۆخۆت بەخێر بێیتەوە، ئاگات لە کوێیە؟"
  • هەموو رێگاکان دەچنەوە کوردستان هەموو رێگاکان دەچنەوە کوردستان
    لە دوای ٥٧ و خۆسەپاندنی رێژیمی ئیسلامی بەسەر گشتایەتیی جوغرافیای ئێراندا، کوردستان بوو بە مەکۆی گشت لایەنە پەراوێزخراوەکان، ئەو رۆژانە زۆر لایەن بوون کە لە نیشتمانی کوردەکاندا داڵدە درابوون، حیزبە کوردییەکان بە سینگ ئاوەڵاییەوە وەریانگرتن.
  • سەهۆڵبەردان لە رۆژهەڵاتی ناویندا سەهۆڵبەردان لە رۆژهەڵاتی ناویندا
    پەرەئەستاندنی دێموکراسی و پتەوبوونی پەیوەندیی لە نێوان ئەمریکا، وڵاتانی ئەورووپی، ژاپۆن، کورەی باشوور و ئوسترالیا "بەراییەکی ئاشتی" (zone of peace) لێ کەوتووەتەوە. دێموکراسی هەروەها ڕای گشتی کردووەتە فاکتەری سنووردارکەر، هەڵبەت نەک ڕێگر، لە پەیوەندی لەگەڵ شەڕکردنی وڵاتانی دێموکراتیکدا.
  • زیندانیی سیاسی بوونی نییە زیندانیی سیاسی بوونی نییە
    لە وڵاتێکی ژێر دەسەڵاتێکی دیکتاتۆری و فاشیستیدا، شتێک بە ناوی زیندانیی سیاسی ناتوانێ مانایەکی هەبێ و ئاماژەیەک بۆ شتێکی راستەقینە نابێ. لە راستیدا چەمکی زیندانیی سیاسی دەتوانێ چەمکێکی چەواشەکارانە و بەلاڕێدابەرانە بێ.
  • ئەحمەد شێربەگی: دوكتور سه‌عید پێی وابوو كه‌ هه‌ر به‌شێكی كوردستان ڕزگاری بێ، كارتێكه‌ری خۆی له‌سه‌ر به‌شه‌كانی دیكه‌ی كوردستان ده‌بێ ئەحمەد شێربەگی: دوكتور سه‌عید پێی وابوو كه‌ هه‌ر به‌شێكی كوردستان ڕزگاری بێ، كارتێكه‌ری خۆی له‌سه‌ر به‌شه‌كانی دیكه‌ی كوردستان ده‌بێ
    بە بۆنەی ٢٥ـەمین ساڵڕۆژی شەهیدانی بێرلین لە لایەن دیپلۆمات تێرۆریستانی نێردراوی ڕێژیمی ئیسلامیی ئێران ڕۆژنامەی کوردستان ئۆرگانی کۆمیتەی ناوەندیی حیزبی دێموکراتی کوردستانی ئێران وتووێژێکی لەگەڵ "ئەحمەد شێربەگی" بێژەری بەناوبانگی ڕادیۆ دەنگی کوردستانی ئیران پێک هێناوە کە دەقی ئەم وتووێژە بەم چەشنەیە:
  • شەرەفکەندی، قارەمان یا پاڵەوان؟ شەرەفکەندی، قارەمان یا پاڵەوان؟
    لە ڕاستیدا خودی وشەی "شۆڕش" (انقلاب) واتە گۆڕانێکی بنەڕەتی لە ناوەڕۆکدا؛ ئەوەش پێویستی بە هەندێک هۆکاری تایبەتی و گشتی هەیە کە هۆکارە تایبەتییەکە ئەوەیە سەرتاسەری شۆڕشەکانی مێژوو بە دەست کەسانی نوخبه و زانای کۆمەڵگای نێوخۆی خۆیان کراوە جا ئەم کەسانە لە هەر چین و توێژێکی کۆمەڵگا بن و بە هەر جۆرە بیرۆکەیەک.
  • کرماشان، لانکەی کولتوور و ژیاری مرۆیی لە کوردستان کرماشان، لانکەی کولتوور و ژیاری مرۆیی لە کوردستان
    لە ساڵانی ١٣٣٠ی (١٩٥٢ی زایینی) هەتاوی بەئەملا لەسەر دەستی كەسانێكی تر و نەوەیەكی تر شەپۆل و رەهەندێكی دیكە لە نووسین و داهێنانی ئەدەبی و بەتایبەت ژانری شیعر لە كرماشان و ئیلام سەر هەڵدەدەن و دەبنە ئاوێنەی باڵانوێنی كۆمەڵ و لەباری فەرهەنگییەوە پێشەنگایەتیی ئەو قۆناغە دەگرنە ئەستۆ.