کوردستان میدیا

ماڵپەڕی ناوەندیی حیزبی دێموکراتی کوردستانی ئێران

سوید/ به‌شداریی شاندی حیزبی دێموکرات له‌پرسه‌و سەرەخۆشیی ئه‌حمه‌د قازی

18:21 - 1 پووشپەڕ 2715

کوردستان میدیا: شاندێکی حیزبی دێموکراتی کوردستانی ئێران لە پرسە و سەرەخۆشیی ئەحمەد قازی لە وڵاتی سوید بەشداری کرد.

بەپێی راپۆرتی ماڵپەڕی کوردستان میدیا، رۆژی شەممە رێكه‌وتی ٣٠ی جۆزەردانی ١٣٩٤ی هەتاوی، كۆرێكی یادکردنەوە بۆ مامۆستا ئه‌حمه‌ی قازی نووسه‌ر، وەرگێر، رۆژنامه‌وان و کەسایەتیی به‌ناوبانگی رۆژهه‌ڵاتی كوردستان له‌لایەن بنه‌ماڵه‌ی قازی لە وڵاتی سوید به‌رێوه‌چوو.

لەو کۆڕیادەدا شاندێکی کۆمیتەی حیزبی دێموكراتی كوردستانی ئێران ــ ستۆکهۆلم بۆ رێزلێنان له‌خه‌بات و تێكۆشانی ئه‌م ئه‌دیب و تێكۆشه‌ره‌ی گەلەکەمان به‌شداری كردبوو.

لەو پێوەندییەدا عەلی ئاسوەند بۆ رێزگرتن له‌خه‌بات و تێكۆشانی ئه‌م کەسایەتییە‌به‌رزه‌ی كورد، په‌یامی پرسه‌و سه‌ره‌خۆشیی کۆمیتەی ستۆکهۆلمی حیزبی دێموکراتی ئاراستەی‌بنه‌ماڵه‌ی ئەحمەد قازی کرد.

لەو رێوڕەسمەدا، پەیامی لایەنە سیاسی و کەسایەتییەکان خوێندرانەوە و هەروەها بنەماڵەی قازی چەند وتاری دیکەیان پێشکەش کرد.