• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٤ی فێڤریەی ٢٠١٨ی زایینی - ٠٥ی رەشەمەی ١٣٩٦ی هەتاوی  

كۆماری ئیسلامی چ خەونێک بۆ عێراق دەبینێ؟ (مستەفا هیجری)

زایینی: ٠٩-٠٣-٢٠١٥ - هەتاوی: ١٣٩٣/١٢/١٨ - ١٦:٤٤ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
كۆماری ئیسلامی چ خەونێک بۆ عێراق دەبینێ؟ (مستەفا هیجری)
مستەفا هیجری

بە پێی ئەو زانیارییانە كە لەبەردەستدابوون نزیك بە ساڵێك لەوە پیش رامانگەیاند كە خەلافەتی ئیسلامی(داعش) پەروەردەكراوی دەستی كۆماری ئیسلامیی ئێران ‌و هاوپەیمانەكانی لە ناوچە دایە، دوای ئەو ماوەیە چۆنیەتی بەهێزبوون‌ و پەرەگرتنی خێرای ئەو گرووپە تیروریستی ـ ئیدئۆلۆژیكییە لە هێندێك سەرچاوەی دیكەوە سەرهەڵدەدەن، یەك لەوان رۆژنامەیەكی ئینترنیتی ( خەلیج ئانلاین)ە .

چۆنیەتی پلانەكە بەم شێوەیە كە كاتێك داعش وەكوو گرووپێك لە ئەلقاعیدە جیا دەبێتەوە كۆماری ئیسلامی بە یارمەتیی حكوومەتی بەشار ئەسەد، حیزبوڵڵای لوبنان ‌و مالكی بە خێرایی دەكەونە نفووز پێدانی دەست پەروەردەكانی خۆیان بۆ نێو ئەو گرووپە‌ و ئازاد كردنی زیندانییەكانیان كە لە زیندانەكانی عێراقدا بوون، بۆ ئەوەی رەوتی هێرشەكانی داعش بەرەو ئەو شوێنانە راكێشن كە خزمەت بەئامانجەكانی ئەوان بەتایبەت كۆماری ئیسسلامیی ئێران بكا.

لە سووریە لەو سیاسەتەدا سەركەوتوو بوون ‌و بەهۆی ئەو جینایەت ‌و كارەساتە مرۆڤییانەی خولقاندیان توانیان جیهان، بەتایبەت خۆرئاوا چەواشە بكەن. شێوەی كوشتارەكانی داعش ‌و هەڵس‌وكەوتی ئەوەندە قیزەونانە بوون كە رووی جینایەتەكانی بەشار ئەسەدی سپی كردووە، بۆیە دنیا كەوتە گومانەوە كە رەنگە جارێ مانەوەی بەشار ئەسەد لە دەسەڵاتدا باشتر بێ لەوەی دەسەڵات بكەوێتە دەستی ئەو گرووپە.

بەڵام عێراق ـ كە مەبەستی ئێمە لەو وتارەدایە ـ دوای پاشەكشەی سوپای عێراق لە مووسل كە بە پێی هێندێك سەرچاوەی باوەڕپێكراو بە پێی پلانی لە پێشدا دیاریكراوی سەرۆك وەزیرانی ئەو كات روویدا، داعش بوو بە خاوەنی هەموو ئەو چەك ‌و كەرەستە ‌و پارەیە كە لەو شارە گەورە ‌و گرنگەدا بوو. لەو كاتەدا هەموو چاوەڕوانییەكان ئەوە بوون كە داعش مل دەنێ بەرەو بەغدا‌و حكوومەت دەرووخێنێ، بەڵام كۆماری ئیسلامیی ئێران خەونێكی دیكەی بۆ عێراق دیبوو:
١ـ بە پێی زانیاریییەكان، كۆماری ئیسلامی بە هۆی مۆرەكانی خۆی ‌و هاوپەیمانەكانی لە نێو داعشدا، توانی هێرشی داعش لە جیاتی بەغدا بەرەو باشووری كوردستان بكاتەوە. مەبەست لەو پلانە، داگیركردن ‌و وێرانكردنی كوردستان ‌و خستە مەترسیی حكوومەتی هەرێم بوو، بۆ سزادانیان.

پێكهاتنی حكوومەتی هەرێمی باشووری كوردستان لە تەنیشت سنوورەكانی خۆرهەڵاتی كوردستان كە ساڵ لەگەڵ ساڵ لە گەشەكردنی، ئابووری، سیاسی‌و ئاوەدان‌كردنەوەدا بوو ‌و زیاتر لە بەغدا بە ناوەندی سیاسی ‌و بازرگانی عێراق ئەژمار دەكرا، بەتایبەت بە دەرهێنانی نەوت لەو بەشەدا بەهۆی كۆمپانیا بەناوبانگەكانی جیهان خەریك بوو پشتیوانییەكی ئابووری بۆ ئەگەری سەربەخۆیی خۆی دەستەبەر بكا ـ دەنگی راگەیاندنی سەربەخۆیش جار نەجارێك بەرز دەبووە ـ بۆ ئێران قەبووڵ نەدەكرا.

بۆیە، سەرەڕای گەمارۆی ئابووریی كوردستان لەلایەن بەغداوە، كوردستانیان تووشی شەڕێكی خوێناوی و پڕ تێچوو كرد كە بێجگە لە خەسار‌ و زیانی گیانی كە تا ئێستا بە هەزاران شەهید ‌و برینداری لێكەوتووەتەوە، بە دەیان هەزار لە خەڵكی ئەم شوێنانە ئاوارە بوون ‌و بە سەر حكوومەتی هەرێمەوە بوون بە باری گران ‌و شەڕیش هەروا درێژەی هەیە ‌و كۆتایییەكەی نادیارە.

زانیارییەكان پێمان دەڵێن كە خەونەكەی كۆماری ئیسلامی بۆ باشوور بریتی لە برسی‌ و چاو لەدەستی بەغدا كردنی ئەو بەشەی كوردستان، داگیر كردنەوەی ئەو بەشە لە كوردستان كە پێشتر لەبەردەستی حكوومەتی هەرێمدا نەبوو ‌و بە دوای هێرشی داعش ‌و پاشەكشەی هێزەكانی بەغدا لەو شوێنانە، پێشمەرگە دەستی بەسەردا گرت، بەتایبەت ئەو شوێنانەی كە لەو ناوچانەدا نەوتیان لێ بەرهەم دێ بە كەركووكیشەوە.

حەشدی شەعبی كە لە راستیدا هێزی ( بسیج)ی كۆماری ئیسلامییە لەگەڵ باقی میلیشیاكان ئەم پلانە هەنگ ا‌و بە هەنگا‌و دەبەنە پێش، ئەمە پلانێكی دارێژراوی رێژیمی كۆماری ئیسلامییە ‌و بەستێنەكەی ماوەیەكە بە هۆی پێكهێنانی دووبەرەكی لە نێوان هێزەكانی باشووری كوردستان، درێژ بوونەوەی شەڕی داعش، ‌و گەمارۆی ئابووری سەر هەرێم فەراهەم كراوە ‌و لە ئێستادا لە حاڵەتی جێبەجێ كردن دایە.

٢ـ بەڵام خەونی كۆماری ئیسلامی بۆ عێراق

عەرەبی سوننە لە ئیستادا لە عێراق بە دوو هۆی گرنگ كەوتوونەتە بەر لێشاوی رق ‌و تۆڵە لێكردنەوە:
ئا ـ شەڕی هەشت ساڵەی نێوان ئێران ‌و عێراق‌ و شكست هێنانی سوپای ئێران لەو شەڕەدا بە دەستی سوپای عێراق‌ و ئەفسەرەكانی سوننی كە جێی متمانەی سەدام حوسێن بوون جێبەجێ‌كرا، بێجگە لە دەیان میلیارد دۆڵار زیانی ماڵی، نێزیك یەك میلیون كەس قوربانی ‌و بریندار كە پشكی زۆری بەر هێزەكانی ئێران كەوت ‌و كاول بوونی دەیان شار ‌و شارۆچكەی ئێران دەسكەوتی ئەو شەڕە بۆ ئێران بوو .

ب ـ لە سەردەمی سەرۆك وەزیریی مالكیدا سوننەكان لە زۆر شوێنی عێراق بە هۆی ناڕازی بوون لە حكوومەت دەستیان دایە راپەڕین دژی دام‌ودەزگاكانی حكوومەت ‌و شارەكانی وەكوو روومادیە، فەلووجە، تكریت ‌و ... لە دەسەڵاتی دەوڵەتییان لەو شوێنانە پاك كردەوە ‌و بۆ خۆیان ئیدارەی ئەو شوێنانەیان بە دەستەوە گرت ‌و كێشە ‌و گرفتی گەورەیان بۆ حكوومەتی بەغدا پێكهێنا.

ئێستا بە پێی پلانی كۆماری ئیسلامی ‌و هەماهەنگیی بەغدا دەبێ‌سوننەی عێراق زەربەیەكی وایان لێ‌بدرێ‌كە هەم تۆڵەی شەڕی ئێران ‌و عێراقیان لێ‌بكەنەوە ‌و هەم جارێكی دیكە نەتوانن پشت راست بكەنەوە‌و لە بەرامبەر بەغدادا راپەڕن یا هەڵوێستێك بگرن.

بۆ ئەو مەبەستە داعش هەڵكەوتێكی ئیدەئالە، لە ماوەی یەكساڵی رابردوودا بە پێی ئەو پلانە داعش كە خۆی بە ئاڵاهەڵگری سوننە ‌و بە دژی شیعە دەزانێ‌، تەنیا ناوچە سوننەنشینەكانی دەستبەسەردا گرتووە ‌و بەلای ناوچە شیعەنشینەكاندا نەچووە. بە هەزاران كەس لە لاوان، سەرۆك عەشیرەتەكان ‌و كەسایەتییە بەناوبانگ ‌و ناسراوەكانی ئەو ناوچانەی كوشتووە، هەرچی ئاسەواری كۆنی ئەو شوێنانەیە كە نیشانەی كولتوور ‌و بەهای مێژوویی ئەو خەڵكەیە لە ناوی بردوون‌ و وێرانی كردوون، بە دەیان هەزار كەس كە دانیشتوانی ئەو ناوچە سوننەنشینانە لە ترسی داعش ناوچەكانی خۆیان بە جێهێشتووە ‌و ئاوارە‌و دەربەدەر بوون.

ئێستاش كە ئوپراسیونێك دەستی پێكردووە بۆ پاككردنەوەی ئەو ناوچانە لە داعش كۆماری ئیسلامی بێجگە لە دامەزراندنی زیاتر لە پێنج هەزار كەس لە هێزەكانی سوپای پاسداران، هێزێكی بە ناوی حەشدی شەعبی پێكهێناوە، رایهێناون‌ و چەكداری كردوون بە مەبەستی شەڕ لەگەڵ داعش، ئەو هێزە، دوای ئەوەی تەیارە بۆمب‌هاوێژەكانی عێراق ‌و ئێران ئەو شارانە دژی هێزەكانی داعش بۆمباران دەكەن ‌و دەیانكەن بە وێرانە، حەشدی شەعبی بە دوای ئەودا ئەوەی كە لەو ناوچانە دەمێنێتەوە وێران ‌و تاڵانی دەكەن. لەو تۆڵەكردنەوەدا شارەكانی تكریت ‌و لە دوای ئەویش مووسل كە هەردووكیان ناوەندی هەرە گرنگی سپا ‌و ئەفسەرانی سەدام حوسێن ‌و سەرهەڵدانی سوننەكان بوون، وێران دەكرێن.

بەم چەشنە كۆماری ئیسلامی دەیەوێ‌نەخشەی عێراقێك بە شێوەیەك دابرێژیتەوە كە نە كورد ‌و نە سوننە هێزی بەربەرەكانێیان لەگەڵ حكوومەتی شیعەی عێراق نەمێنێ ‌‌و بۆ خۆی بە نوێنەرایەتی حكوومەتی بەغدا ئەو وڵاتە بەو شێوەی كە دڵخوازیەتی بەڕێوەبەرێ‌.

ئەم پلانە زەنگێكی مەترسییە نەك هەر بۆ عێراق، بەڵكوو بۆ خۆرهەڵاتی نێوەڕاست لە زاڵبوونی هەرچی زیاتری كۆماری ئیسلامیی ئێران ‌و هەناردەكردنی خێراتری شۆڕشەكەی بۆ وڵاتانی ئەم ناوچەیە. ئەم پلانە لەسەر سیاسەتی ئاژاوەنانەوە، بەردەوامیی شەڕ، پەرەپێدانی برسیەتی ‌و چاولەدەستی خۆ كردنی خەڵك، وێرانكردن، دووبەرەكی سازكردن‌ و دوژمنایەتی پێكهێنان لە نێوان پێكهاتە جیاوازەكانی خەڵكی ئەو ناوچە ‌و توقاندن ‌و تیرۆركردن داڕێژراوە.

لێرەدا پرسیار ئەوەیە، كورد بە بوونی ئەو هەموو دژبەرایەتی یەكتر كردن ‌و بێ‌پلانییەی، چۆن دەتوانێ‌لە ژێر ئەم پلانە مەترسیدارە خۆی رزگار بكا، یان زیانەكانی كەمتر بكاتەوە
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.