• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٧ی ژانویەی ٢٠١٧ی زایینی - ٢٨ی بەفرانباری ١٣٩٥ی هەتاوی  

راگەیەنراو/ حیزبی دێموکرات تەقینەوەی تیرۆریستیی شاری ئامەدی مەحکووم کرد

زایینی: ٠٦-٠٦-٢٠١٥ - هەتاوی: ١٣٩٤/٠٣/١٦ - ١٧:٤٧ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
راگەیەنراو/ حیزبی دێموکرات تەقینەوەی تیرۆریستیی شاری ئامەدی مەحکووم کرد
کوردستان میدیا: دەفتەری سیاسیی حیزبی دێموكراتی كوردستانی ئێران، لە پێوەندی لەگەڵ تەقینەوەی تیرۆریستیی شاری ئامەد لە کاتی بانگەشەی هەڵبژاردنەکانی پارلمانیی تورکیە، راگەیەنراوێکی بڵاو کردەوە.

دەقی ئەو راگەیەنراوە بەم چەشنەیە:

ئێوارەی رۆژی هەینی رێکەوتی ٥/٦/٢٠١٥ی زایینی بەرانبەر بە ١٥/٣/١٣٩٤ی هەتاوی، واتە دوو رۆژ پێش هەڵبژاردنەكانی توركیە ‌و رۆژێك بەر لە كۆتایی بانگەشەی هەڵبژاردن، دەستێكی ناپاك ‌و دوژمنكارانە، دوو تەقینەوەی بە مەودای زەمانیی ٥ خولەك لە نێو ئاپۆڕای خەڵكی بەشدار لە متینگی چەند هەزار كەسیی HDP لە گۆڕەپانی ئێستاسیۆنی ئامەد ئەنجام دا كە بەداخەوە ٤ كوژراو ‌و زیاتر لە ٤٠٠ برینداری لێ كەوتەوە.

لەو پێوەندیەدا دەفتەری سیاسیی حیزبی دێموكراتی كوردستانی ئێران وێڕای مەحكووم كردنی توندی ئەو كردەوە تیرۆریستییە ‌و بەداخ‌بوونی بۆ گیان لە دەستدانی قوربانییانی ئەو كردەوە تیرۆریستییە، ئاواتی چاك‌بوونەوەی هەرچی زووتری زام هەڵگرتووەكان دەخوازێ ‌و ئەو كردەوە تیرۆریستییانە لەلایەن هەركەس ‌و لایەنێكەوە بێ، شەرمەزاری دەكا. هاوكات سەرەخۆشی لە بنەماڵەی گیان لەدەست داوەكان دەكا ‌و خۆی بە هاوبەشی خەمیان دەزانێ. هەروەها هیوادارین كە ئەم كردەوە تیرۆریستییانە شوێن لەسەر ئیرادەی لێبڕاوانەی خوشك ‌و براكانمان لە باكووری كوردستان دانەنێ ‌و پرۆسەی هەڵبژاردن لە رەوتی ئاسایی خۆیدا بەرەوپێش بەرن.

نەمان بۆ تیرۆریزم ‌و تیرۆریست‌پەروەرەكان
سەركەوتن بۆ ئازادی ‌و رزگاریی گەلان

حیزبی دێموكراتی كوردستانی ئێران
دەفتەری سیاسی
٦/٦/٢٠١٥ی زایینی
١٦/٣/١٣٩٤ی هەتاوی
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٦٩٢ لەم ژمارەیەدا:

ــ جاڕنامه‌كه‌ی ڕۆحانی، له كۆیه ده‌نگی دایه‌وه
ــ مامۆستایانی قوتابخانە لە ژێر ستەمی ویلایەتی فەقیهدا
ــ سەلام ئیسماعیل پوور، چالاكی سیاسی لە وتووێژ لەگەڵ ڕۆژنامەی "كوردستان"دا: ئەو دیوارەی كە چەندین سەدە كرماشانی
گەمارۆ دابوو، داڕووخاوە
ــ گەمە بە کارتی داگیرکەران، ئاکامەکەی دۆرانە