• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٧ی ئوکتۆبەری ٢٠١٧ی زایینی - ٢٥ی رەزبەری ١٣٩٦ی هەتاوی  

مستەفا هیجری: دەوڵەتی ئاڵمان بە قورسایی خۆی دەتوانێ لە جیهاندا پاڵپشتیی کوردەکانی ئێران بکات

زایینی: ٣١-٠٥-٢٠١٥ - هەتاوی: ١٣٩٤/٠٣/١٠ - ١٧:٣٣ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
مستەفا هیجری: دەوڵەتی ئاڵمان بە قورسایی خۆی دەتوانێ لە جیهاندا پاڵپشتیی کوردەکانی ئێران بکات
کوردستان میدیا: رۆژنامەی بیڵدی ئاڵمانی لە بارەی ناڕەزایەتییەکانی ئەم دوایی‌یانەی مەهاباد و کوردستان، وتووێژێکی لەگەڵ مستەفا هیجری سکرتێری گشتیی حیزبی دێموکرات پێکهێناوە.

دەقی ئەو وتووێژە کە لەلایەن رۆژنامەنووس ''ئانتیێ شیپمان'' رێکەوتی ٨ی جۆزەردانی ١٣٩٤ی هەتاوی پێکهاتووە و لە رۆژنامەی بیڵد بڵاو بووەتەوە، بەم چەشنەیە:

ئایا کورد رێژیمی ئیرانی پێ دەڕووخێندرێت؟

له کاتێکدا ئەمریکا هەوڵەکانی بۆ گەیشتن به رێککەوتن لەسەر بەرنامەی ناوکیی ئێران چڕ کردووەتەوه، شەپۆلێکی ناڕە‌زایەتی، باکووری رۆژئاوای ئێران (رۆژهەڵاتی کوردستان) گرتەوە.

گەلی کورد، سێیەمین نەتەوەی گەورەی ئێران، سەرەتای مانگی مەی رژانه سەر شەقامەکان و له‌لایەن هێزەکانی رێژیمەوه سەرکوت کران.

له ئێراق و بەشێکی سووریه، کورد رۆلێکی گرینگیان هەیه، بە تایبەت له شەڕ دژ به دەوڵەتی ئێسلامی وەک قارەمان دەرکەوتوون. ئایا کوردەکانی ئێرانیش دەتوانن ببنه هێزێک که ئێران حیسابیان بۆ بکات؟

له بێرلین چاومان به مستەفا هیجری، سکرتێری گشتیی حیزبی دێموکراتی کوردستانی ئێران کەوت. هیجری باسی خراپیی رە‌وشی نەتەوه بن دە‌ستەکانی ئێرانی کرد و هوشداری دا که رێککەوتن لەسەر بەرنامەی ناوکی لەگەڵ ئێران، دەتوانێ رێژیم له ئاستی نێوخۆ و دەرەوەدا زیاتر بەهێز بکات و دەستی بۆ سەرکوتی ئوپۆزسیۆن کراوەتر بکات.

سکرتێری گشتیی حیزبی دێموکراتی کوردستانی ئێران لەلایەن پۆلیسەوه ئێسکۆرت دەکرێت. رێژیمی ئێران مەترسیی بۆسەر ژیانی دروست کردووه. ساڵی ١٩٩٢ تیمێکی تێرۆریستیی سەربه ئێران له رێستورانێکی بێرلین چوار کوردیان کۆشت. یەکێک لەوان سکرتێری پێشووی حیزبی دێموکرات بوو.

ناڕەزایەتییەکانی ئەم دوایی‌یانە له شاری مەهاباد دەستیان پێ کرد. هۆکاری ئەم ناڕە‌زایەتییانه، گیان له دەستدانی کچێکی کورد بوو که له نهۆمی چواری هۆتێلێکدا خوی فڕە دابووه خوارێ.

دەگوترا کەسێکی سەربه رێژیم هەوڵی دەستدرێژی کردنی بۆسەر ئەو کچه داوه. ئەو کچه که لەو هۆتێله کارمەند بوو، هیچ رێگایەکی دیکەی بۆ دە‌ربازبوون، نەبوو.

فەریناز خوسرەوانی، ٢٥ ساڵه، به خۆخستنەخوارەوه، کۆتایی به ژیانی هات. هەر پاش ئەم رووداوه به هەزاران کەس رژانه سەر شەقامەکان و دەستیان به دەربڕینی ناڕەزایەتی کرد. هیجری دەڵێ، هێزەکانی رێژیم به توندی خەڵکی ناڕازییان سەرکوت کرد.

رێژیم به زووترین کات هەوڵی کۆنترۆڵی هێڵەکانی ئێنترنێت و تەلەفوونی دا، تاکوو ئەم ناڕە‌زایەتییانه دەنگدانەوەیان نەبێت و نەگەنه شارەکانی دیکه. زیاتر له سەد کەس لەسەر ئەم ناڕە‌زایەتییانه دەستبەسەر کراون و نزیکەی ٣٥ کەس بریندار بوون. مستەفا هیجری دەڵێ، ئەم جۆره ناڕە‌زایەتییانه شتێکی نوێ نین و کورد له کوردستانی ئێران له هەموو دەرفەتێک کەڵک وەردەگرن تاکوو دژ به رێژیم ناڕە‌زایەتیی خویان دەربڕن.

کوردی ئێران هیواداره وڵاتانی رۆژئاوایی پشتگیریی بکەن. کورد له ئێران له ژێر گۆشار دایه و دەچەوسێتەوه و ئەمەش هۆکاری هەبوونی ناڕە‌‌زایەتیی زۆره لەلایەن خەڵکەوه وەک ئەوەی له مەهاباد رووی دا.

هیجری دەڵێ، دڵنیام ئەم جۆره ناڕە‌زایەتی و خۆپێشاندانانه نەک کەم نابنەوه بەڵکوو زیاتر دەبن. هەتا رێژیم زیاتر سەرکوت بکات، خەڵکیش زیاتر هان دەدرێن ناڕە‌زایەتی دەربڕن. هیجری به له نێوچوونی رێژیم خوش‌بینه و دەڵێ: وەک هەموو رێژیمه تۆتالێتێرەکانی دیکەی دنیا، ئەم رێژیمەش رۆژێک کۆتایی به دەسەڵاتی دێت.

نیو‌‌ەی خەڵکی ئێران فارس نین و سەر به نەتەوەکانی دیکەن. لەوانه نەتەوەی کورد که لانیکەم هەشت میلیۆن حەشیمەتیەتی. کورد سێیەمین نەتەوەی ئێرانن و له ناوچە سنوورییەکانی نێوان ئێران، عێراق و تورکیه نیشتەجێن. کوردەکان به زیاتر له چل میلیۆن حەشیمەت، گەورەترین نەتەوەی بێ دەوڵتی دنیان.

بەڵام ئەوه تەنیا کورد نیه کە لەلایەن رێژیمی ئێرانەوه دەچەوسێتەوه. هەڵاواردن و چە‌وسانەوه بەلووچ، ئازەری وعەرەب و تورکمەنەکانیش به شێوەی جۆراوجۆر دەگرێتەوه. یاسا و رێساکان بۆ کەمایەتییه ئێتنیکییەکانی ئێران له زۆر بواری فەرهەنگی و هەروەها زمانی زگماکیدا زۆر توندن. هەوڵدان بۆ به دەستهێنانی مافی چارەی خۆنووسین به توندی بەرپەرچ دەدرێتەوه و هەرچەشنه ناڕە‌زایەتییەک سەرکوت دەکرێت.

بارودۆخی ئێران بۆ خەڵکی ئەو وڵاته ترسناکه. هەرچەشنه ئازادییەک سەرکوت دەکرێت. تاکەکان ناتوانن بیروڕای خۆیان ئازادانه دەربڕن. کەمایەتییه ئێتنیکییەکان به توندی سەرکوت دەکرێن. هەر بۆیەش له زۆربەی ئەو هەرێمانەی کەمایەتییه ئێتنیکییەکانی لێ دەژین، ناڕە‌زایەتییەکان زیاترن. سیاسەتمەداری کورد، مستەفا هیجری دەڵێ: ویست و ئێرادە بۆ رووخاندنی رێژیم لای کەمە نەتەوەکان زۆر زیاتره. ئەو دژی رێککەوتنێکه لەگەڵ ئێران که ببێته هۆی به هێزبوونی رێژیم. هەر رێککەوتنێک رێژیم به هێز بکات، شانسی گۆڕینی ریژیم له ئێراندا کەم دەکاتەوه.

هیجری دەڵێ: رێژیم دەیهەوێت ئەم رێککەوتنه به ئامانج بگات تاکوو گەمارۆ ئابوورییەکانی لەسەر نەمێنن. ئابووریی ئێران له دۆخێکی زۆر خراب دایه و زەمینگیر بووه. بەڵام رێککەوتن لەگەڵ رۆژئاوا، دەبێته هۆی به هێزبوونی رێژیم بۆ بەرەوپێشبردنی سیاسەتەکانی له ناوچەدا و پشتگیرییەکانی بۆ ئەسەد و حیزبوڵڵا و میلیشیاکانی دیکەی ناوچکە زیاتر دەکات. هە‌روەها دەبێته هۆی مانەوەی رێژیم و خەڵکی ئێران له گەیشتن به ئازادی، چەند هەنگاوێک دوورتر دەخاتەوه.هیجری هەروەها دەڵێ، بارودۆخی خراپی ئێستای مافی مرۆڤ زیاتر بەرەو خراپی دەچێت.

هیجری دەڵێ: ئایدیۆلۆژیی رێژیم به هەموو شێوەیەک له سیاسەتە‌کانیدا رە‌نگی داوەتەوه. سیاسەتی رێژیم دروستکردنی قەیرانی جۆراوجۆر و پەرەپێدانی نائارمی له ناوچەکەدا و هەروەها سەرکوتی کەمایەتییەکان و هەموو ئەوانەی رخنەگری رێژیمن و وەک رێژیم بیر ناکەنەوه. رێککەوتن لەگەڵ رێژیم نەک هەر نابێته هۆکاری گۆڕانی ئەم سیاسەتانەی، بەڵکوو رێژیم بە هێزتر له ئێستا درێژە به سیاسەتەکانی دەدات.

له کاتێکدا که رێژیم له تاران بیر له پەرەپێدانی دەسەڵات له ناوچەکەدا دەکاتەوه، ناڕە‌زایەتییەکانی مەهاباد نیشاندەری ئەوەن که رێژیم سەقامگیرییەکی سیاسیی ئەوتۆی له نێوخۆدا نییه. له نێو خەڵکی ئێراندا رق و قینی زۆر بەرانبەر به رێژیم هەیه و هەر بۆیەش هەر چەشنه ناڕە‌زایەتی دەربڕین و خوپێشاندانێک دەتوانێ زەبر له رێژیم بدات. به وتەی لێکۆڵەری سیاسی جاناتان سپەیر، به هۆی بڵاوەپێکردنی هێزەکانی رێژیم له هەموو ناوچەدا، هێزێکی کەمتر له نێو ئێراندا بۆ سەرکوتکردن ماوەتەوه.

هەر لەم بارەوه عەلی ئالفۆنه پسپۆڕ له بواری ئێراندا دەڵێ: سەرهەڵدانەکان به مەبەستی جیابوونەوه له ئێران و شەڕی ئێران و عێراق و به کارهێنانی تیرۆر توانیی دەسەڵاتی رێژیم له ئێراندا زیاتر بکات. له ترسی ئەوەی بارودۆخی ئێرانیش وەک سووریەی لێ بێت و شەڕی نێوخۆیی ئێران بگرێتەوه، خەڵک دژ به رێژیم هەڵناستن، هەرچەند زۆرایەتیی خەڵک رێژیمی ئێرانی ناوێت. به وتەی ناوبراو، کێشەکانی ئەو هەرێمانەی که کەمایەتییه ئێتنیکییەکانی لێ دەژین، زیاتر کێشەی ئابوورین. ئەو دەڵێ: سیاسەتی ئێران زیاتر تەمەرکوزی له سەر تارانه. پارە‌ی نەوتی ئێران زیاتر لەوێ خەرج دەکرێت. لەوێ هەموان ئێمکاناتی باشی پەرەوەدەیان بو دابین کراوه و له بواری کار و هەروەها خزمەتی تەندروستیدا تاران زۆر له پێشەوەیه. له کاتێکدا ناوچەکانی دوورەد‌‌ست ئێمکاناتیان زۆر کە‌متره. هەر چەشنه دەربڕینی ناڕەزایەتییەک له هەرێمەکانی کەمایەتییه ئێتنێکییەکاندا لەلایەن رێژیمەوه هەوڵدان بۆ جیابوونەوه له ئێران و تێکدانی ئاسایشی نەتەوەیی ئەژمار دەکرێت. له جێگای ئەوەی بارودۆخی ئابووری ئەو هەرێمانه باش بکەن، به هەر بیانوویەک سەرکوتیان دەکەن. ئەمەش دەبێته هەرچی زیاتر دروست بوونی مەودا له نێوان ناوەند و ناوچەکانی دوور لە ناوەند و کێشەی نێوان نەتەوەکان زیاتر دەکات.

مستەفا هیجری دەڵێ: تا دێت ناڕە‌زایەتیی خەڵک له رێژیم پەرە دەستێنێت. خەڵک دژی سیاسەتەکانی رێژیم له ناوچەن. دە‌ستێوەردانەکانی رێژیم له عێراق، سووریه، غەزه و لوبنان و یەمەن، دڵخوازی خەڵکی ئێران نین. خەڵک دەبینێت که به میلیۆن پارەی ئەو وڵاته دەنێردرێت بو وڵاتانی دەوروبەر، له کاتێکدا باری ئابووریی خەڵکی ئێران رۆژ به رۆژ خراپتر دەبێت.

هیجری ئاواتی به دێموکراسی بوونی ناوچەکەیه و هیواداره بۆ ئەم رەوته دەوڵەتی ئاڵمان یاریدەر بێت. ئەو دەڵێ: "ئێمەی کورد سەلماندوومانه که دەتوانین پارتنێرێکی باش بین بو وڵاتانی رۆژئاوایی. له عێراقدا هاوئاهەنگیی زۆر باش له نێوان کورد و دەوڵەتی ئاڵماندا هەیه. ئەمه دەتوانێت له داهاتوودا لەگەڵ کوردی ئێرانیش هەبێت".

پێشمەرگەکانی کوردی ئێرانیش لەشەڕ دژ به دەوڵەتی ئیسلامی رۆلی خۆیان گێڕاوه.

کوردستانی ئێران دوای تورکیه، دووهەمین بەشی گەورەی کوردستانه و له ئێستادا کوردی ئەو بەشە له ژێر زیاترین چەوسانەوە دایه. هیجری دەڵێ: ئێمە پێویستمان به پشتگیرییه و به هیواین وڵاتانی رۆژئاوا و لەوانه ئاڵمان، پشتگیریمان بکەن. ئێمه هیوادارین که دەوڵەتی ئاڵمان بزووتنەوەی دێموکراسیخواز له ئێراندا و هەروەها پشتگیری لە خەباتی رە‌وای کورد لەو وڵاتدا بکات. ئاڵمان وڵاتێکی گەورەیه و له ئاستی نێونەتەوەییدا قورسایی خۆی هەیه. هیواداری له ناوچەکەی ئێمەشدا بۆ بەرەوپێشبردنی رە‌وتی دێموکراسی رۆلی بەرچاو ببینێت.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٠ لەم ژمارەیەدا:

ــ هەموو ڕێگاکان دەچنەوە کوردستان
ــ سەهۆڵبەردان لە ڕۆژهەڵاتی ناویندا
ــ دیپلۆماسیی درۆزنەی نێوخۆیی
ــ زیندانیی سیاسی بوونی نییە
  • ڕەساڵەتی تەنز له شێعری \ ڕەساڵەتی تەنز له شێعری "مەلا مارف کۆکەیی"دا
    کۆمەڵیک ڕووداوی ناخۆش و تاڵ وەک شەڕە جیهانییه‌کان، شەڕی ناوخۆی ئێران، سیڵاوی مەهاباد، کوشتاری خەڵکی ئه‌م شاره و قات و قڕی له ماوەی ژیانی مەلا مارفدا که له سەر هەژاری و نەداری خەڵک شوێندانەر بوو له شێعرکانی ڕەنگدانه‌وەی جیددیان هه‌یه، شاعیری نوکته باز له سەردەمی دیکتاتۆرییه‌تدا زۆر جار به زمانی ته‌نز لۆمه له‌م بارودۆخه دەگرێ.
  • کەریم پەرویزی: خەڵک بە هاتنیان بۆ سەرشەقام، ترسیان لە داپڵۆسینی ڕێژیم ڕەویوەتەوە و لە مەرحەلەیەکی دیکەدا، دەبێت ترسی خەڵک لە زیندان بشکێت و بڕۆنە بەر زیندانەکان و داوای ئازادکردنی گیراوەکان بکەن کەریم پەرویزی: خەڵک بە هاتنیان بۆ سەرشەقام، ترسیان لە داپڵۆسینی ڕێژیم ڕەویوەتەوە و لە مەرحەلەیەکی دیکەدا، دەبێت ترسی خەڵک لە زیندان بشکێت و بڕۆنە بەر زیندانەکان و داوای ئازادکردنی گیراوەکان بکەن
    خرۆشانی جەماوەریی ڕۆژهەڵات و پەیامەکانی لە دوای ئەنجامە ئەرێنییەکەی ڕێفراندۆمی سەربەخۆیی کوردستانی باشوور، مژاری چاوپێکەوتنێکی تەلەفزیۆنی تیشکە لەگەڵ کەریم پەرویزی، ئەندامی دەفتەری سیاسی حیزبی دێموکراتی کوردستانی ئێران کە سەرنجتانی بۆ خوێندنەوەی ڕادەکێشین.
  • بەرەو درووستکردنی حکوومەتێکی سەربەخۆ و دێموکرات لە باشوور بەرەو درووستکردنی حکوومەتێکی سەربەخۆ و دێموکرات لە باشوور
    چوار فاکتۆری سەرچاوە گرتنی ئەم سەربەخۆییە لە ئیرادەی گشتی، دادپەروەری وەک بناغەی ئەو حکوومەتە، دێموکراسی و هەبوونی هێزی پێشمەرگە بۆ دابین کردنی ئاسایش و ئاسوودەیی هاووڵاتیان لەو فاکتۆرانەن کە لە بەرژەوەندیی حکوومەتی سەربەخۆی باشووری کوردستان دا دەبن.
  • باشووری کوردستان و بنچینەی خەباتی گەلی کورد باشووری کوردستان و بنچینەی خەباتی گەلی کورد
    ئێمە دەبێ سەرەتا لە هەناوی کۆمەڵگەی خۆماندا حزوورمان هەبێت و ئاگاداری هەموو گرفت و خەسڵەتەکانۆ کۆمەڵگەی خۆمان بین و بتوانین جیاوازییە هەرێمی و ناوچەییەکان بناسین، هەتا بتوانین بەرنامە و پرۆژەکانمان لەسەر بنەمای واقیعی کۆمەڵگەکەمان بێت.
  • چیرۆکی منداڵانی بێ‌‌سەرپەرەست لە ئێران چیرۆکی منداڵانی بێ‌‌سەرپەرەست لە ئێران
    سەرئەنجام دوای پڕۆسەی قانوونی، ماری و مێردەکەی پێکەوە لە ئافریقاڕا کچێک و کۆڕێکیان وەک منداڵی خۆیان وەرگرت. ئێستا ئەوان ١٤ ساڵ و ١٢ ساڵ تەمەنیانە و وەک هەر منداڵێکی دیکە دەچنە قوتابخانە و ژیانێکی باشیان هەیە.
  • خۆكوژی كۆتاییەكی تراژێدیك خۆكوژی كۆتاییەكی تراژێدیك
    دیاردەگەلێك كە بەربەستن لە بەردەم بەرزەفڕی مرۆڤ و وەك نەخۆشییەك خەون و ئارەزووەكانی مرۆڤ تووشی بەلاڕێداچوویی دەكەن و لە ئاكامدا ئەوە ئەو دیاردانەن كە زۆرجار زاڵ دەبن بەسەر مرۆڤدا. خۆكوژی یەكێك لەو دیاردانەیە كە ئەمڕۆ بەربینگی مرۆڤی گرتووە و بووەتە دیاردە لە نێو هەموو كۆمەڵگا مرۆییەكانی جیهاندا.
  • ڕاسان پرۆژەیەکی سیاسی نوێ لە خەباتی ڕۆژهەڵاتدا ڕاسان پرۆژەیەکی سیاسی نوێ لە خەباتی ڕۆژهەڵاتدا
    زۆربەی بزاڤە ڕزگاریخوازەکانی دنیا لە حاڵەتێکدا سەریان هەڵداوە، کە دیکتاتۆرەکان ویستوویانە لە ڕێگای ئامرازەکانی هێز و دەسەڵاتەوە ڕێککەوتنێکی مڵکەجبوون لە نێوان خۆیان و کۆمەڵگادا ساز بکەن و کۆمەڵگا ملکەجی بەرژەوەندییەکانی خۆیان بکەن و ئەدەبیاتێک لە سەر کۆمەڵگا زاڵ بکەن کە لە ڕاستای دەسەڵاتی ئەواندا بێت و سەروەری ئەوانی تێدا گارانتی کرابێت.
  • دیپلۆماسیی درۆزنەی نێوخۆیی دیپلۆماسیی درۆزنەی نێوخۆیی
    کەوایە بەپێی وتەی بەرپرسانی ڕێژیم، خامنەیی ڕاستەوخۆ لە هەڵبژاردنی هەموو وەزیرەکانی رووحانیدا دەستی هەیە، ڕەنگە لێرەدا بگوترێ: "بۆخۆت بەخێر بێیتەوە، ئاگات لە کوێیە؟"
  • هەموو رێگاکان دەچنەوە کوردستان هەموو رێگاکان دەچنەوە کوردستان
    لە دوای ٥٧ و خۆسەپاندنی رێژیمی ئیسلامی بەسەر گشتایەتیی جوغرافیای ئێراندا، کوردستان بوو بە مەکۆی گشت لایەنە پەراوێزخراوەکان، ئەو رۆژانە زۆر لایەن بوون کە لە نیشتمانی کوردەکاندا داڵدە درابوون، حیزبە کوردییەکان بە سینگ ئاوەڵاییەوە وەریانگرتن.
  • سەهۆڵبەردان لە رۆژهەڵاتی ناویندا سەهۆڵبەردان لە رۆژهەڵاتی ناویندا
    پەرەئەستاندنی دێموکراسی و پتەوبوونی پەیوەندیی لە نێوان ئەمریکا، وڵاتانی ئەورووپی، ژاپۆن، کورەی باشوور و ئوسترالیا "بەراییەکی ئاشتی" (zone of peace) لێ کەوتووەتەوە. دێموکراسی هەروەها ڕای گشتی کردووەتە فاکتەری سنووردارکەر، هەڵبەت نەک ڕێگر، لە پەیوەندی لەگەڵ شەڕکردنی وڵاتانی دێموکراتیکدا.
  • زیندانیی سیاسی بوونی نییە زیندانیی سیاسی بوونی نییە
    لە وڵاتێکی ژێر دەسەڵاتێکی دیکتاتۆری و فاشیستیدا، شتێک بە ناوی زیندانیی سیاسی ناتوانێ مانایەکی هەبێ و ئاماژەیەک بۆ شتێکی راستەقینە نابێ. لە راستیدا چەمکی زیندانیی سیاسی دەتوانێ چەمکێکی چەواشەکارانە و بەلاڕێدابەرانە بێ.
  • ئەحمەد شێربەگی: دوكتور سه‌عید پێی وابوو كه‌ هه‌ر به‌شێكی كوردستان ڕزگاری بێ، كارتێكه‌ری خۆی له‌سه‌ر به‌شه‌كانی دیكه‌ی كوردستان ده‌بێ ئەحمەد شێربەگی: دوكتور سه‌عید پێی وابوو كه‌ هه‌ر به‌شێكی كوردستان ڕزگاری بێ، كارتێكه‌ری خۆی له‌سه‌ر به‌شه‌كانی دیكه‌ی كوردستان ده‌بێ
    بە بۆنەی ٢٥ـەمین ساڵڕۆژی شەهیدانی بێرلین لە لایەن دیپلۆمات تێرۆریستانی نێردراوی ڕێژیمی ئیسلامیی ئێران ڕۆژنامەی کوردستان ئۆرگانی کۆمیتەی ناوەندیی حیزبی دێموکراتی کوردستانی ئێران وتووێژێکی لەگەڵ "ئەحمەد شێربەگی" بێژەری بەناوبانگی ڕادیۆ دەنگی کوردستانی ئیران پێک هێناوە کە دەقی ئەم وتووێژە بەم چەشنەیە:
  • شەرەفکەندی، قارەمان یا پاڵەوان؟ شەرەفکەندی، قارەمان یا پاڵەوان؟
    لە ڕاستیدا خودی وشەی "شۆڕش" (انقلاب) واتە گۆڕانێکی بنەڕەتی لە ناوەڕۆکدا؛ ئەوەش پێویستی بە هەندێک هۆکاری تایبەتی و گشتی هەیە کە هۆکارە تایبەتییەکە ئەوەیە سەرتاسەری شۆڕشەکانی مێژوو بە دەست کەسانی نوخبه و زانای کۆمەڵگای نێوخۆی خۆیان کراوە جا ئەم کەسانە لە هەر چین و توێژێکی کۆمەڵگا بن و بە هەر جۆرە بیرۆکەیەک.
  • کرماشان، لانکەی کولتوور و ژیاری مرۆیی لە کوردستان کرماشان، لانکەی کولتوور و ژیاری مرۆیی لە کوردستان
    لە ساڵانی ١٣٣٠ی (١٩٥٢ی زایینی) هەتاوی بەئەملا لەسەر دەستی كەسانێكی تر و نەوەیەكی تر شەپۆل و رەهەندێكی دیكە لە نووسین و داهێنانی ئەدەبی و بەتایبەت ژانری شیعر لە كرماشان و ئیلام سەر هەڵدەدەن و دەبنە ئاوێنەی باڵانوێنی كۆمەڵ و لەباری فەرهەنگییەوە پێشەنگایەتیی ئەو قۆناغە دەگرنە ئەستۆ.