کوردستان میدیا

ماڵپەڕی ناوەندیی حیزبی دێموکراتی کوردستانی ئێران

پیلانە دزێوەکانی رێژیمی ئێران بۆ پێشگرتن له‌ به‌ڕێوه‌چوونی‌ جه‌ژنی‌ نەتەوەیی نه‌ورۆز

14:29 - 12 رەشەمه 2714

کوردستان میدیا: رێژیمی ئێران بۆ پێشگرتن لە بەڕێوەچوونی جەژنی نەتەوەیی نەورۆز لە کوردستانی رۆژهەڵات ئەو دەنگۆیەی بڵاو کردووەتەوە کە ئەگەر کوردەکان ئاگری نەورۆز بکەنەوە داعش ئەو ١٧ پێشمەرگە دیلەی ئاگر تێبەردەدا.


بەپێی راپۆرتی ماڵپەڕی کوردستان میدیا، رێژیمی ئیسلامیی ئێران لە کوردستانی رۆژهەڵات بە تایبەت لە شاری سەقز ئەو دەنگۆیەی بڵاو کردووەتەوە کە گرووپی تێرۆریستیی داعش رایگەیاندووە ئەگەر کوردەکان ئاگری نەورۆز بکەنەوە ئەو ١٧ پێشمەرگە دیلە لە ئاگردا دەسووتێنن.

رێژیم ئه‌م ده‌نگۆیه‌ی‌بەر بڵاوی بڵاو كردووەته‌وه‌له‌به‌ر ئه‌وه‌یکە‌خه‌ڵك ئاگری‌نه‌ورۆز نه‌كاته‌وه ‌‌و پێش به‌به‌ڕێوه‌چونی‌خۆشی ‌‌و شایی‌نه‌ورۆز له‌خه‌ڵك بگرێت.

رێژیمی ئیسلامیی ئێران هەموو ساڵی لە بەرەبەری جەژنی نەورۆزدا لە رۆژهەڵاتی کوردستان سەرەڕای گوشار و زەختی هێزە ئەمنیەتییەکان بە فەرمی داوا لە خەڵک دەکات کە رێوڕەسمی جەژنی نەورۆز بەڕێوە نەبەن.

ئەمساڵیش رێژیم لە راگەیەندراواێکی فەرمیدا بڵاوی کردووەتەوە کە هەر جۆرە کۆبوونەوەیەک بۆ بەڕێوەبردنی جەژنی نەورۆز لە سەرتاسەری ئێران قەدەغەیە.

گادەر. د