کوردستان میدیا

ماڵپەڕی ناوەندیی حیزبی دێموکراتی کوردستانی ئێران

ناوه‌نده‌ حکوومه‌تییه‌کانی رێژیمی ئێران له‌ دانی ئاماری دروستی حه‌شیمه‌تی کوردستان خۆ ده‌بوێرن

15:22 - 29 پووشپەڕ 2712

کوردستان میدیا: به‌پێی وته‌ی کارمه‌ندێکی ئیداره‌ی بواری که‌سیه‌تیی شاری مه‌هاباد، رێژیمی ئێران ئاماری دانیشتوانی ناوچه‌کانی کوردستان ئاشکرا ناکات.


به‌پێی هه‌واڵی گه‌یشتوو به‌ ماڵپه‌ڕی کوردستان میدیا، چه‌ند ئورگان و ئیداره‌ی وه‌کوو ئیداره‌ی وه‌رزش و لاوان و ناوه‌ندی بێهداشت و چه‌ند ناوه‌ندێکی دیکه‌ له‌ شاری مه‌هاباد، داوای سه‌رژمێری فه‌رمیی رێژه‌ی دانیشتوانی ئه‌و ناوچه‌یه‌یان کردووه، به‌ڵام ئیداره‌ی تۆمار کردنی باری که‌سیه‌تی (ثبت احوال) له‌ ترسی ناوه‌نده‌ ئه‌منیه‌تی و نیزامییه‌کانی رێژیم، ناوێرێت ئه‌و ئاماره‌ راده‌ست‌ بکات.
به‌ر‌پرسێکی ئیداره‌ی تۆمار کردنی باری که‌سیه‌تیی شاری مه‌هاباد که‌ نه‌یویستووه‌ ناوی ئاشکرا بکرێ، گوتوویه‌تی: رێکخراوه‌ ئه‌منیه‌تی و نیزامییه‌کانی رێژیمی ئێران، ئیزن ناده‌ن رێژه‌ی دانیشتوانی ناوچه‌کانی کوردستان به‌ شێوه‌ی فه‌رمی ئاشکرا بکرێت.