• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٠ی فێڤریەی ٢٠١٨ی زایینی - ٠١ی رەشەمەی ١٣٩٦ی هەتاوی  

هیجری: هیچ وڵاتێک بۆی نیە لەبەرانبەر ئیرادەی گەلانی ئێران بۆ گۆڕانی رێژیمی ئیسلامی راوەستێت

زایینی: ١٦-٠٦-٢٠١٥ - هەتاوی: ١٣٩٤/٠٣/٢٦ - ١٩:٥٥ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
هیجری: هیچ وڵاتێک بۆی نیە لەبەرانبەر ئیرادەی گەلانی ئێران بۆ گۆڕانی رێژیمی ئیسلامی راوەستێت
کوردستان میدیا: مستەفا هیجری، سکرتێری گشتیی حیزبی دیموکراتی کوردستانی ئێران لە درێژەی چاوپێکەوتنەکانی خۆی لەگەڵ ئەندام کۆنگرە و سێناتۆرە ئامریکاییەکان، لەگەڵ کۆنگرێسمەن رەندی وێبێر دانیشتنێکی پێک هێنا.

بەپێی راپۆرتی ماڵپەڕی کوردستان میدیا، رۆژی دووشەممە ٢٥ی جۆزەردانی ساڵی ١٣٩٤ی هەتاوی، مستەفا هیجری سکرتێری گشتیی حیزبی دیموکراتی کوردستانی ئێران لەلایەن ئەندام کۆنگرە "رەندی وێبێر" پێشوازی لێ کرا.

لە سەرەتای ئەم دانیشتنەدا، مستەفا هیجری باسێکی کورتی لە‌بارەی مێژووی خەباتی حیزبی دێموکرات و گەلی کورد لە کوردستانی ئێران پێشکەش کرد.

سکرتێری گشتیی حیزبی دێموکراتی کوردستانی ئێران لە دانیشتن لەگەڵ رەندی وێبێر ئاماژەی بەوەدا: "گەلی کورد و حیزبی دیموکرات لە مێژووی خۆیاندا قوربانیی زۆریان لە رێگای رزگاری کوردستان و گەییشتن بە مافەکانیان داوە.

هیجری هەروەها رایگەیاند کە گەلی کورد ئەگەرچی ئێستا لە ئاکامی سەرکوت‌کران دا دەنگی کپ کراوە بەڵام ئەمە بەو مانایە نیە کە تەسلیم بووە، بەڵکوو لە هەر کاتێک لە هەر هەلێک بۆ ئەوەی دەنگی نارەزایەتی خۆی بەرز بکاتەوە، کەڵک وەردەگرێت.

سکرتێری گشتیی حیزبی دێموکرات لە درێژەی قسەکانی‌دا لە دانیشتن لەگەڵ وێبێر، گەورەترین کێشەی ئەمڕۆی رۆژئاوای بۆ هەڵسوکەوت لەگەڵ رێژیمی ئێران، تێنەگەیشتن لەو رێژیمە وەسف کرد و وتی: "ئەوەی کە سێ دەیەیە ئێوە بە هیوان ئێران هەڵسوکەوتی بگۆڕێت و ئەو هەر نایگۆڕێت پیشاندەری ئەوەیە کە تێگەیشتنی دنیای رۆژئاوا لە ئێران تێگەیشتنێکی هەڵەیە".

هیجری لەبارەی گۆڕینی هەڵسوکەوتی رێژیمی ئێران، پێی لەسەر ئەوە داگرت کە گۆڕینی هەڵسوکەوت لە دژایەتی لەگەڵ بنەماکانی رێژیمی ئیسلامییە و بەهیچ شێوەیەک روو نادات.

مستەفا هیجری لە درێژەدا پێداگری کردووە کە نەتەوەکانی ئێران خوازیاری گۆڕانی ئەو رێژیمی ئیسلامین و نە ئەمریکا و نە هیچ وڵاتێکی نیە بۆی نیە لە بەرامبەر ئەو ئیرادەیە راوەستێت.

سکرتێری گشتیی حیزبی دێموکرات هەروەها وتی: بەهۆی ئەوەی که پێکهێنانی ئێرانێکی دیموکراتیک و فیدێراڵ لە بەرژەوەندیی هەموو لایەکە، گۆڕانی رژێمی ئیسلامی و گەیشتن بە دیموکراسی پێویستی بە یارمەتیی کۆمەڵگای جیهانی هەیە.

هیجری لە درێژەی قسەکانیدا وتی کە ئێران خەریکە دەستێوەردانی خۆی لە ناوچەکە زیاد دەکات و ئەمەش بۆ سەر حیزبی دیموکراتی کوردستانی ئێران و هەروەها وڵاتانی رۆژائاوا و هاوپەیمانیان لە ناوچەکە مەترسیەکی گەورەیە.

مستەفا هیجری هەروەها لە دێژەی باسەکانیدا وتی: رێژیمی ئیسلامی ١٥ ساڵە بۆ مانەوە و گارانتیی بوونی خۆی و زاڵ‌بوون بەسەر دنیای ئیسلامدا لە هەوڵی دروست‌کردنی چەکی ناوەکییە.

هیجری لە درێژەدا پێی لەسەر ئەوە داگرت کە رۆژئاوا پێی وایە بە دانانی هەندێک بەربەست و سنوور بۆ سەر رێژیمی ئێران دەتوانێت ئەو رێژیمە لە چەکی ناوەکی دوور بخەنەوە، بەڵام راستییەکەی ئەوەیە کە ئەو رێژیمە نیشانی داوە چەندین جار ئەو بەربەستانەی لە دووتۆی کۆمەڵێک رێکەوتننامەدا پەسند کردووە، کەچی لە یەکەمین کات‌دا کە توانیویەتی بەو رێکەوتنانە پێبەند نەماوە هیچ یەک لە بەڵێنییەکانی لەبەر چاو نەگرتووە.

لەو دانیشتنەدا، رەندی وێبێر ئەندام کۆنگرەی ئامریکا وێڕای بەخێرهاتنی مستەفا هیجری، سکرتێری گشتیی حیزبی دێموکرات باسی لەوە کرد کە لەگەڵ بەشێکی زۆر لە وتە و لێکدانەوەکانی هیجری هاوڕایە.

وێبێر هەروەها رایگەیاند کە چۆنیەتی هەڵسوکەوت لەگەڵ ئێران یەکێک لە جیددی‌ترین نیگەرانیەکانی ئامریکا هەژمار دەکرێت.

لە کۆتایی ئەم دانیشتنەدا، وێبێر پێداگری کرد کە پێویستە بە گەلانی ئێران یارمەتی بدرێت کە بتوانن بۆ داهاتووی خۆیان تێبکۆشن.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.