• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٣ی ژانویەی ٢٠١٨ی زایینی - ٠٣ی رێبەندانی ١٣٩٦ی هەتاوی  

پەیامی پیرۆزبایی سكرتێری گشتیی حیزبی دێموكراتی كوردستانی ئێران بە بۆنەی نەورۆز

زایینی: ٢٠-٠٣-٢٠١٥ - هەتاوی: ١٣٩٣/١٢/٢٩ - ١٢:١٥ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
پەیامی پیرۆزبایی سكرتێری گشتیی حیزبی دێموكراتی كوردستانی ئێران بە بۆنەی نەورۆز
کوردستان میدیا: مستەفا هیجری، سکرتێری گشتیی حیزبی دێموکراتی کوردستانی ئێران، بەبۆنەی جێژنی نەتەوەیی نەورۆز و سەری ساڵی نوێی کوردییەوە، پەیامێکی روو بە خەڵکی کوردستان و چین و توێژە جۆراوجۆرەکانی کۆمەڵگە بڵاو بڵاو کردەوە.

دەقی پەیامەکە بەم چەشنەیە:

هاونیشتمانانی بەڕێز و خۆشەویستم

بە بۆنەی نەورۆز و سەری ساڵی كوردی، جێژنی رزگاری و ئازادی، لەلایەن حیزبی دێموكراتی كوردستانی ئێرانەوە گەرمترین سڵاو و پیرۆزباییتان پێشكەش دەكەم. ئەو جێژنەی كە هێمای خۆڕاگری و مانەوەی نەتەوەی كوردە بە درێژایی هەزاران ساڵ، بووەتە ویستگەیەكی مێژوویی كورد بۆ یەكگرتوویی، ژیاندۆستی و نوێ كردنەوەی پەیمان لە نێوان رۆڵەكانی نەتەوەكەمان.

لەو بۆنەیەدا بە گرینگی دەزانم پێش هەموو شتێك سەری رێز و نەوازش بۆ هەموو شەهیدانی سەربەرزی رێگەی رزگاری ‌و ئازادی كورد و كوردستان دانەوێنم و گەرمترین پیرۆزبایی ئاڕاستەی بنەماڵە ئازیزەكانیان بكەم، پێویستە پەیمانیان لەگەڵ نوێ بكەینەوە كە رێگایان درێژە پێ دەدەین تا ئەو رۆژەی كە ئاوات و ئامانجیان كە ئازادی و سەربەستیی كورد و كوردستان بوو، بێتە دی. هەروەها سڵاو و پیرۆزبایی خۆم ئاڕاستەی ئەو رۆڵە كۆڵنەدەر ‌و خۆڕاگرانەی كورد و هەموو ئەو مرۆڤە ئازادیخوازانەی نەتەوەكانی دیكە بكەم كە لە زیندانەكانی رێژیمی پەت و سێدارەدا بە ورەی پۆڵایین و قارەمانانە بەرگری لە ئازادی و بیروبڕواكانیان دەكەن، ئەوانیش دڵنیا بن رەنج و ئازارەكانیان بە فیڕۆ ناچێت.

هەروەها لەم دەرفەتەدا سڵاو و پیرۆزبایی گەرمی خۆم پێشكەش بە هەموو كادر و پێشمەرگەكان و ئەندامان ‌و لایەنگرانی حیزبی دێموكرات و بنەماڵە خۆڕاگرەكانیان دەكەم و دڵنیایان دەكەمەوە لە ئەنجامی خەباتی ئێوەی خەباتگێر ‌و هەموو ئەویندارانی ئازادیدا بەهاری راستەقینەی رزگاری لە وڵاتەكەمان پیرۆز دەكەین.

بەڕێزان!

جێژنی نەورۆزی ساڵی ١٣٩٤ی هەتاوی لە كاتێكدایە كە رۆڵەكانی نەتەوەكەمان لە باشوور و رۆژئاوا رووبەڕووی دڕەندەترین هێزی نامرۆیی بەناو دەوڵەتی ئیسلامی(داعش) هاوشێوە ‌و هاوئامانجی كۆماری ئیسلامیی ئێران بوونەتەوە ‌و بەرگرییەكی قارەمانانە و بێ وێنە دەكەن، لە هەمان كاتدا هاونیشتمانانمان لە باشوور رووبەڕووی سیاسەتی برسی كردن و خنكاندن و ئابڵۆقەی ئابووریی نامرۆیی بەغدا دەبنەوە كە ئەوەش بە پیلانی راستەوخۆی هاوپەیمان ‌و دەسەڵاتداری راستەقینەی بەغدا، واتە كۆماری ئیسلامی جێبەجێ‌دەكرێ‌كە لە راستیدا شتێكی لە ژێنۆساید ‌و پاكتاوی رەگەزی كەمتر نییە. ئەمڕ‌و كوردستان بۆتە پێگەی ئازادیخوازان و هەموو هێزە دژە تێرۆریستییەكان لە ئاستی جیهانیدا. لەلایەكی دیكەوە، رووداوەكانی ئەم جەنگە نیشانی دا كە كورد دوژمنی هاوبەشی هەیە و بە بێ پاڵپشتی، هاودەنگی ‌و یەكڕیزی ناتوانێت بەرە‌وڕووی دوژمنانی بێتەوە. ئەوەی كە لە شنگاڵ، كۆبانێ، گوێر، مەخموور، سەعدیە، جەلەولا و ناوچەكانی دیكەی كوردستان رووی دا سەلماندی كە پێشمەرگە ‌و شەڕڤانی كورد پێكەوە پارێزەرانی خاكی كوردستانن و ئێمەش وەكوو پێشمەرگەكانی حیزبی دیموكرات هەموو كاتێك ئامادەین لە هەر شوێنێك پێویست بێت و داوامان لێ بكرێت، هێز بنێرین و ئەوەمان لە سەرەتای هێرشی هێزەكانی نەزانی و تاریكیدا بۆ سەر هەرێمی كوردستانی عێراق بە كردەوە نیشان دا.

هاووڵاتیانی خۆشەویست و بەڕێز!

ئەم ساڵەی كە كۆتایی هات، بەداخەوە ساڵێكی پڕ لە ئازار‌ و سەختی و ناخۆشی بوو. كۆماری ئیسلامی بە پێی بەڵگەنامە ‌و راپۆرتە باوەڕپێكراوە نێونەتەوەییەكان، كارنامەیەكی رەشی دیكەی لە بواری ئازادی و مافەكانی مرۆڤدا لە هەمبەر هاوڵاتیانی ئێران بۆ خۆی تۆمار كرد، بە پێی راپۆرتی رێكخراوی لێبوردنی نێونەتەوەیی تەنانەت توندتر لە جاران ئازادیی رادەربڕین و ئازادیی پێكهێنانی كۆڕ‌ و كۆبوونەوەی پێشێل و زەوت كرد ‌و دەستی دایە گرتن و راوەدوونانی چالاكانی ئازادیخوازی نەتەوەكان، بەرگریكارانی مافەكانی ژنان و بە گشتی مافەكانی مرۆڤ، رۆژنامەنووسان، جیابیران ‌و... لە ئێراندا. ئەوەی لە ساڵی رابردوودا جێگەی هەڵوەستە كردنە، ئەوەیە كە كۆماری ئیسلامی نەیتوانی بە رواڵەتیش بێت بە پێی دروشم ‌و بەڵینە درۆیینەكانی حەسەن رووحانی لە كاتی شانۆگەریی هەڵبژاردندا هەڵسەوكەوت بكات و ئەشكەنجە و لە سێدارەدانی بە بیانووی جۆراوجۆر و بێ بنەما رابگرێت یان لانیكەم كەمی بكاتەوە.

خوێندكاران و قوتابییە ئازیز و ئازادیخوازەكان!

لە ساڵی رابردوودا دیسانەوە تاكەكانی مافخواز ‌و بەشەرەفی نەتەوە جیاجیاكان لە ئێران، بە تایبەتی رۆڵەكانی نەتەوەی كورد ‌و كەمینە ئایینییەكان و ژنان رووبەڕووی هەڵاواردن و جیاكاری بوونەوە. دیسانەوە سزا نامرۆییەكان وەكوو شەلاق لێدان ‌و لە سێدارەدانی بەربڵاو ‌و كوێرانە بە پاساوی نایاسایی و نائەخلاقی، توندتر و فراوانتر لە ساڵانی پێشوو بەڕێوە چوو. ئەوەش وایكرد كە شوورای مافی مرۆڤی رێكخراوی نەتەوە یەكگرتووەكان لەسەر دۆخی نالەبار و پڕمەترسیی مافەكانی مرۆڤ لە ئێراندا نیگەرانیی خۆی دەرببڕێت و رای بگەیەنێت كە بە سەدان و بگرە هەزاران بەندكراوی رەخنەگر، رۆژنامەڤان، مافناس، چالاكی خوێندكاری ‌و كرێكاری و ...، لە گرتووخانەكانی ریژیمدان. هەروەها كۆماری ئیسلامی بەچاوەدێری و كۆنترۆڵكردنی فەزای مەجازی و فیلتێرینگ دەیەوێت ئەو فەزایەش نەهێڵێتەوە بۆ هەناسەدان و ئاڵوگۆڕی بیر‌وڕای تاك ‌و نەتەوەكان. ئەمە لە پاڵ بوون ‌و زیادكردنی گرتووخانەی نهێنی لەلایەن ئیتلاعات ‌و سپای پاسداران و هەروەها دادگایی كردنی نادادپەروەرانە ‌و نایاسایی ئەندامانی نەتەوە ستەملێكراوەكان ‌و كەمینە ئایینییەكان بە تایبەت بەهاییەكاندایە.

هەر بەپێی دەیان راپۆرت و راگەیەندراوی ناوخۆیی و نێودەوڵەتی، بارودۆخی كوردەكان پڕ لە هەڵاواردن و جیاكاری بووە و تەنانەت كار گەیشتە سەر جیاكاری لە دابینكردنی خزمەتگوزارییە گشتییەكانیش وەكوو شوێنی حەوانەوە و ئاو و تەندروستی و ئاموزش و دامەزراندن و، بە فەرمی پەروەردە بە زمانی دایكیش هەر قەدەخە بووە و قەدەخەیە. ئەوەیكە لەوە زیاتریش جێگەی شەرمەزاریی ئەم رێژیمەیە، بێ‏باكییەكەی لە ئاست ماف و داواكارییەكانی خەڵكە كە وای كردووە تەنانەت پرسێكی گرینگ و هەستیاری ژیانی هاووڵاتیانی هەر وڵاتێك وەكوو پیسبوونی ئاو و هەوا ببێتە پرسێكی سیاسی و بگرە ئەمنییەتی، كە بەداخەوە ٤ لە شارەكانی هەرە پیس و ئالوودە لە رووی ئاو و هەواوە لە ئاستی جیهانیدا لە ئێران هەڵكەوتوون، بۆ نموونە شاری ئەهواز پیسترین شار لە ئاستی جیهاندایە و شارەكانی كرماشان و سنە و یاسوج، شارەكانی دیكەی زۆر مەترسیداری ئەم ریزبەندییە جیهانییەن دەربارەی پیسبوونی ئاوو هەواوە.

كارنامەی رێژیم لە ساڵی رابوردوودا وەكوو بوارەكانی دیكە، لە پێوەندی لەگەڵ ژنانیشدا لەوپەڕی رەشی و مەترسیداریدا بوو، هەر لە دەستدرێژی بۆ حەریمی تایبەتی بگرە تا وەكوو سەهمیەبەندیی جنسیەتی بۆ خوێندن و زەوتكردنی ئازادییەكانیان، تا وەكوو نەبوونی یەكسانیی رەگەزی و نادادپەروەری لە رێژەی دامەزراندندا كە بە شێوەی بەرچاو لە ٨ ساڵی رابردوودا ساڵانە و بەمساڵیشەوە ١٠٠ هەزار كەس دابەزیووە. ئەوەش بە ئاشكرا سروشتی دژە ژن و دژەژیانی ئەم رێژیمە دەردەخات.

هاووڵاتییە بەڕێزەكان!

دانوستانەكانی نێوان ئێران و وڵاتانی ناسراو بە ١+٥ لە كاتێكدا بەڕێوە دەچێت كە كۆماری ئیسلامی لەوپەڕی لاوازی ئابووریدایە و ناچارە رازی بێت بە مەرجەكانی رۆژئاواییەكان تا لەو دۆخە ناڵەبارە ئابووری و سیاسییە خۆی رزگار بكات و لە لێواری رووخان بگەڕێتەوە، بۆ ئەو مەبەستە تەنانەت رازی بووە لەگەڵ گەورەترین دوژمنی وەهمیی خۆی واتە ئەمریكا ماوەیەك بە نهێنی و ئێستاش بە راستەوخۆ گفتوگۆ بكات تا رۆژژئاوا رازی بێت سزا و ئابڵۆقە ئابوورییەكانی سەر ئێران لابچێت كە سەردەمانێك بە "كاغەز پارە" ناوی دەبرد و ئیدعای دەكرد كە بۆتە هۆی بەهێزی و داهێنان!!! بەڵام ئامار و راپۆرتە نێودەوڵەتییەكان دەری دەخەن كە بە هۆی سیاسەتە چەوتەكانی كۆماری ئیسلامی و هەوڵدان بۆ شكاندن و پێشێلكردنی ریسا و یاسا نێونەتەوەییەكانەوە، ئەو سزا نێودەوڵەتییانە بوونەتە هۆی سەدان میلیارد دۆلار زیان و داتەپینی سیستەمی ئابووریی ئێران، بە شێوەیەك كە تەنانەت كۆماری ئیسلامی توانای دابینكردنی دەرمان و پێداویستییەكانی نەخۆشخانەكانی نەماوە، رێبەری ئەم رێژیمە ناوی ئەو خۆبەدەستەوەدان و شكست و سەرشۆڕییەی ناوە " نەرمشی قارەمانانە"!!!، لە كاتێكدا كە دوایین ڕاپۆرتی ڕێكخراوی جیهانی پرۆگرامی گەشەپێدانی مرۆیی نەتەوە یەكگرتووەكان، لەمساڵدا زیاتر لە ٢٥%ی ئێرانییەكان بە "زاغەنشین" ناو دەبات و هەر بە پێی ئامارەكانی خودی رێژیم زیاتر لە ٤٠%ی ئێرانییەكان لە ژێر هێلی هەژاریدا ژیانێكی پڕ لە تەنگ و چەڵەمە تێدەپەرێنن. راپۆرتی سندووقی نێونەتەوەیی دراو، لە سەرەتای ساڵی ٢٠١٥ ئاستی پێش‏بینیی خۆی بۆ گەشەی ئابووریی ئێرانی بۆ ساڵی داهاتوو لە ٢،٢% دابەزاند بۆ ٠،٦% و پێش‏بینیی بەرزبوونەوەی رێژەی هەڵاوسان(تورم) لە ساڵی داهاتوودا لە ئێران دەكات. هەرچەندە جێگەی ئاماژەیە لە رێژیمێكدا كە خاوەن سیستمێكی داخراوی سەركوتكەری ئەمنیەتی و ئیدئۆلۆژیك و ئابوورییەكی دەوڵەتی، بە بێ بوونی لانیكەمی كێبڕكێ و سیستمی بازاری ئازادە و دەسەڵاتی دادوەریی سەربەخۆ و راگەیاندنی ئازاد و چاوەدێر و ئەحزابی ئۆپۆزیسیۆنی یاسایی و رێگەپێدراو و رەخنەگر لە نێوخۆی وڵاتدا بوونیان نیە و هەروەها رێكخراوەكانی كۆمەڵگەیەكی مەدەنیی بەهێز شكڵیان نەگرتووە، لەوە زیاتر چاوەڕوان ناكرێ‌. بۆیە دەبینین كە ئەم رێژیمە لە گەندەڵیی بەربڵاوی بەرپرسانی باڵا و لایەنگرانی تێوەگلاوە. لە ١٢٣ میلیارد تمەن ئیختلاس لە سەردەمی هاشمی رەفسەنجانی بۆ ٣ هەزار میلیارد تمەن لە سەردەمی ئەحمەدی نژاد بەرز بووەوە و ئێستاش بەپێی زانیاری و وتەی خودی بەرپرسانی ئەم رێژیمە باس لە گەندەڵیی ٦٥٠ هەزار میلیارد تمەنی دەكرێ‌!!! ئەمە بێجگە لە گەندەڵیی هەزاران میلیاردیی دام و دەزگاكانی سەر بە بەیتی رێبەری و سپای پاسداران و دەزگا ئەمنیەتیەكانە.

مامۆستا بوێر و رۆشنبیرەكانی نەتەوەكەمان!

ئێوە لەو ساڵەدا بە مانگرتن‌و دەربڕینی نارەزایەتییەكانتان بەدژی رێژیم، بەستەڵەك و بێدەنگیی بە زۆر داسەپاوی دەسەڵاتی نەزانیتان شكاند و سەڵماندتان كە كوردستان خاوەنی مامۆستایانی پێشڕەو و یەكگرتووە. بۆیە داهاتووی كوردستان بە ئێوەوە روون و پرشنگدارە.

لەساڵی رابردوودا بە هۆی سیاسەتە دژەمرۆییەكانی ئەم رێژیمەوە شاهیدی بێكاربوون و ئیخراجی كرێكارە ماندوو و بێ بەشەكان و داخستنی كارگە و كارخانەكان بووین. كرێكارەكان بە هۆی پێداگری لە سەر دابینكردنی لانیكەمی ژیان، خۆڕاگری بەرانبەر بە دواكەوتنی موچە و بەربڵاوبوونی گرێبەستی كورت ماوە و هەروەها رووداوە دڵتەزێنەكانی كار تووشی هەڕەشە و تۆقاندن ‌و دەستبەسەركرانی نایاسایی بوونەوە. بەڵام كرێكارانی وشیاری وڵات سەرەڕای هەموو ئەو زەبر ‌و زەنگ ‌و بێ‏دەرەتانییە، لە هەموو دەرفەتێكدا ‌و بە هەر شێوەیەك كە بۆیان گونجابێ مافخوراویی خۆیان بە گوێی خەڵكی دنیا گەیاند.

هاونیشتمانە ئازادیخواز ‌و تێكۆشەرەكانم!

لە ساڵی رابردوودا دەنگی بوێر ‌و حەقخوازی ئێوە دژ بە رێژیمی جەهل ‌و نەزانی لە هەموو دنیادا دەنگی دایەوە ‌و سەرشۆڕی ‌و بەدناویی زیاتری بۆ ڕێژیم تۆمار كرد. لە راپۆرت و ئاماری "خانووی ئازادی" بۆ ساڵی ٢٠١٥، كۆماری ئیسلامی ڕەشترین كارنامەی هەبووە و لە نێو ٧ رێژیمی ئازادیكوژی جیهاندا پلەی ٦ی وەرگرتووە و لە نێوان ١٩٥ دەوڵەتدا لە رووی ئازادییە مەدەنییەكان و مافە سیاسییەكانەوە لە ریزی وڵاتە هەرە نائازاد و دیكتاتۆرەكاندا پۆلین كراوە. راپۆرتی ساڵانەی هاوبەشی رێكخراوی "شەفافیەتی نێودەوڵەتی" و گۆڤاری "فارین پالیسی" بۆ ساڵی ٢٠١٤ دەربارەی وڵاتانی شكستخواردوو، كۆماری ئیسلامیی لە نێوان ١٧٨ وڵاتدا لە ریزبەندی ٤٤ داناوە. لە راپۆرتی رێكخراوی پەیامنێرانی بێ سنووریشدا كۆماری ئیسلامی لە نێوان ١٨٠ وڵاتی جیهاندا ریزبەندی ١٧٣ی هەیە و وەكوو یەكێك لەو 5 دەوڵەتە ناوی هاتووە كە بوونەتە زیندانی رۆژنامەنووسان.

لە كۆتاییدا جارێكی دیكە پیرۆزبایی نەورۆزتان لێ‌دەكەم ‌و لە ساڵی نوێدا ژیانێكی پڕشكۆ و پڕ لە شانازی و ئازادی و خۆشگوزەرانیتان بۆ بە ئاوات دەخوازم. بە هیوای ئەو رۆژەی كە پێكەوە ‌و لە وڵاتێكی ئازاددا ئاگری پرشنگداری نەورۆز لە هەموو چیا و شار و لادێكانی كوردستان بە سروودی نەتەوایەتیی ئەی رەقیب هەڵبگیرسێنین و رۆڵەكانمان دەست لە دەستی یەكتر هەڵپەركێی ئازادی و سەربەستیی كوردستان ساز بكەن.
جێژنتان پیرۆز بێت و هەر بژین بە شادی

حیزبی دێموكراتی كوردستانی ئێران
سكرتێری گشتی
مستەفا هیجری
نەورۆزی ٢٧١٥ی كوردی و ١٣٩٤ی هەتاوی
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٧ لەم ژمارەیەدا:

ــ خەباتی ڕۆژهەڵات بەردەوامە
ــ ڕاسان و گۆڕان
ــ ڕاسان و ڕۆڵی ژنان لەم دیسکۆرسەدا
ــ ئازادی، سەربەخۆیی و میریی و گەورەیی
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.
  • ئەرکەواز لە کوێیە و ئەرکەوازی کێن؟ ئەرکەواز لە کوێیە و ئەرکەوازی کێن؟
    ئەرکەواز لە باکوور و باکووری ڕۆژهەڵات و ڕۆژهەڵاتەوە پاڵی داوەتە داوێنی (پشتکێو)ەوە و لە باشوور و باشووری ڕۆژهەڵاتیشەوە دەبەسترێتەوە بە شاخی (بیورەواز) و لە باشوووری ڕۆژئاواشەوە پاڵی داوەتە شاخی (کەڵەک) کە بەرجەوەندی شار چەشنی دۆڵێکی بەرینی سەرسەوز بە بەرزی و نەوییەوە دەردەکەون و بینا و گەڕەک و کۆڵانەکانی لە نێوان دیمەنی سەرسەوز و داوێنی کێو و کەنار جۆگە و ئەو چەند کێوەدا بە جوانییەکی سەرنجڕاکێشەوە دەردەکەون.
  • سیستمی پەروەردە و بارهێنان لە ئێراندا بەرەو کوێ؟ سیستمی پەروەردە و بارهێنان لە ئێراندا بەرەو کوێ؟
    هیچ گیانلەبەرێک نییە کە بتوانێت بێبەش و دوورخراوە لە "پەروەردە و ڕاهێنان" بژیت و پێویستی بەو مەسەلەیە نەبێت، تەنانەت ئەگەر گیانلەبەرێک بە تەنیا لە هەر شوێنێک بژیت، بە تەنیا خۆی پەروەردە دەکات و "چۆنیەتی" ڕێڕەوی ژیانی خۆی دیاری دەکات بۆ ئەوەیکە بتوانێت لە بەردەم ئاستەنگ، کێشە و گرفتەکانی ژیاندا سەرکەوێ و ئەمنییەتی هەمەلایەنەی ژیانی دابین بکات.
  • ڕاسان و ڕۆڵی ژنان لەم دیسکۆرسە‌دا ڕاسان و ڕۆڵی ژنان لەم دیسکۆرسە‌دا
    ڕاسان لە واتای وشەییدا بە مانای هەڕەشە بۆ لێدان و هەستانەوە و ڕاسبوونەوە بەرامبەر بە هێرشبەرێک بۆ تۆقاندن و دابەزاندنی ورەی دێت.
  • \ "ئازادی، سەربەخۆیی و میریی و گەورەیی"
    ئەگەر تەنیا ئەو دوو ڕستەیەی ئەو رۆژنامەیە و سیاسەتی گشتی بەڕێوەبەرانی رۆژنامەکە و بە روونی سیاسەتی دەسەڵاتدارانی شۆڕشی سمکۆ سەیر بکەین و بیدەینە بەر سەرنج، بە روونی بۆمان دەردەکەوێت، کە خەڵکی کوردستان زۆر پێش ئەوەی ئەرتەشی سوور بۆ مەبەستی بەرگریکردن لە ئەگەری هێرشی ئاڵمان لە خاکی ئێرانەوە، رووبکاتە ئێران خۆی وەک نەتەوەیەک داناوە و باوەڕی بە بەرژەوەندی باڵای نەتەوەکەی هەبووە.
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    به‌ دوای رووخانی كۆماری كوردستان و له‌ سێداره‌درانی پێشه‌وا قازی مه‌حه‌ممه‌د له ١٠ی خاکەلێوەی ١٣٢٦ی هەتاوی‌(٣٠ی مارسی ١٩٤٧) خه‌باتی حیزبی دێموكرات كه‌وته‌ قۆناغێكی ئه‌سته‌مه‌وه‌، به‌ڵام حیزبی دێموكرات وه‌ك حیزبێكی ڕێنوێن، درێژه‌پێده‌ر و وه‌دیهێنه‌ره‌وه‌ی ئامانجه‌ به‌رزه‌كانی كۆماری كوردستان، ئه‌ركی رێكخستنی بزاڤی میللی- دێموكراتیكی كۆمه‌ڵانی خه‌ڵكی كوردستانی درێژه‌ پێدا.
  • ڕاسان و گۆڕان ڕاسان و گۆڕان
    حیزبی دێموکراتی کوردستانی ئێرانیش وەک هەر حیزبێکی دیکە، لە قۆناخی نوێدا پێویستی بە هزری نوێ و هێزی نوێ و رۆئیای دووبارە پێناسەکراو و سیستمی کاری نوێ هەیە.
  • شەپۆلەکانی شار شەپۆلەکانی شار
    شەپۆلەکانی شار پڕە لە هەست و سۆزی نیشتمانپەروەری و نەخشێنەری ئەو جووڵە و راچەنینانەیە کە لە نێو کۆمەڵی کوردەواریدا بە نهێنی و دوور لە چاوی داگیرکەر، بەردەوام لە گەشە و هەڵچووندان.
  • تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە
    دەقی وتووێژی کاک تەیموور مستەفایی، ئەندامی دەفتەری سیاسیی حیزبی دێموکراتی کوردستانی ئێران و بەرپرسی کۆمیسیۆنی تەشکیلاتی حیزب لەسەر خۆپێشاندانە سەرانسەرییەکانی ئێران و بڵاوکردنەوەی ڕاگەیەندراوی ئەم کۆمیسیۆنە لەم پێوەندییەدا، لەگەڵ تەلەفزیۆنی تیشک.
  • کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
    خوێنەرانی بەڕێزی "کوردستان"، سەبارەت بە دوایین بارودۆخی ئێران و کوردستان و هەروەها نەخش و دەوری کورد و حیزبی دێموکرات لە هاوکێشەکاندا، ماڵپەڕی "کوردستان میدیا" وتووێژێکی لەگەڵ بەڕێز "کاوە ئاهەنگەری" چاودێری سیاسی و ئەندامی حیزبی دێموکرات ئەنجام داوە کە لێرەدا دەخرێتە بەر دیدی ئێوەی خۆشەویست.
  • ئێمە و وێژمانەکانی داگیرکراوی و هەڵاوێردراوی ئێمە و وێژمانەکانی داگیرکراوی و هەڵاوێردراوی
    ئەم گوتارە ئەگەرچی لای گرووپ، ڕێکخراو و حیزبی سیاسیشەوە هەڵگیراوە، بەڵام بەوپێیەی کە ئەم دامەزراوەگەلە لە عەرزی واقیعدا کار دەکەن و پێویستیان بە دانوستان و دانیشتن و وەرگرتنی پووانی جیاواز هەیە، ئەم ڕێکارەیان هەتا ئیستە تا رادەیەک پاساو هەڵگرە؛ وەکوو تر لە ئاستی یەکانگیریی نەتەوایەتی و دینامیزمی کۆمەڵایەتییەوە هەندێک خەساریشی هەبووە کە لێرە ناگونجێ بەسەریاندا بێینەوە.
  • کۆمەڵگەی ئازاد لە سێبەری دێموکراسیدا کۆمەڵگەی ئازاد لە سێبەری دێموکراسیدا
    "ژان ژاک ڕۆسۆ"یش لە وتارێکیدا بە ناوی "ڕێککەوتنی کۆمەڵایەتی" دەقەکەی بەم ڕستەوە دەست پێ دەکات: "مرۆڤ سەرەڕای ئەوەیکە بە سەربەستی لە دایک دەبێت، بەڵام لە هەموو شوێنێکی ئەم دنیادا بندەست و دیلە".