• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٥ی فێڤریەی ٢٠١٨ی زایینی - ٠٦ی رەشەمەی ١٣٩٦ی هەتاوی  

هیجری: هیچ حیزبێک بۆی نیە خۆی بەسەر کۆمەڵگای کوردستاندا بسەپێنێت

زایینی: ٢٣-٠٦-٢٠١٥ - هەتاوی: ١٣٩٤/٠٤/٠٢ - ١٣:٤٣ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
هیجری: هیچ حیزبێک بۆی نیە خۆی بەسەر کۆمەڵگای کوردستاندا بسەپێنێت
کوردستان میدیا: مستەفا هیجری، سکرتێری گشتیی حیزبی دێموکرات لە سێمینارێکی سیاسی لە کۆڵندا کۆمەڵیک باس و بابەتی پێوەندیدار بە ناوچەی رۆژهەڵاتی ناڤین بە گشتی و گەلی کورد بە تایبەتی خستە بەر باس و شیکارییەکی وردی لەسەر رووداوە سیاسییەکانی پێوەندیدار بە حیزبی دێموکرات و خەباتی گەلی کورد لە کوردستانی ئێران پێشکەش کرد.

بەپێی راپۆرتی ماڵپەڕی کوردستان میدیا، رۆژی یەکشەممە ٣١ی جۆزەردانی ساڵی ١٣٩٤ی هەتاوی، کۆڕێکی سیاسی بۆ "مستەفا هیجری" سکرتێری گشتیی حیزبی دێموکراتی کوردستانی ئێران، بە بەشداری ژمارەیەکی بەرچاو لە نوێنەرانی حیزب و رێکخراوە سیاسییەکانی هەرچوار پارچەی کوردستان، چەندین نووسەر و رووناکبیری کورد، کەسایەتیی سیاسی سەربەخۆ و کوردانی دانیشتووی کۆڵن و ژمارەیەک لە ئەندامانی حیزب لەو شارە بەرێوەچوو.

سێمینارەکە، بە سروودی نەتەوایەتیی "ئەی رەقیب" و راگرتنی خولەکێک بێدەنگی بۆ رێزلێنان لە گیانی پاکی سەرجەم شەهیدانی رێگای رزگاریی کوردستان، دەستی پێکرد.

پاشان، مستەفا هیجری چەند وتەیەکی پیشکەش کرد و لە دەستپێکی قسەکانیدا، مەبەست لە دوایین سەفەری بۆ دەرەوەی وڵات و بەتایبەت وڵاتانی ئاڵمان و ویلایەتە یەکگرتووەکانی ئامریکای روون کردەوە.

مستەفا هیجری وتی: "یەکێک لەو شتانەی کە لەگەڵ وڵاتانی دەرەوە و بەتایبەت وڵاتانی ١+٥ باسمان لێوە کردووە، پرسی رێکەوتنی ناوەکی نێوان ئێران و ئەو وڵاتانە و کاریگەریی ئەو رێکەوتنە لەسەر گەلانی ئێران بووە. 

هیجری لە درێژەدا ئاماژەی بەوەدا کە ئێمە وەک لایەنی کورد پێمان ‌وایە کە ئەو رێکەوتنە کاریگەریی زۆری لەسەر گەلانی ئێران دەبێت و ئێمەش بە پێویستمان زانی لەو بارەوە بە روونی را و بۆچوونی خۆمان وەک لایەنی کوردی لەگەڵ لایەنە بڕیاردەرەکان بێنینە بەر باس. 

سکرتێری گشتیی حیزبی دێموکرات لەو سێمینارە سیاسیەدا خەجت دەکاتەوە: رێکەوتنی رۆژئاوا لەگەڵ رێژیمی ئێران لەسەر مەسەلەی پیتاندنی ئورانیۆم، کاریگەرییەکی نێگاتیڤی زۆری لە پێوەندی لەگەل سیاسەتی رێژیمی ئیسلامیی ئێران لە ناوچەدا هەیە. 

هیجری کاریگەرییە نێگاتیڤەکانی رێکەوتنی ناوەکی لەسەر دۆخی ناوچەی رۆژهەڵاتی ناڤین بەو شێوەیە باس دەکات: رێژیمی ئیسلامیی ئێران بە هۆی گەمارۆ ئابوورییەکان کە لە دژی ئەو رێژیمە پەسەند کراون، ئابوورییەکەی تووشی بارودۆخێکی زۆر نالەبار بووە و ئەو رێژیمەی ناچار کردووە کە ئەو گەمارۆیانە لەسەر خۆی لابەرێت و سەر و سامان بە بارودۆخی ئابووریی خۆی بدات کە دەبێ ئەو مەرجانەی کە رۆژئاوا بۆی داناوە، قبووڵیان بکات و لە روانگەی ئێمەشەوە قبووڵیان دەکات چونکە هیچ رێگایەکی دیکەی نییە. 

ناوبراو دە درێژەدا دەڵێت: دیارە ئەو ئابوورییە ئەوە نییە کە بتوانێ ژیان و گوزەرانی خەڵکی ئێران دابین بکات بەڵکوو ئەو ئابوورییەی کە شەڕی رێژیمی سووریە بە سەرۆکایەتی بەشار ئەسەد درێژە پێ بدات، شەڕێک کە لە یەمەن بەردەوامە ، دەبێ بودجەکەی لەلایەن ئێرانەوە دابین بکرێ، حیزبوڵای لوبنان وەکوو رێژیمێکی سێبەری ئێران بۆ ئەوەی بتوانێ درێژە بە ئاژاوە بدات، دەبێ بودجەکەی دابین بکرێ.

مستەفا هیجری هەروەها بە پێداگری لەسەر ئەوەی کە لە عێراق گرووپی تیرۆریستی داعش بەشێکی زۆری پێداویستییەکانی لەلایەن ئێرانەوە دابین دەکرێ دەڵێت: کەوابوو بۆ رێژیمی ئیسلامیی ئێران زۆر گرینگە کە لەگەڵ رۆژئاوا بسازێت و بەگشتی بۆ ئێمە وەک لایەنی کوردی گرینگ بوو کە بۆ رۆژئاواییەکان را و بۆچوونی خۆمان وەک گەلی کورد لەگەڵیان لە پێوەندی بە رێکەوتنی وڵاتانی ٥+١ لەگەڵ ئێران و لەسەر پرسی ناوەکی و کاریگەرییەکانی لەسەر گەلانی ئێران و بە تایبەت گەلی کورد بێنینە گۆڕێ.

مستەفا هیجری لە بەشێکی دیکەی قسەکانیدا پڕژایە سەر دەستێوەردانەکانی رێژیمی ئیسلامیی ئێران لە ناوچە و سیاسەتی تێکدەرانەی ئەو رێژیمە و ئامانجی رێژیم لەو جۆرە سیاسەت کردنە و لەو بارەوە ئاماژەی بە هاوکاری کردنی داعش لەلایەن رێژیمی ئیسلامیی ئێرانەوە کرد و وتی:"رێژیمی ئیسلامیی ئێران کە بە شوێن دروستکردنی ئیمپراتۆریی شیعە لە خۆرهەڵاتی ناوەڕاستدایە و بە تایبەت لەو وڵاتانەی کە هیلالی شیعەیان پێک هێناوە و بە قەوڵی خۆی بتوانێ بەو هێزە لە بەرانبەر دوژمنی وەهمی خۆی دا رابوستێت.

سکرتێری گشتی حیزبی دێموکرات لە درێژەدا رایگەیاند: کەوایە هەموو وڵاتانی موسڵمانی سوننی لە مەنتقەدا و هەروەها خۆرئاوا و بە تایبەت ئامریکا دوژمنی ئێرانن، کە وابوو دەبێ هیلالێک بە دەوری خۆیدا بۆ ئەوەی مەحفووز بمێنێ، دروست بکات. بۆ ئەوەش پێکهێنانی شەڕ و ئاژاوە و قووڵترکردنەوەیانە و هەر ئەوەشە کە رێژیمی ئیسلامی نە تەنیا دوژمنی داعش نییە، بگرە هاوکاریشی دەکات و یەکێکە لەو لایەنانەی داعش بەهێز دەکات.

بەشی کۆتایی و سەرەکیی قسەکانی مستەفا هیجری، بۆ خەباتی گەلی کورد و هاوکاری و پێوەندی نێوان پارت و رێکخراوە کوردییەکان تەرخان کرابوو.

مستەفا هیجری لەو پێوەندییەدا وتی: "هەرچەند گەلی کورد لە مێژە خەبات دەکات و توانیویەتی کۆمەڵێک دەستکەوتی گەورە بەدەست بێنێ، بەو حاڵەش بەداخەوە لە ناو خۆیدا نەیتوانیوە دۆست و دوژمن بە باشی لێک جیاکاتەوە، جاری وابووە هێندێک لایەن بە چاوی دۆستەوە لە دوژمنیان روانیوە و بە چاوی دوژمنیشەوە لە حیزبێکی خەباتکاری کوردییان روانیوە، ئەمەش رەوتی خەباتی گەلی کوردی تووشی هەوراز و نشێوی زۆر کردووە.

هیجری بەم شێوەیە درێژەی دا: دوژمن بەباشی توانیویەتی کەڵک لەم جۆرە سیاسەت کردنەی حیزبەکان وەربگرێ و گەلی کوردیش خەساری بەرکەوتووە. تەنانەت لە سەردانەکانمان بۆ وڵاتانی دەرەوە و هێنانەگۆڕی یارمەتی‌دانیان بە گەلی کورد، ئەوان بە روونی پێمان دەلێن کە یارمەتیتان دەدەین بەڵام ئەوەشمان لێ دەپرسن کە ئایا ئێمە خۆمان ئەو ئامادەگییەمان هەیە کە بتوانین کەڵک لەو یارمەتیانە وەرگرین و ئایا ئێمە توانیومانە نێوماڵی خۆمان رێک بخەین؟".

هیجری لە بەشێکی دیکەی قسەکانیدا باسی لەوە کرد کە ئەگەرچی حیزبی دێموکراتی کوردستانی ئێران ٧٠ ساڵە خەبات دەکات و لە ماوەی ئەو ٧٠ ساڵەشدا زۆری فیداکاری نواندووە و خاوەنی هەزاران شەهیدە، بەڵام ئەوە بەو مانایە نییە کە بە تەنیا حیزبی دێموکرات مافی ئەوەی هەبێ کە بڕیاردەری سەرەکی لە کوردستان بێ، ئەوە بۆ حیزبەکانی دیکەش هەروایە. 

سکرتێری گشتیی حیزبی دێموکرات لە درێژەدا پێی لەسەر ئەوە دانا: حیزبێک کە خاوەنی هێزێکی زیاترە بە نیسبەت حیزبەکانیترەوە، ئەوە نابێ ببێتە ئەوەی کە هەوڵی سڕینەوەی لایەنەکانی دیکە بدات و خۆ بە سەر کۆمەڵگای کوردی دا بسەپێنێت.

مستەفا هیجری لەسەر پرسی رەوانە کردنی پێشمەرگەکانی حیزبی دێموکرات بۆ سنوورەکانی رۆژهەڵاتی کوردستان و هۆکارەکانی وتی: "حیزبی دێموکراتی کوردستانی ئێران بە هەستکردن بە بەرپرسیارەتی و بە تێگەیشتن لەوەی کە هەر پارچەیەکی کوردستان ئەگەر بە شێوازێکی دێموکراتیک وڵاتی خۆی بەرێوەبەرێ، بێ گومان ئەوە لەسەر پارچەکانی دیکەی کوردستان کاریگەری ئەرێنی دادەنێت و هەر ئەوەش وای کرد کە ئێمە رەچاوی باشووری کوردستان بکەین و نزیک بە بیست ساڵ لە پێناو پاراستنی بەرژەوەندییەکانی حکوومەتی هەرێم واز لە هێندێک لە چالاکییەکانمان بێنین، بەڵام دەبێ ئەوەش بزانین کە هاوکاری کردن دەبێ دوولایەنە بێ، ئەوە ناڕەوایە کە پێمان وابێ لایەنێک هەردەبێ ببەخشێ و لایەنێکی دیکە بە تەنیا ماف وەرگرێت.

هیجری لە کۆتاییدا ئاماژە بەوە دەدات: لە لایەکی دیکەشەوە ڕەوتی گۆڕانکارییەکان بەخێرایی روودەدەن و ئەوەش ئەرکمان دەخاتە سەر شان کە پێویستە ئامادەگی ئەوەمان هەبێ کە لە ئەگەری هەرجۆرە گۆرانکارییەک بتوانین کەڵک لە وزە و هێزی خۆمان وەربگرین.

بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.