• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢١ی نوامبری ٢٠١٧ی زایینی - ٣٠ی خەزەڵوەری ١٣٩٦ی هەتاوی  

مەرگی گوماناویی کچێکی مەهابادی دژکردەوەی رێکخراوە کوردییەکانی ژنانی لێکەوتەوە

زایینی: ٠٧-٠٥-٢٠١٥ - هەتاوی: ١٣٩٤/٠٢/١٧ - ١٩:٢٠ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
مەرگی گوماناویی کچێکی مەهابادی دژکردەوەی رێکخراوە کوردییەکانی ژنانی لێکەوتەوە
کوردستان میدیا: دوای مەرگی گوماناوی فەریناز خوسرەوانی کارمەندی هۆتێل تارای شاری مەهاباد و لێکەوتنەوەی جەنجاڵ لە تۆڕە کۆمەڵایەتییەکان و دنیای مەجازی راگەیاندنەکاندا، هاووڵاتییان بۆ گوشارهێنان بۆسەر دەزگا قەزاییەکانی رێژیم بۆ بەدواداچوونی ئەو رووداوە، بڕیاری بەڕێوەبردنی کۆبوونەی ناڕەزایەتییان دا.


بەپێی راپۆرتی ماڵپەڕی کوردستان میدیا، فەریناز خۆسرەوانی کارمەندی هۆتێل تارا بووە و بەپێی ئەو هەواڵە ناتەبایانەی کە بڵاو بوونەوە، ناوبراو بۆ پاراستنی '' کەرامەت و نامووسی'' خۆی و بۆ پێشگیری لە دەسدرێژیی فەرمانبەرێکی ''ئیدارەی گەشتیاری'' رێژیم، لە نهۆمی چوارەوە خۆی فڕی داوەتە خوارەوە.

سەبارەت بەو رووداو دڵتەزێنە و هەڵاواردن و توندوتیژی و ناعەداڵەتی دژی ژنان لە کوردستانی ئێران، ئەنجوومەنی ژنانی مەریوان لە پەیوەندی لەگەڵ مەرگی گوماناوی فەریناز خۆسرەوانی بە دەکردنی بەیاننامەیەک خوازایاری بەدواداچوونی بەپەلەی بەرپرسانی رێژیمی ئیسلامیی ئێرانیان بۆ ئەو رووداوە کرد.

هەروەها یەکیەتیی ژنانی دێموکراتی کوردستانی ئێران، یەکیەتیی ژنانی دێموکرات و رێکخراوی ئاسۆی ژنی کورد بە دەرکردنی بەیاننامەیە ئەو رووداوەیان مەحکووم کرد.

ئەنجوومەنی ژنانی مەریوان لەو بەیاننامەیەدا رایانگەیاندووە کە ناعەداڵەتی، هەڵاواردن و پێشێلکردنی مافی ژنان لە کۆمەڵگای ژێر دەسەڵاتی پیاواندا رۆژ بە رۆژ زیاتر هەستی پێ دەکرێت و نە تەنیا توندوتیژی دژی ژنان کەمتر نەبووە بەڵکوو رووی لە زیادبوون کردووە.
روانگەی کۆمەڵگا بە ژن و پێوەرەکانی وەکوو دەسدرێژی، کوشتن، خۆکوژی، شێوەازێک لە ستەم و زوڵم نیسبەت ژنان ئەژمار دەکرێت.
لە ساڵی رابردوودا مەرگی سەحەر چوەینی و شەیدا حاتەمی و ئیعدامی رەیحانە جەباری و پژاندنی ئەسید دژی ژنان لە ئیسفەهان و ئەمڕۆکەش خۆکوژی فەریناز خۆسرەوانی نموونەی ئاشکرای توندوتیژی ژنان لە ئێران دایە.

بەرپرسان و بنکە پەیوەندیدارەکانی ئێران سەبارەت بە پرسی ژنان نە تەنیا هیچ هەنگاوێکیان بۆ چارەسەری ئەو کارەساتانە هەڵنەگرتووە بەڵکوو رۆژ بە رۆژ توندوتیژی دژی ژنان لە ئێران و بەتایبەت کوردستان زیادی کردووە.

ئێمە چالاکانی بواری ژنان کە شاری مەریوان وێڕای مەحکووم کردنی مەرگی فەریناز خوسرەوانی و ژنای دیکە، داوا لە هەموو چالاکوانان، ئەنجوومەن و بەرپرسان دەکەین بەدواداچوونی ئەو رووداوە بکەن.

لە کۆتاییدا ئێمە داوا دەکەین کە بەرپرسانی پەیوەندیدار داوا لە بەرپرسانی پەیوەندیدار دەکەین:

١ـ بەدواداچوون بەپەلە بۆ پەروەندەی فەریناز خوسرەوانی بکرێت و بکەرانی ئەو رووداوە مەحکووم بکرێن
٢ـ دەستەبەرکردنی ئەمنییەتی هەمە لایەنە بۆ ژنان لە ماڵ و کۆمەڵگادا
٣ـ دەستەبەرکردنی ماڵی ئەمن بۆ ئەو ژنانەی پێویستیان هەیە
٤ـ لە هەموو شتێک گرینگتر سیاسی و ئەمنییەتی لە قەلەم‌نەدانی چالاکییە مەدەنییەکانی ژنان بە تایبەت لە کوردستان بۆ خزمەتی هەمە لایەنە و ئاگادارکردنەوەی ژنان
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٢ لەم ژمارەیەدا:

ــ شکستی کەرکووک کۆتایی ڕێگا نییە!
ــ ڕەوایی چەک و ڕەوایی خەڵکی
ــ ئیمپراتوریی نافەرمی ئێرانی
ــ دەسەڵات و کۆمەڵگا