کوردستان میدیا: رێکخراوەکانی لاوانی کوردستانی رۆژهەڵات لەهەمبەر رووداوەکانی پێوەندیدار بە پەکەکە و حدکا راگەیەنراوێکی هاوبەشیان بڵاو کردەوە.
دەقی راگەیەنراوەکە بەم چەشنەیە:
کۆمەڵانی ماف ویستی کوردستان
لاوانی گیان لەسەر دەستی نیشتمان
حیزب و رێکخراو و NGOکانی کوردستان
لە بارودۆخی هەستیاری ئێستای نەتەوەکەمان یەکڕیزی و یەکگرتوویی دەبێ لە پێش هەموو قازانج و بەرژەوەندییە تایبەتییەکانەوە بێت. لە پێناو دروست بوونی ئەو یەکڕیزییە پێویستە هەموو لایەک لە پێوەندییەکانیاندا هەست بە بەرپرسیاریەتی بکەن و وەکوو دۆست مامەڵە لەگەڵ یەکتردا بکەن و قەدەغە بوونی شەڕی براکوژی دەبێ لانی کەمی ئاستی پێوەندیی نێوان هەموو حیزب و لایەنە سیاسییەکانی هەر چوار پارچەی کوردستان بێ.
ئەوەی جێگەی نیگەرانییە لە ماوەی چەند رۆژی رابردوودا بەشێک لە پێشمەرگەکانی حدکا بە مەبەستی تێکۆشانی سیاسی و تەشکیلاتی، روویان لە سنوورەکانی کوردستانی رۆژهەڵات کردووە، بەڵام بەداخەوە لە ئەنجامی دروست بوونی سێ جار گرژی و ئاڵۆزی لە نێوان هێزەکانی حیزبی دێموکراتی کوردستانی ئێران و پارتی کرێکارانی کوردستان شەڕ رووی داوە و پێشمەرگەیەکی حدکا شەهید و چەند بریندارێکی لێ کەوتووەتەوە.
بە باوەڕی ئێمە نابێت هیچ حیزب و لایەنێک خۆی بە خاوەندار و دەسەڵاتداری هیچ ناوچەیەکی کوردستان بزانێ و دەبێت خەبات لە چوار چێوەی سنووری کوردستان بۆ هەموو هێزێکی تێکۆشەری کوردستان ئازاد و ئاوەڵە بێ.
ئێمە وەکوو رێکخراوەکانی لاوان ئیدانەی هەرجۆرە شەڕێکی کورد بە دەستی کورد دەکەین و بە دڵنیایییەوە هەر کەس و لایەنێک هۆکاری سەرهەڵدانی شەڕی براکوژی بێ، ئەوا دەبێ لە بەرانبەر سەروەرییەکانی نەتەوەی کورد وەڵامدەر بێت.
ئێمە وەک لاوانی رۆژهەڵات هەردوو لایەنی حدکا و پەکەکە بە تێکۆشەری کورد دەزانین و داوا دەکەین بە زووترین کات کۆتایی بەو رەوشە بێنن و دەستی برایەتی بخەنە ناو دەستی یەکترەوە.
ئومێد دەکەین هەموو لایەنەکان بە هەستی بەرپرسیارەتییەوە رووبەرووی ئەو تەنگەژەیە ببنەوە و رێگەی روودانی هەر چەشنە رووداێکی دڵتەزێنی دیکە بگرن و کۆتایی بە کێشە و ناکۆکییەکان بە گرتنە بەری رێگەی ئاشتیانە بێنن.
بەرەو یەکڕیزی نەتەوەی کورد بۆ بە دەستهێنانی ئازادی لە هەرچوار پارچەی کوردستان
لیژنەی هاوئاهەنگی رێکخراوەکانی لاوانی کوردستانی رۆژهەڵات
٤ی جۆزەردانی ٢٧١٥ی کوردی
دەقی راگەیەنراوەکە بەم چەشنەیە:
کۆمەڵانی ماف ویستی کوردستان
لاوانی گیان لەسەر دەستی نیشتمان
حیزب و رێکخراو و NGOکانی کوردستان
لە بارودۆخی هەستیاری ئێستای نەتەوەکەمان یەکڕیزی و یەکگرتوویی دەبێ لە پێش هەموو قازانج و بەرژەوەندییە تایبەتییەکانەوە بێت. لە پێناو دروست بوونی ئەو یەکڕیزییە پێویستە هەموو لایەک لە پێوەندییەکانیاندا هەست بە بەرپرسیاریەتی بکەن و وەکوو دۆست مامەڵە لەگەڵ یەکتردا بکەن و قەدەغە بوونی شەڕی براکوژی دەبێ لانی کەمی ئاستی پێوەندیی نێوان هەموو حیزب و لایەنە سیاسییەکانی هەر چوار پارچەی کوردستان بێ.
ئەوەی جێگەی نیگەرانییە لە ماوەی چەند رۆژی رابردوودا بەشێک لە پێشمەرگەکانی حدکا بە مەبەستی تێکۆشانی سیاسی و تەشکیلاتی، روویان لە سنوورەکانی کوردستانی رۆژهەڵات کردووە، بەڵام بەداخەوە لە ئەنجامی دروست بوونی سێ جار گرژی و ئاڵۆزی لە نێوان هێزەکانی حیزبی دێموکراتی کوردستانی ئێران و پارتی کرێکارانی کوردستان شەڕ رووی داوە و پێشمەرگەیەکی حدکا شەهید و چەند بریندارێکی لێ کەوتووەتەوە.
بە باوەڕی ئێمە نابێت هیچ حیزب و لایەنێک خۆی بە خاوەندار و دەسەڵاتداری هیچ ناوچەیەکی کوردستان بزانێ و دەبێت خەبات لە چوار چێوەی سنووری کوردستان بۆ هەموو هێزێکی تێکۆشەری کوردستان ئازاد و ئاوەڵە بێ.
ئێمە وەکوو رێکخراوەکانی لاوان ئیدانەی هەرجۆرە شەڕێکی کورد بە دەستی کورد دەکەین و بە دڵنیایییەوە هەر کەس و لایەنێک هۆکاری سەرهەڵدانی شەڕی براکوژی بێ، ئەوا دەبێ لە بەرانبەر سەروەرییەکانی نەتەوەی کورد وەڵامدەر بێت.
ئێمە وەک لاوانی رۆژهەڵات هەردوو لایەنی حدکا و پەکەکە بە تێکۆشەری کورد دەزانین و داوا دەکەین بە زووترین کات کۆتایی بەو رەوشە بێنن و دەستی برایەتی بخەنە ناو دەستی یەکترەوە.
ئومێد دەکەین هەموو لایەنەکان بە هەستی بەرپرسیارەتییەوە رووبەرووی ئەو تەنگەژەیە ببنەوە و رێگەی روودانی هەر چەشنە رووداێکی دڵتەزێنی دیکە بگرن و کۆتایی بە کێشە و ناکۆکییەکان بە گرتنە بەری رێگەی ئاشتیانە بێنن.
بەرەو یەکڕیزی نەتەوەی کورد بۆ بە دەستهێنانی ئازادی لە هەرچوار پارچەی کوردستان
لیژنەی هاوئاهەنگی رێکخراوەکانی لاوانی کوردستانی رۆژهەڵات
٤ی جۆزەردانی ٢٧١٥ی کوردی