• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٨ی مارسی ٢٠١٧ی زایینی - ٠٨ی خاکەلێوەی ١٣٩٦ی هەتاوی  

حیزبی دێموکرات: خەڵكی كوردستان لە بەرانبەر چارەنووسی رۆڵە فیداكارەكانیان بێ‌تەفاوت نامێننەوە

زایینی: ١٨-٠٥-٢٠١٥ - هەتاوی: ١٣٩٤/٠٢/٢٨ - ١١:٣١ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
حیزبی دێموکرات: خەڵكی كوردستان لە بەرانبەر چارەنووسی رۆڵە فیداكارەكانیان بێ‌تەفاوت نامێننەوە
کوردستان میدیا: دەفتەری سیاسیی حیزبی دێموكراتی كوردستانی ئێران سەبارەت بە شەپۆلی دەستبەسەرکران و زیندانی کردنی رۆڵەکانی كورد لە كوردستان راگەیەندراوێکی بڵاو کردەوە.

دەقی راگەیەندراوەکە بەم جەشنەیە:

هاونیشتمانانی بەڕێز!
كۆمەڵانی خۆڕاگری خەڵكی كوردستان!
كۆڕ و كۆمەڵەكانی لایەنگری مافی مرۆڤ !
بە دوای خرۆشانی ئەم دوایی‌یانەی خەڵک لە شاری مەهاباد، دژ بە ستەمكاریی رێژیمی كۆماری ئیسلامیی ئێران و رەفتاری كەرامەت شكێنانەی دەست‌ و پێوەندەكانی رێژیم لە كوردستان. دەزگا ئەمنیەتی و ئیتلاعاتی و باقی هێزە سەركوتكەرەكانی رێژیم بۆ دامركاندنەوەی رق و قینی هەمیشەیی‌یان لە خۆپێشاندەران شەپۆلێكی دیكە و بەرینیان لە تاقیب‌کردن، گرتن و زیندانی‌كردنی رۆڵەكانی كورد لە شارەكانی كوردستان وەرێخست و لە ماوەی رۆژانی رابردوودا چەند سەد كەسیان لە لاوان و خەڵكی شارەكان بە تاوانانی بەشداری لە خۆپیشاندان تەنانەت بە تۆمەتی بەشداریی‌كردن لە ناڕەزایەتی دەربڕین دەستگیر و زیندانی كردووە و حوكمی زاڵمانە و ناڕەوایان بەسەردا سەپاندوون.

لەو پێوەندییەدا دەفتەری سیاسیی حیزبی دێموكراتی كوردستانی ئێران وێڕای مەحكووم‌كردنی ئەو رەوتە تازەیە لە گرتن و زیندانی‌كردن دڵنیایە كە كۆمەڵانی خەڵكی كوردستان لە بەرانبەر چارەنووسی رۆڵە فیداكارەكانیان بێ‌تەفاوت نامێننەوە و بە هاسانی بەسەریدا تێپەڕ نابن. لەگەڵ ئەوەشدا داوا لە هەموو رێكخراوە سیاسییەكانی كوردستان رێكخراوە مەدەنییەكان ‌و چالاكانی مافی مرۆڤ دەكا كە دەنگی ناڕەزایەتیی خۆیان لە پێوەندی لەگەڵ چارەنووسی زیندانییەكاندا بەرز كەنەوە بەدانی زانیاری زیاتر لەسەر ژمارەی گیراوەكان ‌و رەفتاری هێزە سەركوتكەرەكانی رێژیمی كۆماری ئیسلامیی ئێران لەگەڵ بەندكراوان، یارمەتیدەر بن لە گەیاندنی رەفتاری زاڵمانەی كۆماری ئیسلامیی ئێران دەرحەق بە نەتەوەی كورد ‌و رۆڵەكانی ئە‌و نەتەوەیە بە كۆڕ ‌و كۆمەڵە نێونەتەوەیی‌یەكان.

لەو پێوەندییەدا حیزبی دێموكراتی كوردستانی ئێران هەوڵی جیددی ‌و بەردەوام دەدا بۆ پێوەندی گرتن بە كۆڕ ‌و كۆمەڵە نێونەتەوەیی‌یەكان ‌و رێكخراوەكانی داكۆكیكار لە مافی مرۆڤ ‌و ‌وڵاتانی خاوەن نفووز بە مەبەستی فشار هێنان بۆسەر كۆماری ئیسلامیی ئێران لە پێناو وەستاندنی رەوتی تاقیب و گرتن و زیندانی كردنی رۆڵەكانی كورد ‌و بۆ ئازادكردنی ئەو زیندانییانەی كە بە تاوانی دەنگ هەڵبڕین و ئیعتراز بە بێ‎عەداڵەتی و كەرامەت شكێنیەكانی دەست‌وپێوەندەكانی كۆماری ئیسلامی رژاونەتە سەر شەقامەكان.

كۆمەڵانی خەڵكی كوردستان!
هەرچەند ئەم حەرەكەتە بوێرانەی خەڵكی شاری مەهاباد و هاوسۆزیی شارەكانی دیكەی كوردستان لە سنە، مەریوان، بۆكان، سەردەشت، بانە، سەقز و... دەنگدانەوەیەكی جیهانی و ناوچەیی لێكەوتەوە و زۆر لایەنی شوێندانەر هەڵویستی بوێرانەی خەڵكی مهاباد و هاوسۆزی بەجێی شارەكانی دیكەی كوردستانیان بەرز نرخاند و ئەم رەفتارە دژ مروڤانەی دست‌وپێوەندەكانی رێژیمی كۆماری ئیسلامیان مەحكووم كرد و داوای سزادانی تاوانبارانیان كرد، بەڵام وەك دیترا بە رەواڵی هەمیشەیی، رێژیم بە هێنانەوەی پاساوی نەشیاو، تاوانبارانیان دەرباز كرد و كەوتنە گرتن و زندانی‌كردنی رۆڵەكانی كورد كە داكۆكییان لە بەها مرۆیی‌یەكان كردووە و كەرامەتی نەتەوەیی خۆیان پاراستووە.

جارێكی دیكە داوا لە كۆڕ و كۆمەڵە مرۆڤ دۆستەكان، رێكخراوە سیاسی و مەدەنییەكان و ئازادیخوازانی ئێران و كوردستان بەتایبەتی چالاكوانانی نێوخۆی وڵات و سەرجەم رۆڵەكانی نەتەوەی كورد دەكەین كە بە شێوەیەكی بەرین‌تر، بە كردەوەتر بۆ ئازادكردنی بەندكراوەكان و فشارهێنان بۆ سەر كۆماری ئیسلامیی ئێران و كۆتایی هێنان بە رەوتی تاقیب، راوەنان، گرتن و زیندانی‌كردنی رۆڵەكانی كورد تێبكۆش و خاوەن هەڵوێستی شیاو بن.

ئازادی بۆ زیندانییەكان
سەركەوتن بۆ رۆڵەكانی نەتەوەی كورد

حیزبی دێموكراتی كوردستانی ئێران
دەفتەری سیاسی
٢٨ی بانەمەڕی ١٣٩٤ی هەتاوی
١٨ی مەی ٢٠١٥ی زایینی
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٦٩٧ لەم ژمارەیەدا:

ــ پەیامی نەورۆزیی سکرتێری گشتیی حیزب
ــ بۆ ناتوانین خۆمان به خۆمان بناسێنین
ــ نەورۆز، ڕسکانەوە و ڕاسان
ــ پانۆرامای ڕاسان
  • داهاتووى کورد لە پەنجەرەى نەورۆزەوە داهاتووى کورد لە پەنجەرەى نەورۆزەوە
    مێتولۆژیش وەک میژوو لە هەگبەى بیرەورىی هەر نەتەوەیەکدا جێگەى تایبەتی خۆى هەیە، تەنانەت بەشێک لەوانە بوونەتە بەشێکى دانەبڕاو لە پێناسەى نەتەوەکان. وەک هەر دابێکى دیکە کە لە ژیانى ڕۆژانەدا دووبارە دەبنەوە و فەرامۆش ناکرێن و پەرەیان پێ دەدرێن.
  • شان به شانی یەک بەرەو داهاتوویەکی ڕوون شان به شانی یەک بەرەو داهاتوویەکی ڕوون
    باشووری زاگرۆس له درێژەی یەک ساڵی ڕابردوودا، بیست و چوارەمین ژمارەی خۆی خستووەتە بەر ڕاو بووچۆنی خوێنەرانی بەڕێز و بیست و پێنجەمین ژمارە‌ی خۆیشی پێشکەشی هەموو ئەو کەسانە دەکات کە تەنانەت بە یەک ڕستەش له جێبەجێ کردنی ئەرکی ئەم لاپەڕەیەدا هاوبەش و هاوکار بوونه. بێ‌شک به بێ یارمەتیی ئەو بەڕێزانه لاپەڕەی باشووری زاگرۆس قەت نەیدەتوانی پێ بنێتە دووهەمین ساڵی چالاکیی خۆی و درێژه به ئەرکه نەتەوەییه‌کەی خۆی بدات.
  • بۆ ناتوانین خۆمان به خۆمان بناسێنین بۆ ناتوانین خۆمان به خۆمان بناسێنین
    هەڵبەت دەبێ ئاماژه بکرێت که؛ ئەمه تەنیا کێشەی چالاکی کرماشانی نیه، بەڵکوو به‌داخەوه به هۆی نەبوونی مێژوویەکی نووسراو، خەڵکانی ئەو ناوچانەش لەو فکره‌دان که له کرماشان و ئیلام بزاڤی کوردیمان نەبووه و شۆڕش لەوێ ڕنگ و بۆنی نەبووه، ڕاستییەک که نیشاندەری نامۆیی کورد له کورد و مێژووی خۆیەتی، پرسێک که تاڵیەکەی ئەوەندەیه که بووەته هۆی گەشه‌نەسەندنی بزاڤی ڕزگاریخوازانەی کوردستان له بست به بستی وڵاتەکەمان.
  • پانۆرامای ڕاسان (٢) پانۆرامای ڕاسان (٢)
    ٣ی ڕەزبەر: یەكیەتیی خوێندكارانی دێموكراتی كوردستانی ئێران داوای لە خوێندكاران كرد پشتگیریی لە ڕاسان بكەن.
  • پانۆرامای ڕاسان (١) پانۆرامای ڕاسان (١)
    ٢٨ی ڕەشەمەی ١٣٩٤: لە ڕێوڕەسمێكی پڕشكۆی نەورۆزیدا لە سنوورەكانی كوردستانی ڕوژهەڵات، بە ئامادەبوونی ئەندامانی ڕێبەری، كادر، پێشمەرگە و ئەندامانی ئاشكرا و ژمارەیەك لە ئەندامانی نهێنیی حیزبی دێموكراتی كوردستانی ئێران و هەواڵنێرانی چەندین دەزگای میدیایی و تەلەڤیزیۆنی كوردی، بەڕێز مستەفا هیجری، سكرتێری گشتیی حیزبی دێموكرات دەستپێكی قۆناغێكی نوێی لە خەباتی خەڵكی كورد لە كوردستانی ڕوژهەڵات ڕاگەیاند كە دواتر بە "ڕاسان" ناوی دەركرد.
  • نەورۆز، ڕسکانەوە و ڕاسان نەورۆز، ڕسکانەوە و ڕاسان
    سروشت لە دیاردە دژبەر و پێکناکۆکەکاندا دەناسرێتەوە، ئەو کاتەی تاریکی و ڕووناکی، شین بوونەوە و وشکاندن، تینی هەتاو و سەهۆڵبەندان و سەرما، ڕەشەبا و شاخ، جووڵە و ڕاوەستان و .... لەبەرانبەر یەکدا ڕادەوەستن و پێکەوە و لە پێکهاتەیەکی پڕ لە داهێنان و نوێبوونەوەدا بە هەزاران سیماوە دەردەکەونەوە و ژیان دەنەخشێنن.
  • زانکۆ، یەکلاکەرەوی رەوتی سیاسی له کرماشان زانکۆ، یەکلاکەرەوی رەوتی سیاسی له کرماشان
    به بێ ناسینی سایکۆلۆژیای سیاسی‌-کۆمەڵایەتیی هەر کۆمەڵگایەک نه دەتوانین پلان و بەرنامەمان بۆی هەبێ، نه هیچ پلانێکی داڕێژراویش لەوێ سەردەکەوێ، ئەمه ئەسلێکی موتلەقه. ئێمەیش دەبێ ئەو ئەسله بۆ بەڕێوە بردنی چالاکییەکانمان و گەیشتن به ئامانجی دیاریکراومان لەبەرچاو بگرین و ڕەچاوی بکەین.
  • نیزامی پیاوسالار و پرسی ژن نیزامی پیاوسالار و پرسی ژن
    ئەوەی لە نووسراوە مێژووییەكاندا لەهەمبەر بابەتی فیمینیستیەوە بەرچاو دەكەوێ ‌‌و هەروەهاش لە قسە ‌و باسە فیمینیزمییەكاندا هەموو كاتێك بە شێوەیەكی جیدی ئاوڕی لێدەدرێتەوە، پێویستیی فێركردن ‌و بارهێنانی بوارە جۆراوجۆرەكان بۆ ژنان ‌و كچانە. مافی خوێندنیش گرینگترین مژار بووە ‌و ئیستاكەش هەر بەردەوامە.
  • مستەفا هیجری: با بیر بكه‌ینه‌وه‌ بۆ داهاتوومان مستەفا هیجری: با بیر بكه‌ینه‌وه‌ بۆ داهاتوومان
    دیاره‌ ئه‌وانه‌ باسێكی دوور و درێژن و ده‌كرێ كتێبیان له‌سه‌ر بنووسرێ، به‌ڵام ئه‌گه‌ر به‌ كورتی باسی بكه‌ین، ڕێكخستنی نوێ، به‌و واتایه‌ی كه‌ ئه‌و خه‌ڵكه‌ وه‌كوو هێزی تاك، تاكی ڕۆژهه‌ڵات، بتوانین كۆیان بكه‌ینه‌وه‌ و بیانكه‌ین به‌ هێزی شوێندانه‌ر. ئه‌وه‌ به‌ ڕێكخستن، ئه‌رك پێ ئه‌سپاردن، لێپرسینه‌وه‌ و زانیاری پێدانی ڕۆژ به‌ ڕۆژ ده‌چێته‌ پێشێ. ئه‌وه‌ ئه‌ركی بنه‌ڕه‌تیی حیزبی ئێمه‌ ده‌بێ.
  • ڕاسان، مۆتەكەی كۆماری ئیسلامیی ئێران! ڕاسان، مۆتەكەی كۆماری ئیسلامیی ئێران!
    واتە ئەگەر ئاژاوەنانەوەی ڕێژیم لە دەرەوە بۆ پاراستن و مانەوە و ئەمنییەتی ڕێژیم "تێز" بێت، ئەوە ڕاسان "ئانتی تێز"ە! لە پێكدادانی نێوان ئەم دوانەدا "سەنتێز" دێتە ئاراوە كە هەمان ڕزگاریی نەتەوەییە!
  • نیشانەناسیی ڕاسان وەک شەڕی نوێ نیشانەناسیی ڕاسان وەک شەڕی نوێ
    زمان وەک شتێکی دۆزراوە هەمان ئەمری بابەتێکی کۆمەڵایەتییە و زمانناسیی ڕاسان لە شەڕ "ساختارزدایی" (Deconstruit) لە خۆی دەکات و ئەو "ساختارزدایی"ە زمان ناسییە کە ئێمە بە نۆبەی خۆمان ئەوە وەک نیشانەشناسیی هەستانەوە دەزانین.
  • خورافە، ڕێگاخۆشکەرێک بۆ دواکەوتوویی کۆمەڵگا خورافە، ڕێگاخۆشکەرێک بۆ دواکەوتوویی کۆمەڵگا
    منداڵە ساواکەت لەسەر تاق دامەنێ شوومە و باش نییە! شەوان چاو لە ئاوێنە مەکە، تەمەنت لە غەریبی دەبەیتە سەر! شەوان بنێشت مەجاوە، شوومە و باش نییە! و....هتد.
  • ئەرکی تاکی کورد لە دژی خیانەت و جاشایەتی ئەرکی تاکی کورد لە دژی خیانەت و جاشایەتی
    خیانەت بە وڵات یانی خیانەت لە سەبەخۆیی و پاراستنی وڵات. خیانەت لە کاتی شەڕدا، یانی هاوکاری و بەشداری کردن لە گەڵ دوژمن لە کاتی شەڕدا.
  • مەرگی براکوژی مەرگی براکوژی
    بەڵام لەم سەردەمە نوێیەدا دۆخ و هەلومەرجی سیاسی و تێگەیشتنی کۆمەڵگا گەیشتۆتە ئاستێک کە چیدیکە ئەو جۆرە کردەوانە قبووڵ ناکا و هەرجۆرە پەنابردنە بەر شەڕێکی خۆکوژی مەحکووم دەکا.