• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٥ی فێڤریەی ٢٠١٧ی زایینی - ٠٧ی رەشەمەی ١٣٩٥ی هەتاوی  

دێمۆکرات و کۆمەڵە: نەورۆزی ئەمساڵ هەڵگری پەیامی رێزگرتن لە شەهیدان‌و پێشمەرگە ئازاکانی مەیدانەکانی شەڕە

زایینی: ١٥-٠٣-٢٠١٥ - هەتاوی: ١٣٩٣/١٢/٢٤ - ١٦:٠٣ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
دێمۆکرات و کۆمەڵە: نەورۆزی ئەمساڵ هەڵگری پەیامی رێزگرتن لە شەهیدان‌و پێشمەرگە ئازاکانی مەیدانەکانی شەڕە
کوردستان‌میدیا: حیزبی دێمۆکراتی کوردستانی ئێران و کۆمەڵەی شۆڕشگێری زەحمەتکێشانی کوردستانی ئێران بە بۆنەی هاتنی ساڵی نۆێی ٢٧١٥ کوردی، لە راگەیەندراوێکی هاوبەشدا داوایان لە خەڵکی کوردستان کردووە هەتا نەورزۆی ئەمساڵ بکەن بە کەرنەڤاڵی شادی لەدژی تاریکبینان‌و مەرگدۆستانی دەسەڵاتداری کۆماری ئیسلامی ئێران.

دەقی ئەم بەیاننامەیە بەم چەشنەی خواروەیە:

راگەیاندنی هاوبەش سەبارەت بە هاتنی نەورۆز و ساڵی نوێ
خەڵکی تێکۆشەری کوردستان

لەگەڵ نوێبوونەوەی سروشت‌و پشکوتنی جوانییەکان‌و توانەوەی سەهۆڵبەندان‌و هاتنە ئارای کەشێکی دڵڕەفێنی بەهاری،وەک نەریتی هەمیشەیی، کۆمەڵانی خەڵکی کوردستان لە ئێستاوە خۆیان بۆ پێشوازی لە یەکەمین ساتەکانی بەهاری نیشتمان ئامادە دەکەن. ساتەوەختی نوێبوونەوەی ساڵ‌و نەورۆزی ئەمساڵ هەڵگری هەندێک جیاوازییەو لێرەدا بە پێویستی دەزانین وێڕای پیرۆزبایی گەرمی خۆمان لەسەر جەم خەڵکی تێکۆشەری کوردستان‌، بەتایبەتی بنەماڵەی سەربەرزی شەهیدانی کوردستان، زیندانیانی سیاسی‌و بەتایبەتیتر ئەو پێشمەرگە قارەمانانەی ئێستا کە لەبەرەکانی دژی تێرۆریستانی دەوڵەوتی ئیسلامی ناسراو بە (داعش) لە حاڵی شەڕدان، ئاماژە بەچەند خاڵ بکەین.

خەڵکی ئازادیخوازی کوردستان

بەدرێژایی دەسەڵاتی کۆماری ئیسلامی‌و ناوەڕۆکی کۆنەپەرەستانەی ئەم رژیمە، بەردەوام دژی خۆشی‌و شادی کۆمەڵانی خەڵکی ئێران‌و بەتایبەتی کوردستان بووەو ئەوەی لە دەستی هاتبێت بۆچەسپاندن‌و جێگیر کردنی فەرهەنگی گریان، رەشپۆشی، تازیەباری، مەرگدۆستی‌و کوشتنی سەرودڵخۆشی شارۆمەندانی کورد ئەنجامی داوە. ئەمساڵیش وەک لە قسەو لێدوانی بەرپرسانی هێزە ئەمنیەتیەکان‌و پێشنوێژەکانی رۆژی هەینی لە تاران‌ و شارە گەورەکان گوێبیستی دەبین، رژیم بەنیازە رێگری لە بەڕێوە چوونی رێوڕەسمەکانی نەورۆز بکات. لەرۆژانی رابردووشدا هێزە سەربازی وئەمنیەتییەکانی کۆماری ئیسلامی لە سەرانسەری ئێران وبەتایبەت کوردستانی رۆژهەڵات بەمیلیتاریزە کردنی شارو ناوچەکان و گرتنەبەری رێوشوێنی توندی ئەمنییەتی بەتەمای پێشگیری لە بەڕێوەچوونی رێوڕەسمی نەتەوەیی نەورۆزن ‌و بە پڕوپاگەندە بەدژی نەورۆزو بەدژی ئاگر کردنەوە و بەڕێوەبردنی رێوڕەسمەکانی تایبەت بەساڵی نوێ دەیانەوەێ خەڵک شایی وخۆشی نەکات وهەردەم لەخەم وماتەمباریدا بن.

لەبیرمان نەچێت ئەمە یەکەمین جارنییە کە تێکۆشەرانی رێگەی رزگاری لە پێناو ئازادیدا شەڕ دەکەن‌و گیانی ئازیزان بەختکردووە. بزووتنەوەی رزگاریخوازانەی کوردستان لە هەموو بەشەکانی بۆ گەیشتن بە ئاواتەکانی خۆی بەردەوام لەشەڕ لە دژی داگیر کەرانی دابووەو شەهیدیشی داوەو ناخۆشی‌و ئەستەمی زیاتریشی هاتۆتە رێگە.

بەگشت ئەوانەشەوە بەردەوام سەری بەرزبووەو خەفەت‌و ناخۆشی‌و رەشپۆشی نەبۆتە نەریتی خەڵکی کوردو بگرە گشت سەختی رێگەو گیانبازی ئازیزترین رۆڵەکانی نیشتمان بۆتە هۆی بەهێز بوونی ورەو وەگەڕکەوتنی زیاتری وزەی خەباتکارانە بۆ درێژەدان بە شۆڕش‌و بەرەنگاری لەپێناو وەدیهاتنی ژیانێکی مرۆیی‌وئازادی هەمیشەیی بۆ کۆمەڵانی خەڵکی کوردستان.

هاونیشتمانانی خۆڕاگری کوردستان

بەلەبەرچاو گرتنی ئەو خاڵانە پێویستە بوترێ کۆماری ئیسلامی‌و نەیارانی شادی‌و دوژمنانی جەژنی نەتەوەیی کورد، لە هەوڵدان تاکوو ئەمساڵ رێگری لەبەڕێوەچوونی رێوڕەسمەکانی نەورۆز بکەن و بەبڵاوکردنەوەی دەیان پڕوپاگەندەی درۆیی بەنیازن ماتەم‌‌و رەشپۆشی وەک فەرهەنگی دەسەڵاتەکەیان بەسەر کۆمەڵانی خەڵکی کوردستانی رۆژهەڵاتدا بسەپێنن.

ئێمە وێڕای رێزلێنان لە گیانی پاکی سەرجەم گیانبەختکردووانی کوردستان بە پێویستی دەزانین رای بگەیەنین وەک هەمیشە لە چالاکییە مەدەنییەکان و گردبوونەوە و داهێنانی نوێ لەچەشنی: سەردانی بنەماڵە و سەرگڵکۆی شەهیدان، رزگارکردنی پەلەوەرو باڵندەکان ونەمامچاندن و چالاکیی پاکوخاوێنی ژینگە و هەوڵ بۆ فەرهەنگی ژینگە پارێزی لە کوردستان و دواتریش بە بەرێوە بردنی رێوڕەسمەکانی نەورۆز بەردەوامبن و سەربەرزانە رابگەیەنن کە کۆمەڵانی خەڵک لە دڵی سەرەڕۆیی وخەفەقاندا راناوەستن و بۆ بەردەوامی خەبات و تێکۆشان رێگەو شێوازی نوێ لە کاتی گونجاودا دەخولقێنن. نەورۆزی ئەمساڵ دەبێت هەڵگری پەیامی رێزگرتن بێت لە شەهیدان‌و لە پێشمەرگە ئازاکانی مەیدانەکانی شەڕ لە دژی کۆنەپەرەستی و بەکردنەوەی ئاگر، نەورزۆی ئەمساڵ بکەن بە کەرنەڤاڵی شادی لەدژی تاریکبینان‌و مەرگ دۆستانی دەسەڵاتداری کۆماری ئیسلامی ئێران. پێویستە ئەمساڵ زیاتر لە هەمیشە بەگەرم‌و گوڕییەوە رێوڕەسمەکانی نەورۆز بەرێوە بەرین‌و گڕی بەرزایی‌و قامەتی شاخەکانی کوردستان‌و هەڵپەڕکێ‌و کۆبونەوەو وتنی سروودی تایبەت بە نەورۆز ئاوێتەی یەک بکەین‌و یەک دەنگ‌و یەک هەڵوێست دەنگی خۆشی‌و شادی هەڵبڕین‌و بەم چەشنە "نا"یەکی گەورە بە دەسەڵاتداران‌و نەیارانی گەلی کورد بدەینەوە. نەورۆزی ئەمساڵ با زیاتر لە هەمیشە ئاوێتەی خەبات‌و تێکۆشان بێت‌و ببێتە ورەو سەرودڵخۆشی بۆ کۆمەڵانی خەڵک ‌و وەڵامێکی پڕ بە پێستیش بێت بۆ داعشی کۆماری ئیسلامی.

حیزبی دێموکراتی کوردستانی ئێران
کۆمەڵەی شۆڕشگێری زەحمەتکێشانی کوردستانی ئێران
15/03/2015
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٦٩٥ لەم ژمارەیەدا:

ــ نیشانەناسیی ڕاسان وەک شەڕی نوێ
ــ فرۆشتنی منداڵان، فرۆشتنی بەشێك لە ژیان
ــ ئاستەنگەکانی بەردەم سەربەخۆیی باشووری کوردستان
ــ ڕاسان و خەباتی مەدەنی
  • مستەفا هیجری: ئه‌وڕۆ له‌ هاوكێشه‌كانی جیهاندا حسێب له‌سه‌ر هێز ‌ده‌كرێ مستەفا هیجری: ئه‌وڕۆ له‌ هاوكێشه‌كانی جیهاندا حسێب له‌سه‌ر هێز ‌ده‌كرێ
    ئایا ئه‌وه‌ی كه‌ كوردستانی ئێران له‌ ڕۆژەڤی ناوچه‌ و جیهاندا نییه‌، كێشه‌كه‌ی ده‌گه‌ڕێته‌وه‌ سه‌ر بارودۆخی دونیا، یان خۆمان وه‌ك كوردی ڕۆژهه‌ڵات یا هۆكاری دیكه‌؟
  • ئاستەنگەکانی بەردەم سەربەخۆیی باشووری کوردستان ئاستەنگەکانی بەردەم سەربەخۆیی باشووری کوردستان
    ئەگەر بێت و کورد لەو قوناغە هەستیارەدا بە دەرس وەرگرتن لە مێژوو و هەبوونی تێڕوانینێکی ڕوون بۆ داهاتوو نەجووڵێتەوە، ئەوە ئەگەری دووبارە ڕوودانی هەموو نەهامەتییەکانی سەد ساڵی ڕابردوو لە ئارادا هەیە، و بە پێچەوانەش دەتوانێ سەد ساڵی داهاتوو بە شێوەیەک بۆ کورد درووست بکات کە، بەر لە هەمووشتێک کەرامەت و ئازادی بۆ خۆی بگەڕێنێتەوە، و پاشانیش لە جێگای شەڕ و گیانفیداکردن بۆ نیشتمان، بیاڤەکانی وەکوو پێشکەوتنی ئابووری و کۆمەڵایەتی بکاتە ئەرکە سەرەکییەکانی خۆی.
  • ڕۆشنبیر؛ ویژدانی كۆمه‌ڵگا ڕۆشنبیر؛ ویژدانی كۆمه‌ڵگا
    له ڕاستیدا، له ڕۆژهه‌ڵاتی ‌نێوه‌ڕاست به تایبه‌ت له ئێراندا، ئه‌م كێشه‌یه فراوانتر و ئه‌م پرسیارگه‌له به‌رچاوترن، ئه‌ویش له بارودۆخێكی نائاسایی كه ڕۆشنبیری ئه‌م ناوچه‌یه تووشی ده‌بێت و به شێوه‌گه‌لێك ناكۆكی له كردار و گوتاریان ده‌بینرێت كه ڕه‌نگه له كه‌متر شۆێنك له‌م دنیایه ببیندرێت و ئه‌مه دەرخەری ئەوەیە كه كاراكتری ڕۆشنبیری فیدای بارودۆخێكی ڕامیاری – كۆمه‌ڵایه‌تی بووه .
  • فرۆشتنی منداڵان، فرۆشتنی بەشێك لە ژیان فرۆشتنی منداڵان، فرۆشتنی بەشێك لە ژیان
    چیرۆكی منداڵانی تازە لەدایكبوو كە پێ دەنێنە نێو دنیایەكی پڕ لە ژان و خەفەت و هەر لە سەرەتای هاتنیانەوە بۆ ئەم دنیا، بە جێگای باوەشی گەرمی بنەماڵەكانیان میوانی باوەشی سارد و پڕ لە مەینەتی شەقامەكان دەبن، چیرۆكێكی دڵتەزێنە كە بە مامەڵە كردن لەسەر ئەوان گیرفانی دەستە و گرووپە مافیاكانی لێ پڕ دەبێت و لە كۆتاییشدا كەس وەڵامدەری داهاتووی پڕ لە خەفەت و تاریكیی ئەوان نابێت.
  • یەکیەتیی لاوان، وەک یەکەم ڕێکخراوی تایبەت بە توێژی لاوی کورد یەکیەتیی لاوان، وەک یەکەم ڕێکخراوی تایبەت بە توێژی لاوی کورد
    هەر بە سەرنجدان بەم ڕاستییە حاشاهەڵنەگرەش بوو كە؛ یەكیەتیی لاوانی دێموكراتی كوردستانی ئێران له‌ یەكێك لە زێڕینترین قۆناغەكانی بزاڤی ڕزگاریخوازی نەتەوەی كورددا، دامەزرا.
  • ئەزموونێكی تاڵ كە لە باشووری كوردستان دووپات كرایەوە! ئەزموونێكی تاڵ كە لە باشووری كوردستان دووپات كرایەوە!
    بە دامەزرانی سپای پاسداران، جموجووڵی خەڵكی ئێران كە تازە لە ژێر ستەمی پاشایەتی ڕزگاریان ببوو، جارێكیتر كەوتەوە ژێر چاوەدێری و دەسەڵاتی ڕێژیمی تازە و تووشی زەبر و زەنگ و سەركوت بووەوە.
  • نیشانەناسیی ڕاسان وەک شەڕی نوێ نیشانەناسیی ڕاسان وەک شەڕی نوێ
    قسەکانم بە ڕوونی چاودێری لە بەرپرسیایەتێکە کە لە شێوازی بەیانی ئەدەبی خۆی دەردەخات. هەڵسەنگاندنی بەرپرسیارەتی، لە چوارچێوەی ئیدئۆلۆژیک، هەڵەیەکی گەورەیە لە حیزبەکانی دیکەی کوردستانی ڕۆژهەڵات، لە ماوەی ساڵانی ڕابردوودا تووشی بوونە.
  • ڕاسان و خەباتی مەدەنی ڕاسان و خەباتی مەدەنی
    ڕاسانی ڕۆژهەڵات بەبێ خەباتی شار و کەڵک وەرگرتن لە هێزی خەڵک مانایەکی نابێ و خەباتی شار یەکێک لە کۆڵەکەکانی ڕاسانە و ئامانجی ڕاسانیش بریتیە لە ڕێکخستنی خەڵک لە خەباتێکی جیددی و واقیعیدا، دژ بە سیستمی زاڵ، بۆ ئەوەی داهاتوویەکی باشتر بونیات بنرێ نەک ئەم سیستمە بە دەمامکی ڕەنگاڵەوە بمێنێتەوە.
  • سیاسەتی دوور هاوێتنی پرسی كورد بۆ ئەو دیوی سنوورەكانی ئێران سیاسەتی دوور هاوێتنی پرسی كورد بۆ ئەو دیوی سنوورەكانی ئێران
    لە سیستمە داخراوەكاندا زۆربەی پێوەندی و پلانەكان، بە تایبەتی سیاسەت و پلانە ئەمنیەتیەكانیان، بە شێوەی نهێنی دادەڕێژرێت. بۆ ناسینی هیندێك لە سیاسەتەكانی سیستمە داخراوەكان لە زانستی سیاسەتدا چاو لە ڕەفتار و هەڵسوكەوتی ئەو سیستمانە لە هەمبەر ئەو دیاردانەدا دەكرێت كە بە حوكمی سیستمی داخراو، وەك كێشەی ئەمنیەتی دەناسرێن.
  • ئارەش ساڵح: حیزبی دێموکرات نەبزی کۆمەڵگای کوردستانی ڕۆژهەڵاتە و کوردستانی ڕۆژهەڵاتیش لەو ئەگەرەدا ڕۆڵێ ڕێبەرایەتی گۆڕانکارییەکان لە نێو نەتەوە بندەستەکان‌دا دەگێڕێت ئارەش ساڵح: حیزبی دێموکرات نەبزی کۆمەڵگای کوردستانی ڕۆژهەڵاتە و کوردستانی ڕۆژهەڵاتیش لەو ئەگەرەدا ڕۆڵێ ڕێبەرایەتی گۆڕانکارییەکان لە نێو نەتەوە بندەستەکان‌دا دەگێڕێت
    ئارەش ساڵح: حیزبی دێموکرات نەبزی کۆمەڵگای کوردستانی ڕۆژهەڵاتە و کوردستانی ڕۆژهەڵاتیش لەو ئەگەرەدا ڕۆڵێ ڕێبەرایەتی گۆڕانکارییەکان لە نێو نەتەوە بندەستەکان‌دا دەگێڕێت
  • دەقی پەیامی دەفتەری سیاسیی حیزبی دێموکراتی کوردستانی ئێران بۆ یادی کۆماری کوردستان لە ئامەد دەقی پەیامی دەفتەری سیاسیی حیزبی دێموکراتی کوردستانی ئێران بۆ یادی کۆماری کوردستان لە ئامەد
    لە گۆڕەپانی مەزنی چوارچرای مەهاباددا بە دەست و بە فكر و بە هێزی ئەندێشەی مرۆڤێكی تێكۆشەر، گەورە ڕێبەرێكی مێژووی كوردستان ئەو كۆمارە ڕادەگەیەندرێت، بە دەستی پێشەوای نەمر قازی محەممەد وەكوو ڕێبەرێكی كارامە و لێوەشاوە و شارەزا.
  • کەریم پەرویزی: تا ڕۆڵەیەکی کورد بمێنێت، خەباتی کورد زیندووە کەریم پەرویزی: تا ڕۆڵەیەکی کورد بمێنێت، خەباتی کورد زیندووە
    ئێمە لێرەین، لەم ڕۆژەدا بە بۆنەی دووی ڕێبەندان، بە بۆنەی ڕۆژێکەوە کە لەودا کۆماری کوردستان، لە شارە جوان و شۆڕشگێڕەکەی مەهاباددا، بە دەستی پێشەوای بلیمەتی گەل، بە زمانی پێشەوای بلیمەتی گەل، بە فکر و کرداری پێشەوای بلیمەتی گەڵ ڕادەگەیەندڕیت، لێرە کۆبووینەتەوە بۆ ڕێز گرتن لەو کۆمارە مەزنە.
  • ڕاسان و لایەنە سیاسیەکان ڕاسان و لایەنە سیاسیەکان
    ئێستا کە وەرزێکی دیکەی خەبات لە کوردستانی ڕۆژهەڵات دەست پێدەکاتەوە و فەسڵێکی دیکەی مێژوو دەنووسرێتەوە، پێویستە کە حیزبی بوون و پێوەندیی نێوان حیزب و لایەنە سیاسییەکان پێ بنێتە قۆناغێکی دیکەوە.
  • تەگەرەکانی سەر ڕێگای پێشکەوتنی شێوەزار لە کرماشان ! تەگەرەکانی سەر ڕێگای پێشکەوتنی شێوەزار لە کرماشان !
    دیارە زمانی کوردی بە شێوەزارەکانی خۆیەوە دەوڵەمەندە و بەرفەراوانی وشە و دەستەواژەی پڕ مانا و هەروەها گرانیی باری ئەدەبی لە نووسین، خوێندنەوە، هۆنەر و لایەنە جیاوازەکانی زمانی، بە نرخی و جوانییەک بەم زمانە دەدات کە دەڤەر بە دەڤەر و شێوەزار بە شێوەزاری ئەم زمانە، تایبەتمەندی جیاواز و بەرهەمی جیاوازی پر بەهای لێ دەکەوێتەوە.